BBƐ 1
1
Efúúménénú yí Elilé ayɛ́ Bandɔ́mɛsɛ́ ŋaá bɛ́tánɛ́ná
1Tiofil, ɛ ŋa mɛ́ ɔ wɔɔ́ŋɔ́kɛ́na eémi e nufule nú buúse#1.1 Fanáka Luk 1.1-4. Nufule nú Buólí bɔ́ baacɔ bá ɛndɔ́ma áŋa ɔcɔba ne buúse ú nufule nɔ́ Ambányɛ yɛ́ Ɛsɔ́ma háyɛ Lúkas ŋɔ yɔɔ́ŋɔ́kɔ́. na bɛsana bikime ebí Yésus ŋa kɛ́láka, ne ebí u ŋe yeékúnyíki o otúme e nyitúme nyɛ́ búáyɛ́ buólí 2ɔ ɔkɔɔ́háma buɔ́sɛ́ abɔ́ *Bandɔ́mɛsɛ́ ŋeé wuúci béétísí ɔ Ɔmuaná. Ekúlú ayɛ́ u ŋaá bá wá yánáŋa ɔ ɔmɛsɛ́, u ŋaá táfáká *baacɔ bá ɛndɔ́ma, yó beébe eékúnyíki bɛsana abɛ́ bábɔ́ nyɛmána bá ɔkɛlaka. U ŋaá kɛ́láka aáná a makɛ́nda me *Efúúménénú yí Elilé. 3E elime ci muuyé amɔ́ ú ŋaá lɔ́kɔ́máká, u ŋé wé. Mbá u ŋa háányúá e biwéewé, yó bítóŋgínyi bɔmbányɛ bɔmbányɛ náábɔ́ a mɔɔ́sɛ́ etíne éfendí bikúlú biéŋí, anyía bébú ményi anyía wáŋa wɔɔ́sɔ ; u ŋeé beébe bíkétíkínyi bɛsana a bɛ́ ŋa lɛ́ca *Butéŋí bɔ́ Bandɔ́mɛsɛ́.
4Búmɔtɛ́ buɔ́sɛ́, u ŋaá bá weé nyíékínyi ne beébe, u ŋé beébe laána ɔsɛ : « Nɔtɛ hatɔ́na e *Yelúsalɛm, mbá núá tátáka ɛndána acɛ́ ciamɛ́ Síkíne ŋaá banɔ́ bɛ́tánɛ́ná, ciíci ɛ ŋa mɛ́ cáŋa ɔ banɔ́ láakɛna. 5Yááŋa anyía Sáaŋ ŋaá bá we yóotokine bu ootokine baacɔ ne menyífé, mbá banɔ́ Bandɔ́mɛsɛ́ káá banɔ́ óótokine ne Efúúménénú yí Elilé a tuɔ́sɛ́ɔ́sɛ́ a tɔ́ ŋá fáakɔna. »
Bandɔ́mɛsɛ́ me béétísi Yésus ɔ Ɔmuaná
6Ekúlú ayɛ́ baacɔ bá ɛndɔ́ma ŋa bɔ́ bɛ́bándákána ne *Yésus, bé ŋe bú wuúci batá báyɛ : « Otéŋí a Waáŋá, mbá hí aámbáya aámbáya o ŋoó télímítúkúnyi Butéŋí bú Islayɛ́l e ? » 7Yésus ɔsɛ : « Bu tɛ ŋá banɔ́ lɛ́ca anyía nuénu ményi bikúlú ta anyía onjéŋí, anyía bɛsana eébí ciamɛ́ Síkíne bímuócí ú ŋeé biíbi télímíkínyí aá maayɛ́ makɛ́nda ma bɛ́muátá. 8Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. » 9Ekúlú ayɛ́ u ŋa máná ɔtáŋa oócí, Bandɔ́mɛsɛ́ nyi wuúci béétísi eényí ɔ Ɔmuaná, bé wuúci lɛcaka u báátáka ; bɛlɔndɔ́ ŋé wuúci bíhúéne, bá tɛ háná wuúci lɛca. 10Ekúlú ayɛ́ bá ŋa bɔ́ bá batálánɔ́ eése ɔ Ɔmuaná, haála ehé Yésus ŋaá bá wá báátáka, bé ŋe síke ébú bítéme ɛ́cɛ baacɔ béfendí meé beébe tálɛ́mɛ́nɛ́na hú huasɛ eé buúse. Bá ŋa bɔ́ bá balaŋábákánɔ́ bɛlaŋa e bifúlúndúndúé, 11mbá báyɛ : « Banɔ́ baacɔ bá *Kalilé eebe, anyíatɛ́ nú ma nɔ́ yáánákɛ́na ɔ ɔlɛca ɔmuaná e ? Yésus ooci awɔ́ Bandɔ́mɛsɛ́ me wuúci béétísi ɔ Ɔmuaná, nu wuúci lɛcaka wá báátáka, wuúci u ká háná ka hálɔmɔna híáná háyɛ núánɔ́ lɛ́caka wá báátáka. »
Matias me hiíte nyiíse nyí buólí enyí Yútas ŋaá nyɛána
12Bá ŋa bɔ́ hálɔ́mɔ́kɔ́ná e Yelúsalɛm ɛ́cɛ bá ma bɔ́ hátɔna a nɔkɔndɔ anɔ́ bá ŋaá bá bɔ́ lɔ́ŋɔ́kɔ báyɛ nɔkɔndɔ nú Molifié ; núáŋa hoóhi ne Yelúsalɛm, ɔkanda áŋa wú ɔháma kilomɛ́ta ɛ́mɔtɛ́. 13Ahɛ́ bá ŋga bɔ́ hálɔ́mɔ́ná eé Yelúsalɛm, bá ŋa bɔ́ báátáká e ekéti yɛ́ ɔnɔŋɔ ú ciíbe,#1.13 Baacɔ bá ɛndɔ́ma ŋa bɔ́ bá limekine hɔ́á ; meébe mekime i iisí ci Islayɛ́l ŋaá bámɔ́kɔ́na mafalɛ́fákánɔ́ aáná. haála ahá bá ŋa bɔ́ bá bébú límekine. Bá ŋa bɔ́ bá anyía ne Bíel na Sáaŋ, na Sáak na Andɛlɛ́, ɔláta ne Fílib na Tɔ́mas, na Baatelemí na Matío ɔ ɔkɔɔ́láta na Sáak ɔɔ́nɔ́ u Alafɛ, ne Símon awɔ́ bɔ́ ŋɔɔ́ lɔ́ŋɔ anyía Muléne ɔkátɔ́na bunɔŋɔ bú Islayɛ́l, ne Súute ɔɔ́nɔ́ u Sáak. 14Bá ŋa bɔ́ bá bábɔ́ bɛ́bándákána bikúlú biéŋí, beébe bekime ɔtɛ́má ɔ́mɔtɛ́ ɔ ɔbɛ́cɔ́kɔ́lɛ́na Bandɔ́mɛsɛ́ ɔlɔŋɔ ne beénjú, na Malíi iinyí cí Yésus ne benyíinyí bé Yésus.
15Buɔ́sɛ́ a búmɔtɛ́ ebú belumitinine ŋa bɔ́ bá babɛ́bándákánɔ́ hoóhi etíne étíndétú, Bíel ŋaá tálɛ́mɛ́ná aabɔ́ ɛ ɛkatɛ́katɛ́, ɔsɛ : 16« Báámɛ benyíinyí é, Ciɔɔ́ŋɛ́ cɛ́ Bandɔ́mɛsɛ́ ŋá nyɛmána cí obínyíóyísíkínyi ; ciíci eécí *Efúúménénú yí Elilé ŋaá kɔ́ɔ́náka buáyá e nyuúté nyí Otéŋí *Táfit a asana ne Yútas, wuúci ú ŋeé tóŋgínyí bahatɛna Yésus ohónyí. 17U ŋaá bá e úúsú ɔlɔŋɔ, wuúci na nuafa a búásɔ́ buólí. 18(Ɔɔcɔ oócí ŋa kɛ́láka aabɛ́ yɛ́ asana, bé ŋé wuúci náma mɔɔnyɛ́ ; u ŋe meéme ɔɔ́ndɛ́na esíéné. E esíéné eéyé ú ŋga kúákɔ́na ne buúse, buŋime ŋɔ́ bɔɔlia, túáyɛ́ tɔɔna ŋá hámɔ́kɔ́na, u ŋé wé. 19Baacɔ bekime bé Yelúsalɛm ŋe bú ményí asana eéyé, ɛ́ɛhɛ́ bá ŋa bɔ́ lɔá esíéné eéyé e uúbú ɔtáŋa anyía “Akɛlɛtáma”, ɛ́cɛ “Esíéné yɛ́ ɛmbaka”.)
20Yááŋa yɔɔ́ŋɔ́kɔ́nɔ́ e nufule nú Maŋana anyía :
“Yááyɛ́ ahátátá ɔ́ lɔbɔ́ etémbí ;
ɔɔcɔ ti limíne hɔ́á.”#Maŋ 69.25
Yááŋa tɔ́na yɔɔ́ŋɔ́kɔ́nɔ́ anyía :
“Ɔɔcɔ u etémbí é hiíte búáyɛ́ buólí bú mukendisi belumitinine.”#Maŋ 109.8
21-22Yaátɛ́ asana, ɔɔcɔ á basɔ́ bɛ́láta a wáŋa wu ɔhákɛ́na ɛmbasɔ́ anyía Yésus ŋá háányúá e biwéewé. Waáta ɔɔcɔ ŋá nyɛmána wu ɔbá ɔmɔtɛ́ a baacɔ e bé ŋe bú kéndíkínyí na basɔ́ ekúlú ekime eyí Otéŋí a Waáŋá Yésus ŋeé líhéke na basɔ́, o otúme ekúlú ayɛ́ Sáaŋ Batis ŋeé wuúci ootíne, ɔ ɔkɔɔ́háma ekúlú ayɛ́ u ŋa hátɔ́na aasɔ́ ɛ ɛkatɛ́katɛ́, Bandɔ́mɛsɛ́ yó wuúci béétísi ɔ Ɔmuaná. »
23Ekúlú ayɛ́ bá ŋa bɔ́ lɔ́kɔ́máká ɔtáŋa ú Bíel oócí, bé ŋé bu télímínyi baacɔ béfendí : Na Yɔ́sɛb a wáŋa ne nyiínyi anyía Baasábas, bá háná wuúci lɔ́ŋɔ́kɔ anyía Yusítus, ne wuúci na Matias. 24Bá ŋá bɛ́cɔ́kɔ́lɔ́kɛ́na Bandɔ́mɛsɛ́ báyɛ : « Otéŋí a Waáŋá, kuɔŋɔ́ o ŋoó menyi ɛtɛ́má cɛ́ baacɔ bekime ; ɔ́ɔ basɔ́ tóŋínyi bɔmbányɛ aányɛ́ ɔ́ mɔɔ́ táfa e bífendí bɛ́ baacɔ eebe, 25anyía wéé hííte nyiíse nyí buólí nyɛ́ *ɔɔcɔ u ɛndɔ́ma anyɛ́ Yútas ŋaá nyɛána, yó ko híite nyiíse nyí buólí e nyí é wuúci nyɛmana. » 26Bá ŋa bɔ́ aáhákɛ́na ɔndɔŋɔ na cáábɔ́ eénye, ɔndɔŋɔ ŋá táfa Matias, nyi wuúci láta eényí ɔ ɔlɔŋɔ ú baacɔ bá ɛndɔ́ma bɔ́ɔ́hátá na ɔ́mɔtɛ́.
Currently Selected:
BBƐ 1: lem
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.
BBƐ 1
1
Efúúménénú yí Elilé ayɛ́ Bandɔ́mɛsɛ́ ŋaá bɛ́tánɛ́ná
1Tiofil, ɛ ŋa mɛ́ ɔ wɔɔ́ŋɔ́kɛ́na eémi e nufule nú buúse#1.1 Fanáka Luk 1.1-4. Nufule nú Buólí bɔ́ baacɔ bá ɛndɔ́ma áŋa ɔcɔba ne buúse ú nufule nɔ́ Ambányɛ yɛ́ Ɛsɔ́ma háyɛ Lúkas ŋɔ yɔɔ́ŋɔ́kɔ́. na bɛsana bikime ebí Yésus ŋa kɛ́láka, ne ebí u ŋe yeékúnyíki o otúme e nyitúme nyɛ́ búáyɛ́ buólí 2ɔ ɔkɔɔ́háma buɔ́sɛ́ abɔ́ *Bandɔ́mɛsɛ́ ŋeé wuúci béétísí ɔ Ɔmuaná. Ekúlú ayɛ́ u ŋaá bá wá yánáŋa ɔ ɔmɛsɛ́, u ŋaá táfáká *baacɔ bá ɛndɔ́ma, yó beébe eékúnyíki bɛsana abɛ́ bábɔ́ nyɛmána bá ɔkɛlaka. U ŋaá kɛ́láka aáná a makɛ́nda me *Efúúménénú yí Elilé. 3E elime ci muuyé amɔ́ ú ŋaá lɔ́kɔ́máká, u ŋé wé. Mbá u ŋa háányúá e biwéewé, yó bítóŋgínyi bɔmbányɛ bɔmbányɛ náábɔ́ a mɔɔ́sɛ́ etíne éfendí bikúlú biéŋí, anyía bébú ményi anyía wáŋa wɔɔ́sɔ ; u ŋeé beébe bíkétíkínyi bɛsana a bɛ́ ŋa lɛ́ca *Butéŋí bɔ́ Bandɔ́mɛsɛ́.
4Búmɔtɛ́ buɔ́sɛ́, u ŋaá bá weé nyíékínyi ne beébe, u ŋé beébe laána ɔsɛ : « Nɔtɛ hatɔ́na e *Yelúsalɛm, mbá núá tátáka ɛndána acɛ́ ciamɛ́ Síkíne ŋaá banɔ́ bɛ́tánɛ́ná, ciíci ɛ ŋa mɛ́ cáŋa ɔ banɔ́ láakɛna. 5Yááŋa anyía Sáaŋ ŋaá bá we yóotokine bu ootokine baacɔ ne menyífé, mbá banɔ́ Bandɔ́mɛsɛ́ káá banɔ́ óótokine ne Efúúménénú yí Elilé a tuɔ́sɛ́ɔ́sɛ́ a tɔ́ ŋá fáakɔna. »
Bandɔ́mɛsɛ́ me béétísi Yésus ɔ Ɔmuaná
6Ekúlú ayɛ́ baacɔ bá ɛndɔ́ma ŋa bɔ́ bɛ́bándákána ne *Yésus, bé ŋe bú wuúci batá báyɛ : « Otéŋí a Waáŋá, mbá hí aámbáya aámbáya o ŋoó télímítúkúnyi Butéŋí bú Islayɛ́l e ? » 7Yésus ɔsɛ : « Bu tɛ ŋá banɔ́ lɛ́ca anyía nuénu ményi bikúlú ta anyía onjéŋí, anyía bɛsana eébí ciamɛ́ Síkíne bímuócí ú ŋeé biíbi télímíkínyí aá maayɛ́ makɛ́nda ma bɛ́muátá. 8Asana ɔ́mɔtɛ́, Bandɔ́mɛsɛ́ káá banɔ́ iínjie makɛ́nda ekúlú eyí *Efúúménénú yí Elilé ké yóofine náánɔ́, nu ká nɔ́ bámɔ́kɔ́nɛ́na báámɛ bambasɔ́mbásɔ, núo bíkétíkínyi baacɔ bɛsana ebí nú ŋe nú menyi aámɛ a asana, o otúme e Yelúsalɛm, ɔ ɔháma i iisí ne ci *Yuté ikime na cɛ *Samalí, ɔ ɔkɔɔ́háma ɔ mɔnɔŋɔ mekime me nyióndi ma ɔmɛsɛ́ ooci. » 9Ekúlú ayɛ́ u ŋa máná ɔtáŋa oócí, Bandɔ́mɛsɛ́ nyi wuúci béétísi eényí ɔ Ɔmuaná, bé wuúci lɛcaka u báátáka ; bɛlɔndɔ́ ŋé wuúci bíhúéne, bá tɛ háná wuúci lɛca. 10Ekúlú ayɛ́ bá ŋa bɔ́ bá batálánɔ́ eése ɔ Ɔmuaná, haála ehé Yésus ŋaá bá wá báátáka, bé ŋe síke ébú bítéme ɛ́cɛ baacɔ béfendí meé beébe tálɛ́mɛ́nɛ́na hú huasɛ eé buúse. Bá ŋa bɔ́ bá balaŋábákánɔ́ bɛlaŋa e bifúlúndúndúé, 11mbá báyɛ : « Banɔ́ baacɔ bá *Kalilé eebe, anyíatɛ́ nú ma nɔ́ yáánákɛ́na ɔ ɔlɛca ɔmuaná e ? Yésus ooci awɔ́ Bandɔ́mɛsɛ́ me wuúci béétísi ɔ Ɔmuaná, nu wuúci lɛcaka wá báátáka, wuúci u ká háná ka hálɔmɔna híáná háyɛ núánɔ́ lɛ́caka wá báátáka. »
Matias me hiíte nyiíse nyí buólí enyí Yútas ŋaá nyɛána
12Bá ŋa bɔ́ hálɔ́mɔ́kɔ́ná e Yelúsalɛm ɛ́cɛ bá ma bɔ́ hátɔna a nɔkɔndɔ anɔ́ bá ŋaá bá bɔ́ lɔ́ŋɔ́kɔ báyɛ nɔkɔndɔ nú Molifié ; núáŋa hoóhi ne Yelúsalɛm, ɔkanda áŋa wú ɔháma kilomɛ́ta ɛ́mɔtɛ́. 13Ahɛ́ bá ŋga bɔ́ hálɔ́mɔ́ná eé Yelúsalɛm, bá ŋa bɔ́ báátáká e ekéti yɛ́ ɔnɔŋɔ ú ciíbe,#1.13 Baacɔ bá ɛndɔ́ma ŋa bɔ́ bá limekine hɔ́á ; meébe mekime i iisí ci Islayɛ́l ŋaá bámɔ́kɔ́na mafalɛ́fákánɔ́ aáná. haála ahá bá ŋa bɔ́ bá bébú límekine. Bá ŋa bɔ́ bá anyía ne Bíel na Sáaŋ, na Sáak na Andɛlɛ́, ɔláta ne Fílib na Tɔ́mas, na Baatelemí na Matío ɔ ɔkɔɔ́láta na Sáak ɔɔ́nɔ́ u Alafɛ, ne Símon awɔ́ bɔ́ ŋɔɔ́ lɔ́ŋɔ anyía Muléne ɔkátɔ́na bunɔŋɔ bú Islayɛ́l, ne Súute ɔɔ́nɔ́ u Sáak. 14Bá ŋa bɔ́ bá bábɔ́ bɛ́bándákána bikúlú biéŋí, beébe bekime ɔtɛ́má ɔ́mɔtɛ́ ɔ ɔbɛ́cɔ́kɔ́lɛ́na Bandɔ́mɛsɛ́ ɔlɔŋɔ ne beénjú, na Malíi iinyí cí Yésus ne benyíinyí bé Yésus.
15Buɔ́sɛ́ a búmɔtɛ́ ebú belumitinine ŋa bɔ́ bá babɛ́bándákánɔ́ hoóhi etíne étíndétú, Bíel ŋaá tálɛ́mɛ́ná aabɔ́ ɛ ɛkatɛ́katɛ́, ɔsɛ : 16« Báámɛ benyíinyí é, Ciɔɔ́ŋɛ́ cɛ́ Bandɔ́mɛsɛ́ ŋá nyɛmána cí obínyíóyísíkínyi ; ciíci eécí *Efúúménénú yí Elilé ŋaá kɔ́ɔ́náka buáyá e nyuúté nyí Otéŋí *Táfit a asana ne Yútas, wuúci ú ŋeé tóŋgínyí bahatɛna Yésus ohónyí. 17U ŋaá bá e úúsú ɔlɔŋɔ, wuúci na nuafa a búásɔ́ buólí. 18(Ɔɔcɔ oócí ŋa kɛ́láka aabɛ́ yɛ́ asana, bé ŋé wuúci náma mɔɔnyɛ́ ; u ŋe meéme ɔɔ́ndɛ́na esíéné. E esíéné eéyé ú ŋga kúákɔ́na ne buúse, buŋime ŋɔ́ bɔɔlia, túáyɛ́ tɔɔna ŋá hámɔ́kɔ́na, u ŋé wé. 19Baacɔ bekime bé Yelúsalɛm ŋe bú ményí asana eéyé, ɛ́ɛhɛ́ bá ŋa bɔ́ lɔá esíéné eéyé e uúbú ɔtáŋa anyía “Akɛlɛtáma”, ɛ́cɛ “Esíéné yɛ́ ɛmbaka”.)
20Yááŋa yɔɔ́ŋɔ́kɔ́nɔ́ e nufule nú Maŋana anyía :
“Yááyɛ́ ahátátá ɔ́ lɔbɔ́ etémbí ;
ɔɔcɔ ti limíne hɔ́á.”#Maŋ 69.25
Yááŋa tɔ́na yɔɔ́ŋɔ́kɔ́nɔ́ anyía :
“Ɔɔcɔ u etémbí é hiíte búáyɛ́ buólí bú mukendisi belumitinine.”#Maŋ 109.8
21-22Yaátɛ́ asana, ɔɔcɔ á basɔ́ bɛ́láta a wáŋa wu ɔhákɛ́na ɛmbasɔ́ anyía Yésus ŋá háányúá e biwéewé. Waáta ɔɔcɔ ŋá nyɛmána wu ɔbá ɔmɔtɛ́ a baacɔ e bé ŋe bú kéndíkínyí na basɔ́ ekúlú ekime eyí Otéŋí a Waáŋá Yésus ŋeé líhéke na basɔ́, o otúme ekúlú ayɛ́ Sáaŋ Batis ŋeé wuúci ootíne, ɔ ɔkɔɔ́háma ekúlú ayɛ́ u ŋa hátɔ́na aasɔ́ ɛ ɛkatɛ́katɛ́, Bandɔ́mɛsɛ́ yó wuúci béétísi ɔ Ɔmuaná. »
23Ekúlú ayɛ́ bá ŋa bɔ́ lɔ́kɔ́máká ɔtáŋa ú Bíel oócí, bé ŋé bu télímínyi baacɔ béfendí : Na Yɔ́sɛb a wáŋa ne nyiínyi anyía Baasábas, bá háná wuúci lɔ́ŋɔ́kɔ anyía Yusítus, ne wuúci na Matias. 24Bá ŋá bɛ́cɔ́kɔ́lɔ́kɛ́na Bandɔ́mɛsɛ́ báyɛ : « Otéŋí a Waáŋá, kuɔŋɔ́ o ŋoó menyi ɛtɛ́má cɛ́ baacɔ bekime ; ɔ́ɔ basɔ́ tóŋínyi bɔmbányɛ aányɛ́ ɔ́ mɔɔ́ táfa e bífendí bɛ́ baacɔ eebe, 25anyía wéé hííte nyiíse nyí buólí nyɛ́ *ɔɔcɔ u ɛndɔ́ma anyɛ́ Yútas ŋaá nyɛána, yó ko híite nyiíse nyí buólí e nyí é wuúci nyɛmana. » 26Bá ŋa bɔ́ aáhákɛ́na ɔndɔŋɔ na cáábɔ́ eénye, ɔndɔŋɔ ŋá táfa Matias, nyi wuúci láta eényí ɔ ɔlɔŋɔ ú baacɔ bá ɛndɔ́ma bɔ́ɔ́hátá na ɔ́mɔtɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2008, Wycliffe Bible Translators, Inc. All rights reserved.