Ànyàŋà 2
2
À kɔ ìwé fú ɛgbɛ́-Kírísítò yèé wà ńǹlú-Èfɛ́sì#ɛ́
1Tsí ó ní: Èmi kó kɔ ìwé yèé fú adzítsɛ́-ɔ̀rɔ̃† ti ɛgbɛ́-Kírísítò yèé wà ńǹlú-Èfɛ́sì#ɛ́. Ìwé#ɛ́ ní:
Ɛnɛ yèé banɛ́ àrã̀wo méedze si nɔ́wɔ́-àwóòtã́‐ɛ̀, tsí wà rɛ̃̀ náàŋírĩ-kãnɖé-awukpa méedze ti siká ŋa#á ní wà wíìnyɛ̀ fɛ́ɛ#ɛ́. 2Ǹ ma itsɛ́ yèé ò wà tse ŋa kpó#ɛ́. Ǹ ma kíbí ò wà ɖìgírí gbà òŋu kíbí ò gbódzú si gbà#á. Ǹ mà ní ò kà dzɛ́ fú ɔ̀nyà-íbàɖí ŋa. Ɛnɛ yèé ŋa kò dzɛ́ adzítsɛ́-Yèésù†, tsí à náa wà fɔ̀ ní àŋa dzɛ́ adzítsɛ́‐ɛ̀#ɛ́. Ò mú tse àɖã́wò fú ŋa, tsí ò rí ní à wà tsòɖòbò ni. 3Ò gbódzú, tsí ò réré náàtsùgbé-mi, tsí ara kò kúɛ gbo.
4Ó ɖi, màa báɛ fɔ̀ fú iŋɛ́-kã̀. Ò kò nɛ́ àmúɖɔ̃̀ fú mi ró tó kíbí ò nɛ́ fú mi gbà ńǹkpìnkpìlɛ̀#ɛ́. 5Ńbɛ̀ɛ́, tédzú kíbí ò wà gbà dzɔ̀ɔ́, tã́ná ò wáa sã̀nyì#ɛ́, tsí o nyíìlò kpaɖà, tsí o sɛ̃̀ wà tse kíbí nà tse ńǹkpìnkpìlɛ̀#ɛ́. Bí ò kò nyíìlò kpaɖà, màa wá ńɖɔ̀‐ɛ̀ɛ, tsí màa kɛ́ kãnɖé-ɛ̀ɛ ǹɖe ńǹɖì‐ɛ̀.
6Ó ɖi, iŋɛ́-ire-kã̀ wà, tsí nà tse. Ò kà dzáfɔ̀-ìtsèntse-ɛnɛ-ɛgbɛ́-Nìkòlàyítò ŋa gìɖì kpɛ́rɛ́kpɛ́rɛ́ kíbí èmi gbo ǹ kà dzáfɔ̀‐ɛ̀ gbà#á.
7Ɛnɛ yèé nɛ́ etí-ìgbɔ̃́ɔ̃̀rã̀#á, kó gbɔ́ iŋɛ́ yèé Mímí-Ɔ̀ɖáyé† wà wí fú ɔma-ɛgbɛ́-Kírísítò ŋa#á. Ɛnɛ yèé nákó dzàdzàbɔ́-Ètsù†#ɛ́, màa fúu nɔ́ɔ̀nà, tsí nákó dzɛ èso-egi yèé náa fúnɛ náàyɛ̀#ɛ́. Ɔ̀ɖáyé ɖá oko-kã̀#2:7 Òŋu-afɔ̀ yèé à gbà fɔ̀ ńbíbɛ́ ní “oko-kã̀”#á ní dzɛ́ Kpàràɖísò ńgɛ̀rɛ́kì#ɛ́. È káà kã Ìwé 2 Kòríntì ŋa 12:4 òŋu afɔ̀ yèé à ń nya òkpì‐ɛ̀ ńǹsàlɛ̀-odzú-ìwé#ɛ́., tsí egi#ɛ́ wà nóko#ɛ́.
À kɔ ìwé fú ɛgbɛ́-Kírísítò yèé wà ńǹlú-Sìmìrínà#á
8Kíbí ó wí ti adzítsɛ́-ɔ̀rɔ̃† nyɛ̀ŋɛ̀ tã́#á, ó ní èmi kó kɔ ìwé yèé fú adzítsɛ́-ɔ̀rɔ̃ ti ɛgbɛ́-Kírísítò yèé wà ńǹlú-Sìmìrínà#á gbo. Afɔ̀ yèé ó wà wí fú òŋu gbo#ɛ́ ní:
Ɛnɛ yèé dzɛ́ àtsɛ̃̀tsɛ̃̀, tsí dzɛ́ ìkã́ã̀nyì gbo#ɛ́, ɛnɛ yèé kú, tsí sɛ̃̀ dzí wá náyé#ɛ́ ní wà wíìnyɛ̀ fɛ́ɛ#ɛ́. 9Ǹ ma kíbí ó wà ńǹréré gbà òŋu kíbí ò wà dzìyà gbo gbà#á. Ó ɖi, nóòtítɔ́#ɛ́, olówó ní ò dzɛ́ si#ɛ́. Ɛnɛ yèé ŋa kò dzɛ́ ɔma-Ìyúɖà ŋa, tsí à náa wà tsòɖòbò ní àŋa dzɛ́ ɔma-Ìyúɖà† ŋa#á, kíbí à náa wà kpe ɛ́kɔ‐ɛ̀ɛ gbà#á, ǹ màá. Ɛgbɛ́-ŋa, ɛgbɛ́-Ètsù† ni. 10Nàa réré. Ó ɖi, máa sá. Rí gé! Ètsù† nákó tse tsí à nákó mú ɔ̀nyà kã̀ŋa náàŋírĩ-ŋɛ́ si nɛ́ɛ̀ŋà, tsí kó ń ɖã́ ŋɛ́ wò, tsí è nákó réré fú ɔdzɔ́ maá. Ó ɖi, àkaralé yèé ò nɛ́ si ńǹtá-mi#ɛ́, máa sɛ̃̀ náànyì‐ɛ̀ títí fú ɔdzɔ́-ikú-ɛ̀ɛ. Bí ò kò sɛ̃̀ náànyì‐ɛ̀#ɛ́, màa tsɔ̀yà-kã̀ fɛ́ɛ. Ɔ̀yà#á, àyɛ̀-àrìtã́ ni.
11Ɛnɛ yèé nɛ́ etí-ìgbɔ̃́ɔ̃̀rã̀#á, kó gbɔ́ iŋɛ́ yèé Mímí-Ɔ̀ɖáyé wà wí fú ɔma-ɛgbɛ́-Kírísítò ŋa#á. Ɛnɛ yèé nákó dzàdzàbɔ́-Ètsù#ɛ́, ikú-èkéèdzì kàkó nyáa tse iŋɛ́-kã̀ fúu ró.
À kɔ ìwé fú ɛgbɛ́-Kírísítò yèé wà ńǹlú-Kpɛ̀rìgámì#ɛ́
12Kíbí ti adzítsɛ́-ɔ̀rɔ̃ nyɛ̀ŋɛ̀ gbo gbè bɛ̀#ɛ́, ó ní èmi kó kɔ afɔ̀ yèé ŋa fú adzítsɛ́-ɔ̀rɔ̃† ti ɛgbɛ́-Kírísítò yèé wà ńǹlú-Kpɛ̀rìgámì#ɛ́ gbo. Afɔ̀-ti nyɛ̀ŋɛ̀ gbo ní:
Ɛnɛ yèé banɛ́ tàsú múmú si#ɛ́ ní wà wíìnyɛ̀ fɛ́ɛ#ɛ́. 13Ǹ ma ìɖìgbé-ɛ̀ɛ. Ńbí àntã̀-oyè-Ètsù† wà gìɖì#ɛ́ ní ò wà#á. Tsí ò sì tamá-mi si kpátíláá ró. Ò kò sɛ̃̀ náànyì-àkaralé yèé ò nɛ́ si ńǹtá-mi#ɛ́. Àntìkpásì, olí-àyídzá-mi ní ó dzɛ́#ɛ́, tsí kò sɛ̃̀ náànyì-mi wòrí. Tsí ńɖi-ŋɛ́, ńbí Ètsù wà#á ní à kpaá#á. Tsí kíbí ó lɔ bɛ́ɛ̀ gìɖì#ɛ́, ò kò sɛ̃̀ náànyì-àkaralé-ɛ̀ɛ.
14Ó ɖi, màa báɛ fɔ̀ fú iŋɛ́-kã̀. Ɔ̀nyà kã̀ŋa wà ńɖɔ̀-ɛ̀ɛ, tsí à wà tɛ̀ náànyì-ɛ̀kɔ́-Bàlámì. Dzɔ̀ɔ́ dzɔ̀ɔ́, Bàlámì kɔ́ Bàlákì ní kó sɔ ɔ̀kpákù fú ɔma-Ìsàràyɛ́lì† ŋa.#2:14 Bàlákì òŋu Bàlámì gbé títí ńǹwèrè-Mɔ̀ɔ́sè ni. Ɔ̀ɖáyé fú Bàlámì òŋu ńkpá, tsí òŋu‐ɛ̀ méèdzì náa wíìnyɛ̀ fú ara-ŋa. Ó ɖi, Bàlákì òŋu dzɛ́ ólú-ìlú-kã̀ ni. À náa kpe ìlú#ɛ́ ní Mòwábì. Ó wà wò ní ká wà dzɛ ɛrã-ɛbɔ, tsí ká wà tse àlòwá gbo. 15Bɛ́ɛ̀ ké ní ɔ̀nyà kã̀ŋa gbo wà ńɖɔ̀-ɛ̀ɛ, tsí à náa wà tɛ̀ náànyì-ɛ̀kɔ́-ɛnɛ-ɛgbɛ́-Nìkòlàyítò ŋa#á. 16Nyíìlò kpaɖà. Bí kò tsi bɛ́ɛ̀, ǹ kàa ɖóro kpíkpɛ̃́ tã́ná màa wá ńɖɔ̀-ɛ̀ɛ, tsí wáa dzà bá ɛnɛ nyɛ̀ŋɛ̀ ŋa òŋu tàsú yèé yɔ nárũ-mi si#ɛ́.
17Ɛnɛ yèé nɛ́ etí-ìgbɔ̃́ɔ̃̀rã̀#á, kó gbɔ́ iŋɛ́ yèé Mímí-Ɔ̀ɖáyé† wà wí fú ɛgbɛ́-Kírísítò ŋa#á. Ɛnɛ yèé nákó dzàdzàbɔ́-Ètsù#ɛ́, màa fúu ńdzídzɛ yèé à náa kpè ní mánà†#á. Mánà#á, à ń ɖúkù si. Tsí màa fúu nóòkúta fũfũ-kã̀, tsí à kɔ ɛ́kɔ titɔ̃-kã̀ si ńǹtá‐ɛ̀. Ɛ́kɔ#ɛ́, ɔ̀nyà-kã̀ kpókpó kàkó màá náànyì-ɛnɛ yèé nákó gbàá#á. Ńǹwèrè yèé ɔma-Ìsàràyɛ́lì ŋa wà nɔ́ɔ̀ɖã̀ si#ɛ́, dzídzɛ nyɛ̀ŋɛ̀ ní Ɔ̀ɖáyé fú ŋa#á, tsí ó kparɔ ìɖì-kpɔ̃́nɔ́ fú ŋa.
À kɔ ìwé fú ɛgbɛ́-Kírísítò yèé wà ńǹlú-Tìyàtírè#ɛ́
18Kíbí ó mú ti adzítsɛ́-ɔ̀rɔ̃ nyɛ̀ŋɛ̀ gbo gbè bɛ̀#ɛ́, ó ní èmi kó kɔ ìwé yèé fú adzítsɛ́-ɔ̀rɔ̃† ti ɛgbɛ́-Kírísítò yèé wà ńǹlú-Tìyàtírè#ɛ́ gbo. Ó ní:
Ɔma bíbí-Ɔ̀ɖáyé, ɛnɛ yèé odzú‐ɛ̀ wà gbã̀ kíbí iná bɛ́, tsí ɛsɛ̀‐ɛ̀ ŋa dzɔ irɛ̃ kpikpa#á, ní wà wíìnyɛ̀ fɛ́ɛ#ɛ́. 19Ǹ ma itsɛ́ yèé ò wà tse ŋa kpó#ɛ́, tsí ǹ mà gbo ní àmúɖɔ̃̀ wà fɛ́ɛ. Ǹ ma àkaralé yèé ò nɛ́ si ńǹtá-mi#ɛ́, òŋu kíbí ò wà tsitsɛ́ fúnɛ gbà#á, tsí ò gbódzú gbo si#ɛ́. Ǹ mà ní itsɛ́-ɛ̀ɛ ŋa kpɔ̀ báàyí láre kíbí ó wà ńǹkpìnkpìlɛ̀#ɛ́.
20Ó ɖi, màa báɛ fɔ̀ fú iŋɛ́-kã̀. Ò tsikó dzɔ̀ɔ́ ɔnɔbɛ̃̀ɛ̃ nyɛ̀ŋɛ̀ yèé wà mú ara‐ɛ̀ kpe agbáfɔ̀-Ɔ̀ɖáyé fɔ̀†, tsí à náa kpè ní Yèsàbɛ́lì#ɛ́.#2:20 Yèsàbɛ́lì yèé à wà báfɔ̀#ɛ́ gbé wáa lɔ, tsí bóyá#á, à wà mú Yèsàbɛ́lì yèé à wà wíìnyɛ̀ ti nára‐ɛ̀ ńbíbɛ́#ɛ́, tsí wà ń ɖé bá ɛnɛ nyɛ̀ŋɛ̀ ni. À nákó nyáa rí afɔ̀#ɛ́ ńǸwé 1 Ólú ŋa 16:31, 19:1-2 òŋu ńǸwé 2 Ólú ŋa 9:22, 30 (1 Rois 16:31, 19:1-2 et 2 Rois 9:22, 30). Tsí ó wà tse tsí àtsìtsɛ́-mi ŋa wà sɛ̃̀ náànyì-mi. Náa rú ŋa kpɛ̀lɛ́ɛ́ kpɛ̀lɛ́ɛ́, tsí wà kɔ́ ŋa náàlòwá tsítse òŋu ká wà dzɛ ɛrã-ɛbɔ. 21Ǹ fúu ńǹwèrè ní kó ń nyíìlò kpaɖà, tsí ó kɔ̀ ní òŋu kàkó sɛ̃̀ náànyì-àlòwá-òŋu tsítse. 22Ńnɛ̀ ní màa mú àrɔ̃̀ lákṹ-kã̀ bɔwɔ́‐ɛ̀, tsí nákó kí nání#ɛ́. Tsí màa mú òfò lákṹ-kã̀ bá ɛnɛ yèé ŋa kò wà sɛ̃ Ɔ̀ɖáyé òŋu òtítɔ́ báa#á. Bí ó dzɛ́ ní à sɛ̃̀ náànyì-íbàɖí yèé òŋu ŋa méèdzì náa tse#ɛ́, ni ó tã́ ńnɛ̀ɛ́. 23Tsí màa kpa ɔma‐ɛ̀ ŋa gbo nóòkú. Ńbɛ̀ɛ́, ɛgbɛ́-Kírísítò ŋa kpó nákó mà ní èmi ní dzɛ́ ɛnɛ yèé náa tã ìsérè òŋu inɔ́-ɔ̀nyà wò títí náa ma iŋɛ́ yèé wà ńnɛ̀#ɛ́. Màa sã ɛŋɛ̀ fú ɛnɛ kṹnukṹ ti nára-itsɛ́ yèé ó tse#ɛ́.
24Ó ɖi, ɛ̀ŋɛ, olí-Yèésù-àtíbɔ̀ ŋa yèé wà ńTìyàtírè#ɛ́, ɛ̀ŋɛ òŋu, è kè wà tɛ̀ náànyì-ɛ̀kɔ́ nyɛ̀ŋɛ̀. È kè wà wo e ma iŋɛ́ yèé àŋa ká-ŋa, à wà kpè ní àrítã́-Ètsù†#ɛ́.#2:24 Àrítã́-Ètsù ní dzɛ́ iŋɛ́ yèé ɖúkù ńnɔ́-Ètsù#ɛ́. À náa kpòwe-kã̀ ní: Àríkèékèé ní òŋu rí àrítã́-ìmɔ́nɔ̀. Ìsérè ɔ̀kã̀ntso ni. Ńbɛ̀ɛ́, ǹ kàkó mú arù-kã̀ kpa ŋɛ́ ró. 25Ó ɖi, yèé wà fú ŋɛ́#ɛ́, è banɛ́‐ɛ̀ kũkũ títí fú ɔdzɔ́ yèé màa wá#á.
26-27Ɛnɛ yèé nákó dzàdzàbɔ́-Ètsù, tsí nákó wà tse awù-mi títí lɔ ńǹtã̀ntã́#á, màa fúu ńkpá yèé èmi ká-mi, ǹ gbà ńɖi-Boba-mi#ɛ́. Nákó kpɛ̀tsɛ fú ìlú ŋa, tsí nákó banɛ́ ɔ̀kpá-kã̀ kíbí irɛ̃ bɛ́, tsí wà ń nɛ́kpá si ńǹtá-ŋa, tsí wà ń fɔ́ ŋa múnúmúnú kíbí à náa fɔ́ ìkòkò-amà bɛ́#ɛ́. 28Tsí màa fúu nátɛ̀fɛ̃́rɛ̃̀dzɛ̃#2:28 Iŋɛ́ yèé à náa kpè ní atɛ̀fɛ̃́rɛ̃̀dzɛ̃#ɛ́ ní dzɛ́ àrã̀wo yèé náa wà má ńfìrìfìrì-àwúrɔ̀#ɛ́. gbo. 29Ɛnɛ yèé nɛ́ etí-ìgbɔ̃́ɔ̃̀rã̀#á, kó gbɔ́ afɔ̀ yèé Mímí-Ɔ̀ɖáyé wà wí fú ɔma-ɛgbɛ́-Kírísítò ŋa#á.
© (Active), Wycliffe Bible Translators, Inc. All rights reserved.