Hèbérù ŋa 4

1Ó ɖi báàyí#ɛ́, àlé yèé Ɔ̀ɖáyé ta fú ŋa wáa lɔ ní à nákó míra#á, ìrɔ́‐ɛ̀ ké ní ó ta si fú àwa gbo nɔ́mbɛ́ báàyí#ɛ́. Kíbí ó dzɛ́ bɛ́ɛ̀#ɛ́, ó wà ní e gbé nódzúfò, àtsùgbée kó máa dzɛ́ ní ɔ̀kã̀-ŋɛ́ ŋa-kã̀ wáa kí nɔ́ɔ̀nà, tsí kò nyáa wáa gba ìmíra#á. 2À dzíkɔ̀-Ɔ̀ɖáyé fú wa kíbí à dzɛ́ɛ fú àŋa gbo wáa lɔ#ɛ́ ni. Ó ɖi, kíbí à gbɔ́ɔ#ɛ́, à kò gbàá òŋu àkaralé, tsí ó tse tsí à kò rí èrè-kã̀ kpókpó ńnɛ̀.#4:2 À nákó nyáa fɔ̀ gbo ní: “Ó ɖi, kíbí à gbɔ́ɔ#ɛ́, à kò nɛ́ àkaralé si ńǹtá-Ɔ̀ɖáyé bá ɛnɛ yèé ŋa gbɔ́ ikɔ̀#ɛ́.” 3Ó ɖi, àwa òŋu, àa nɛ́ àkaralé si ńǹtá-ikɔ̀#ɛ́, tsí ìmíra yèé Ɔ̀ɖáyé tàlé fú wa#á, ó tɔwɔ́-wa. Ó wà ńnɛ̀ bɛ́ɛ̀ kíbí Ɔ̀ɖáyé ti fɔ̀ si ńnɔ́-Ìwé‐ɛ̀ ní:

“Ńbɛ̀ɛ́, inɔ́ bí mi, tsí ǹ tàlé, tsí le oŋù si ńǹtá‐ɛ̀ ní:

Ìɖéǹɖè ni, à kàkó wɔ̀ ńǹlú yèé ǹ tɔ́tse si fú ŋa ní

ká lɔ káà míra#á láyé.”#4:3 Ìwé-Orĩ ŋa 95:11 (Psaumes 95:11)

Kò tsi ní Ɔ̀ɖáyé kò tɔ́tse ìɖì-ìmíra#á tã́ wòná si fú ŋa ní tse tsí ó wà fɔ̀ bɛ́ɛ̀#ɛ́. Ìɖì#ɛ́ ti wà títɔ́tse si títí nɔ́dzɔ́ yèé Ɔ̀ɖáyé ɖá ayé#ɛ́ tã́#á ni. 4À kɔ afɔ̀#ɛ́ si ńǹɖì-kã̀ ńnɔ́-Ìwé-Ɔ̀ɖáyé† ní Ɔ̀ɖáyé mú ɔdzɔ́ méedze, tsí ń ɖá ayé#ɛ́. Tsí à wà wíìnyɛ̀ ti nára-ɔdzɔ́-èkéedze‐ɛ̀, tsí wà fɔ̀ ní:

“Ɔ̀ɖáyé tse itsɛ́‐ɛ̀ ŋa tã́ kpó,

tsí nɔ́dzɔ́-èkéedze‐ɛ̀, ó míra.”#4:4 Ìwé-Ìkpìnkpìlɛ̀-ayé 2:2 (Genèse 2:2)

5Tsí náfɔ̀ yèé àa fɔ̀ wáa lɔ ńǹsɛ̃̀ɛ̃́#ɛ́, Ɔ̀ɖáyé fɔ̀ ní:

“À kàkó wɔ̀ ńǹlú yèé ǹ tɔ́tse si fú ŋa ní

ká lɔ káà míra#á láyé.”#4:5 Ìwé-Orĩ ŋa 95:11 (Psaumes 95:11)

6Ɛnɛ yèé ŋa tsɛ̃̀tsɛ̃̀ gbɔ́ ikɔ̀-Ɔ̀ɖáyé#ɛ́, à kò nyáa gba ìmíra#á, iŋɛ́ yèé tse#ɛ́, à kò nɛ́ àkaralé si ńǹtá-Ɔ̀ɖáyé, tsí à kɔ̀ ní àŋa kàkó rɛ̃tígbè‐ɛ̀ gbo. Ńbɛ̀ɛ́, ìmíra-Ɔ̀ɖáyé#ɛ́ wà si ró, tsí ɔ̀nà wà fú olòmírɛ̃̀ ŋa ní ká nyáa gbàá. 7Àtsùgbée bɛ́ɛ̀#ɛ́, Ɔ̀ɖáyé sɛ̃̀ ɖá ɔdzɔ́-kã̀ si ró, tsí wà kpèé ní “nɔ́mbɛ́”. Ó wíìnyɛ̀ ti nára-ɔdzɔ́ nyɛ̀ŋɛ̀ fú gbágbóǹgbàgbò-wa ŋa wáa lɔ. Tsí náànyì-bɛ́ɛ̀ fékúfékú kíbí náfɔ̀ yèé ǹ ti fɔ̀ wáa lɔ ńǹsɛ̃̀ɛ̃́#ɛ́, ó wíìnyɛ̀ ti nára‐ɛ̀ ró. Ó gbà ńǹtá-Ɖàfíɖì†, tsí fɔ̀ ní:

“Nɔ́mbɛ́#ɛ́, bí è wà gbɔ́ afɔ̀ yèé Ɔ̀ɖáyé wà fɔ̀ fú ŋɛ́#ɛ́,

è máa fetí kpaá.”#4:7 Ìwé-Orĩ ŋa 95:7-8 (Psaumes 95:7-8)

8Tsí Yòsúwà† gbo, kíbí ó gbɛ̃́ gbágbóǹgbàgbò-wa ŋa wɔ̀ ńǹlú yèé Ɔ̀ɖáyé tàlé fú ŋa#á, ó má nyáa fú ŋa ńǹmíra#á, Ɔ̀ɖáyé kàá tɔ́ sɛ̃̀ fɔ afɔ̀ ɔdzɔ́-kã̀ náànyìwà ró. 9Tsí ká fɔ̀#ɛ́, kíbí Ɔ̀ɖáyé míra nɔ́dzɔ́-èkéedze‐ɛ̀#ɛ́, bɛ́ɛ̀ ké ní ìmíra-ìrɔ́-bɛ́ɛ̀-kã̀ gbo tɔ́ wà si fú ɔ̀nyà-kpáfɛ-Ɔ̀ɖáyé ŋa#á ńnɛ̀ɛ́. 10Tsí ɛnɛ yèé gba ìmíra yèé Ɔ̀ɖáyé tɔ́tse si#ɛ́, náa kɔ itsɛ́‐ɛ̀ dzɔ̀ɔ́, tsí náa míra, kíbí Ɔ̀ɖáyé gbo tsitsɛ́‐ɛ̀ ŋa tã́ kpó, tsí ó míra#á. 11Ńbɛ̀ɛ́, àa kó ɖìgírí, tsí àa kó gba ìmíra#á, àtsùgbée ɔ̀nyà-kã̀ kó máa tse kíbí gbágbóǹgbàgbò-wa ŋa tse wáa lɔ#ɛ́. Ɔ̀nyà-kã̀ kó máa kɔ̀ ní Ɔ̀ɖáyé kó máa gbɛ̃́ òŋu, tsí kó tsɛ̀rá.

12Afɔ̀-Ɔ̀ɖáyé, kò tsi afɔ̀ kúkú ni, àyɛ̀ wà ńnɛ̀. Ó nɛ́kpá, tsí náa tsitsɛ́ nára fúnɛ gbo. Afɔ̀#ɛ́ mú hɛ́hɛ́hɛ́ láre tàsú ɔ̀kã̀lɔ́ɔ̀kã̀ kpó. Tsí náa la ara-nɛ wɔ̀ títí lɔ ńŋɔ́nɔ́ŋɔ́nɔ́‐ɛ̀. Náa lɔ títí káà kã àyɛ̀ yèé wà ńnɔ́-nɛ#ɛ́, tsí kã ekũkũ òŋu mɔ̀nɔ̀mɔ́nɔ̀ ŋa gbo. Náa tsí atsɔ nódzú-awù-nɛ òŋu ìsérè-nɛ fúnɛ, tsí náa wà yɛ̀ ŋá wò. 13Iŋɛ́ yèé Ɔ̀ɖáyé ɖá ŋa#á-kã̀ kpókpó kò wà ńǹɖúkù fúu. À kí ńgbaŋgba si kpó nódzú‐ɛ̀, tsí ó wà rí ŋa. Òŋu ní ó wà ní àa kó wáa dzɛ́ àbɔ̀-iŋɛ́ ɔ̀kã̀lɔ́ɔ̀kã̀ kpó yèé àa tse#ɛ́ fú#ɛ́.

Ɔ̀ɖáyé tsã Yèésù ní kó dzɛ́ ɔ̀gã́-atsɛbɔ-Ɔ̀ɖáyé ŋa, tsí àa kó sɔ́ tìmá-òŋu òŋu àkaralé

14Àa nɛ́ ɔ̀gã́-atsɛbɔ-Ɔ̀ɖáyé ŋa† lákṹ-kã̀, Yèésù Ɔma bíbí-Ɔ̀ɖáyé ni. Ó ǹɖe, tsí lɔ káà tó títí ńɖi-Ɔ̀ɖáyé. Àtsùgbée bɛ́ɛ̀#ɛ́, àkaralé yèé àa náa fɔ̀ ní àa nɛ́ si ńǹtá‐ɛ̀#ɛ́, àa kó tsákìí banɛ́ nɔ́wɔ́ méèdzì kũkũ. 15Tsí ɛnɛ yèé dzɛ́ ɔ̀gã́-atsɛbɔ-Ɔ̀ɖáyé ŋa fú wa#á, ó mà ní ikpá-kã̀ kò wà fú wa, tsí náa wà rí ànyínɔ́ fú wa. Ètsù† ɖã́ã wò gbà nɔ́ɔ̀nà ɔ̀kã̀lɔ́ɔ̀kã̀ kpó ní kó dzàbi-Ɔ̀ɖáyé kíbí náa wà ɖã́ àwa gbo wò#ɛ́. Ó ɖi, kò dzàbi. 16Kíbí ó dzɛ́ bɛ́ɛ̀#ɛ́, àa kó tìmá-àntã̀-oyè-Ɔ̀ɖáyé olóore-ɔ̀fɛ́. Àa kó máa ɖá ɛ̀ɖɔ̃̀, àa kó sɔ́ tìmá‐ɛ̀ òŋu àkaralé, tsí kó rí ànyínɔ́ fú wa, tsí kó tse ore fú wa, tsí kó mɔ́wɔ́ gbè fú wa náàsòkò yèé nákó dzì fú wa rere#ɛ́.

Currently Selected:

Hèbérù ŋa 4: ngl

Highlight

Copy

Compare