Genes 6
6
CHAB. VI.
1Mes, pa oe deuet an dud da greski var an douar, ha pa oe ganet merc’hed d’ezhe,
2mipien Doue, o velet e oa koant merc’hed an dud, a gemeraz gragez a-douez ar re holl a blije gwella d’ezhe.
3Hag an Aotrou a lavaraz: Va spered na joumo ket da virviken e brezel gant an den, rag n’ed eo nemed kig; he vuez ne bado ken nemed c’houec’h-ugent vloaz.
4Ar jeanted a oa var an douar en amzer-ze, hag ive divezatoc’h, pa zeuaz mipien Doue var-zu merc’hed an dud, ha pa ho doe roet bugale d’ezhe: an dud galloudus-se eo an dud ken brudet euz an amzeriou koz.
5Hag an Aotrou a velaz e oa braz fallagriez an den var ar douar; hag e oa troet var-zu an drouk an holl zonjou euz he galon.
6Hag an Aotrou hen doe keuz da veza great an den var an douar, hag e oe glac’haret holl en he galon.
7Hag an Aotrou a lavaraz: Distruja a rin divar an douar an den em euz crouet; distruja a rin pep tra, adaleg an den, beteg an anevaled-craou, beteg an amprevaned, beteg al lapoused euz an env; rag keuz em euz da veza great anezhe.
8Mes Noe a gavaz trugarez dirag daou-lagad an Aotrou.
9Setu aman lignez Noe: Noe a oe eun den eün ha leal e-touez an dud euz he amzer; Noe a gerze gant Doue.
10Ha Noe hen doe tri mab, Sem, Cham ha Japhet.
11Hogen ar bed-holl a oa saotret dirag Doue, ha leun a fallagriez.
12Ha Doue a zellaz ouz an douar, ha, setu ma oa deuet da veza brein; rag peb kig hen doa saotret he hent var an douar.
13Ha Doue a lavaraz da Noe: Setu merket ganen an diveza termen da bep kig; rag an douar a zo bet leuniet ganthe a fallentez; ha setu ma’z an d’ho distruja assambles gant an douar.
14Gra d’id eun arc’h gant koat gopher; ober a ri en arc’h lochennou, hag e c’holoi anezhi gant godron en diabarz hag en diaveaz.
15Ha setu aman penaos e ri anezhi: An arc’h he devezo tri c’hant ilinad a hed, hag hanter cant ilinad a lec’hed, ha tregont ilinad a huelded.
16Ober a ri varnezhi eur prenest hag hen devezo eun ilinad hep-ken ar pen huela anezhan; eun or a ri e costez an arc’h; ober a ri an arc’h gant tri estaj, an izela, an eil hag an trede.
17Ha me a zo o vond da zigas an dilug var an douar, evit distruja dindan an envou peb kig hag a zo buez enhan; kement tra a zo var an douar a berisso.
18Mes ganez-te e rin va allians; ha te a ielo ebarz an arc’h, te, da vibien, da c’hreg, ha gragez da vibien assambles ganez.
19Hag euz a gement hen deuz buez a-douez peb kig, e laki da vond ganez en arch daou euz, a bep espes evit m’ho dalc’hi e buez assambles ganez; par ha parez e vezint;
20euz al lapoused hervez ho wenn, hag euz an anevaled hervez ho wenn, euz a amprevaned an douar hervez ho wenn, daou euz a bep seurt, a zeuio d’az kavoud evit m’ho kendalc’hi e buez.
21Ha te, kemer euz a bep boued hag a zo mad da zibri, ha gra pourvision a-zialben, evit ma servicho kement-se da vagadurez d’id ha d’ez-he.
22Ha Noe a reaz kement-se; ober a reaz kement a oa bet gourc’hemenet dezhan gant Doue.
Currently Selected:
Genes 6: JEN1897
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1897 and reprinted in 1935.
