1 Tɛ̀sàlòníkì ŋa 1
1
1Èmi, Kpɔ́lù òŋu Sìlásì má nára-Tìmɔ̀té, àwa ní wà tse ìwé yèé bɛ́ fú ɛgbɛ́-Kírísítò yèé wà ńǹlú-Tɛ̀sàlòníkì#ɛ́. È dzɛ́ ti Ɔ̀ɖáyé Boba-wa, tsí dzɛ́ ti Yèésù† Kírísítò† Ɔlá-wa gbo. Àa wà kí ɛ̀ŋɛ kpó. Ɔ̀ɖáyé kó tse ore-ɔ̀fɛ́ fú ŋɛ́, tsí kó fú ŋɛ́ ńtútùúrɔ̀ gbo.
Kpɔ́lù ŋa wà ɖɔ́kpɛ́ fú Ɔ̀ɖáyé ní ɛnɛ-Tɛ̀sàlòníkì ŋa gba Yèésù gbɔ́
2-3Bí àa wà wúùre fú Ɔ̀ɖáyé Boba-wa#á, àa náa wà ɖɔ́kpɛ́ fúu fú ɛ̀ŋɛ kpó gé ni. Àa náa wà mú afɔ̀-ŋɛ́ si nódzú fúu. Bí àa ɖóro si nódzú‐ɛ̀ bɛ́ɛ̀#ɛ́, àa náa wà tédzú kíbí è wà tsitsɛ́-Ɔ̀ɖáyé gbà#á. Itsɛ́#ɛ́, è náa tseé, iŋɛ́ yèé tse#ɛ́, è gba Yèésù gbɔ́, tsí è nɛ́ àmúɖɔ̃̀ fúnɛ gbo. Àa náa wà tédzú kíbí odzú-ŋɛ́ gbo kà nyà nɔ́ɔ̀nà fú Yèésù Kírísítò Ɔlá-wa láyé#ɛ́.
4Ìnàbí-wa ŋa, àrínódzú-Ɔ̀ɖáyé ŋa, àa mà ní Ɔ̀ɖáyé tsã̀ ŋɛ́ ní ɛ̀ŋɛ kó dzɛ́ tòŋu. 5Ó ɖi, kíbí àa wá ńɖi-ŋɛ́, tsí àa dzíkɔ̀ ɖíɖɔ̃̀-Yèésù fú ŋɛ́#ɛ́, kò tsi náfɔ̀ fífɔ̀ gé ni. Mímí-Ɔ̀ɖáyé† fú wa ńkpá ní ká fɔ̀ɔ́ fú ŋɛ́ ni, tsí àa nɛ́ àkaralé gbo ní è nákó gbàá gbɔ́. Ńǹwèrè yèé àa gbé ńɖi-ŋɛ́#ɛ́, è rí ìgbèngbé-wa. È mà ní iŋɛ́ yèé àa tse ŋa kpó#ɛ́, àtóoríi ire tiŋɛ́ ni.
6Ńbɛ̀ɛ́, ɛ̀ŋɛ gbo, è rí wa tse, tsí wà rí Ɔlá-wa gbo tse. Kíbí è gba afɔ̀‐ɛ̀ gbɔ́#ɛ́, à tsoró bá ŋɛ́ tó bɛ́ɛ̀. Tsí kíbí è wà ńǹréré gìɖì si#ɛ́, Mímí-Ɔ̀ɖáyé sì wà fú ŋɛ́ náyè títɛ́. 7Ńnɛ̀ ní è ɖi ɔ̀nyà-ká rí tse fú olí-Yèésù ŋa kpó yèé wà ńlɛ̀-Màkɛ̀ɖónìyà òŋu nérè-Àkáyà#á.
8Tsí kò tsi ɛnɛ-ibɛ̀ ŋa sɔ̃́ŋú gé ní gbɔ́ ikɔ̀-Ɔlá-wa gbà ńǹtá-ŋɛ́#ɛ́. Èsì‐ɛ̀ ti bà wérí kpó, tsí ɔ̀nyà kpó gbɔ́ kíbí è gba Ɔ̀ɖáyé gbɔ́#ɛ́. Kò bèrè ní àa kó sɛ̃̀ wíi ró. 9Àŋa ká-ŋa gìɖì, à wáa kpɛ̀rɔ́‐ɛ̀ fú wa. Kíbí àa wá ńɖi-ŋɛ́, tsí è gbà wá rere#ɛ́ òŋu kíbí è kɔ iŋɛ ŋa dzɔ̀ɔ́, tsí nyí, tsí kpé Ɔ̀ɖáyé sísɛ̃̀#ɛ́, à wíi fú wa. Ɔ̀ɖáyé Oláàyɛ̀, ɔ̀kã̀ntso gé ní wà#á, ɔ̀kã̀ kò wà ró. Tsí è nyí, tsí wà sɛ̃̀ɛ̃́. 10Tsí è wà ɖóro ɖe Yèésù Ɔma bíbí-Ɔ̀ɖáyé ní kó ti nɔ́ɔ̀rɔ̃ wá. Òŋu ní Ɔ̀ɖáyé dzí ti náàŋírĩ-òkú ŋa wá náyé#ɛ́. Tsí nɔ́dzɔ́-ɛdzɔ́ kpíkpè#ɛ́, òŋu ké ní bòkó wáa gbà wá nɔ́wɔ́-inɔ́ bíbí-Ɔ̀ɖáyé#ɛ́.
Ìgbèngbé-Kpɔ́lù ŋa ńǹlú-Tɛ̀sàlòníkì
Currently Selected:
1 Tɛ̀sàlòníkì ŋa 1: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Tɛ̀sàlòníkì ŋa 1
1
1Èmi, Kpɔ́lù òŋu Sìlásì má nára-Tìmɔ̀té, àwa ní wà tse ìwé yèé bɛ́ fú ɛgbɛ́-Kírísítò yèé wà ńǹlú-Tɛ̀sàlòníkì#ɛ́. È dzɛ́ ti Ɔ̀ɖáyé Boba-wa, tsí dzɛ́ ti Yèésù† Kírísítò† Ɔlá-wa gbo. Àa wà kí ɛ̀ŋɛ kpó. Ɔ̀ɖáyé kó tse ore-ɔ̀fɛ́ fú ŋɛ́, tsí kó fú ŋɛ́ ńtútùúrɔ̀ gbo.
Kpɔ́lù ŋa wà ɖɔ́kpɛ́ fú Ɔ̀ɖáyé ní ɛnɛ-Tɛ̀sàlòníkì ŋa gba Yèésù gbɔ́
2-3Bí àa wà wúùre fú Ɔ̀ɖáyé Boba-wa#á, àa náa wà ɖɔ́kpɛ́ fúu fú ɛ̀ŋɛ kpó gé ni. Àa náa wà mú afɔ̀-ŋɛ́ si nódzú fúu. Bí àa ɖóro si nódzú‐ɛ̀ bɛ́ɛ̀#ɛ́, àa náa wà tédzú kíbí è wà tsitsɛ́-Ɔ̀ɖáyé gbà#á. Itsɛ́#ɛ́, è náa tseé, iŋɛ́ yèé tse#ɛ́, è gba Yèésù gbɔ́, tsí è nɛ́ àmúɖɔ̃̀ fúnɛ gbo. Àa náa wà tédzú kíbí odzú-ŋɛ́ gbo kà nyà nɔ́ɔ̀nà fú Yèésù Kírísítò Ɔlá-wa láyé#ɛ́.
4Ìnàbí-wa ŋa, àrínódzú-Ɔ̀ɖáyé ŋa, àa mà ní Ɔ̀ɖáyé tsã̀ ŋɛ́ ní ɛ̀ŋɛ kó dzɛ́ tòŋu. 5Ó ɖi, kíbí àa wá ńɖi-ŋɛ́, tsí àa dzíkɔ̀ ɖíɖɔ̃̀-Yèésù fú ŋɛ́#ɛ́, kò tsi náfɔ̀ fífɔ̀ gé ni. Mímí-Ɔ̀ɖáyé† fú wa ńkpá ní ká fɔ̀ɔ́ fú ŋɛ́ ni, tsí àa nɛ́ àkaralé gbo ní è nákó gbàá gbɔ́. Ńǹwèrè yèé àa gbé ńɖi-ŋɛ́#ɛ́, è rí ìgbèngbé-wa. È mà ní iŋɛ́ yèé àa tse ŋa kpó#ɛ́, àtóoríi ire tiŋɛ́ ni.
6Ńbɛ̀ɛ́, ɛ̀ŋɛ gbo, è rí wa tse, tsí wà rí Ɔlá-wa gbo tse. Kíbí è gba afɔ̀‐ɛ̀ gbɔ́#ɛ́, à tsoró bá ŋɛ́ tó bɛ́ɛ̀. Tsí kíbí è wà ńǹréré gìɖì si#ɛ́, Mímí-Ɔ̀ɖáyé sì wà fú ŋɛ́ náyè títɛ́. 7Ńnɛ̀ ní è ɖi ɔ̀nyà-ká rí tse fú olí-Yèésù ŋa kpó yèé wà ńlɛ̀-Màkɛ̀ɖónìyà òŋu nérè-Àkáyà#á.
8Tsí kò tsi ɛnɛ-ibɛ̀ ŋa sɔ̃́ŋú gé ní gbɔ́ ikɔ̀-Ɔlá-wa gbà ńǹtá-ŋɛ́#ɛ́. Èsì‐ɛ̀ ti bà wérí kpó, tsí ɔ̀nyà kpó gbɔ́ kíbí è gba Ɔ̀ɖáyé gbɔ́#ɛ́. Kò bèrè ní àa kó sɛ̃̀ wíi ró. 9Àŋa ká-ŋa gìɖì, à wáa kpɛ̀rɔ́‐ɛ̀ fú wa. Kíbí àa wá ńɖi-ŋɛ́, tsí è gbà wá rere#ɛ́ òŋu kíbí è kɔ iŋɛ ŋa dzɔ̀ɔ́, tsí nyí, tsí kpé Ɔ̀ɖáyé sísɛ̃̀#ɛ́, à wíi fú wa. Ɔ̀ɖáyé Oláàyɛ̀, ɔ̀kã̀ntso gé ní wà#á, ɔ̀kã̀ kò wà ró. Tsí è nyí, tsí wà sɛ̃̀ɛ̃́. 10Tsí è wà ɖóro ɖe Yèésù Ɔma bíbí-Ɔ̀ɖáyé ní kó ti nɔ́ɔ̀rɔ̃ wá. Òŋu ní Ɔ̀ɖáyé dzí ti náàŋírĩ-òkú ŋa wá náyé#ɛ́. Tsí nɔ́dzɔ́-ɛdzɔ́ kpíkpè#ɛ́, òŋu ké ní bòkó wáa gbà wá nɔ́wɔ́-inɔ́ bíbí-Ɔ̀ɖáyé#ɛ́.
Ìgbèngbé-Kpɔ́lù ŋa ńǹlú-Tɛ̀sàlòníkì
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.