1 Tɛ̀sàlòníkì ŋa 4
4
1Èkéèdzì‐ɛ̀#ɛ́, ìnàbí-wa ŋa, kíbí è nákó wà rɛ̃̀ gbà, tsí e dzɔdzú-Ɔ̀ɖáyé#ɛ́, àa ti wíi fú ŋɛ́. Tsí àa wà mú Yèésù Ɔlá-wa tsìkálɛ̀ fú ŋɛ́ ní ɛ̀ŋɛ kó tse si ńǹtá‐ɛ̀. Àa mà ní è ti wà rɛ̃̀ bɛ́ɛ̀ ná, tsí àa wà fɔ̀ fú ŋɛ́ ní ɛ̀ŋɛ kó tɔ́ tseé lárè bɛ́ɛ̀ ró.
2È ti ma ɛ̀kɔ́ yèé àa tse fú ŋɛ́#ɛ́, ɛ̀kɔ́ ti Yèésù Ɔlá-wa#á. 3Ó ɖi, awù-Ɔ̀ɖáyé ní dzɛ́ ní ìgbèngbé-ŋɛ́ kó nyà ɖíre ní ɛ̀ŋɛ wà nɔ́wɔ́ nɔ́wɔ́ si fú òŋu#ɛ́. Ìwɔ ɔkɔláya, aya-ɛ̀ɛ òŋu níìkã̀ kó tóɛ. Tsí ìwɔ ayalɔ́kɔ gbo, ɔkɔ-ɛ̀ɛ òŋu níìkã̀ kó tóɛ. Tsí ìwɔ yèé wà náàkpã́ si#ɛ́, ò kàa sũ̀ ìwɔ ɔ̀nyà-kã̀ kpókpó.
4Ɛnɛ kṹnukṹ kó ma kíbí kó mú ara‐ɛ̀ gbà#á. Kíbí è nákó wà lo ara-ŋɛ́ gbà#á, kó sã̀ nódzú-Ɔ̀ɖáyé, tsí sã̀ nódzú-ɔ̀nyà ŋa gbo.#4:4 À nákó nyáa gbɔ́ òkpì-kíkã̀#á gbo ní: “Kṹnukṹ kó máa kíbí nákó wà lò ti nára-kíbí à náa nɛ́ aya gbà#á, tsí ìlò#ɛ́ kó dzɛ́ ìlò mímá, tsí dzɔdzú-Ɔ̀ɖáyé gbo.” 5È máa dzɛ́, tsí awù-ɔnɔbɛ̃̀ɛ̃ nàmí awù-ɔnɔkɛ̃̀ɛ̃ kó nɛ́kpa si ńǹtá-ŋɛ́. Ɛnɛ yèé ŋa kà mú Ɔ̀ɖáyé kpe iŋɛ́-kã̀#á, ní náa tse bɛ́ɛ̀#ɛ́.
6Ti nára-ɔnɔbɛ̃̀ɛ̃#ɛ́, máa ɖí enìkéèdzì-ɛ̀ɛ si, tsí gbaya‐ɛ̀. Àa ti tɛ̀ ŋɛ́ nɛ́sɛ̀ si ní Ɔlá-wa nákó wáa fɛtí fú ɛnɛ yèé wà tse bɛ́ɛ̀ ŋa#á. 7Ó ɖi, Ɔ̀ɖáyé kò kpè wá ní àa kó wáa lìlò wérewère ŋa. Ó kpè wá ní àa kó wà nɔ́wɔ́ nɔ́wɔ́ si fú òŋu ni. 8Ńbɛ̀ɛ́, bí ò kò gba ɛ̀kɔ́ yèé, kò tsi ɔ̀nyà ní ò kɔ̀#ɛ́. Ɔ̀ɖáyé, ɛnɛ yèé fɛ́ɛ ńMímí‐ɛ̀#ɛ́ ní ò kɔ̀#ɛ́.
9Báàyí#ɛ́, ti nára-obí tsítse gbo#ɛ́, kò bèrè ní ká kɔ ìwé si ńǹtá‐ɛ̀ fú ŋɛ́ ró. Ɔ̀ɖáyé òŋu ká‐ɛ̀ ti kɔ́ ŋɛ́ ní ɛ̀ŋɛ kó nɛ́ àmúɖɔ̃̀ fú ara-ŋɛ́ ŋa. 10Tsí è ti wà tsobí#ɛ́ bá ìnàbí olí-Yèésù ŋa kpó ńlɛ̀-Màkɛ̀ɖónìyà ná. Ńbɛ̀ɛ́, ìnàbí-wa ŋa, àa sɛ̃̀ wà ɖáàmí le ŋɛ́ ní ɛ̀ŋɛ kó tseé lárè bɛ́ɛ̀ ró. 11È múgírí, tsí e wà ɖɔ̃̀. È máa tarũ bɔ̀ náfɔ̀-olí-afɔ̀-kã̀ gbo. Tsí è náa dzɛ dzídzɛ-itsɛ́-ɔwɔ́-ara-ŋɛ́ ŋa. Bɛ́ɛ̀ ní àa ti kɔ́ ŋɛ́ wáa lɔ#ɛ́. 12Bí è wà tse bɛ́ɛ̀#ɛ́, ɛnɛ yèé kò gba Yèésù gbɔ́ ŋa#á nákó wà nɛ́ àrísá fú ŋɛ́. Tsí iŋɛ́-kã̀ kpókpó gbo kàkó hã́ ŋɛ́.
Yèésù bàa
13Ìnàbí-wa ŋa, àa kò wà wò ní e kí nóòkùkù si fú afɔ̀-olí-Yèésù yèé kú lɔ ŋa#á, tsí e wà náànyínɔ́ si kíbí ɛnɛ yèé ŋa kò módzú si nɔ́ɔ̀nà si fú Yèésù#ɛ́. 14Kíbí ó dzɛ́ ní àwa, olí-Yèésù ŋa, àa karalé ní Yèésù kú, tsí sɛ̃̀ dzí ti náàŋírĩ-òkú ŋa wá náyé#ɛ́, àa karalé gbo si ní ɛnɛ yèé gba Yèésù gbɔ́ ŋa, tsí ti kú lɔ ŋa#á, Ɔ̀ɖáyé nákó dzí àŋa gbo wá náyé#ɛ́ báa.
15Ó ɖi báàyí#ɛ́, afɔ̀ yèé àa bòkó fɔ̀ fú ŋɛ́#ɛ́, afɔ̀-Ɔlá-wa ni. Afɔ̀#ɛ́ ní dzɛ́ ní nɔ́dzɔ́ yèé nákó wá#á, àwa olí-Yèésù yèé wà náàyɛ̀ si ŋa#á, àa kàkó tsúwádzú ɛnɛ yèé ti kú lɔ ŋa#á láyé. 16Nɔ́dzɔ́-ɔdzɔ́ nyɛ̀ŋɛ̀#ɛ́, èébú-kã̀ nákó kpa lélélé, tsí ɔ̀gá-adzítsɛ́-ɔ̀rɔ̃†-kã̀ nákó tsóŋù, tsí ikpè-Ɔ̀ɖáyé gbo nákó ɖɔ̃́. Gbòkã́#á, Ɔlá-wa òŋu ká‐ɛ̀ nákó bɔ́ ti nɔ́ɔ̀rɔ̃, tsí olí-Yèésù yèé ti kú lɔ ŋa#á, à nákó dzí wá náyé náàtsɛ̃̀tsɛ̃̀. 17Tsí àwa yèé gbo nákó wà náàyɛ̀ si ŋa#á, òŋu ɛnɛ yèé ti kú lɔ ŋa#á, Ɔ̀ɖáyé nákó kpérí wa kpó náàrìkã̀ntso, tsí mú wa gbà ńnɔ́-irì lɔ káà kpàɖé‐ɛ̀ náàtáforífo. Ti náàsòkò nyɛ̀ŋɛ̀#ɛ́, àa nákó wà ńɖi-Ɔlá-wa si títí lɔ. 18Ńbɛ̀ɛ́, è náa mú afɔ̀ yèé ŋa, tsí e wà ń ɖáàmí le ara-ŋɛ́ ŋa.
Currently Selected:
1 Tɛ̀sàlòníkì ŋa 4: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
1 Tɛ̀sàlòníkì ŋa 4
4
1Èkéèdzì‐ɛ̀#ɛ́, ìnàbí-wa ŋa, kíbí è nákó wà rɛ̃̀ gbà, tsí e dzɔdzú-Ɔ̀ɖáyé#ɛ́, àa ti wíi fú ŋɛ́. Tsí àa wà mú Yèésù Ɔlá-wa tsìkálɛ̀ fú ŋɛ́ ní ɛ̀ŋɛ kó tse si ńǹtá‐ɛ̀. Àa mà ní è ti wà rɛ̃̀ bɛ́ɛ̀ ná, tsí àa wà fɔ̀ fú ŋɛ́ ní ɛ̀ŋɛ kó tɔ́ tseé lárè bɛ́ɛ̀ ró.
2È ti ma ɛ̀kɔ́ yèé àa tse fú ŋɛ́#ɛ́, ɛ̀kɔ́ ti Yèésù Ɔlá-wa#á. 3Ó ɖi, awù-Ɔ̀ɖáyé ní dzɛ́ ní ìgbèngbé-ŋɛ́ kó nyà ɖíre ní ɛ̀ŋɛ wà nɔ́wɔ́ nɔ́wɔ́ si fú òŋu#ɛ́. Ìwɔ ɔkɔláya, aya-ɛ̀ɛ òŋu níìkã̀ kó tóɛ. Tsí ìwɔ ayalɔ́kɔ gbo, ɔkɔ-ɛ̀ɛ òŋu níìkã̀ kó tóɛ. Tsí ìwɔ yèé wà náàkpã́ si#ɛ́, ò kàa sũ̀ ìwɔ ɔ̀nyà-kã̀ kpókpó.
4Ɛnɛ kṹnukṹ kó ma kíbí kó mú ara‐ɛ̀ gbà#á. Kíbí è nákó wà lo ara-ŋɛ́ gbà#á, kó sã̀ nódzú-Ɔ̀ɖáyé, tsí sã̀ nódzú-ɔ̀nyà ŋa gbo.#4:4 À nákó nyáa gbɔ́ òkpì-kíkã̀#á gbo ní: “Kṹnukṹ kó máa kíbí nákó wà lò ti nára-kíbí à náa nɛ́ aya gbà#á, tsí ìlò#ɛ́ kó dzɛ́ ìlò mímá, tsí dzɔdzú-Ɔ̀ɖáyé gbo.” 5È máa dzɛ́, tsí awù-ɔnɔbɛ̃̀ɛ̃ nàmí awù-ɔnɔkɛ̃̀ɛ̃ kó nɛ́kpa si ńǹtá-ŋɛ́. Ɛnɛ yèé ŋa kà mú Ɔ̀ɖáyé kpe iŋɛ́-kã̀#á, ní náa tse bɛ́ɛ̀#ɛ́.
6Ti nára-ɔnɔbɛ̃̀ɛ̃#ɛ́, máa ɖí enìkéèdzì-ɛ̀ɛ si, tsí gbaya‐ɛ̀. Àa ti tɛ̀ ŋɛ́ nɛ́sɛ̀ si ní Ɔlá-wa nákó wáa fɛtí fú ɛnɛ yèé wà tse bɛ́ɛ̀ ŋa#á. 7Ó ɖi, Ɔ̀ɖáyé kò kpè wá ní àa kó wáa lìlò wérewère ŋa. Ó kpè wá ní àa kó wà nɔ́wɔ́ nɔ́wɔ́ si fú òŋu ni. 8Ńbɛ̀ɛ́, bí ò kò gba ɛ̀kɔ́ yèé, kò tsi ɔ̀nyà ní ò kɔ̀#ɛ́. Ɔ̀ɖáyé, ɛnɛ yèé fɛ́ɛ ńMímí‐ɛ̀#ɛ́ ní ò kɔ̀#ɛ́.
9Báàyí#ɛ́, ti nára-obí tsítse gbo#ɛ́, kò bèrè ní ká kɔ ìwé si ńǹtá‐ɛ̀ fú ŋɛ́ ró. Ɔ̀ɖáyé òŋu ká‐ɛ̀ ti kɔ́ ŋɛ́ ní ɛ̀ŋɛ kó nɛ́ àmúɖɔ̃̀ fú ara-ŋɛ́ ŋa. 10Tsí è ti wà tsobí#ɛ́ bá ìnàbí olí-Yèésù ŋa kpó ńlɛ̀-Màkɛ̀ɖónìyà ná. Ńbɛ̀ɛ́, ìnàbí-wa ŋa, àa sɛ̃̀ wà ɖáàmí le ŋɛ́ ní ɛ̀ŋɛ kó tseé lárè bɛ́ɛ̀ ró. 11È múgírí, tsí e wà ɖɔ̃̀. È máa tarũ bɔ̀ náfɔ̀-olí-afɔ̀-kã̀ gbo. Tsí è náa dzɛ dzídzɛ-itsɛ́-ɔwɔ́-ara-ŋɛ́ ŋa. Bɛ́ɛ̀ ní àa ti kɔ́ ŋɛ́ wáa lɔ#ɛ́. 12Bí è wà tse bɛ́ɛ̀#ɛ́, ɛnɛ yèé kò gba Yèésù gbɔ́ ŋa#á nákó wà nɛ́ àrísá fú ŋɛ́. Tsí iŋɛ́-kã̀ kpókpó gbo kàkó hã́ ŋɛ́.
Yèésù bàa
13Ìnàbí-wa ŋa, àa kò wà wò ní e kí nóòkùkù si fú afɔ̀-olí-Yèésù yèé kú lɔ ŋa#á, tsí e wà náànyínɔ́ si kíbí ɛnɛ yèé ŋa kò módzú si nɔ́ɔ̀nà si fú Yèésù#ɛ́. 14Kíbí ó dzɛ́ ní àwa, olí-Yèésù ŋa, àa karalé ní Yèésù kú, tsí sɛ̃̀ dzí ti náàŋírĩ-òkú ŋa wá náyé#ɛ́, àa karalé gbo si ní ɛnɛ yèé gba Yèésù gbɔ́ ŋa, tsí ti kú lɔ ŋa#á, Ɔ̀ɖáyé nákó dzí àŋa gbo wá náyé#ɛ́ báa.
15Ó ɖi báàyí#ɛ́, afɔ̀ yèé àa bòkó fɔ̀ fú ŋɛ́#ɛ́, afɔ̀-Ɔlá-wa ni. Afɔ̀#ɛ́ ní dzɛ́ ní nɔ́dzɔ́ yèé nákó wá#á, àwa olí-Yèésù yèé wà náàyɛ̀ si ŋa#á, àa kàkó tsúwádzú ɛnɛ yèé ti kú lɔ ŋa#á láyé. 16Nɔ́dzɔ́-ɔdzɔ́ nyɛ̀ŋɛ̀#ɛ́, èébú-kã̀ nákó kpa lélélé, tsí ɔ̀gá-adzítsɛ́-ɔ̀rɔ̃†-kã̀ nákó tsóŋù, tsí ikpè-Ɔ̀ɖáyé gbo nákó ɖɔ̃́. Gbòkã́#á, Ɔlá-wa òŋu ká‐ɛ̀ nákó bɔ́ ti nɔ́ɔ̀rɔ̃, tsí olí-Yèésù yèé ti kú lɔ ŋa#á, à nákó dzí wá náyé náàtsɛ̃̀tsɛ̃̀. 17Tsí àwa yèé gbo nákó wà náàyɛ̀ si ŋa#á, òŋu ɛnɛ yèé ti kú lɔ ŋa#á, Ɔ̀ɖáyé nákó kpérí wa kpó náàrìkã̀ntso, tsí mú wa gbà ńnɔ́-irì lɔ káà kpàɖé‐ɛ̀ náàtáforífo. Ti náàsòkò nyɛ̀ŋɛ̀#ɛ́, àa nákó wà ńɖi-Ɔlá-wa si títí lɔ. 18Ńbɛ̀ɛ́, è náa mú afɔ̀ yèé ŋa, tsí e wà ń ɖáàmí le ara-ŋɛ́ ŋa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.