MATTHEW 16
16
Gruwŭn Pingandai-Nginga
(Mrk 8.11-13; Luk 12.54-56)
1 #
Mat 12.38; Luk 11.16 Kada daya Pharisee ngga daya Sadducee adi mandŭg tudu Jesus amai an kudog Ayŭh, mite Ayŭh ndai pingandai-nginga, ngga kiren sawŭ ngga dŭh Ayŭh mandŭg so Tapa. 2Pak Jesus nam, [“Kan batŭh andu mūn, angān nang, ‘Re mandis andu sipagi, amai rangit agi bireh.’ 3Ka awar isan isan angān nang, ‘Re ujen andu, amai rangit agi bireh buang kruman.’ Angān pandai ninjau re ujen kah dŭh andu kan angān tingga rangit, pak angān dŭh pandai jiroh rati kayuh adi aŭn jadi di tika ati!]#16.3 Agi kada rapi-surat dŭh biyŭn pinganang Jesus di ayat 2 ngga 3. 4#Mat 12.39; Luk 11.29 Mbŭh raru arap buang dŭh stabi di Tapa inŭh daya di jaman ati! Angān mite Aku ndai pingandai-nginga? Dŭh bisa! Kaŭs pingandai-nginga Jonah adŭ re dog nggen di angān.”
Rasu-I bu so nŭ tingge ngara.
Ragi daya Pharisee ka daya Sadducee
(Mrk 8.14-21)
5Kan bara murid mutas ka pah mandi danu anŭ, ngara kambŭt taban ruti. 6#Luk 12.1 Jesus nang di ngara, “Ingat nŭh; nakit jaga adŭp ngan so ragi daya Pharisee ka daya Sadducee.”
7Ngara rasu minyu dupan adŭp-i, “Ayŭh nang sakanŭ sabab ata dŭh taban ruti.”
8Jesus puan kayuh adi ngara nang, jadi Ayŭh siken, “Mani angān kirakar dupan adŭp ngan pasar dŭh biyŭn ruti? Angān paŭh kurang sabah di Aku! 9#Mat 14.17-21 Gibabŭ kah angān dŭh mirati? Dŭh kah angān ingat Aku mire rimŭh baru ruti yŭn rimŭh ribu naan daya? Kudu bakur angān ngisi ngga rapuh rapuh tadŭh pinguman? 10#Mat 15.34-38 Ka munki ngga ju baru ruti yŭn pat ribu naan daya? Kudu bakur angān ngisi? 11Mani angān dŭh mirati Aku dŭh minyu ngga angān pasar ruti? Jaga adŭp ngan so ragi daya Pharisee ka daya Sadducee!”
12Ka-i meh, ngara mirati Jesus dŭh bakan ngara da jaga adŭp so ragi adi ngga ndai ruti pak so ajar daya Pharisee ngga ajar daya Sadducee.
Peter Ngaku Jesus Sawŭ Kristus
(Mrk 8.27-30; Luk 9.18-21)
13Jesus di ka tarun tana sindŭk kupo Caesarea Philippi, di yŭn-I siken bara murid-I, “Asi sŭn daya nang Anak Manusia?”
14 #
Mat 14.1-2; Mrk 6.14-15; Luk 9.7-8 “Agi kada daya nang John Pembaptisa,” ngara nam. “Adi bŭkŭn nang Elijah, darŭm adi bŭkŭn nang Jeremiah puan kah nabi adi bŭkŭn.”
15“Angān boh?” Ayŭh siken ngara. “Asi sŭn ngan nang Aku ati?”
16 #
Jhn 6.68-69
Simon Peter nam, “Kaam inŭh Kristus, Anak Tapa adi udip.”
17“Bituah inŭh kuu, Simon anak John!” Jesus nam. “Pinyidapŭd mu anŭ dŭh-i so adŭp mu, pak mbŭh adŭp Sama Ku adi di shorga nggen di kuu. 18Ngapŭi Aku kidaan di kuu, Peter: kuu inŭh batuh, ka di tunduh batuh pinagap-rasan ati Aku re pijog eklisia Ku, ka pinyikabŭs bina dŭh re tungang ngarah-i. 19#Mat 18.18; Jhn 20.23 Aku re nggen di kuu kusi Ong Bauh Tapa;#16.19 Ong Bauh Tapa; anŭ inŭh so tigŭrŭ bang piminyu: Pritah shorga. kayuh adi kuu nagah di ong re dog nagah di shorga, ka kayuh adi kuu nyibandar di ong re dog nyibandar di shorga.”
20Komŭnŭ Jesus pesan bara murid-I da dŭh kidaan di tadŭ tadŭ daya adŭp-I Kristus.
Jesus Minyu pasar Jera-birasa ngga Pinyikabŭs-I
(Mrk 8.31—9.1; Luk 9.22-27)
21So andu anŭ meh Jesus piguru kidaan ngga tarang di bara murid-I, “Aku dŭh siŭn dŭh di ka Jerusalem ka kinyam pinyusah bās so bara nyamba bangsa Jahudi, pingubak imam, ka bara gurū Ukum-adat Jahudi. Aku re dog ukum kabŭs, pak taruh andu ripas anŭ Aku re dog pakat udip bauh.”
22Peter tarik Ayŭh ka bŭngŭn ka nyara Ayŭh. “Tuhan, mite Tapa pijo kayuh anŭ so Kaam!” ayŭh nang. “Kayuh anŭ dŭh patut jadi di tunduh Kaam!”
23Jesus bigiring ka nang di Peter, “Bu so Aku, Shetan! Kuu ati baka di aran Ku, sabab pikir-kira mu anŭ dŭh-i mandŭg so Tapa, pak so tibiat manusia.”
24 #
Mat 10.38; Luk 14.27 Komŭnŭ Jesus nang di bara murid-I, “Kambŭi agi so angān an jadi pinunda Ku, ayŭh dŭh siŭn dŭh an ngarah adŭp-i, gŭrŭng rigang-i, ka tunda Aku. 25#Mat 10.39; Luk 17.33; Jhn 12.25 Amai kambŭi angān an nyiramat asŭng ngan, angān re kinanyap-i; pak kambŭi angān kinanyap asŭng ngan sitagar Aku, angān re dapŭd udip adi sawŭ adi tan adu adu. 26Re agi kah utung ngan kambŭi angān dapu ndi ong ong pak kinanyap udip adi sawŭ adi tan adu adu? Manŭn dŭh! Mating kayuh bisa ngan ngga nyambi udip adi sawŭ anŭ. 27#Mat 25.31; Maz 62.12; Rom 2.6 Amai Anak Manusia mbŭh re rikas mandŭg darŭm bragah Sama-I ngga bara Malaikat-I, ka-I re ngupah barang naan daya nanyam ka pingandai-i. 28Puan meh! Agi kada ngara digiti dŭh re kabŭs sibayuh ngara kiris Anak Manusia mandŭg nimun Raja.”
Currently Selected:
MATTHEW 16: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
