EKLISIASTIS 9
9
1Aku bipikir pasar sopŭrŭg kayuh anŭ ngga sitŭrŭp-i ka puan nang Tapa nguasa pingandai daya bijak ngga daya tŭnggŭn, ndŭg ka atin rindu ngga atin tiru ngara. Mating daya puan tadŭ tadŭ kayuh adi re jadi. 2Mating bŭkŭn-i.#9.2 daya tŭnggŭn, ndŭg ka...bŭkŭn-i; puan kah: daya tŭnggŭn, pak mating daya puan bait-i so atin rindu puan kah so atin tiru. 2 Mating har-i ani ani kayuh adi re jadi. Ndi nasip anŭ mandŭg ka daya tŭnggŭn ngga daya ginaka, ka daya kana ngga daya arap,#9.2 Kada pimindai adi jah: ngga adi arap; Hebrew dŭh biyŭn pinganang sakati. ka ngara adi tŭtŭd di adat ngga ngara adi dŭh, ka ngara adi jugan sadis ngga ngara adi dŭh. Daya adi kana dŭh rabis bituah so daya adi bidosa; daya adi bipayu dŭh rabis bituah so daya adi abah bipayu. 3Sopŭrŭg nasip manusia samah, ka anŭ inŭh sarah mun sopŭrŭg kayuh adi bŭkŭn adi jadi di ong ati. Sitŭkŭd manusia udip, pikir-kira ngara puno ngga andam ka sangsara, ka gŭgŭh ngara kabŭs. 4Pak daya adi udip di ong daya adi udip biyŭn pingarap. Kasong adi udip kana dŭ so singah adi mbŭh kabŭs. 5Sawŭ, adi udip puan adŭp ngara re kabŭs, pak daya adi kabŭs dŭh puan ani ani. Ngara dŭh tia biyŭn upah; ngara mbŭh dog kambŭt. 6Atin rindu ngara, atin tiru ngara, pinyiraan ngara, sopŭrŭg-i kabŭs ngga ngara. Ngara dŭh tia sua ndai ani ani adi jadi di ong.
7Man adŭ pinguman ngan ka gaŭn; nok wain ngan ka pirami adŭp ngan. Dŭh Tapa nagah. 8Bada adŭp ngan pawŭn ka gaŭn. 9Bada pawŭn pimudip ngan ngga sawŭn ngan adi angān rindu, sitŭkŭd angān udip ngga pimudip adi dŭh biyŭn rati adi Tapa mbŭh nggen di angān di ong ati. Nyipawŭn adŭp ngan ngga barang andu, sabab kaŭs anŭ adŭ angān dapŭd so susah payah ngan. 10Ndai sopŭrŭg kraja ngan ngga siabo tungang ngan, sabab di ong daya adi mbŭh kabŭs re mating kraja, mating pikir-kira, mating pinyipuan, mating pinyibijak; kamanŭ angān re di.
11Agi dinge adi aku rada: daya adi tukang bikaduh dŭh re ari manang, ka daya adi pagan dŭh re ari manang darŭm biperang. Daya adi bijak dŭh re ari dapŭd pinguman, daya adi pitar dŭh re ari dapŭd kaya, ka daya adi pandai dŭh re ari dapŭd paad pangkat. Nasip arap jadi di barang naan daya. 12Angān dŭh puan sinde tung jangān tika mandŭg. Mun manuk adi tipia dog jarat, mun iken adi tipia dog jaring, ata dog nyatŭk kayuh adi arap di tika adi dŭh ata rada.
Pikir-kira pasar Pinyibijak ngga Pinyibudo
13Agi adi bŭkŭn adi aku kiris, suto adi kana pasar ani pinyibijak sŭn daya di ong ati nang. 14Agi ndi anak kupo di yŭn daya dŭh bagŭ rŭŭ. Ndi naan raja adi bake nyerang-i. Ayŭh nyikapung-i ka sidia re nyirubuh sindung kupo anŭ. 15Agi ndi naan daya adi sirata rŭŭ di kupo anŭ, adi pitar ka dapŭd nyiramat kupo anŭ. Pak mating daya rada ayŭh.#9.15 pitar ka dapŭd nyiramat...ayŭh; puan kah: ayŭh nyiramat kupo anŭ. Pak ripas anŭ mating daya ingat ayŭh. 16Aku mbŭh ari nang pinyibijak kana dŭ so pinyibake, pak mating daya nyirundeng daya sirata bijak bait piduri kayuh adi ngara nang. 17Kana dŭ dingah pinganang duduh daya bijak so nŭŭh dingah sirais ndi naan pimritah di udung bara sibudo. 18Pinyibijak kana dŭ so sinyata, pak ndi naan daya bidosa bisa pirusak raru bagŭ kayuh kana.
Currently Selected:
EKLISIASTIS 9: TBVONT
Highlight
Copy
Compare
Share
Want to have your highlights saved across all your devices? Sign up or sign in
Hakcipta - Today's Biatah Version New Testament © The Bible Society of Malaysia, 2003.
