ISAIAH 3
3
Pito di Jerusalem
1Madin TUHAN Raja, adi TUHAN Bisa-pŭrŭg, re tambit sopŭrŭg kayuh samŭn daya adi dog harap daya di Jerusalem ngga di Judah. Ayŭh re tambit pinguman ngga piin ngara, 2bara pimagan ngara ngga bara soldadu, bara akim ngga bara nabi, bara adi pandai kidaan nasip ngga bara adi tukang pitayan, 3bara pingibās soldadu ngga bara nyamba bangsa, bara pinguru rayat ngga bara pinanung. 4TUHAN re bada daya dog mritah anak anak dari adi gibayuh tuuh pikir-i. 5Barang naan daya re kinanyuh dingan-i. Daya adi mara re dŭh stabi di bara nyamba, ka daya adi dŭh biguna re dŭh stabi di pingubak ngara.
6Tika-i re mandŭg kan bara so ndi manak re mien ndi naan so dupan adŭp ngara ka nang di ayŭh, “Mua gŭh kuu, biyŭn piraka; kieh mite kuu jadi pinguru ami di tika susah ati.”
7Pak ayŭh re nam, “Abah aku! Aku dŭh dapŭd turung angān. Aku dŭh gŭh biyŭn pinguman bait piraka. Dŭhnyah bada aku jadi pinguru ngan!”
8Sawŭ, Jerusalem mbŭh rabu! Judah mbŭh rubuh! Sopŭrŭg kayuh adi ngara ndai bait nang mbŭh rawan TUHAN; ngga dŭh biyŭn atin taru ngara ngamun Tapa. 9Pinganang ngara re dog adŭp ngara. Ngara ndai dosa ngga dŭh bisukan mun daya Sodom. Ngara mbŭh taban pinyirusag bada nyatŭk adŭp ngara.
10Daya tŭnggŭn re sanang#3.10 Kadŭ-i: Daya tŭnggŭn re sanang; Hebrew: Nang di daya tŭnggŭn. ka siramat. Ngara re dapŭd pimunos adŭp ngara ngga kayuh adi ngara dapŭd so turang udas adŭp ngara. 11Pak payah inŭh daya adi arap; kayuh adi ngara ndai di tunduh daya bŭkŭn re dog ndai di tunduh adŭp ngara.
12Daya adi tukang nggen duit yŭn nginjam kinanyuh daya Ku buang nipu ngara.
Daya ku, pinguru ngan bada angān kadŭg aran adi sarah, ndŭg ka angān mbŭh dŭh puan aki ndi patut angān kadŭg.
TUHAN Nggen Bisara di Daya-I
13TUHAN mbŭh sidia re nyarah ka nggen bisara di daya-I.#3.13 Kada pimindai adi jah: daya-I; Hebrew: bara daya. 14TUHAN taban bara nyamba ngga bara pinguru ngga di bisara. Ayŭh nang: “Angān mbŭh mirupak teya anggor, ka ramin ngan mbŭh puno ngga kayuh adi angān sirapas so daya sirata. 15Angān dŭh biyŭn hak pijera daya Ku ka kinanyuh daya adi sirata. Aku, adi TUHAN Raja, adi TUHAN Bisa-pŭrŭg, mbŭh minyu.”
Pinyibakan di bara Dayung Jerusalem
16TUHAN nang, “Tingga munki masam sambuh dayung Jerusalem! Ngara migaŭng buang panu. Ngara ari main batŭh, ka ngutai sakong-i, ka garang kaja-i prikareng jawŭn. 17Pak Aku re ngukum ngara; Aku re gumbak ubak ngara bada badu.”
18Andu-i re mandŭg kan TUHAN re tambit so bara dayung Jerusalem sopŭrŭg kayuh adi ngara ngangŭn: pimakai grua adi ngara pakai di kaja, di ubak, di tungo, 19ka di tangan. Ayŭh re tambit taŭb ngara 20ka sipiah ngara; uri karŭm adi ngara na di tangan ngara ngga di kupong ngara; 21sisin di trinju ngara ka di undung ngara; 22sopŭrŭg piraka ngara adi grua, jipo-ambu, gaon, jipo,ka kambut duit; 23piraka sinau ngara, pingutos tangan banang linen, taŭb, ka banang adi ambu adi ngara kideng di tungo ngara.
24Madin ngara pakai wangi, pak te ngara re buuh madam; abŭt kupong ngara adi duduh re dog gati ngga taris baga ka kasar; ubok ngara adi ramus re ruruh ndŭg ka ubak ngara badu; piraka grua ngara re dog gati ngga jamut; jawin ngara adi ramus re puno bada arit! 25Bara dari darŭm kupo, sawŭ, ndŭg ka adi siabo bake, re dog siŭ darŭm perang. 26Tiban-bās kupo re muās ka sien; kupo re jadi keya ka dayung guru di tana, sitabet.
Currently Selected:
ISAIAH 3: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
