Hèbérù ŋa 3

Mɔ̀ɔ́sè, àtsìtsɛ́-Ɔ̀ɖáyé, kò tó Yèésù Ɔma bíbí-Ɔ̀ɖáyé

1Ìnàbí-mi ŋa, è dzɛ́ ti Ɔ̀ɖáyé, tsí ó kpe ɛ̀ŋɛ gbo ní ɛ̀ŋɛ kó wá ńɖɔ̀-òŋu. Ńbɛ̀ɛ́, è módzú ta Yèésù kokoko si. Yèésù#ɛ́, àa fɔ̀ fùɖá nárũ-ara-wa ní ó dzɛ́ adzítsɛ́ yèé Ɔ̀ɖáyé bɛ̀ wá#á, tsí àa fɔ̀ gbo ní ó wà fú wa kíbí ɔ̀gã́-atsɛbɔ-Ɔ̀ɖáyé ŋa† bɛ́. 2Itsɛ́ ɔ̀kã̀lɔ́ɔ̀kã̀ kpó yèé Ɔ̀ɖáyé ɖá fúu#ɛ́, ó tseé dzì ńǹɖì‐ɛ̀, tsí Ɔ̀ɖáyé mú àkaralé‐ɛ̀, tsí ń si ńǹtá‐ɛ̀ dzálɛ̀ kpó, kíbí ó tse fú Mɔ̀ɔ́sè† gbo gbà ńǹwèrè yèé ó tsitsɛ́ náàŋírĩ-ɛnɛ-Ɔ̀ɖáyé ŋa#á.#3:2 Ɛnɛ-Ɔ̀ɖáyé ŋa yèé à wà báfɔ̀ ńbíbɛ́#ɛ́, ɔma-Ìsàràyɛ́lì ŋa ni. 3Tsí kíbí à kà nyɛ ilé-kã̀ láre ɛnɛ yèé ɖá ilé#ɛ́ òŋu ká‐ɛ̀#ɛ́, bɛ́ɛ̀ ké ní kò wà ní ká nyɛ Mɔ̀ɔ́sè láre Yèésù gbo#ɛ́ ńnɛ̀ɛ́. 4Bí ò rí ilé-kã̀ gé, mà ní ɔ̀nyà-kã̀ ní ɖáa#á. Ó ɖi, Ɔ̀ɖáyé òŋu ní ɖá iŋɛ́ ɔ̀kã̀lɔ́ɔ̀kã̀ kpó#ɛ́. 5Mɔ̀ɔ́sè dzɛ́ àtsìtsɛ́-Ɔ̀ɖáyé, tsí ó tsitsɛ́ náàŋírĩ-ɔ̀nyà-kpáfɛ-Ɔ̀ɖáyé ŋa òŋu òtítɔ́, tsí Ɔ̀ɖáyé mú àkaralé‐ɛ̀, tsí ń si ńǹtá‐ɛ̀ dzálɛ̀ kpó. Tsí itsɛ́ yèé ó tse#ɛ́, ó nya iŋɛ́ yèé Ɔ̀ɖáyé nákó wáa fɔ̀ náànyìwà ŋa#á ɖíre ni. 6Ó ɖi, Yèésù Kírísítò òŋu#ɛ́, ɔma-olí-boba ní ó dzɛ́#ɛ́, tsí náa wà ríìtá-ɔ̀nyà-kpáfɛ-Ɔ̀ɖáyé ŋa òŋu òtítɔ́, tsí Ɔ̀ɖáyé mú àkaralé‐ɛ̀ kpó, tsí ń si ńǹtá‐ɛ̀. Àwa ní dzɛ́ ɔ̀nyà-kpáfɛ-Ɔ̀ɖáyé ŋa#á. Ó ɖi, tã́ná kó dzɛ́ ní àa dzɛ́ ɔ̀nyà-kpáfɛ-Ɔ̀ɖáyé ŋa ìɖéǹɖè#ɛ́, ó wà ní àa kó gbódzú kpó, tsí iŋɛ́ yèé àa módzú si ní Ɔ̀ɖáyé bàkó wáa tse fú wa#á kó wà kɛ́ éwo-wa lɔ ńǹgbèrí.

Ká nɛ́ àkaralé si ńǹtá-Ɔ̀ɖáyé, tsí àa kó gba ìmíra yèé ó tàlé si fú wa#á

7Báàyí#ɛ́, Mímí-Ɔ̀ɖáyé† fɔ̀ si ńnɔ́-Ìwé-Ɔ̀ɖáyé† ní:

“Bí è wà gbɔ́ afɔ̀ yèé Ɔ̀ɖáyé wà fɔ̀ fú ŋɛ́ nɔ́mbɛ́#ɛ́,

8è máa fetí kpaá kíbí gbágbóǹgbàgbò-ŋɛ́ ŋa gbo tse#ɛ́.

À kɔ̀ ní Ɔ̀ɖáyé kó máa gbɛ̃́ àŋa.

Tsí ńǹwèrè yèé à gbé nɔ́ɔ̀ɖã̀#á,

à náa wà ɖã́ã wò gé ni.

9-10Ɔ̀ɖáyé ní: Gbágbóǹgbàgbò-ŋɛ́ ŋa rí iŋɛ́ yèé ǹ tse fú ŋa

títí gba ɔɖɔ̃́ ogóòdzì nɔ́ɔ̀ɖã̀#á,

tã́ná à náa sì wà ɖã́ mi wò#ɛ́.

Iŋɛ́ yèé tse tsí ǹ bínɔ́ fú ŋa, tsí fɔ̀ ní:

À náa wà yagbo làkóò gé ni.

À kò wò ní àŋa kó fa ɛkpa yèé ǹ ɖíre fú ŋa#á.

11Ńbɛ̀ɛ́, inɔ́ bí mi, tsí ǹ tàlé, tsí le oŋù si ńǹtá‐ɛ̀ ní:

Ìɖéǹɖè ni, à kàkó wɔ̀ ńǹlú yèé ǹ tɔ́tse si fú ŋa ní

ká lɔ káà míra#á láyé.”#3:11 Ìwé-Orĩ ŋa 95:7-11 (Psaumes 95:7-11)

12Ńbɛ̀ɛ́, ìnàbí-mi ŋa, è tsɔ́ éwo-ara-ŋɛ́ ŋa rere. Ɔ̀kã̀-ŋɛ́ ŋa-kã̀ kó máa dzɛ́ ɔ̀nyà-íbàɖí, tsí kɔ̀ ní òŋu kàkó nɛ́ àkaralé si ńǹtá-Ɔ̀ɖáyé ró títí kó wáa kɔ Ɔ̀ɖáyé Oláàyɛ̀ dzɔ̀ɔ́. 13Kà kàa bɛ́ɛ̀, è náa wà ɖáàmí le ara-ŋɛ́ ŋa nɔ́dzɔ́ kɔ́dzɔ́ nɔ́mbɛ́ yèé è wà gbɔ́ oŋù‐ɛ̀#ɛ́. È náa wà tse bɛ́ɛ̀, àtsùgbée àbi dzídzɛ kó máa rú ɔ̀kã̀-ŋɛ́ ŋa, tsí kó wáa tse ɛ̀ɖɔ̃̀ kíkã̀, tsí kɔ̀ ní òŋu kàkó rɛ̃tígbè-Ɔ̀ɖáyé. 14Fee, àkaralé yèé àa nɛ́ nɔ́dzɔ́ yèé àa tsɛ̃̀tsɛ̃̀ gba Kírísítò gbɔ́#ɛ́, àa kó tsákìí banɛ́ nɔ́wɔ́ méèdzì kũkũ. Bí àa nyáa tse bɛ́ɛ̀ títí lɔ gé ná, àwa Kírísítò† méèdzì, àa dzɔ́ wà tsitsɛ́ má náàdzɔ́, tsí èrè yèé itsɛ́#ɛ́ nákó bí#ɛ́, àa nákó dzɔ́ ń kpɛ̃́.

15Àa ti fɔ̀ ní à kɔ si ńǸwé-Ɔ̀ɖáyé† ní:

“Nɔ́mbɛ́#ɛ́, bí è wà gbɔ́ afɔ̀ yèé Ɔ̀ɖáyé wà fɔ̀ fú ŋɛ́#ɛ́,

è máa fetí kpaá kíbí gbágbóǹgbàgbò-ŋɛ́ ŋa gbo tse#ɛ́.

À kɔ̀ ní Ɔ̀ɖáyé kó máa gbɛ̃́ àŋa.”#3:15 Ìwé-Orĩ ŋa 95:7-8 (Psaumes 95:7-8)

16Ǹ ní fee, nɛ̀ɛ́ ŋa Ɔ̀ɖáyé wíìnyɛ̀ fú, tsí à kɔ̀ ní kó máa gbɛ̃́ àŋa ná? Kò tsi ɛnɛ yèé ŋa kpó Mɔ̀ɔ́sè† gbɛ̃́ fùɖá ńlɛ̀-Èdzíkpítì†#ɛ́ niì? 17Nɛ̀ɛ́ ŋa Ɔ̀ɖáyé bínɔ́ fú títí fú ɔɖɔ̃́ ogóòdzì ná? Kò tsi ɛnɛ yèé ŋa dzàbi, tsí kú tɛ́lɛ̀ bilɛbilɛ lɔ nɔ́ɔ̀ɖã̀ ŋa#á niì? 18Tsí kíbí ó tàlé, tsí le oŋù si ńǹtá‐ɛ̀ gbo ní: Ɛsɛ̀-ŋa méèdzì kpɛ́nlɛ́ɛ́ kàkó wɔ̀ ńǹlú yèé òŋu tɔ́tse si fú ŋa ní ká lɔ káà míra#á láyé#ɛ́ fe, nɛ̀ɛ́ ŋa ó wà báfɔ̀ ná? Kò tsi ɛnɛ yèé ŋa kò gbɔ̃́ɔ̃̀rã̀ fúu, tsí kò dzɛ́ gbo ní kó gbɛ̃́ àŋa#á niì? 19Ńbɛ̀ɛ́ fe, àa rí ní à kò nyáa wɔ̀ ńǹlú#ɛ́, iŋɛ́ yèé tse#ɛ́, à kò nɛ́ àkaralé si ńǹtá-Ɔ̀ɖáyé.

Currently Selected:

Hèbérù ŋa 3: ngl

Highlight

Copy

Compare