Kòlósì ŋa 4
4
1Ó ɖi, olówó-arú ŋa, ɛ̀ŋɛ gbo, è náa wà tse iŋɛ́ yèé dzɛ́ òtítɔ́ nódzú-Ɔ̀ɖáyé#ɛ́ fú arú-ŋɛ́ ŋa. È máa wà ɖí ŋa si. Ó ɖi ɛ̀ŋɛ gbo, è nɛ́ olówó-kã̀, tsí ó wà nɔ́ɔ̀rɔ̃ si.
Kpɔ́lù wà fú ɛnɛ-Kòlósì ŋa ńfɛ̀ɛ́nɔ́ kã̀ŋa
2È ɖìgírí, tsí e wà ńǹre wúwú si gé. Tsí bí è wà wúùre, è náa wà nódzúfò si, tsí è náa wà ɖɔ́kpɛ́ gbo fú Ɔ̀ɖáyé. 3Náàsòkò yèé è wà wúùre#ɛ́, è náa wà wúùre fú Ɔ̀ɖáyé fú àwa gbo gbòkã́. È náa wà wúùre ní Ɔ̀ɖáyé kó fú wa nɔ́ɔ̀nà, tsí àa kó dzíkɔ̀-Kírísítò fú ɔ̀nyà ŋa. Ikɔ̀#ɛ́, afɔ̀-kã̀ ni, tsí Ɔ̀ɖáyé ń ɖúkù si dzɔ̀ɔ́ dzɔ̀ɔ́ si. Tsí ikɔ̀ nyɛ̀ŋɛ̀ yèé ǹ dzɛ́ fú ɔ̀nyà ŋa#á ní tse tsí ǹ wà nɛ́ɛ̀ŋà si nɔ́mbɛ́#ɛ́. 4Ó ɖi, è wúùre fú Ɔ̀ɖáyé, tsí n nyáa dzíkɔ̀#ɛ́, tsí inɔ́‐ɛ̀ kó má rere kíbí ó wà ní n dzɛ́ɛ gbà#á.
5Bí è wà náàŋírĩ-ɛnɛ yèé kò dzɛ́ olí-Yèésù ŋa#á, è náa mú ifɛ̀ɛ́nɔ́, tsí wà ń gbɛ̃́ ara-ŋɛ́. Bí Ɔ̀ɖáyé tseé, tsí è rí ní ɔ̀nà-kã̀ tsí fú ŋɛ́ gé, è náa tse, tsí ká ma Kírísítò. 6Bí è wà wíìnyɛ̀ fú ŋa, afɔ̀ ŋa#á kó wà ɖɔ̃̀, tsí ɖíi gbɔ́ fú etí fú ŋa. Bí è wà tse bɛ́ɛ̀, kíbí ó wà ní e dzɔ́ŋù fú kṹnukṹ gbà#á, è nákó màá.
Okũ-ìtã̀ntã́ ŋa
7Kíbí iŋɛ́ ŋa#á wà lɔ fú mi gbà bí#ɛ́, Tùtsìkɔ́sì nákó fɔ̀ɔ́ kpó fú ŋɛ́. Tùtsìkɔ́sì#ɛ́, ìnàbí-wa òŋu àrínódzú-wa ni. Àa dzɔ́ wà tsitsɛ́-Ɔlá-wa ni, tsí ó wà mɔ́wɔ́ gbè fú wa ńtsɛ́#ɛ́ òŋu òtítɔ́. 8Àtsùgbée e gbɔ́ ìdzã̀mà-wa ní ǹ bɛ̀ɛ́ wá ńɖi-ŋɛ́#ɛ́. Nákó ɖáàmí le ŋɛ́ gbo. 9Ó ɖi, òŋu Ɔ̀nyàɖɔ̃̀#4:9 Ńgɛ̀rɛ́kì#ɛ́, ɛ́kɔ‐ɛ̀ dzɛ́ Ɔ̀nɛ̀símì. Tsí òkpì-Ɔ̀nɛ̀símì#ɛ́ ní dzɛ́ Ɔ̀nyàɖɔ̃̀#ɛ́. méèdzì ní ǹ bɛ̀ wá#á. Ɔ̀nyàɖɔ̃̀#ɛ́, ɔma-ìlú-ŋɛ́ ni. Tsí ó dzɛ́ ìnàbí-wa òŋu àrínódzú-wa, tsí àkaralé wà ńǹtá‐ɛ̀. Kíbí iŋɛ́ ŋa#á wà lɔ fú wa gbà bí#ɛ́, à nákó fɔ̀ɔ́ fú ŋɛ́.
10Àrìsìtákò wà kí ŋɛ́. Òŋu gbo wà nɛ́ɛ̀ŋà bá mi si. Mákò ɔmànà-Bànàbá, òŋu gbo wà kí ŋɛ́. [Kíbí è nákó tse fúu gbà#á, à ti fɔ̀ɔ́ fú ŋɛ́ ná. Bí ó wáa tó ńɖi-ŋɛ́, è gbàá náàledzò rere]. 11Yèésù yèé à náa ɖákì ní Yúsítù#ɛ́ gbo wà kí ŋɛ́. Náàŋírĩ-ɔma-Ìyúɖà† yèé ŋa wáa ɖi olí-Yèésù#ɛ́, àŋa mɛ́ɛta nyɛ̀ŋɛ̀ gé ní wà tsitsɛ́ bá mi#ɛ́, àtsùgbée Ɔ̀ɖáyé kó dzoyè si ńǹtá-ɔ̀nyà ŋa. Àŋa mɛ́ɛta#á, à ɖáàmí le mí.
12Èkpàfìrásì gbo wà kí ŋɛ́. Ɔma-ìlú-ŋɛ́ ni, tsí ó dzɛ́ àtsìtsɛ́-Yèésù Kírísítò. Tsí ó ɖìgírí ńǹre wúwú fú Ɔ̀ɖáyé si fú ŋɛ́ làkóò si gé ni. Náa wà wúùre ní àkaralé-ŋɛ́ kó máa tì mì dzígí gìɖì, tsí e ɖonùgbó nɔ́Ɔ̀ɖáyé sísɛ̃̀, tsí e dzɛ́ ní àŋa nákó tse si ńǹtá-awù-Ɔ̀ɖáyé gbo kpó. 13Ǹ wà fɔ̀ bɛ́ɛ̀, iŋɛ́ yèé tse#ɛ́, Èkpàfìrásì wà ńtsɛ́ tsítse si fú ŋɛ́ si tó bɛ́ɛ̀. Ó wà ńtsɛ́ tsítse si fú olí-Yèésù ti Làwòɖìsé ŋa òŋu ti ìlú-Yɛ̀ràkpòlósì ŋa gbo. Ń ti nyɛ̀ŋɛ̀ òŋu, màa nyáa nya àyídzá‐ɛ̀. 14Lúkà, àrínódzú-mi yèé dzɛ́ abɔnɛ#ɛ́, òŋu Ɖèmásì, àŋa gbo, à wà kí ŋɛ́.
15È náa kí ìnàbí-wa ŋa yèé wà ńǹlú-Làwòɖìsé#ɛ́ fú mi. Tsí è náa kí Nùmɛ́fà òŋu olí-Yèésù yèé ŋa náa kpàɖé ńlé‐ɛ̀#ɛ́ gbo fú mi. 16È náa kã ìwé#ɛ́, tsí ɔ̀nyà kpó kó gbɔ́. Tsí bí è kã̀ã́ tã́, è náa kɛ́ɛ lɔ fú ɔma-ɛgbɛ́-Kírísítò yèé ŋa wà ńLàwòɖìsé#ɛ́, tsí àŋa gbo ká kã̀ã́ fú ara-ŋa. Ó ɖi, ɛnɛ-Làwòɖìsé ŋa gbo nákó kɛ́ yèé à gbà#á wá fú ŋɛ́. È náa kã òŋu gbo, tsí ɔ̀nyà kpó kó gbɔ́. 17Tsí è náa fɔ̀ fú Àkíkpò ní itsɛ́ yèé Ɔlá-wa ɖá fúu#ɛ́, kó wo ìɖì‐ɛ̀ rere, tsí kó tseé dzálɛ̀.
18Èmi, Kpɔ́lù, ǹ wà kí ŋɛ́ kpó. Okũ yèé bɛ́#ɛ́, èmi ká-èmi, Kpɔ́lù ní mɔ́wɔ́-ara-mi, tsí ń kɔɔ́#ɛ́. Ó ɖi, è náa wà tédzú ní ǹ wà nɛ́ɛ̀ŋà si. Ɔ̀ɖáyé kó tse ore-ɔ̀fɛ́ fú ɛ̀ŋɛ kpó.
Currently Selected:
Kòlósì ŋa 4: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
Kòlósì ŋa 4
4
1Ó ɖi, olówó-arú ŋa, ɛ̀ŋɛ gbo, è náa wà tse iŋɛ́ yèé dzɛ́ òtítɔ́ nódzú-Ɔ̀ɖáyé#ɛ́ fú arú-ŋɛ́ ŋa. È máa wà ɖí ŋa si. Ó ɖi ɛ̀ŋɛ gbo, è nɛ́ olówó-kã̀, tsí ó wà nɔ́ɔ̀rɔ̃ si.
Kpɔ́lù wà fú ɛnɛ-Kòlósì ŋa ńfɛ̀ɛ́nɔ́ kã̀ŋa
2È ɖìgírí, tsí e wà ńǹre wúwú si gé. Tsí bí è wà wúùre, è náa wà nódzúfò si, tsí è náa wà ɖɔ́kpɛ́ gbo fú Ɔ̀ɖáyé. 3Náàsòkò yèé è wà wúùre#ɛ́, è náa wà wúùre fú Ɔ̀ɖáyé fú àwa gbo gbòkã́. È náa wà wúùre ní Ɔ̀ɖáyé kó fú wa nɔ́ɔ̀nà, tsí àa kó dzíkɔ̀-Kírísítò fú ɔ̀nyà ŋa. Ikɔ̀#ɛ́, afɔ̀-kã̀ ni, tsí Ɔ̀ɖáyé ń ɖúkù si dzɔ̀ɔ́ dzɔ̀ɔ́ si. Tsí ikɔ̀ nyɛ̀ŋɛ̀ yèé ǹ dzɛ́ fú ɔ̀nyà ŋa#á ní tse tsí ǹ wà nɛ́ɛ̀ŋà si nɔ́mbɛ́#ɛ́. 4Ó ɖi, è wúùre fú Ɔ̀ɖáyé, tsí n nyáa dzíkɔ̀#ɛ́, tsí inɔ́‐ɛ̀ kó má rere kíbí ó wà ní n dzɛ́ɛ gbà#á.
5Bí è wà náàŋírĩ-ɛnɛ yèé kò dzɛ́ olí-Yèésù ŋa#á, è náa mú ifɛ̀ɛ́nɔ́, tsí wà ń gbɛ̃́ ara-ŋɛ́. Bí Ɔ̀ɖáyé tseé, tsí è rí ní ɔ̀nà-kã̀ tsí fú ŋɛ́ gé, è náa tse, tsí ká ma Kírísítò. 6Bí è wà wíìnyɛ̀ fú ŋa, afɔ̀ ŋa#á kó wà ɖɔ̃̀, tsí ɖíi gbɔ́ fú etí fú ŋa. Bí è wà tse bɛ́ɛ̀, kíbí ó wà ní e dzɔ́ŋù fú kṹnukṹ gbà#á, è nákó màá.
Okũ-ìtã̀ntã́ ŋa
7Kíbí iŋɛ́ ŋa#á wà lɔ fú mi gbà bí#ɛ́, Tùtsìkɔ́sì nákó fɔ̀ɔ́ kpó fú ŋɛ́. Tùtsìkɔ́sì#ɛ́, ìnàbí-wa òŋu àrínódzú-wa ni. Àa dzɔ́ wà tsitsɛ́-Ɔlá-wa ni, tsí ó wà mɔ́wɔ́ gbè fú wa ńtsɛ́#ɛ́ òŋu òtítɔ́. 8Àtsùgbée e gbɔ́ ìdzã̀mà-wa ní ǹ bɛ̀ɛ́ wá ńɖi-ŋɛ́#ɛ́. Nákó ɖáàmí le ŋɛ́ gbo. 9Ó ɖi, òŋu Ɔ̀nyàɖɔ̃̀#4:9 Ńgɛ̀rɛ́kì#ɛ́, ɛ́kɔ‐ɛ̀ dzɛ́ Ɔ̀nɛ̀símì. Tsí òkpì-Ɔ̀nɛ̀símì#ɛ́ ní dzɛ́ Ɔ̀nyàɖɔ̃̀#ɛ́. méèdzì ní ǹ bɛ̀ wá#á. Ɔ̀nyàɖɔ̃̀#ɛ́, ɔma-ìlú-ŋɛ́ ni. Tsí ó dzɛ́ ìnàbí-wa òŋu àrínódzú-wa, tsí àkaralé wà ńǹtá‐ɛ̀. Kíbí iŋɛ́ ŋa#á wà lɔ fú wa gbà bí#ɛ́, à nákó fɔ̀ɔ́ fú ŋɛ́.
10Àrìsìtákò wà kí ŋɛ́. Òŋu gbo wà nɛ́ɛ̀ŋà bá mi si. Mákò ɔmànà-Bànàbá, òŋu gbo wà kí ŋɛ́. [Kíbí è nákó tse fúu gbà#á, à ti fɔ̀ɔ́ fú ŋɛ́ ná. Bí ó wáa tó ńɖi-ŋɛ́, è gbàá náàledzò rere]. 11Yèésù yèé à náa ɖákì ní Yúsítù#ɛ́ gbo wà kí ŋɛ́. Náàŋírĩ-ɔma-Ìyúɖà† yèé ŋa wáa ɖi olí-Yèésù#ɛ́, àŋa mɛ́ɛta nyɛ̀ŋɛ̀ gé ní wà tsitsɛ́ bá mi#ɛ́, àtsùgbée Ɔ̀ɖáyé kó dzoyè si ńǹtá-ɔ̀nyà ŋa. Àŋa mɛ́ɛta#á, à ɖáàmí le mí.
12Èkpàfìrásì gbo wà kí ŋɛ́. Ɔma-ìlú-ŋɛ́ ni, tsí ó dzɛ́ àtsìtsɛ́-Yèésù Kírísítò. Tsí ó ɖìgírí ńǹre wúwú fú Ɔ̀ɖáyé si fú ŋɛ́ làkóò si gé ni. Náa wà wúùre ní àkaralé-ŋɛ́ kó máa tì mì dzígí gìɖì, tsí e ɖonùgbó nɔ́Ɔ̀ɖáyé sísɛ̃̀, tsí e dzɛ́ ní àŋa nákó tse si ńǹtá-awù-Ɔ̀ɖáyé gbo kpó. 13Ǹ wà fɔ̀ bɛ́ɛ̀, iŋɛ́ yèé tse#ɛ́, Èkpàfìrásì wà ńtsɛ́ tsítse si fú ŋɛ́ si tó bɛ́ɛ̀. Ó wà ńtsɛ́ tsítse si fú olí-Yèésù ti Làwòɖìsé ŋa òŋu ti ìlú-Yɛ̀ràkpòlósì ŋa gbo. Ń ti nyɛ̀ŋɛ̀ òŋu, màa nyáa nya àyídzá‐ɛ̀. 14Lúkà, àrínódzú-mi yèé dzɛ́ abɔnɛ#ɛ́, òŋu Ɖèmásì, àŋa gbo, à wà kí ŋɛ́.
15È náa kí ìnàbí-wa ŋa yèé wà ńǹlú-Làwòɖìsé#ɛ́ fú mi. Tsí è náa kí Nùmɛ́fà òŋu olí-Yèésù yèé ŋa náa kpàɖé ńlé‐ɛ̀#ɛ́ gbo fú mi. 16È náa kã ìwé#ɛ́, tsí ɔ̀nyà kpó kó gbɔ́. Tsí bí è kã̀ã́ tã́, è náa kɛ́ɛ lɔ fú ɔma-ɛgbɛ́-Kírísítò yèé ŋa wà ńLàwòɖìsé#ɛ́, tsí àŋa gbo ká kã̀ã́ fú ara-ŋa. Ó ɖi, ɛnɛ-Làwòɖìsé ŋa gbo nákó kɛ́ yèé à gbà#á wá fú ŋɛ́. È náa kã òŋu gbo, tsí ɔ̀nyà kpó kó gbɔ́. 17Tsí è náa fɔ̀ fú Àkíkpò ní itsɛ́ yèé Ɔlá-wa ɖá fúu#ɛ́, kó wo ìɖì‐ɛ̀ rere, tsí kó tseé dzálɛ̀.
18Èmi, Kpɔ́lù, ǹ wà kí ŋɛ́ kpó. Okũ yèé bɛ́#ɛ́, èmi ká-èmi, Kpɔ́lù ní mɔ́wɔ́-ara-mi, tsí ń kɔɔ́#ɛ́. Ó ɖi, è náa wà tédzú ní ǹ wà nɛ́ɛ̀ŋà si. Ɔ̀ɖáyé kó tse ore-ɔ̀fɛ́ fú ɛ̀ŋɛ kpó.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.