Fìlèmɔ́nì 1
1
1Èmi Kpɔ́lù, ǹ wà nɛ́ɛ̀ŋà si, àtsùgbée kíbí ǹ gba Yèésù† Kírísítò† gbɔ́#ɛ́, tsí èmi gbo, ìnàbí-wa Tìmɔ̀té gbo, àa wà tse ìwé yèé bɛ́ fú ìwɔ Fìlèmɔ́nì. Ìwɔ ní dzɛ́ àrínódzú-wa, tsí wà tsitsɛ́-Ɔ̀ɖáyé bá wa gbo#ɛ́. Àa wà kíɛ. 2Àa wà kí ìɖá-wa Áfíyá gbo, tsí wà kí Àkíkpò gbo. Àwa‐ɛ̀ méèdzì ní wà dzìdzà#á làkóò#ɛ́. Tsí àa wà kí olí-Yèésù yèé ŋa náa kpàɖé ńlé-ɛ̀ɛ#ɛ́ gbo. 3Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
4Fìlèmɔ́nì, bí ǹ wà wúùre mà wà tédzú-ɛ̀ɛ, tsí mà wà ɖɔ́kpɛ́ fú Ɔ̀ɖáyé gé ni. 5Iŋɛ́ yèé tse#ɛ́, ǹ gbɔ́ kíbí ò nɛ́ àkaralé si ńǹtá-Yèésù Ɔlá-wa si#ɛ́, tsí ò nɛ́ àmúɖɔ̃̀ fú ɛnɛ yèé dzɛ́ ti Ɔ̀ɖáyé ŋa gbo kpó#ɛ́. 6Ńbɛ̀ɛ́, mà bere Ɔ̀ɖáyé ní ɖíɖɔ̃̀ yèé wà náàŋírĩ-wa kíbí àa dzɛ́ olí-Yèésù ŋa#á, kó tse tsí o ma iŋɛ́-ire kpó yèé àa nákó tse, tsí ń tsitsɛ́ fú Kírísítò#ɛ́ rere. 7Ìnàbí-mi, ò tunɔ́ fú ɛnɛ yèé ŋa dzɛ́ ti Ɔ̀ɖáyé#ɛ́. Kíbí ó dzɛ́ ní ò nɛ́ àmúɖɔ̃̀ fú ŋa#á, ò mú ayè tɛ́ mi tó bɛ́ɛ̀, tsí ɖáàmí le mí gbo.
8Àtsùgbée bɛ́ɛ̀#ɛ́, màa fɔ afɔ̀-kã̀ fɛ́ɛ. Kíbí ǹ dzɛ́ adzítsɛ́-Kírísítò#ɛ́, ǹ karalé ní màa nyáa fɔ̀ fɛ́ɛ ní o tse iŋɛ́ yèé sã̀#á, tsí nàa tseé. 9Ó ɖi, àtorí-àmúɖɔ̃̀ yèé wà náàŋírĩ-wa#á, ǹ wà tsìkálɛ̀ fɛ́ɛ ní o tse iŋɛ́ yèé sã̀ ní ká tse#ɛ́. Èmi Kpɔ́lù, kíbí ǹ wà#á, ǹ ti gbó, tsí ǹ wà nɛ́ɛ̀ŋà gbo si báàyí, àtsùgbée kíbí ǹ nɛ́ àkaralé si ńǹtá-Yèésù Kírísítò si#ɛ́, 10tsí èmi ní wà tsìkálɛ̀ fɛ́ɛ si nárũ-Ɔ̀nyàɖɔ̃̀#ɛ́.#1:10 Ńgɛ̀rɛ́kì#ɛ́, ɛ́kɔ‐ɛ̀ dzɛ́ Ɔ̀nɛ̀símì. Tsí òkpì-Ɔ̀nɛ̀símì ní dzɛ́ Ɔ̀nyàɖɔ̃̀#ɛ́. Kíbí ǹ wà nɛ́ɛ̀ŋà si bí#ɛ́, ǹ wíìnyɛ̀ fúu, tsí ó gba Yèésù gbɔ́. Ńbɛ̀ɛ́, ká fɔ̀ ní ó ɖi ɔma-mi ńnɛ̀ɛ́. 11Dzɔ̀ɔ́ dzɔ̀ɔ́#ɛ́, kò dzɔ iŋɛ́-kã̀ fɛ́ɛ. Ó ɖi báàyí#ɛ́, ó ɖi ɔ̀nyàɖɔ̃̀ fú wa, èmi gbo, ìwɔ gbo. 12Àrínódzú-mi ní ó dzɛ́#ɛ́, tsí ǹ sɛ̃̀ɛ̃́ wá fɛ́ɛ#ɛ́.
13Kíbí ǹ wà nɛ́ɛ̀ŋà si náàtsùgbée kíbí ǹ wà dzíkɔ̀ ɖíɖɔ̃̀ fúnɛ#ɛ́, ó wù mí ní ǹ má kɔ̀ɔ́ dzɔ̀ɔ́ ńɖi-ara-mi bí, tsí ó má tsitsɛ́ fú mi si nárũ-ɛ̀ɛ. 14Ó ɖi, ǹ kò wò ní n tse iŋɛ́-kã̀ náànyì-ɛ̀ɛ. Tsí ore yèé nàa tse fú mi#ɛ́, kó máa dzɛ́ awù-tèmi, kó dzɛ́ àmúɖɔ̃̀ tìwɔ ká-ɛ̀ɛ.
15Bóyá báàyí, Ɔ̀nyàɖɔ̃̀ ǹɖe ńɖɔ̀-ɛ̀ɛ fú àsòkò-kã̀ gé, tsí kó sɛ̃̀ wáa ɖi tɛ̀ɛ títí lɔ ni. 16Ńǹwèrè yèé ó ǹɖe ńɖɔ̀-ɛ̀ɛ#ɛ́, ó dzɛ́ arú si. Ó ɖi báàyí#ɛ́, kíbí ó wá#á, kò tsi arú gé ní ó dzɛ́#ɛ́, ó ɖi ìnàbí-wa, àrínódzú-wa. Ó fɛ́ fú mi héŋú. Tsí ó wà ní kó fɛ́ fɛ́ɛ lárè. Ɔ̀nyà ké ní òŋu gbo dzɛ́#ɛ́, tsí ó dzɛ́ olí-Yèésù gbo. Ó wà ní kó fɛ́ fɛ́ɛ lárè. 17Ńbɛ̀ɛ́, bí ó dzɛ́ ní ò tɔ́ wà kpè mí ní ídza si ró#ɛ́, nàa gbàá kíbí nàa gba èmi ká-mi#ɛ́. 18Bí ó tse iŋɛ́-kã̀ fɛ́ɛ, tsí kò sã̀, nàmí bí ó dzɛ ɛŋɛ̀-kã̀ nɔ́wɔ́-ɛ̀ɛ, nà sérèé si fú mi, tsí n wáa sãã́ fɛ́ɛ. 19Èmi, Kpɔ́lù, èmi ká-mi ní mɔ́wɔ́-mi, tsí ń kɔ afɔ̀ yèé fɛ́ɛ ní màa wáa sãã́ fɛ́ɛ#ɛ́. Ó ɖi, máa gbàgbé ní ò dzɛ ɛŋɛ̀-kã̀ nɔ́wɔ́-mi si. Ɛŋɛ̀#ɛ́, àyɛ̀ tìwɔ ká-ɛ̀ɛ ni. 20Ìnàbí-mi, kíbí àa tse ɔ̀kã̀ntso bá Ɔlá-wa si#ɛ́, nà mɔ́wɔ́ gbè fú mi ɖé, tsí o gba Ɔ̀nyàɖɔ̃̀ rere, tsí o mú inɔ́-mi tù ńǹkɛ̀ɛ́, iŋɛ́ yèé tse#ɛ́, ti Kírísítò ní àa dzɛ́#ɛ́.
21Kíbí ǹ wà tse ìwé#ɛ́, ǹ ti nɛ́ àkaralé si ní iŋɛ́ yèé ǹ wà bèrè ŋa#á, nàa tse ŋá, tsí nàa tse òlárèbɛ́ɛ̀ gìɖì. 22Nà tɔ́tse ìɖìsũ̀-kã̀ si fú mi gbòkã́ ɖé. Iŋɛ́ yèé tse#ɛ́, ǹ módzú si nɔ́ɔ̀nà si fú Ɔ̀ɖáyé ní nákó gba ìre wúwú-ŋɛ́ ŋa, tsí nákó tseé, tsí à nákó tsí mi nɛ́ɛ̀ŋà#á, tsí màa sɛ̃̀ wá ńɖi-ŋɛ́ ró.
23Èkpàfìrásì wà kíɛ. Òŋu gbo wà nɛ́ɛ̀ŋà bá mi si, àtsùgbée kíbí ó nɛ́ àkaralé si ńǹtá-Yèésù Kírísítò si#ɛ́. 24Mákò gbo, Àrìsìtákò gbo, Ɖèmásì gbo, Lúkà gbo, àŋa kpó, à wà kíɛ. Àwa-ŋa méèdzì ní náa dzɔ́ tsitsɛ́#ɛ́.
25Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
Fìlèmɔ́nì 1: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Fìlèmɔ́nì 1
1
1Èmi Kpɔ́lù, ǹ wà nɛ́ɛ̀ŋà si, àtsùgbée kíbí ǹ gba Yèésù† Kírísítò† gbɔ́#ɛ́, tsí èmi gbo, ìnàbí-wa Tìmɔ̀té gbo, àa wà tse ìwé yèé bɛ́ fú ìwɔ Fìlèmɔ́nì. Ìwɔ ní dzɛ́ àrínódzú-wa, tsí wà tsitsɛ́-Ɔ̀ɖáyé bá wa gbo#ɛ́. Àa wà kíɛ. 2Àa wà kí ìɖá-wa Áfíyá gbo, tsí wà kí Àkíkpò gbo. Àwa‐ɛ̀ méèdzì ní wà dzìdzà#á làkóò#ɛ́. Tsí àa wà kí olí-Yèésù yèé ŋa náa kpàɖé ńlé-ɛ̀ɛ#ɛ́ gbo. 3Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
4Fìlèmɔ́nì, bí ǹ wà wúùre mà wà tédzú-ɛ̀ɛ, tsí mà wà ɖɔ́kpɛ́ fú Ɔ̀ɖáyé gé ni. 5Iŋɛ́ yèé tse#ɛ́, ǹ gbɔ́ kíbí ò nɛ́ àkaralé si ńǹtá-Yèésù Ɔlá-wa si#ɛ́, tsí ò nɛ́ àmúɖɔ̃̀ fú ɛnɛ yèé dzɛ́ ti Ɔ̀ɖáyé ŋa gbo kpó#ɛ́. 6Ńbɛ̀ɛ́, mà bere Ɔ̀ɖáyé ní ɖíɖɔ̃̀ yèé wà náàŋírĩ-wa kíbí àa dzɛ́ olí-Yèésù ŋa#á, kó tse tsí o ma iŋɛ́-ire kpó yèé àa nákó tse, tsí ń tsitsɛ́ fú Kírísítò#ɛ́ rere. 7Ìnàbí-mi, ò tunɔ́ fú ɛnɛ yèé ŋa dzɛ́ ti Ɔ̀ɖáyé#ɛ́. Kíbí ó dzɛ́ ní ò nɛ́ àmúɖɔ̃̀ fú ŋa#á, ò mú ayè tɛ́ mi tó bɛ́ɛ̀, tsí ɖáàmí le mí gbo.
8Àtsùgbée bɛ́ɛ̀#ɛ́, màa fɔ afɔ̀-kã̀ fɛ́ɛ. Kíbí ǹ dzɛ́ adzítsɛ́-Kírísítò#ɛ́, ǹ karalé ní màa nyáa fɔ̀ fɛ́ɛ ní o tse iŋɛ́ yèé sã̀#á, tsí nàa tseé. 9Ó ɖi, àtorí-àmúɖɔ̃̀ yèé wà náàŋírĩ-wa#á, ǹ wà tsìkálɛ̀ fɛ́ɛ ní o tse iŋɛ́ yèé sã̀ ní ká tse#ɛ́. Èmi Kpɔ́lù, kíbí ǹ wà#á, ǹ ti gbó, tsí ǹ wà nɛ́ɛ̀ŋà gbo si báàyí, àtsùgbée kíbí ǹ nɛ́ àkaralé si ńǹtá-Yèésù Kírísítò si#ɛ́, 10tsí èmi ní wà tsìkálɛ̀ fɛ́ɛ si nárũ-Ɔ̀nyàɖɔ̃̀#ɛ́.#1:10 Ńgɛ̀rɛ́kì#ɛ́, ɛ́kɔ‐ɛ̀ dzɛ́ Ɔ̀nɛ̀símì. Tsí òkpì-Ɔ̀nɛ̀símì ní dzɛ́ Ɔ̀nyàɖɔ̃̀#ɛ́. Kíbí ǹ wà nɛ́ɛ̀ŋà si bí#ɛ́, ǹ wíìnyɛ̀ fúu, tsí ó gba Yèésù gbɔ́. Ńbɛ̀ɛ́, ká fɔ̀ ní ó ɖi ɔma-mi ńnɛ̀ɛ́. 11Dzɔ̀ɔ́ dzɔ̀ɔ́#ɛ́, kò dzɔ iŋɛ́-kã̀ fɛ́ɛ. Ó ɖi báàyí#ɛ́, ó ɖi ɔ̀nyàɖɔ̃̀ fú wa, èmi gbo, ìwɔ gbo. 12Àrínódzú-mi ní ó dzɛ́#ɛ́, tsí ǹ sɛ̃̀ɛ̃́ wá fɛ́ɛ#ɛ́.
13Kíbí ǹ wà nɛ́ɛ̀ŋà si náàtsùgbée kíbí ǹ wà dzíkɔ̀ ɖíɖɔ̃̀ fúnɛ#ɛ́, ó wù mí ní ǹ má kɔ̀ɔ́ dzɔ̀ɔ́ ńɖi-ara-mi bí, tsí ó má tsitsɛ́ fú mi si nárũ-ɛ̀ɛ. 14Ó ɖi, ǹ kò wò ní n tse iŋɛ́-kã̀ náànyì-ɛ̀ɛ. Tsí ore yèé nàa tse fú mi#ɛ́, kó máa dzɛ́ awù-tèmi, kó dzɛ́ àmúɖɔ̃̀ tìwɔ ká-ɛ̀ɛ.
15Bóyá báàyí, Ɔ̀nyàɖɔ̃̀ ǹɖe ńɖɔ̀-ɛ̀ɛ fú àsòkò-kã̀ gé, tsí kó sɛ̃̀ wáa ɖi tɛ̀ɛ títí lɔ ni. 16Ńǹwèrè yèé ó ǹɖe ńɖɔ̀-ɛ̀ɛ#ɛ́, ó dzɛ́ arú si. Ó ɖi báàyí#ɛ́, kíbí ó wá#á, kò tsi arú gé ní ó dzɛ́#ɛ́, ó ɖi ìnàbí-wa, àrínódzú-wa. Ó fɛ́ fú mi héŋú. Tsí ó wà ní kó fɛ́ fɛ́ɛ lárè. Ɔ̀nyà ké ní òŋu gbo dzɛ́#ɛ́, tsí ó dzɛ́ olí-Yèésù gbo. Ó wà ní kó fɛ́ fɛ́ɛ lárè. 17Ńbɛ̀ɛ́, bí ó dzɛ́ ní ò tɔ́ wà kpè mí ní ídza si ró#ɛ́, nàa gbàá kíbí nàa gba èmi ká-mi#ɛ́. 18Bí ó tse iŋɛ́-kã̀ fɛ́ɛ, tsí kò sã̀, nàmí bí ó dzɛ ɛŋɛ̀-kã̀ nɔ́wɔ́-ɛ̀ɛ, nà sérèé si fú mi, tsí n wáa sãã́ fɛ́ɛ. 19Èmi, Kpɔ́lù, èmi ká-mi ní mɔ́wɔ́-mi, tsí ń kɔ afɔ̀ yèé fɛ́ɛ ní màa wáa sãã́ fɛ́ɛ#ɛ́. Ó ɖi, máa gbàgbé ní ò dzɛ ɛŋɛ̀-kã̀ nɔ́wɔ́-mi si. Ɛŋɛ̀#ɛ́, àyɛ̀ tìwɔ ká-ɛ̀ɛ ni. 20Ìnàbí-mi, kíbí àa tse ɔ̀kã̀ntso bá Ɔlá-wa si#ɛ́, nà mɔ́wɔ́ gbè fú mi ɖé, tsí o gba Ɔ̀nyàɖɔ̃̀ rere, tsí o mú inɔ́-mi tù ńǹkɛ̀ɛ́, iŋɛ́ yèé tse#ɛ́, ti Kírísítò ní àa dzɛ́#ɛ́.
21Kíbí ǹ wà tse ìwé#ɛ́, ǹ ti nɛ́ àkaralé si ní iŋɛ́ yèé ǹ wà bèrè ŋa#á, nàa tse ŋá, tsí nàa tse òlárèbɛ́ɛ̀ gìɖì. 22Nà tɔ́tse ìɖìsũ̀-kã̀ si fú mi gbòkã́ ɖé. Iŋɛ́ yèé tse#ɛ́, ǹ módzú si nɔ́ɔ̀nà si fú Ɔ̀ɖáyé ní nákó gba ìre wúwú-ŋɛ́ ŋa, tsí nákó tseé, tsí à nákó tsí mi nɛ́ɛ̀ŋà#á, tsí màa sɛ̃̀ wá ńɖi-ŋɛ́ ró.
23Èkpàfìrásì wà kíɛ. Òŋu gbo wà nɛ́ɛ̀ŋà bá mi si, àtsùgbée kíbí ó nɛ́ àkaralé si ńǹtá-Yèésù Kírísítò si#ɛ́. 24Mákò gbo, Àrìsìtákò gbo, Ɖèmásì gbo, Lúkà gbo, àŋa kpó, à wà kíɛ. Àwa-ŋa méèdzì ní náa dzɔ́ tsitsɛ́#ɛ́.
25Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.