Èfɛ́sì ŋa 1
1
1Èmi Kpɔ́lù, adzítsɛ́-Yèésù† Kírísítò ní ǹ dzɛ́#ɛ́, iŋɛ́ yèé tse#ɛ́, ó dzɔdzú-Ɔ̀ɖáyé, tsí ó tsã̀ mí ni. Tsí ǹ wà tse ìwé yèé bɛ́ fú ɛ̀ŋɛ yèé dzɛ́ ti Ɔ̀ɖáyé akpá akpá, ɛsɛ̀ ɛsɛ̀ ńǹlú-Èfɛ́sì si#ɛ́. È tɔ́ nɛ́ àkaralé si ńǹtá-Yèésù† Kírísítò† si ró. Ǹ wà kí ɛ̀ŋɛ kpó. 2Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà nyɛ Ɔ̀ɖáyé
3Kùsɛ̀ɛ̀ fú Ɔ̀ɖáyé ɛnɛ yèé dzɛ́ Boba-Yèésù Kírísítò Ɔlá-wa#á. Ó tu kùsɛ̀ɛ̀ fú àwa yèé ŋa, àwa Kírísítò méèdzì, àa ɖi ɔ̀kã̀ntso si#ɛ́. Ó kɛ́ iŋɛ́-ire ɔ̀kã̀lɔ́ɔ̀kã̀ kpó, tsí ń fú wa. Iŋɛ́-ire ŋa#á, ńɖi-Mímí-Ɔ̀ɖáyé† ní à náa ti wá#á. À kò wà ńǹtalɛ̀ bí. 4Fee, Ɔ̀ɖáyé ti tsã̀ wá, tsí mú Kírísítò tse ɔ̀kã̀ntso bá wa si tã́ná kó ɖá ayé gbaŋgba#á. Ó tse bɛ́ɛ̀, àtsùgbée bí ó wà rí wa, ni àbi-wa ŋa kó máa bɔ̀ si ró, ká wɛ̀ ǹɖe kpó bérébéré si. Ɔ̀ɖáyé nɛ́ àmúɖɔ̃̀ fú wa, 5tsí ti tse ètò si ní òŋu nákó gbà ńǹtá-Yèésù Kírísítò, tsí tse tsí àa kó ɖi ɔma-òŋu ŋa. Iŋɛ́ yèé ɖé fúu ní kó tse#ɛ́ ńnɛ̀ɛ́. 6Ńbɛ̀ɛ́, ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́, iŋɛ́ yèé tse#ɛ́, ore-ɔ̀fɛ́‐ɛ̀ lákṹ héŋú. Tsí ó gbà ńǹtá-ɔma àrínódzú‐ɛ̀, tsí tse ore-ɔ̀fɛ́ fú wa òŋu inɔ́ tútù.
7Àwa Kírísítò méèdzì, àa ɖi ɔ̀kã̀ntso, tsí kíbí ó mú ara‐ɛ̀ tsɛbɔ#ɛ́, ó gbà wá dzɔ̀ɔ́, tsí Ɔ̀ɖáyé mú àbi-wa ŋa, tsí ń tɔrɛ fú wa, iŋɛ́ yèé tse#ɛ́, ore yèé Ɔ̀ɖáyé wà wò fú wa#á kpɔ̀ tó bɛ́ɛ̀. 8Ó tu ore‐ɛ̀ bò wá si kpó bùràà si. Ó fú wa ńfɛ̀ɛ́nɔ́ ɔ̀kã̀lɔ́ɔ̀kã̀ kpó òŋu ìrã̀ã́mà ɔ̀kã̀lɔ́ɔ̀kã̀ gbo kpó. 9Òŋu ní wà dzɛ́ ní ó kɛ́ ètò‐ɛ̀, tsí ń ɖíre fú wa. Ètò#ɛ́, ó ń ɖúkù si dzɔ̀ɔ́ dzɔ̀ɔ́ ni. Ó ɖi báàyí#ɛ́, ó dzɔdzú‐ɛ̀, tsí ó kɛ́ɛ, tsí ń ɖíre fú wa. Tsí ó ti tse ètò#ɛ́ tã́ ńnɔ́-ara‐ɛ̀ si kpó ní 10bí àsòkò#ɛ́ tó#ɛ́, òŋu nákó tse tsí ètò#ɛ́ nákó tsɛ. Ètò#ɛ́ ní dzɛ́ ní iŋɛ́ yèé wà ńǹtalɛ̀ bí gbo, yèé wà ńǹgbèrí gbo, àŋa kpó, nákó mú ŋa, tsí ń tse ɔ̀kã̀ntso, tsí kɛ́ ɔ̀nyà-kã̀, tsí ń dzɛ ólú fú ŋa. Ɛnɛ#ɛ́, Kírísítò ni.
11Ɔ̀ɖáyé gbà ńǹtá-kíbí àa ɖi ɔ̀kã̀ntso bá Kírísítò si#ɛ́, tsí sɔ wá ɖi tɛ̀ɛ̀. Ó ti tse bɛ́ɛ̀ si ńǹrɔ́-kíbí ó ti ń si néètò‐ɛ̀ si gbà#á. Iŋɛ́ ɔ̀kã̀lɔ́ɔ̀kã̀ kpó yèé náa tse#ɛ́, náa tseé kíbí ó ti fɔ̀ɔ́ si gbà#á òŋu kíbí ó wò gbà#á ni, 12àtóoríi ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́ náàtsùgbé-wa, àwa yèé ŋa módzú si nɔ́ɔ̀nà si fú Kírísítò#ɛ́. 13Tsí ɛ̀ŋɛ gbo, kíbí è gbɔ́ ikɔ̀-òtítɔ́#ɛ́, ikɔ̀ ɖíɖɔ̃̀ yèé fú ŋɛ́ nɔ́là#á, kíbí è gbɔ́ɔ, tsí mú àkaralé-ŋɛ́, tsí ń si ńǹtá-Kírísítò#ɛ́, Ɔ̀ɖáyé ɖíìsèdzè-ŋɛ́. Tsí iŋɛ́ yèé ó ń ɖíìsèdzè-ŋɛ́#ɛ́ ní dzɛ́ Mímí‐ɛ̀ yèé ó tàlé si#ɛ́. 14Mímí‐ɛ̀#ɛ́, akpálà-àtsɛ̃̀tsɛ̃̀-iŋɛ́-ire yèé ŋa kpó ó kpaɖí si fú wa#á ni. Náàsòkò yèé nákó gba ɛnɛ yèé dzɛ́ tɛ̀ɛ̀ ŋa dzɔ̀ɔ́ dzálɛ̀#ɛ́ ní iŋɛ́-ire ŋa#á nákó tɔwɔ́-wa#á. Ńbɛ̀ɛ́, ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́.
Kpɔ́lù wà wúùre fú ɛnɛ-Èfɛ́sì ŋa
15-16Àtsùgbé-iŋɛ́ nyɛ̀ŋɛ̀ ŋa kpó ní èmi òŋu mà wà wúùre fú Ɔ̀ɖáyé fú ŋɛ́#ɛ́. Ǹ gbɔ́ ní è nɛ́ àkaralé si ńǹtá-Yèésù Ɔlá-wa, tsí ǹ gbɔ́ gbo ní è nɛ́ àmúɖɔ̃̀ fú ɛnɛ yèé ŋa kpó dzɛ́ ti Ɔ̀ɖáyé#ɛ́. Tsí ti nɔ́dzɔ́ nyɛ̀ŋɛ̀#ɛ́, ńǹwèrè kíìwèrè, bí ǹ wà wúùre fú Ɔ̀ɖáyé, ǹ kà mí ɔkpɛ́ ɖíɖá fúu fú ŋɛ́. 17Mà wà wúùre fú Ɔ̀ɖáyé-Yèésù Kírísítò Ɔlá-wa, Boba Olí-iyì ní kó gbà ńǹtá-Mímí‐ɛ̀, tsí fú ŋɛ́ ńfɛ̀ɛ́nɔ́, tsí nya ara‐ɛ̀ gbo ŋà ŋɛ́, tsí e màá rere. 18Mà wà wúùre fúu ní kó tse tsí ìsérè-ŋɛ́ kó tsí. Kíbí ó kpè ŋɛ́ ní ɛ̀ŋɛ kó dzɛ́ tòŋu#ɛ́, ó tse tsí è módzú si nɔ́ɔ̀nà si fú iŋɛ́-ire ŋa ní à nákó tɔwɔ́-ŋɛ́. Ńbɛ̀ɛ́, mà wà wúùre ní e ma kíbí iŋɛ́-ire ŋa#á lákṹ tó gbà#á. Tsí e mà gbo ní iŋɛ́-ire yèé ŋa ó tàlé si ní òŋu nákó fú ɛnɛ yèé dzɛ́ tòŋu ŋa#á, à ɖíirí, tsí kpɔ̀ gbo tó bɛ́ɛ̀. 19Tsí mà tɔ́ wà wúùre fúu gbo ró ní e ma ikpá‐ɛ̀. Ikpá‐ɛ̀ lákṹ, tsí ó kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Tsí náa wà mɔ́wɔ́ gbè fú àwa yèé nɛ́ àkaralé si ńǹtá-Ɔ̀ɖáyé ŋa#á. Ikpá lákṹ nyɛ̀ŋɛ̀#ɛ́ ké 20ní Ɔ̀ɖáyé lò ńǹwèrè yèé ó dzí Kírísítò ti náàŋírĩ-òkú ŋa wá náyé#ɛ́ òŋu ńǹwèrè yèé ó kɛ́ɛ, tsí ń dzokó náàwóòtã́-ara‐ɛ̀ nɔ́ɔ̀rɔ̃#ɛ́. 21Nɔ́ɔ̀rɔ̃ ńbí Kírísítò dzokó si#ɛ́, ó wà dzoyè òŋu ikpá lákṹ-kã̀. Tsí ikpá#á kpàtà lé ńǹtá-ikpá-iŋɛ́ ɔ̀kã̀lɔ́ɔ̀kã̀ kpó yèé wà#á. Tsí ɛ́kɔ‐ɛ̀ gbo kpàtà lé ńǹtá-ɛ́kɔ-ólú ɔ̀kã̀lɔ́ɔ̀kã̀ kpó. Nɔ́mbɛ́ niì, ɔ̀la niì, bɛ́ɛ̀ gé ní ó wà si#ɛ́. 22Tsí Ɔ̀ɖáyé mú iŋɛ́ ɔ̀kã̀lɔ́ɔ̀kã̀ gbo kpó, tsí ń bɔwɔ́‐ɛ̀. Ó wà nárũ-iŋɛ́ ɔ̀kã̀lɔ́ɔ̀kã̀ kpó, tsí Ɔ̀ɖáyé kɛ́ɛ ní kó dzɛ́ olí-éwo fú ɛgbɛ́‐ɛ̀. 23Kírísítò dzɛ́ olí-éwo fú ɛgbɛ́‐ɛ̀ ńǹrɔ́-kíbí éwo gbo dzɛ́ olí-ɔ̀nyà#á. Ńɖɔ̀‐ɛ̀ ní àyɛ̀ wà ti kpó, tsí wà wá fú ɛnɛ yèé dzɛ́ tɛ̀ɛ̀ ŋa#á. Òŋu ní náa fú iŋɛ́ ɔ̀kã̀lɔ́ɔ̀kã̀ kpó náàyɛ̀ ńǹɖì-ɔ̀kã̀lɔ́ɔ̀kã̀ kpó#ɛ́.
Currently Selected:
Èfɛ́sì ŋa 1: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Èfɛ́sì ŋa 1
1
1Èmi Kpɔ́lù, adzítsɛ́-Yèésù† Kírísítò ní ǹ dzɛ́#ɛ́, iŋɛ́ yèé tse#ɛ́, ó dzɔdzú-Ɔ̀ɖáyé, tsí ó tsã̀ mí ni. Tsí ǹ wà tse ìwé yèé bɛ́ fú ɛ̀ŋɛ yèé dzɛ́ ti Ɔ̀ɖáyé akpá akpá, ɛsɛ̀ ɛsɛ̀ ńǹlú-Èfɛ́sì si#ɛ́. È tɔ́ nɛ́ àkaralé si ńǹtá-Yèésù† Kírísítò† si ró. Ǹ wà kí ɛ̀ŋɛ kpó. 2Ɔ̀ɖáyé Boba-wa òŋu Yèésù Kírísítò Ɔlá-wa méèdzì ká tse ore-ɔ̀fɛ́ fú ŋɛ́, tsí ká fú ŋɛ́ ńtútùúrɔ̀ gbo.
Kpɔ́lù wà nyɛ Ɔ̀ɖáyé
3Kùsɛ̀ɛ̀ fú Ɔ̀ɖáyé ɛnɛ yèé dzɛ́ Boba-Yèésù Kírísítò Ɔlá-wa#á. Ó tu kùsɛ̀ɛ̀ fú àwa yèé ŋa, àwa Kírísítò méèdzì, àa ɖi ɔ̀kã̀ntso si#ɛ́. Ó kɛ́ iŋɛ́-ire ɔ̀kã̀lɔ́ɔ̀kã̀ kpó, tsí ń fú wa. Iŋɛ́-ire ŋa#á, ńɖi-Mímí-Ɔ̀ɖáyé† ní à náa ti wá#á. À kò wà ńǹtalɛ̀ bí. 4Fee, Ɔ̀ɖáyé ti tsã̀ wá, tsí mú Kírísítò tse ɔ̀kã̀ntso bá wa si tã́ná kó ɖá ayé gbaŋgba#á. Ó tse bɛ́ɛ̀, àtsùgbée bí ó wà rí wa, ni àbi-wa ŋa kó máa bɔ̀ si ró, ká wɛ̀ ǹɖe kpó bérébéré si. Ɔ̀ɖáyé nɛ́ àmúɖɔ̃̀ fú wa, 5tsí ti tse ètò si ní òŋu nákó gbà ńǹtá-Yèésù Kírísítò, tsí tse tsí àa kó ɖi ɔma-òŋu ŋa. Iŋɛ́ yèé ɖé fúu ní kó tse#ɛ́ ńnɛ̀ɛ́. 6Ńbɛ̀ɛ́, ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́, iŋɛ́ yèé tse#ɛ́, ore-ɔ̀fɛ́‐ɛ̀ lákṹ héŋú. Tsí ó gbà ńǹtá-ɔma àrínódzú‐ɛ̀, tsí tse ore-ɔ̀fɛ́ fú wa òŋu inɔ́ tútù.
7Àwa Kírísítò méèdzì, àa ɖi ɔ̀kã̀ntso, tsí kíbí ó mú ara‐ɛ̀ tsɛbɔ#ɛ́, ó gbà wá dzɔ̀ɔ́, tsí Ɔ̀ɖáyé mú àbi-wa ŋa, tsí ń tɔrɛ fú wa, iŋɛ́ yèé tse#ɛ́, ore yèé Ɔ̀ɖáyé wà wò fú wa#á kpɔ̀ tó bɛ́ɛ̀. 8Ó tu ore‐ɛ̀ bò wá si kpó bùràà si. Ó fú wa ńfɛ̀ɛ́nɔ́ ɔ̀kã̀lɔ́ɔ̀kã̀ kpó òŋu ìrã̀ã́mà ɔ̀kã̀lɔ́ɔ̀kã̀ gbo kpó. 9Òŋu ní wà dzɛ́ ní ó kɛ́ ètò‐ɛ̀, tsí ń ɖíre fú wa. Ètò#ɛ́, ó ń ɖúkù si dzɔ̀ɔ́ dzɔ̀ɔ́ ni. Ó ɖi báàyí#ɛ́, ó dzɔdzú‐ɛ̀, tsí ó kɛ́ɛ, tsí ń ɖíre fú wa. Tsí ó ti tse ètò#ɛ́ tã́ ńnɔ́-ara‐ɛ̀ si kpó ní 10bí àsòkò#ɛ́ tó#ɛ́, òŋu nákó tse tsí ètò#ɛ́ nákó tsɛ. Ètò#ɛ́ ní dzɛ́ ní iŋɛ́ yèé wà ńǹtalɛ̀ bí gbo, yèé wà ńǹgbèrí gbo, àŋa kpó, nákó mú ŋa, tsí ń tse ɔ̀kã̀ntso, tsí kɛ́ ɔ̀nyà-kã̀, tsí ń dzɛ ólú fú ŋa. Ɛnɛ#ɛ́, Kírísítò ni.
11Ɔ̀ɖáyé gbà ńǹtá-kíbí àa ɖi ɔ̀kã̀ntso bá Kírísítò si#ɛ́, tsí sɔ wá ɖi tɛ̀ɛ̀. Ó ti tse bɛ́ɛ̀ si ńǹrɔ́-kíbí ó ti ń si néètò‐ɛ̀ si gbà#á. Iŋɛ́ ɔ̀kã̀lɔ́ɔ̀kã̀ kpó yèé náa tse#ɛ́, náa tseé kíbí ó ti fɔ̀ɔ́ si gbà#á òŋu kíbí ó wò gbà#á ni, 12àtóoríi ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́ náàtsùgbé-wa, àwa yèé ŋa módzú si nɔ́ɔ̀nà si fú Kírísítò#ɛ́. 13Tsí ɛ̀ŋɛ gbo, kíbí è gbɔ́ ikɔ̀-òtítɔ́#ɛ́, ikɔ̀ ɖíɖɔ̃̀ yèé fú ŋɛ́ nɔ́là#á, kíbí è gbɔ́ɔ, tsí mú àkaralé-ŋɛ́, tsí ń si ńǹtá-Kírísítò#ɛ́, Ɔ̀ɖáyé ɖíìsèdzè-ŋɛ́. Tsí iŋɛ́ yèé ó ń ɖíìsèdzè-ŋɛ́#ɛ́ ní dzɛ́ Mímí‐ɛ̀ yèé ó tàlé si#ɛ́. 14Mímí‐ɛ̀#ɛ́, akpálà-àtsɛ̃̀tsɛ̃̀-iŋɛ́-ire yèé ŋa kpó ó kpaɖí si fú wa#á ni. Náàsòkò yèé nákó gba ɛnɛ yèé dzɛ́ tɛ̀ɛ̀ ŋa dzɔ̀ɔ́ dzálɛ̀#ɛ́ ní iŋɛ́-ire ŋa#á nákó tɔwɔ́-wa#á. Ńbɛ̀ɛ́, ayé gbaŋgba#á kó rí lílákṹ‐ɛ̀, tsí kó wà nyɛ̀ɛ́.
Kpɔ́lù wà wúùre fú ɛnɛ-Èfɛ́sì ŋa
15-16Àtsùgbé-iŋɛ́ nyɛ̀ŋɛ̀ ŋa kpó ní èmi òŋu mà wà wúùre fú Ɔ̀ɖáyé fú ŋɛ́#ɛ́. Ǹ gbɔ́ ní è nɛ́ àkaralé si ńǹtá-Yèésù Ɔlá-wa, tsí ǹ gbɔ́ gbo ní è nɛ́ àmúɖɔ̃̀ fú ɛnɛ yèé ŋa kpó dzɛ́ ti Ɔ̀ɖáyé#ɛ́. Tsí ti nɔ́dzɔ́ nyɛ̀ŋɛ̀#ɛ́, ńǹwèrè kíìwèrè, bí ǹ wà wúùre fú Ɔ̀ɖáyé, ǹ kà mí ɔkpɛ́ ɖíɖá fúu fú ŋɛ́. 17Mà wà wúùre fú Ɔ̀ɖáyé-Yèésù Kírísítò Ɔlá-wa, Boba Olí-iyì ní kó gbà ńǹtá-Mímí‐ɛ̀, tsí fú ŋɛ́ ńfɛ̀ɛ́nɔ́, tsí nya ara‐ɛ̀ gbo ŋà ŋɛ́, tsí e màá rere. 18Mà wà wúùre fúu ní kó tse tsí ìsérè-ŋɛ́ kó tsí. Kíbí ó kpè ŋɛ́ ní ɛ̀ŋɛ kó dzɛ́ tòŋu#ɛ́, ó tse tsí è módzú si nɔ́ɔ̀nà si fú iŋɛ́-ire ŋa ní à nákó tɔwɔ́-ŋɛ́. Ńbɛ̀ɛ́, mà wà wúùre ní e ma kíbí iŋɛ́-ire ŋa#á lákṹ tó gbà#á. Tsí e mà gbo ní iŋɛ́-ire yèé ŋa ó tàlé si ní òŋu nákó fú ɛnɛ yèé dzɛ́ tòŋu ŋa#á, à ɖíirí, tsí kpɔ̀ gbo tó bɛ́ɛ̀. 19Tsí mà tɔ́ wà wúùre fúu gbo ró ní e ma ikpá‐ɛ̀. Ikpá‐ɛ̀ lákṹ, tsí ó kpàtà lé ńǹtá-iŋɛ́ ɔ̀kã̀lɔ́ɔ̀kã̀ kpó. Tsí náa wà mɔ́wɔ́ gbè fú àwa yèé nɛ́ àkaralé si ńǹtá-Ɔ̀ɖáyé ŋa#á. Ikpá lákṹ nyɛ̀ŋɛ̀#ɛ́ ké 20ní Ɔ̀ɖáyé lò ńǹwèrè yèé ó dzí Kírísítò ti náàŋírĩ-òkú ŋa wá náyé#ɛ́ òŋu ńǹwèrè yèé ó kɛ́ɛ, tsí ń dzokó náàwóòtã́-ara‐ɛ̀ nɔ́ɔ̀rɔ̃#ɛ́. 21Nɔ́ɔ̀rɔ̃ ńbí Kírísítò dzokó si#ɛ́, ó wà dzoyè òŋu ikpá lákṹ-kã̀. Tsí ikpá#á kpàtà lé ńǹtá-ikpá-iŋɛ́ ɔ̀kã̀lɔ́ɔ̀kã̀ kpó yèé wà#á. Tsí ɛ́kɔ‐ɛ̀ gbo kpàtà lé ńǹtá-ɛ́kɔ-ólú ɔ̀kã̀lɔ́ɔ̀kã̀ kpó. Nɔ́mbɛ́ niì, ɔ̀la niì, bɛ́ɛ̀ gé ní ó wà si#ɛ́. 22Tsí Ɔ̀ɖáyé mú iŋɛ́ ɔ̀kã̀lɔ́ɔ̀kã̀ gbo kpó, tsí ń bɔwɔ́‐ɛ̀. Ó wà nárũ-iŋɛ́ ɔ̀kã̀lɔ́ɔ̀kã̀ kpó, tsí Ɔ̀ɖáyé kɛ́ɛ ní kó dzɛ́ olí-éwo fú ɛgbɛ́‐ɛ̀. 23Kírísítò dzɛ́ olí-éwo fú ɛgbɛ́‐ɛ̀ ńǹrɔ́-kíbí éwo gbo dzɛ́ olí-ɔ̀nyà#á. Ńɖɔ̀‐ɛ̀ ní àyɛ̀ wà ti kpó, tsí wà wá fú ɛnɛ yèé dzɛ́ tɛ̀ɛ̀ ŋa#á. Òŋu ní náa fú iŋɛ́ ɔ̀kã̀lɔ́ɔ̀kã̀ kpó náàyɛ̀ ńǹɖì-ɔ̀kã̀lɔ́ɔ̀kã̀ kpó#ɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.