Títò 3
3
Kíbí ɔma-ɛgbɛ́-Kírísítò ŋa nákó gbé gbà náàŋírĩ-ɛnɛ yèé ŋa kò ma Ɔ̀ɖáyé#ɛ́
1Nà tédzú-ɔma-ɛgbɛ́-Kírísítò ŋa ní ká wà gbɔ̃́ɔ̃̀rã̀ fú onùgbó-ìlú ŋa òŋu ɔ̀nyà-ìdzɔba ŋa, tsí ká kpaɖí si fú ore tsítse ɔ̀kã̀lɔ́ɔ̀kã̀ kpó. 2Ká máa wà wíìnyɛ̀-íbàɖí nára-ɔ̀nyà-kã̀ kpókpó. Àŋa ɔ̀nyà ŋa gbo ká máa wà rã́ã̀rã̀. Ká dzɛ́ olínɔ́ tútù ŋa, tsí ká dzɛ́ ɔ̀nyà tútù-kã̀ gbo fú ara-ŋa gé fú ɔ̀nyà kpó.
3Ó ɖi, dzɔ̀ɔ́ dzɔ̀ɔ́#ɛ́, àwa gbo, àa kò ma afɔ̀-kã̀ ti nára-Ɔ̀ɖáyé, tsí àa kà gbɔ́ɔ̀lú gbo fúu. Tsí à mú wa nɔ̀ gbà nɔ́ɔ̀nà-òmírɛ̃̀. Àa dzɛ́ arú fú awù-íbàɖí ɔ̀kã̀lɔ́ɔ̀kã̀. Tsí àa kí nówú dzídzɛ òŋu oró tsítse bá enìkéèdzì-wa ŋa. Tsí ɔ̀nyà ŋa gbo, àwa gbo, àa náa wà nya ara-wa ŋa kãdzú.
4Kíbí ó dzɛ́ gìɖì ní àa náa wà tse íbàɖí tó bɛ́ɛ̀#ɛ́, Ɔ̀ɖáyé Agbanɛlà nya àmúɖɔ̃̀‐ɛ̀ òŋu ore tsítse‐ɛ̀, tsí ń ɖíre fúnɛ, tsí ó gbà wá là. 5Kò tsi àtsùgbé-iŋɛ́-ire yèé àa tse ŋa#á ní tse tsí ó gbà wá là#á. Àtsùgbée kíbí ó rí ànyínɔ́ fú wa#á ni. Mímí‐ɛ̀ wɛ àbi-wa ŋa ǹɖe, tsí sɔ wá ɖi mímá, tsí sɛ̃̀ bí wa titɔ̃, tsí tse tsí àa wà náàyɛ̀ titɔ̃ gbo si. Gbà ńǹtá-bɛ́ɛ̀ ní Ɔ̀ɖáyé gbà wá là#á. 6Mímí‐ɛ̀#ɛ́, ó kɛ́ɛ fú wa náàrìmáa nyíwò gbà ńǹtá-Yèésù Kírísítò Agbanɛlà-wa. 7Ó tse bɛ́ɛ̀, àtsùgbée àa kó ɖi ɔma‐ɛ̀ ŋa, tsí àa kó módzú si nɔ́ɔ̀nà si ní àyɛ̀-àrìtã́ nákó tɔwɔ́-wa gé ni. Iŋɛ́ ŋa#á lɔ bɛ́ɛ̀, iŋɛ́ yèé tse#ɛ́, Ɔ̀ɖáyé gbà ńǹtá-ore-ɔ̀fɛ́‐ɛ̀, tsí gbà wá nɔ́ɔ̀nyà-atsòtítɔ́ nódzú-ara‐ɛ̀.
8Afɔ̀ yèé ǹ wà fɔ̀ fɛ́ɛ#ɛ́, àkaralé wà ńnɛ̀. Tsí ǹ wà wò ní o fɔ̀ɔ́, tsí le oŋù si ńnɛ̀ fú ŋa, tsí ɛnɛ yèé gba Ɔ̀ɖáyé gbɔ́ ŋa#á, odzú kó kpã́ ŋa si nóre tsítse. Iŋɛ́ nyɛ̀ŋɛ̀ gé ní sã̀, tsí nákó nyáa múnɛ lɔ ńwádzú#ɛ́. 9Ti nára-àrã́dzìnyà-afɔ̀ yèé ŋa kò nɛ́ ìɖí#ɛ́, máa wà tarũ bɔ̀ ńnɛ̀. Ɛ̀rɔ́ kpíkpa ti nára-ɛ́kɔ-gbágbóǹgbàgbò ŋa gbo, àrã̀ rírã́ òŋu ɔ̀nyà ŋa gbo, àrã́dzìnyà ti nára-ɛkpa-Ɔ̀ɖáyé† gbo, nà yɛ̀fɛ́ fú iŋɛ́ nyɛ̀ŋɛ̀ ŋa kpó. Ó ɖi, bí ò wà tse iŋɛ́ nyɛ̀ŋɛ̀ ŋa#á, ò wà bàdzɛ́ ìwèrè fú ara-ɛ̀ɛ. Iŋɛ́-akpotu ŋa ni.
10Bí ɔ̀nyà-kã̀ wà kpɛ̃́ ɛgbɛ́-Kírísítò#ɛ́, nà lɔ ńɖɔ̀‐ɛ̀, tsí kɔ̀ɔ́ fúu. Bí ò kɔ̀ɔ́ fúu àrìkã̀, tsí kò gbɔ́, nà sɛ̃̀ kɔ̀ɔ́ fúu nóláànkéèdzì. Tsí bí ó kɔ̀ ná, nà nyàá si níìkã̀. 11Ó ɖi, nà rí mà ní ɔ̀nyà-ìrɔ́ nyɛ̀ŋɛ̀ ti nɔ ɔ̀nà sísɛ̃́#ɛ́, tsí ó tɔ́ wà tse íbàɖí làkóò ró. Iŋɛ́ tsítse tòŋu ká‐ɛ̀ ní wà ɖáàbi fúu#ɛ́.
Afɔ̀-ìtã̀ntã́ ŋa
12Ńbɛ̀ɛ́, náàŋírĩ-Àtɛ̀má òŋu Tùtsìkɔ́sì#ɛ́, màa bɛ ɔ̀nyà-kã̀ wá fɛ́ɛ. Tsí bí ɛnɛ nyɛ̀ŋɛ̀ wáa tó, nà tsikpá, tsí o wáa kpàɖé-mi ńǹlú-Nìkòkpólì. Ó ɖi, ńbɛ̀ ní màa gbé títí ìwèrè-òdzò-awu nákó tã́ kpó#ɛ́.
13Nà ɖìgírí, tsí o mɔ́wɔ́ gbè fú Sènásì aɖùfúnɛ ńlé-ɛdzɔ́ òŋu Àkpòlósì, tsí ká nyáa lɔ ńbí à làkóò#ɛ́, tsí iŋɛ́-kã̀ kpókpó gbo kó máa hã́ ŋa.
14Ó wà ní olí-Yèésù ŋa gbo ká tsitsɛ́ yèé dzɔ ní ká tse#ɛ́, tsí àŋa ká-ŋa ká nyáa banɛ́ ara-ŋa, tsí ká máa dzɛ́ arù, tsí wà kpa ɛnɛ-àtíbɔ̀ ŋa.
15Ɛnɛ yèé wà ńɖɔ̀-mi bí ŋa kpó#ɛ́, à wà kíɛ. Nà kí ídza-wa ŋa kpó yèé wà bɛ̀, tsí gba Yèésù gbɔ́#ɛ́ fú mi. Ɔ̀ɖáyé kó tse ore-ɔ̀fɛ́ fú ŋɛ́ kpó.
Currently Selected:
Títò 3: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Títò 3
3
Kíbí ɔma-ɛgbɛ́-Kírísítò ŋa nákó gbé gbà náàŋírĩ-ɛnɛ yèé ŋa kò ma Ɔ̀ɖáyé#ɛ́
1Nà tédzú-ɔma-ɛgbɛ́-Kírísítò ŋa ní ká wà gbɔ̃́ɔ̃̀rã̀ fú onùgbó-ìlú ŋa òŋu ɔ̀nyà-ìdzɔba ŋa, tsí ká kpaɖí si fú ore tsítse ɔ̀kã̀lɔ́ɔ̀kã̀ kpó. 2Ká máa wà wíìnyɛ̀-íbàɖí nára-ɔ̀nyà-kã̀ kpókpó. Àŋa ɔ̀nyà ŋa gbo ká máa wà rã́ã̀rã̀. Ká dzɛ́ olínɔ́ tútù ŋa, tsí ká dzɛ́ ɔ̀nyà tútù-kã̀ gbo fú ara-ŋa gé fú ɔ̀nyà kpó.
3Ó ɖi, dzɔ̀ɔ́ dzɔ̀ɔ́#ɛ́, àwa gbo, àa kò ma afɔ̀-kã̀ ti nára-Ɔ̀ɖáyé, tsí àa kà gbɔ́ɔ̀lú gbo fúu. Tsí à mú wa nɔ̀ gbà nɔ́ɔ̀nà-òmírɛ̃̀. Àa dzɛ́ arú fú awù-íbàɖí ɔ̀kã̀lɔ́ɔ̀kã̀. Tsí àa kí nówú dzídzɛ òŋu oró tsítse bá enìkéèdzì-wa ŋa. Tsí ɔ̀nyà ŋa gbo, àwa gbo, àa náa wà nya ara-wa ŋa kãdzú.
4Kíbí ó dzɛ́ gìɖì ní àa náa wà tse íbàɖí tó bɛ́ɛ̀#ɛ́, Ɔ̀ɖáyé Agbanɛlà nya àmúɖɔ̃̀‐ɛ̀ òŋu ore tsítse‐ɛ̀, tsí ń ɖíre fúnɛ, tsí ó gbà wá là. 5Kò tsi àtsùgbé-iŋɛ́-ire yèé àa tse ŋa#á ní tse tsí ó gbà wá là#á. Àtsùgbée kíbí ó rí ànyínɔ́ fú wa#á ni. Mímí‐ɛ̀ wɛ àbi-wa ŋa ǹɖe, tsí sɔ wá ɖi mímá, tsí sɛ̃̀ bí wa titɔ̃, tsí tse tsí àa wà náàyɛ̀ titɔ̃ gbo si. Gbà ńǹtá-bɛ́ɛ̀ ní Ɔ̀ɖáyé gbà wá là#á. 6Mímí‐ɛ̀#ɛ́, ó kɛ́ɛ fú wa náàrìmáa nyíwò gbà ńǹtá-Yèésù Kírísítò Agbanɛlà-wa. 7Ó tse bɛ́ɛ̀, àtsùgbée àa kó ɖi ɔma‐ɛ̀ ŋa, tsí àa kó módzú si nɔ́ɔ̀nà si ní àyɛ̀-àrìtã́ nákó tɔwɔ́-wa gé ni. Iŋɛ́ ŋa#á lɔ bɛ́ɛ̀, iŋɛ́ yèé tse#ɛ́, Ɔ̀ɖáyé gbà ńǹtá-ore-ɔ̀fɛ́‐ɛ̀, tsí gbà wá nɔ́ɔ̀nyà-atsòtítɔ́ nódzú-ara‐ɛ̀.
8Afɔ̀ yèé ǹ wà fɔ̀ fɛ́ɛ#ɛ́, àkaralé wà ńnɛ̀. Tsí ǹ wà wò ní o fɔ̀ɔ́, tsí le oŋù si ńnɛ̀ fú ŋa, tsí ɛnɛ yèé gba Ɔ̀ɖáyé gbɔ́ ŋa#á, odzú kó kpã́ ŋa si nóre tsítse. Iŋɛ́ nyɛ̀ŋɛ̀ gé ní sã̀, tsí nákó nyáa múnɛ lɔ ńwádzú#ɛ́. 9Ti nára-àrã́dzìnyà-afɔ̀ yèé ŋa kò nɛ́ ìɖí#ɛ́, máa wà tarũ bɔ̀ ńnɛ̀. Ɛ̀rɔ́ kpíkpa ti nára-ɛ́kɔ-gbágbóǹgbàgbò ŋa gbo, àrã̀ rírã́ òŋu ɔ̀nyà ŋa gbo, àrã́dzìnyà ti nára-ɛkpa-Ɔ̀ɖáyé† gbo, nà yɛ̀fɛ́ fú iŋɛ́ nyɛ̀ŋɛ̀ ŋa kpó. Ó ɖi, bí ò wà tse iŋɛ́ nyɛ̀ŋɛ̀ ŋa#á, ò wà bàdzɛ́ ìwèrè fú ara-ɛ̀ɛ. Iŋɛ́-akpotu ŋa ni.
10Bí ɔ̀nyà-kã̀ wà kpɛ̃́ ɛgbɛ́-Kírísítò#ɛ́, nà lɔ ńɖɔ̀‐ɛ̀, tsí kɔ̀ɔ́ fúu. Bí ò kɔ̀ɔ́ fúu àrìkã̀, tsí kò gbɔ́, nà sɛ̃̀ kɔ̀ɔ́ fúu nóláànkéèdzì. Tsí bí ó kɔ̀ ná, nà nyàá si níìkã̀. 11Ó ɖi, nà rí mà ní ɔ̀nyà-ìrɔ́ nyɛ̀ŋɛ̀ ti nɔ ɔ̀nà sísɛ̃́#ɛ́, tsí ó tɔ́ wà tse íbàɖí làkóò ró. Iŋɛ́ tsítse tòŋu ká‐ɛ̀ ní wà ɖáàbi fúu#ɛ́.
Afɔ̀-ìtã̀ntã́ ŋa
12Ńbɛ̀ɛ́, náàŋírĩ-Àtɛ̀má òŋu Tùtsìkɔ́sì#ɛ́, màa bɛ ɔ̀nyà-kã̀ wá fɛ́ɛ. Tsí bí ɛnɛ nyɛ̀ŋɛ̀ wáa tó, nà tsikpá, tsí o wáa kpàɖé-mi ńǹlú-Nìkòkpólì. Ó ɖi, ńbɛ̀ ní màa gbé títí ìwèrè-òdzò-awu nákó tã́ kpó#ɛ́.
13Nà ɖìgírí, tsí o mɔ́wɔ́ gbè fú Sènásì aɖùfúnɛ ńlé-ɛdzɔ́ òŋu Àkpòlósì, tsí ká nyáa lɔ ńbí à làkóò#ɛ́, tsí iŋɛ́-kã̀ kpókpó gbo kó máa hã́ ŋa.
14Ó wà ní olí-Yèésù ŋa gbo ká tsitsɛ́ yèé dzɔ ní ká tse#ɛ́, tsí àŋa ká-ŋa ká nyáa banɛ́ ara-ŋa, tsí ká máa dzɛ́ arù, tsí wà kpa ɛnɛ-àtíbɔ̀ ŋa.
15Ɛnɛ yèé wà ńɖɔ̀-mi bí ŋa kpó#ɛ́, à wà kíɛ. Nà kí ídza-wa ŋa kpó yèé wà bɛ̀, tsí gba Yèésù gbɔ́#ɛ́ fú mi. Ɔ̀ɖáyé kó tse ore-ɔ̀fɛ́ fú ŋɛ́ kpó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.