Èfɛ́sì ŋa 2
2
Ɔ̀ɖáyé dzí wa ti náàŋírĩ-òkú ŋa wá náyé bá Kírísítò
1Dzɔ̀ɔ́ dzɔ̀ɔ́#ɛ́, ɛ̀ŋɛ òŋu, è kú nóòro si nódzú-Ɔ̀ɖáyé ni. Iŋɛ́ yèé tse#ɛ́, è kà gbɔ́ɔ̀lú fúu, tsí è náa wà dzàbi‐ɛ̀ gbo. 2Náàsòkò nyɛ̀ŋɛ̀#ɛ́, è náa wà lìlò-íbàɖí nyɛ̀ŋɛ̀ ŋa kíbí ɔ̀nyà-ayé yèé ŋa. Tsí Ètsù† yèé dzɛ́ ólú-ikpá-òkùkù yèé ŋa wà ńǹgbèrí#ɛ́, è náa wà gbɔ́ɔ̀lú fú òŋu gbo. Òŋu ní wà ńtsɛ́ si báàyí ńnɔ́-ɛnɛ yèé ŋa kɔ̀ ní àŋa kàkó gbɔ́ɔ̀lú fú Ɔ̀ɖáyé#ɛ́. 3Dzɔ̀ɔ́ dzɔ̀ɔ́#ɛ́, àwa kpó, àa náa lìlò kíbí àŋa gbo ni. Àa náa wà tse si ńǹtá-awù-kíbí àa yà gbà#á kpó, tsí iŋɛ́ yèé ara-wa bèrè#ɛ́ ní àa náa tse#ɛ́, iŋɛ́ yèé wà ńǹsérè fú wa#á ní àa náa tse#ɛ́. Tsí ó wà ní Ɔ̀ɖáyé má fɛtí fú àwa gbo kíbí nákó fɛtí fú ɛnɛ-àtíbɔ̀ ŋa#á.
4Ó ɖi, Ɔ̀ɖáyé náa rí ànyínɔ́ fúnɛ tó bɛ́ɛ̀, tsí ó nɛ́ àmúɖɔ̃̀ lákṹ-kã̀ gbo fú wa. Tsí náàtsùgbée bɛ́ɛ̀#ɛ́, 5ńǹwèrè yèé àa kú nóòro si nódzú‐ɛ̀ náàtsùgbé-àbi-wa ŋa#á, ó tse tsí àa sɛ̃̀ wá náàyɛ̀ bá Kírísítò ró. Fee, bí ó dzɛ́ ní Ɔ̀ɖáyé gbà ŋɛ́ là si nɔ́mbɛ́ báàyí, ni ó tse ore-ɔ̀fɛ́ fú ŋɛ́ ni. 6Ńnɔ́-kíbí Yèésù Kírísítò tse ɔ̀kã̀ntso bá wa si#ɛ́, Ɔ̀ɖáyé dzí wa ti náàŋírĩ-òkú ŋa wá náyé báa, tsí mú wa, tsí ń dzoyè gbo báa si nɔ́ɔ̀rɔ̃. 7Ɔ̀ɖáyé tse iŋɛ́ yèé ŋa nyí kpó, àtsùgbée náànyìwà-ɔ̀la, ni kó wáa nya ore-ɔ̀fɛ́‐ɛ̀ yèé náa tse fúnɛ#ɛ́, tsí ń ɖíre fú ayé gbaŋgba#á kpó. Ore-ɔ̀fɛ́‐ɛ̀ lákṹ héŋú, kò tì lákṹ bɔ̀. Ó lákṹ títí iŋɛ́-kã̀ kò wà, tsí ká nyáa ń sàwé. Àa nákó ríi mà gbà ńǹtá-ìrɔ́-ore yèé ó tse fú wa gbà ńǹtá-Yèésù Kírísítò#ɛ́. 8Nóòtítɔ́#ɛ́ fee, bí ó dzɛ́ ní Ɔ̀ɖáyé gbà ŋɛ́ là si nɔ́mbɛ́ báàyí, ni ó tse ore-ɔ̀fɛ́ fú ŋɛ́ ni. Ó tseé fú ŋɛ́ bɛ́ɛ̀, iŋɛ́ yèé tse#ɛ́, è nɛ́ àkaralé si ńǹtá-Yèésù Kírísítò ni. Ó ɖi, kò tsi ní è tsitsɛ́-kã̀ ni. Ɔ̀yà ní Ɔ̀ɖáyé tse fú ŋɛ́#ɛ́. 9Fee, kò ti ńɖi-itsɛ́ yèé è náa tse ŋá#á. Ńbɛ̀ɛ́, kò wà ní ɔ̀nyà-kã̀ kó wà nyɛ ara‐ɛ̀. 10Nóòtítɔ́#ɛ́, kíbí àa wà gbà si báàyí nɔ́mbɛ́#ɛ́, nɔ́wɔ́-Ɔ̀ɖáyé ní ó ti#ɛ́. Kíbí àwa Yèésù Kírísítò méèdzì, àa ɖi ɔ̀kã̀ntso si#ɛ́, ó tse tsí Ɔ̀ɖáyé ɖá wa, àtsùgbée àa kó wà tse ire. Òŋu ká‐ɛ̀ ti kpaɖí ŋa si tsúwádzú, àtsùgbée àa kó nyáa tse ŋá.
Ɔ̀ɖáyé gbà ńǹtá-Kírísítò, tsí mú àwa kpó, tsí ń tse ɔ̀kã̀ntso
11Ńbɛ̀ɛ́, è tédzú ɔ̀nyà-ìrɔ́ yèé è dzɛ́ wáa lɔ dzɔ̀ɔ́ dzɔ̀ɔ́#ɛ́ rere. È kè dzɛ́ ɔma-Ìyúɖà† bíbí, tsí ɔma-Ìyúɖà ŋa náa wà fɔ̀ ní ɛ̀ŋɛ kò ɖákó kíbí ó wà nórò-àŋa gbà#á. Odzú nyɛ̀ŋɛ̀ ní à náa wà ń wò ŋɛ́#ɛ́. Tsí àŋa ká-ŋa gìɖì à náa wà fɔ̀ ní àŋa ní dzɛ́ olí-Ɔ̀ɖáyé#ɛ́, iŋɛ́ yèé tse#ɛ́, àŋa ɖákó kíbí ó wà nórò gbà#á. Tsí okó ɖíɖá†#á fee, kò tsi ara gé ní à náa ɖá fúnɛ#ɛ́ɛ̀? 12È náa tédzú rere ní náàsòkò nyɛ̀ŋɛ̀#ɛ́, è wà ńǹɖì dzídzɛ̃̀ si fú Kírísítò, ɛnɛ yèé Ɔ̀ɖáyé tsã̀#á. Tsí ɔ̀nà gbo kò wà ní ká kã̀ ŋɛ́ si náàŋírĩ-ɔma-Ìsàràyɛ́lì† ŋa, ɛnɛ yèé dzɛ́ ti Ɔ̀ɖáyé ŋa#á. Ńǹwèrè yèé Ɔ̀ɖáyé tse ìmɔ̀lɛ̀ ŋa bá ŋa, tsí tàlé-kã̀ gbo fú ŋa#á, è kè wà náàŋírĩ-ŋa. Odzú-ŋɛ́ kò wà nɔ́ɔ̀nà si ní iŋɛ́-kã̀ ti ńɖi-Ɔ̀ɖáyé bàa fú ŋɛ́. È wà náyé#ɛ́ si gé ni. È kè ma Ɔ̀ɖáyé gbo. 13Dzɔ̀ɔ́ dzɔ̀ɔ́#ɛ́, è wà ńǹɖì dzídzɛ̃̀ si fú Ɔ̀ɖáyé. Ó ɖi báàyí#ɛ́, kíbí ɛ̀ŋɛ Yèésù Kírísítò méèdzì, è ɖi ɔ̀kã̀ntso si#ɛ́, Ɔ̀ɖáyé fà ŋɛ́ tìmá-ara‐ɛ̀. Ó tse bɛ́ɛ̀ gbà ńǹtá-ɛbɔ yèé Kírísítò mú ara‐ɛ̀ tse#ɛ́ ni.
14Nóòtítɔ́#ɛ́, Kírísítò ní tse tsí àa wà ɖɔ̃̀, tsí ìdzà kò wà náàŋírĩ-wa ró#ɛ́. Ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á, à nya ara-ŋa kãdzú. Tsí ìdzà yèé wà náàŋírĩ-ŋa#á wà kíbí oɖi-kã̀, tsí ɖá àŋírĩ-ŋa si. Tsí Kírísítò mú ara‐ɛ̀, tsí ń tsɛbɔ, tsí ó gbà ńǹtá-ɛbɔ‐ɛ̀#ɛ́, tsí ɖíwó oɖi#ɛ́ ɖànu kpó bùɖùɖùù, tsí mú àŋa méèdzì#ɛ́, tsí ń tse ɔ̀kã̀ntso. 15Ɛkpa-Ɔma-Ìyúɖà ŋa ɖá ɛ̀wɔ̀ kpíkpɔ̀ si, tsí ɖá iŋɛ́ kpíkpɔ̀ gbo si ní ká wà tse. Ó ɖi, Kírísítò òŋu tse tsí kò wà ní ká rɛ̃̀ si nɛ́kpa#á òŋu iŋɛ́ yèé ɛkpa#á wà fɔ̀ ní ká tse ŋa#á ró. Ó tse bɛ́ɛ̀, àtsùgbée kó mú ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á, tsí ń tse ɔ̀kã̀ntso bá ara‐ɛ̀, tsí ká ɖi ɔ̀nyà ɔ̀kã̀ntso, tsí ɖi ɔ̀nyà titɔ̃ gbo. Bɛ́ɛ̀ ní ó tse gbà, tsí à wà ɖɔ̃̀, tsí ìdzà kò wà náàŋírĩ-ŋa ró#ɛ́. 16Kírísítò mú àŋa méèdzì méèdzì#ɛ́, tsí ń tse ɔ̀kã̀ntso, tsí tɔ́tse àŋírĩ-àŋa Ɔ̀ɖáyé méèdzì gbà ńǹtá-ikú yèé ó kú si ńǹtá-egi-ìɖáàgàlàdzà†#á. Kíbí ó tse bɛ́ɛ̀#ɛ́, ó kũ arũ-ìdzà yèé wà náàŋírĩ-ŋa#á. 17Tsí ó wáa dzíkɔ̀ ní ɛ̀ŋɛ yèé ŋa wà ńǹɖì dzídzɛ̃̀ si fú Ɔ̀ɖáyé#ɛ́ òŋu àwa yèé ŋa gbo wà sɔ́má‐ɛ̀#ɛ́, ìdzà kò wà náàŋírĩ-àwa-Ɔ̀ɖáyé méèdzì ró. 18Nóòtítɔ́#ɛ́, náàtsùgbé-Kírísítò#ɛ́, àwa méèdzì méèdzì#ɛ́ kpó ɔ̀nà wà fú wa ní àa kó gbà ńǹtá-Mímí‐ɛ̀ ɔ̀kã̀ntso#ɛ́, tsí lɔ ńɖi-Ɔ̀ɖáyé Boba-wa.
19Ńbɛ̀ɛ́, ɛ̀ŋɛ yèé kò dzɛ́ ɔma-Ìyúɖà ŋa#á, è kè dzɛ́ àledzò nàmí ɔ̀nyà-ibòmírɛ̃̀ ŋa ró gìɖì ɖã́wò. Kà kàa bɛ́ɛ̀, báàyí#ɛ́, ɛ̀ŋɛ gbo, è dzɛ́ ɔma-ìlú ɔ̀kã̀ntso ŋa bá ɛnɛ yèé dzɛ́ ti Ɔ̀ɖáyé ŋa#á ni, tsí è dzɛ́ ɔma-kpáfɛ-Ɔ̀ɖáyé ŋa gbo. 20È wà kíbí òkúta ŋa bɛ́, tsí Ɔ̀ɖáyé kɛ́ ŋɛ́, tsí ń malé-kã̀. Tsí adzítsɛ́-Yèésù† ŋa òŋu agbáfɔ̀-Ɔ̀ɖáyé fɔ̀† ŋa ní dzɛ́ òkpì-ilé#ɛ́. Tsí Yèésù Kírísítò òŋu dzɛ́ òkúta yèé wà négo-ilé#ɛ́ ŋa, tsí gbàá ɖóro si#ɛ́. 21Kíbí élè-ilé#ɛ́ ŋa tamá‐ɛ̀ si#ɛ́, ó tse tsí ilé#ɛ́ òŋu ká‐ɛ̀ kpó wɔ̀ má si rere. Tsí ilé#ɛ́ wà ga bàa, tsí kó wáa ɖi ilé-Ɔ̀ɖáyé† ńbí Ɔlɔ́dzɔ́ òŋu ká‐ɛ̀ wà á. 22Tsí kíbí ɛ̀ŋɛ Kírísítò méèdzí, è ɖi ɔ̀kã̀ntso si#ɛ́, ó tse tsí ó kɛ́ ɛ̀ŋɛ gbo, tsí ń má ɛnɛ-àtíbɔ̀ yèé dzɛ́ tɛ̀ɛ̀ ŋa#á, àtsùgbée ɛ̀ŋɛ kpó, e ɖi ilé yèé Ɔ̀ɖáyé nákó gbà ńǹtá-Mímí‐ɛ̀, tsí gbé ńnɛ̀#ɛ́.
Currently Selected:
Èfɛ́sì ŋa 2: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Èfɛ́sì ŋa 2
2
Ɔ̀ɖáyé dzí wa ti náàŋírĩ-òkú ŋa wá náyé bá Kírísítò
1Dzɔ̀ɔ́ dzɔ̀ɔ́#ɛ́, ɛ̀ŋɛ òŋu, è kú nóòro si nódzú-Ɔ̀ɖáyé ni. Iŋɛ́ yèé tse#ɛ́, è kà gbɔ́ɔ̀lú fúu, tsí è náa wà dzàbi‐ɛ̀ gbo. 2Náàsòkò nyɛ̀ŋɛ̀#ɛ́, è náa wà lìlò-íbàɖí nyɛ̀ŋɛ̀ ŋa kíbí ɔ̀nyà-ayé yèé ŋa. Tsí Ètsù† yèé dzɛ́ ólú-ikpá-òkùkù yèé ŋa wà ńǹgbèrí#ɛ́, è náa wà gbɔ́ɔ̀lú fú òŋu gbo. Òŋu ní wà ńtsɛ́ si báàyí ńnɔ́-ɛnɛ yèé ŋa kɔ̀ ní àŋa kàkó gbɔ́ɔ̀lú fú Ɔ̀ɖáyé#ɛ́. 3Dzɔ̀ɔ́ dzɔ̀ɔ́#ɛ́, àwa kpó, àa náa lìlò kíbí àŋa gbo ni. Àa náa wà tse si ńǹtá-awù-kíbí àa yà gbà#á kpó, tsí iŋɛ́ yèé ara-wa bèrè#ɛ́ ní àa náa tse#ɛ́, iŋɛ́ yèé wà ńǹsérè fú wa#á ní àa náa tse#ɛ́. Tsí ó wà ní Ɔ̀ɖáyé má fɛtí fú àwa gbo kíbí nákó fɛtí fú ɛnɛ-àtíbɔ̀ ŋa#á.
4Ó ɖi, Ɔ̀ɖáyé náa rí ànyínɔ́ fúnɛ tó bɛ́ɛ̀, tsí ó nɛ́ àmúɖɔ̃̀ lákṹ-kã̀ gbo fú wa. Tsí náàtsùgbée bɛ́ɛ̀#ɛ́, 5ńǹwèrè yèé àa kú nóòro si nódzú‐ɛ̀ náàtsùgbé-àbi-wa ŋa#á, ó tse tsí àa sɛ̃̀ wá náàyɛ̀ bá Kírísítò ró. Fee, bí ó dzɛ́ ní Ɔ̀ɖáyé gbà ŋɛ́ là si nɔ́mbɛ́ báàyí, ni ó tse ore-ɔ̀fɛ́ fú ŋɛ́ ni. 6Ńnɔ́-kíbí Yèésù Kírísítò tse ɔ̀kã̀ntso bá wa si#ɛ́, Ɔ̀ɖáyé dzí wa ti náàŋírĩ-òkú ŋa wá náyé báa, tsí mú wa, tsí ń dzoyè gbo báa si nɔ́ɔ̀rɔ̃. 7Ɔ̀ɖáyé tse iŋɛ́ yèé ŋa nyí kpó, àtsùgbée náànyìwà-ɔ̀la, ni kó wáa nya ore-ɔ̀fɛ́‐ɛ̀ yèé náa tse fúnɛ#ɛ́, tsí ń ɖíre fú ayé gbaŋgba#á kpó. Ore-ɔ̀fɛ́‐ɛ̀ lákṹ héŋú, kò tì lákṹ bɔ̀. Ó lákṹ títí iŋɛ́-kã̀ kò wà, tsí ká nyáa ń sàwé. Àa nákó ríi mà gbà ńǹtá-ìrɔ́-ore yèé ó tse fú wa gbà ńǹtá-Yèésù Kírísítò#ɛ́. 8Nóòtítɔ́#ɛ́ fee, bí ó dzɛ́ ní Ɔ̀ɖáyé gbà ŋɛ́ là si nɔ́mbɛ́ báàyí, ni ó tse ore-ɔ̀fɛ́ fú ŋɛ́ ni. Ó tseé fú ŋɛ́ bɛ́ɛ̀, iŋɛ́ yèé tse#ɛ́, è nɛ́ àkaralé si ńǹtá-Yèésù Kírísítò ni. Ó ɖi, kò tsi ní è tsitsɛ́-kã̀ ni. Ɔ̀yà ní Ɔ̀ɖáyé tse fú ŋɛ́#ɛ́. 9Fee, kò ti ńɖi-itsɛ́ yèé è náa tse ŋá#á. Ńbɛ̀ɛ́, kò wà ní ɔ̀nyà-kã̀ kó wà nyɛ ara‐ɛ̀. 10Nóòtítɔ́#ɛ́, kíbí àa wà gbà si báàyí nɔ́mbɛ́#ɛ́, nɔ́wɔ́-Ɔ̀ɖáyé ní ó ti#ɛ́. Kíbí àwa Yèésù Kírísítò méèdzì, àa ɖi ɔ̀kã̀ntso si#ɛ́, ó tse tsí Ɔ̀ɖáyé ɖá wa, àtsùgbée àa kó wà tse ire. Òŋu ká‐ɛ̀ ti kpaɖí ŋa si tsúwádzú, àtsùgbée àa kó nyáa tse ŋá.
Ɔ̀ɖáyé gbà ńǹtá-Kírísítò, tsí mú àwa kpó, tsí ń tse ɔ̀kã̀ntso
11Ńbɛ̀ɛ́, è tédzú ɔ̀nyà-ìrɔ́ yèé è dzɛ́ wáa lɔ dzɔ̀ɔ́ dzɔ̀ɔ́#ɛ́ rere. È kè dzɛ́ ɔma-Ìyúɖà† bíbí, tsí ɔma-Ìyúɖà ŋa náa wà fɔ̀ ní ɛ̀ŋɛ kò ɖákó kíbí ó wà nórò-àŋa gbà#á. Odzú nyɛ̀ŋɛ̀ ní à náa wà ń wò ŋɛ́#ɛ́. Tsí àŋa ká-ŋa gìɖì à náa wà fɔ̀ ní àŋa ní dzɛ́ olí-Ɔ̀ɖáyé#ɛ́, iŋɛ́ yèé tse#ɛ́, àŋa ɖákó kíbí ó wà nórò gbà#á. Tsí okó ɖíɖá†#á fee, kò tsi ara gé ní à náa ɖá fúnɛ#ɛ́ɛ̀? 12È náa tédzú rere ní náàsòkò nyɛ̀ŋɛ̀#ɛ́, è wà ńǹɖì dzídzɛ̃̀ si fú Kírísítò, ɛnɛ yèé Ɔ̀ɖáyé tsã̀#á. Tsí ɔ̀nà gbo kò wà ní ká kã̀ ŋɛ́ si náàŋírĩ-ɔma-Ìsàràyɛ́lì† ŋa, ɛnɛ yèé dzɛ́ ti Ɔ̀ɖáyé ŋa#á. Ńǹwèrè yèé Ɔ̀ɖáyé tse ìmɔ̀lɛ̀ ŋa bá ŋa, tsí tàlé-kã̀ gbo fú ŋa#á, è kè wà náàŋírĩ-ŋa. Odzú-ŋɛ́ kò wà nɔ́ɔ̀nà si ní iŋɛ́-kã̀ ti ńɖi-Ɔ̀ɖáyé bàa fú ŋɛ́. È wà náyé#ɛ́ si gé ni. È kè ma Ɔ̀ɖáyé gbo. 13Dzɔ̀ɔ́ dzɔ̀ɔ́#ɛ́, è wà ńǹɖì dzídzɛ̃̀ si fú Ɔ̀ɖáyé. Ó ɖi báàyí#ɛ́, kíbí ɛ̀ŋɛ Yèésù Kírísítò méèdzì, è ɖi ɔ̀kã̀ntso si#ɛ́, Ɔ̀ɖáyé fà ŋɛ́ tìmá-ara‐ɛ̀. Ó tse bɛ́ɛ̀ gbà ńǹtá-ɛbɔ yèé Kírísítò mú ara‐ɛ̀ tse#ɛ́ ni.
14Nóòtítɔ́#ɛ́, Kírísítò ní tse tsí àa wà ɖɔ̃̀, tsí ìdzà kò wà náàŋírĩ-wa ró#ɛ́. Ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á, à nya ara-ŋa kãdzú. Tsí ìdzà yèé wà náàŋírĩ-ŋa#á wà kíbí oɖi-kã̀, tsí ɖá àŋírĩ-ŋa si. Tsí Kírísítò mú ara‐ɛ̀, tsí ń tsɛbɔ, tsí ó gbà ńǹtá-ɛbɔ‐ɛ̀#ɛ́, tsí ɖíwó oɖi#ɛ́ ɖànu kpó bùɖùɖùù, tsí mú àŋa méèdzì#ɛ́, tsí ń tse ɔ̀kã̀ntso. 15Ɛkpa-Ɔma-Ìyúɖà ŋa ɖá ɛ̀wɔ̀ kpíkpɔ̀ si, tsí ɖá iŋɛ́ kpíkpɔ̀ gbo si ní ká wà tse. Ó ɖi, Kírísítò òŋu tse tsí kò wà ní ká rɛ̃̀ si nɛ́kpa#á òŋu iŋɛ́ yèé ɛkpa#á wà fɔ̀ ní ká tse ŋa#á ró. Ó tse bɛ́ɛ̀, àtsùgbée kó mú ɔma-Ìyúɖà ŋa òŋu ɛnɛ yèé kò dzɛ́ ɔma-Ìyúɖà ŋa#á, tsí ń tse ɔ̀kã̀ntso bá ara‐ɛ̀, tsí ká ɖi ɔ̀nyà ɔ̀kã̀ntso, tsí ɖi ɔ̀nyà titɔ̃ gbo. Bɛ́ɛ̀ ní ó tse gbà, tsí à wà ɖɔ̃̀, tsí ìdzà kò wà náàŋírĩ-ŋa ró#ɛ́. 16Kírísítò mú àŋa méèdzì méèdzì#ɛ́, tsí ń tse ɔ̀kã̀ntso, tsí tɔ́tse àŋírĩ-àŋa Ɔ̀ɖáyé méèdzì gbà ńǹtá-ikú yèé ó kú si ńǹtá-egi-ìɖáàgàlàdzà†#á. Kíbí ó tse bɛ́ɛ̀#ɛ́, ó kũ arũ-ìdzà yèé wà náàŋírĩ-ŋa#á. 17Tsí ó wáa dzíkɔ̀ ní ɛ̀ŋɛ yèé ŋa wà ńǹɖì dzídzɛ̃̀ si fú Ɔ̀ɖáyé#ɛ́ òŋu àwa yèé ŋa gbo wà sɔ́má‐ɛ̀#ɛ́, ìdzà kò wà náàŋírĩ-àwa-Ɔ̀ɖáyé méèdzì ró. 18Nóòtítɔ́#ɛ́, náàtsùgbé-Kírísítò#ɛ́, àwa méèdzì méèdzì#ɛ́ kpó ɔ̀nà wà fú wa ní àa kó gbà ńǹtá-Mímí‐ɛ̀ ɔ̀kã̀ntso#ɛ́, tsí lɔ ńɖi-Ɔ̀ɖáyé Boba-wa.
19Ńbɛ̀ɛ́, ɛ̀ŋɛ yèé kò dzɛ́ ɔma-Ìyúɖà ŋa#á, è kè dzɛ́ àledzò nàmí ɔ̀nyà-ibòmírɛ̃̀ ŋa ró gìɖì ɖã́wò. Kà kàa bɛ́ɛ̀, báàyí#ɛ́, ɛ̀ŋɛ gbo, è dzɛ́ ɔma-ìlú ɔ̀kã̀ntso ŋa bá ɛnɛ yèé dzɛ́ ti Ɔ̀ɖáyé ŋa#á ni, tsí è dzɛ́ ɔma-kpáfɛ-Ɔ̀ɖáyé ŋa gbo. 20È wà kíbí òkúta ŋa bɛ́, tsí Ɔ̀ɖáyé kɛ́ ŋɛ́, tsí ń malé-kã̀. Tsí adzítsɛ́-Yèésù† ŋa òŋu agbáfɔ̀-Ɔ̀ɖáyé fɔ̀† ŋa ní dzɛ́ òkpì-ilé#ɛ́. Tsí Yèésù Kírísítò òŋu dzɛ́ òkúta yèé wà négo-ilé#ɛ́ ŋa, tsí gbàá ɖóro si#ɛ́. 21Kíbí élè-ilé#ɛ́ ŋa tamá‐ɛ̀ si#ɛ́, ó tse tsí ilé#ɛ́ òŋu ká‐ɛ̀ kpó wɔ̀ má si rere. Tsí ilé#ɛ́ wà ga bàa, tsí kó wáa ɖi ilé-Ɔ̀ɖáyé† ńbí Ɔlɔ́dzɔ́ òŋu ká‐ɛ̀ wà á. 22Tsí kíbí ɛ̀ŋɛ Kírísítò méèdzí, è ɖi ɔ̀kã̀ntso si#ɛ́, ó tse tsí ó kɛ́ ɛ̀ŋɛ gbo, tsí ń má ɛnɛ-àtíbɔ̀ yèé dzɛ́ tɛ̀ɛ̀ ŋa#á, àtsùgbée ɛ̀ŋɛ kpó, e ɖi ilé yèé Ɔ̀ɖáyé nákó gbà ńǹtá-Mímí‐ɛ̀, tsí gbé ńnɛ̀#ɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.