1 Tɛ̀sàlòníkì ŋa 5
5
1Ìnàbí-wa ŋa, ti nára-ɔdzɔ́-Ɔlá-wa#á, kíbí iŋɛ́ ŋa#á nákó lɔ gbà#á, kò bèrè ní ká tse ìwé ti nára‐ɛ̀ fú ŋɛ́ ró. 2Ó ɖi, è ti mà ní ɔdzɔ́#ɛ́ nákó wà kíbí ɔdzɔ́ yèé à kà módzú lé si, tsí olè náa wáa tsolenɛ nóoru bɛ́#ɛ́ ni. 3Náàsòkò yèé ɔ̀nyà ŋa nákó wà fɔ̀ ní: Àŋa wà ńtútùúrɔ̀ si báàyí, tsí íbàɖí-kã̀ kpókpó kàkó nyáa bá àŋa ró#ɛ́, náàsòkò nyɛ̀ŋɛ̀ ní à nákó tsɛ̀rá gbòkã́#á. Kíbí ɔnɔbɛ̃̀ɛ̃ náa bòkó bíma, tsí inɔ́ náa kpée tsítse gbòkã́#á, bɛ́ɛ̀ ní ɔdzɔ́-ɔdzɔ́ nyɛ̀ŋɛ̀ nákó ɖé ŋa, tsí à kàkó nyáa bɔ́ ńnɛ̀ɛ́#ɛ́.
4Ó ɖi ɛ̀ŋɛ, ìnàbí-wa ŋa, è kò wà nóòkùkù-ayé#ɛ́ si, tsí ɔdzɔ́#ɛ́ kó wáa bá ŋɛ́ náàrì módzú lé kíbí olè bɛ́. 5Ɛ̀ŋɛ kpó, è wà ńmímá, tsí ɔma-òsã́ ŋa ní è dzɛ́#ɛ́. Àa kò wà nóòkùkù si ró. 6Kíbí ó dzɛ́ bɛ́ɛ̀#ɛ́, kò wà ní àa kó wà sɔ̃rũ gbàgbé kíbí ɛnɛ-àtíbɔ̀ ŋa. Kà kàa bɛ́ɛ̀, ó wà ní àa kó wà ɖíìdzáyè, tsí wà mú ara-wa ni. 7Nóoru ní ɔ̀nyà ŋa náa sũ̀#ɛ́, tsí nóoru gbo ní à náa mɔtí ŋɔ́#ɛ́.
8Ó ɖi àwa òŋu, ɔma-òsã́ ŋa ní àa dzɛ́#ɛ́, tsí ó wà ní àa kó wà mú ara-wa. Àkaralé-wa kó wà ńǹtá-Ɔ̀ɖáyé si, tsí àa kó wà nɛ́ àmúɖɔ̃̀ fúnɛ gbo, tsí iŋɛ́ yèé ŋa tsítse ká wà kíbí ìwɔ̀ra-irɛ̃ bɛ́, tsí àa kó ń wɔ̀ si, tsí ká bo ɛ̀ɖɔ̃̀-wa gbo si. Àa kó módzú si nɔ́ɔ̀nà si fú Yèésù ní nákó gbà wá là, tsí òŋu gbo kó dzɛ́ òkúkú-irɛ̃, tsí àa kó múu, tsí ń ɖé si. 9Ó ɖi, kíbí Ɔ̀ɖáyé kpè wá ní àa kó dzɛ́ tòŋu#ɛ́, kò tsi náàtsùgbée kó nya inɔ́ bíbí‐ɛ̀ ɖíre fú wa ni. Kà kàa bɛ́ɛ̀, náàtsùgbée kó gbà ńǹtá-Yèésù Kírísítò Ɔlá-wa, tsí gbà wá là ni. 10Òŋu ní kú fú wa, àtsùgbée nɔ́dzɔ́ yèé nákó wá#á, bí àa wà náàyɛ̀ si gbo, bí àa ti kú gbo, àwa kpó, àa kó gbé náàyɛ̀ báa#á. 11Ńbɛ̀ɛ́, è náa ɖáàmí le ara-ŋɛ́ ŋa, kíbí è ti wà tseé#ɛ́.
Ó wà ní olí-Yèésù ŋa kó nɛ́ àmúɖɔ̃̀ fú ɔ̀nyà kpó
12Ìnàbí-wa ŋa, àa wà fɔ̀ fú ŋɛ́ ní ɛ̀ŋɛ kó wà nɛ́ àrísá fú ɛnɛ yèé wà tsitsɛ́-Ɔ̀ɖáyé ńɖi-ŋɛ́ ŋa#á. Àŋa ní wà gbɛ̃́ ŋɛ́ si nɔ́ɔ̀nà-Ɔlá-wa, tsí wà tsɛ̀kɔ́ fú ŋɛ́ gbo#ɛ́. 13È wà bu ìɖì si fú ŋa kpíkpɔ̀, tsí e wà nɛ́ àmúɖɔ̃̀ fú ŋa gbo, àtsùgbé-itsɛ́ yèé à wà tse#ɛ́. Tsí e wà ɖɔ̃̀ bá ara-ŋɛ́ ŋa gbo.
14Ìnàbí-wa ŋa, àa wà fɔ̀ fú ŋɛ́ gbo ró ní e wà bá ɔ̀gɛ̃ ŋa gbo fɔ̀, tsí e wà ɖáàmí le odzo ŋa gbo, tsí e wà mɔ́wɔ́ gbè fú ɛnɛ yèé ara kú si ŋa#á gbo, tsí e wà nɛ́ àtɛ̀si gbo fú ɔ̀nyà kpó. 15È máa dzɛ́ ní ɔ̀nyà-kã̀ kpókpó náàŋírĩ-ŋɛ́ kó wà tse àtsesã. Kà kàa bɛ́ɛ̀, è náa múgírí fú ore tsítse náàŋírĩ-ara-ŋɛ́ òŋu fú ɔ̀nyà kpó gbo.
16Ńǹwèrè-ɔ̀kã̀lɔ́ɔ̀kã̀, ayè kó wà tɛ́ ŋɛ́. 17Tsí è náa wà wúùre náàrìmáa mí. 18Bí ó dzɛ́ nɔ́ɔ̀nà-íbàɖí gbo nàmí nɔ́ɔ̀nà-ire gbo, è náa wà ɖɔ́kpɛ́ fú Ɔ̀ɖáyé. Iŋɛ́ yèé ŋa Ɔ̀ɖáyé wà wò ní ɛ̀ŋɛ kó wà gbà ńǹtá-Yèésù Kírísítò, tsí wà tse#ɛ́ ńnɛ̀ɛ́.
19È máa ɖí ɔ̀nà fú Mímí-Ɔ̀ɖáyé†. 20Bí ɔ̀nyà-kã̀ wà gbɔ́ afɔ̀-Ɔ̀ɖáyé fɔ̀ fú ŋɛ́, è máa ń kpe kí ŋa ńnɛ̀ɛ́. 21È náa wà kpa afɔ̀ ŋa#á wò, tsí è náa tsã yèé dzɛ́ ire ŋa#á ńnɛ̀, tsí e mú ŋa tsitsɛ́ tse. 22È sɛ̃̀ náànyì-íbàɖí ɔ̀kã̀lɔ́ɔ̀kã̀ tsítse.
Kpɔ́lù wà kí ŋa, tsí wà tu ɛ̀tsɛ gbo fú ŋa
23Ɔ̀ɖáyé olí-tútùúrɔ̀, òŋu ká‐ɛ̀ kó tse tsí e má kpó, tsí e dzɛ́ tɛ̀ɛ̀ akpá akpá, ɛsɛ̀ ɛsɛ̀. Tsí kó wà mɔ́wɔ́ bò ŋɛ́ kpó, ìsérè-ŋɛ́ gbo, àyɛ̀ yèé wà ńnɔ́-ŋɛ́#ɛ́ gbo, ara-ŋɛ́ gbo, tsí kó tse tsí e wà nɔ́wɔ́ nɔ́wɔ́ si títí fú ɔdzɔ́ yèé Yèésù Kírísítò Ɔlá-wa nákó wá#á. 24Ɔ̀ɖáyé òŋu, àkaralé wà ńǹtá‐ɛ̀. Tsí òŋu ní kpè ŋɛ́#ɛ́, tsí nákó tse iŋɛ́ ŋa#á kpó si ńǹɖì‐ɛ̀.
25Ìnàbí-wa ŋa, è náa wúùre fú Ɔ̀ɖáyé fú àwa gbo. 26Tsí è náa kí olí-Yèésù ŋa kpó. È náa kí ŋa nókũ-àmúɖɔ̃̀ fú wa.
27Ǹ wà fɔ̀ɔ́ fú ŋɛ́ nóŋù-ɛ̀tsɛ-Ɔlá-wa ní e kã ìwé yèé fú ìnàbí-wa ŋa kpó. 28Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
1 Tɛ̀sàlòníkì ŋa 5: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Tɛ̀sàlòníkì ŋa 5
5
1Ìnàbí-wa ŋa, ti nára-ɔdzɔ́-Ɔlá-wa#á, kíbí iŋɛ́ ŋa#á nákó lɔ gbà#á, kò bèrè ní ká tse ìwé ti nára‐ɛ̀ fú ŋɛ́ ró. 2Ó ɖi, è ti mà ní ɔdzɔ́#ɛ́ nákó wà kíbí ɔdzɔ́ yèé à kà módzú lé si, tsí olè náa wáa tsolenɛ nóoru bɛ́#ɛ́ ni. 3Náàsòkò yèé ɔ̀nyà ŋa nákó wà fɔ̀ ní: Àŋa wà ńtútùúrɔ̀ si báàyí, tsí íbàɖí-kã̀ kpókpó kàkó nyáa bá àŋa ró#ɛ́, náàsòkò nyɛ̀ŋɛ̀ ní à nákó tsɛ̀rá gbòkã́#á. Kíbí ɔnɔbɛ̃̀ɛ̃ náa bòkó bíma, tsí inɔ́ náa kpée tsítse gbòkã́#á, bɛ́ɛ̀ ní ɔdzɔ́-ɔdzɔ́ nyɛ̀ŋɛ̀ nákó ɖé ŋa, tsí à kàkó nyáa bɔ́ ńnɛ̀ɛ́#ɛ́.
4Ó ɖi ɛ̀ŋɛ, ìnàbí-wa ŋa, è kò wà nóòkùkù-ayé#ɛ́ si, tsí ɔdzɔ́#ɛ́ kó wáa bá ŋɛ́ náàrì módzú lé kíbí olè bɛ́. 5Ɛ̀ŋɛ kpó, è wà ńmímá, tsí ɔma-òsã́ ŋa ní è dzɛ́#ɛ́. Àa kò wà nóòkùkù si ró. 6Kíbí ó dzɛ́ bɛ́ɛ̀#ɛ́, kò wà ní àa kó wà sɔ̃rũ gbàgbé kíbí ɛnɛ-àtíbɔ̀ ŋa. Kà kàa bɛ́ɛ̀, ó wà ní àa kó wà ɖíìdzáyè, tsí wà mú ara-wa ni. 7Nóoru ní ɔ̀nyà ŋa náa sũ̀#ɛ́, tsí nóoru gbo ní à náa mɔtí ŋɔ́#ɛ́.
8Ó ɖi àwa òŋu, ɔma-òsã́ ŋa ní àa dzɛ́#ɛ́, tsí ó wà ní àa kó wà mú ara-wa. Àkaralé-wa kó wà ńǹtá-Ɔ̀ɖáyé si, tsí àa kó wà nɛ́ àmúɖɔ̃̀ fúnɛ gbo, tsí iŋɛ́ yèé ŋa tsítse ká wà kíbí ìwɔ̀ra-irɛ̃ bɛ́, tsí àa kó ń wɔ̀ si, tsí ká bo ɛ̀ɖɔ̃̀-wa gbo si. Àa kó módzú si nɔ́ɔ̀nà si fú Yèésù ní nákó gbà wá là, tsí òŋu gbo kó dzɛ́ òkúkú-irɛ̃, tsí àa kó múu, tsí ń ɖé si. 9Ó ɖi, kíbí Ɔ̀ɖáyé kpè wá ní àa kó dzɛ́ tòŋu#ɛ́, kò tsi náàtsùgbée kó nya inɔ́ bíbí‐ɛ̀ ɖíre fú wa ni. Kà kàa bɛ́ɛ̀, náàtsùgbée kó gbà ńǹtá-Yèésù Kírísítò Ɔlá-wa, tsí gbà wá là ni. 10Òŋu ní kú fú wa, àtsùgbée nɔ́dzɔ́ yèé nákó wá#á, bí àa wà náàyɛ̀ si gbo, bí àa ti kú gbo, àwa kpó, àa kó gbé náàyɛ̀ báa#á. 11Ńbɛ̀ɛ́, è náa ɖáàmí le ara-ŋɛ́ ŋa, kíbí è ti wà tseé#ɛ́.
Ó wà ní olí-Yèésù ŋa kó nɛ́ àmúɖɔ̃̀ fú ɔ̀nyà kpó
12Ìnàbí-wa ŋa, àa wà fɔ̀ fú ŋɛ́ ní ɛ̀ŋɛ kó wà nɛ́ àrísá fú ɛnɛ yèé wà tsitsɛ́-Ɔ̀ɖáyé ńɖi-ŋɛ́ ŋa#á. Àŋa ní wà gbɛ̃́ ŋɛ́ si nɔ́ɔ̀nà-Ɔlá-wa, tsí wà tsɛ̀kɔ́ fú ŋɛ́ gbo#ɛ́. 13È wà bu ìɖì si fú ŋa kpíkpɔ̀, tsí e wà nɛ́ àmúɖɔ̃̀ fú ŋa gbo, àtsùgbé-itsɛ́ yèé à wà tse#ɛ́. Tsí e wà ɖɔ̃̀ bá ara-ŋɛ́ ŋa gbo.
14Ìnàbí-wa ŋa, àa wà fɔ̀ fú ŋɛ́ gbo ró ní e wà bá ɔ̀gɛ̃ ŋa gbo fɔ̀, tsí e wà ɖáàmí le odzo ŋa gbo, tsí e wà mɔ́wɔ́ gbè fú ɛnɛ yèé ara kú si ŋa#á gbo, tsí e wà nɛ́ àtɛ̀si gbo fú ɔ̀nyà kpó. 15È máa dzɛ́ ní ɔ̀nyà-kã̀ kpókpó náàŋírĩ-ŋɛ́ kó wà tse àtsesã. Kà kàa bɛ́ɛ̀, è náa múgírí fú ore tsítse náàŋírĩ-ara-ŋɛ́ òŋu fú ɔ̀nyà kpó gbo.
16Ńǹwèrè-ɔ̀kã̀lɔ́ɔ̀kã̀, ayè kó wà tɛ́ ŋɛ́. 17Tsí è náa wà wúùre náàrìmáa mí. 18Bí ó dzɛ́ nɔ́ɔ̀nà-íbàɖí gbo nàmí nɔ́ɔ̀nà-ire gbo, è náa wà ɖɔ́kpɛ́ fú Ɔ̀ɖáyé. Iŋɛ́ yèé ŋa Ɔ̀ɖáyé wà wò ní ɛ̀ŋɛ kó wà gbà ńǹtá-Yèésù Kírísítò, tsí wà tse#ɛ́ ńnɛ̀ɛ́.
19È máa ɖí ɔ̀nà fú Mímí-Ɔ̀ɖáyé†. 20Bí ɔ̀nyà-kã̀ wà gbɔ́ afɔ̀-Ɔ̀ɖáyé fɔ̀ fú ŋɛ́, è máa ń kpe kí ŋa ńnɛ̀ɛ́. 21È náa wà kpa afɔ̀ ŋa#á wò, tsí è náa tsã yèé dzɛ́ ire ŋa#á ńnɛ̀, tsí e mú ŋa tsitsɛ́ tse. 22È sɛ̃̀ náànyì-íbàɖí ɔ̀kã̀lɔ́ɔ̀kã̀ tsítse.
Kpɔ́lù wà kí ŋa, tsí wà tu ɛ̀tsɛ gbo fú ŋa
23Ɔ̀ɖáyé olí-tútùúrɔ̀, òŋu ká‐ɛ̀ kó tse tsí e má kpó, tsí e dzɛ́ tɛ̀ɛ̀ akpá akpá, ɛsɛ̀ ɛsɛ̀. Tsí kó wà mɔ́wɔ́ bò ŋɛ́ kpó, ìsérè-ŋɛ́ gbo, àyɛ̀ yèé wà ńnɔ́-ŋɛ́#ɛ́ gbo, ara-ŋɛ́ gbo, tsí kó tse tsí e wà nɔ́wɔ́ nɔ́wɔ́ si títí fú ɔdzɔ́ yèé Yèésù Kírísítò Ɔlá-wa nákó wá#á. 24Ɔ̀ɖáyé òŋu, àkaralé wà ńǹtá‐ɛ̀. Tsí òŋu ní kpè ŋɛ́#ɛ́, tsí nákó tse iŋɛ́ ŋa#á kpó si ńǹɖì‐ɛ̀.
25Ìnàbí-wa ŋa, è náa wúùre fú Ɔ̀ɖáyé fú àwa gbo. 26Tsí è náa kí olí-Yèésù ŋa kpó. È náa kí ŋa nókũ-àmúɖɔ̃̀ fú wa.
27Ǹ wà fɔ̀ɔ́ fú ŋɛ́ nóŋù-ɛ̀tsɛ-Ɔlá-wa ní e kã ìwé yèé fú ìnàbí-wa ŋa kpó. 28Yèésù Kírísítò Ɔlá-wa kó tse ore-ɔ̀fɛ́ fú ŋɛ́.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.