1 Tɛ̀sàlòníkì ŋa 3
3
1Ńbí ó wáa tó#ɛ́, àa rí ní àa kàkó nyáa ɖóro ró. Tsí àa fɔ̀ ní àwa méèdzì kó tédzú kí ńǹlú-Àtɛ́nì, 2tsí àa bɛ Tìmɔ̀té òŋu wá fú ŋɛ́. Ìnàbí-wa ní ó dzɛ́#ɛ́. Tsí àa náa dzɔ́ tsitsɛ́-Ɔ̀ɖáyé, tsí wà dzíkɔ̀-Yèésù Kírísítò fú ɔ̀nyà ŋa. Ńbɛ̀ɛ́, àa bɛ̀ɛ́ wá fú ŋɛ́, tsí kó wáa ɖáàmí le ŋɛ́, tsí àkaralé-ŋɛ́ kó ta ogùgù múlɛ̀ kpó kpãŋu, 3tsí ìréré yèé wà ńǹtá-ŋɛ́ gbo#ɛ́ kó máa tse tsí ɔ̀nyà-kã̀ kpókpó kó nyí sɛ̃̀ náànyì-Yèésù.
È ti mà ní àbèrèwá-wa ní dzɛ́ ɔ̀nyà ŋa kó tsoró bá wa bɛ́ɛ̀#ɛ́. 4Náàsòkò yèé àa wà ńɖi-ŋɛ́ gìɖì si#ɛ́, àa ti wí fú ŋɛ́ ní ɔ̀nyà ŋa bòkó mú wa réré. Tsí è rí ní iŋɛ́ ŋa#á wáa lɔ bɛ́ɛ̀ ìɖéǹɖè.
5Ńbɛ̀ɛ́, kíbí ǹ kàkó nyáa ɖóro lárè bɛ́ɛ̀ ró#ɛ́, ǹ bɛ Tìmɔ̀té wá fú ŋɛ́, tsí kó wáa rí ní è tɔ́ gba Yèésù gbɔ́ si róò? Ó ɖi, ǹ wà sá ní Ètsù† kó máa ɖã́ ŋɛ́ wò, tsí e bɔ́ dzì ńnɛ̀, tsí itsɛ́ yèé àa wáa tse ńɖi-ŋɛ́#ɛ́, kó dzɛ́ itsɛ́ rírá.
6Báàyí#ɛ́, Tìmɔ̀té wá ńɖi-ŋɛ́, tsí bɔ̀ wá, tsí wáa dzíkɔ̀-ire ti nára-ŋɛ́ fú wa. Ó wí fú wa ní: Ɛ̀ŋɛ nɛ́ àkaralé si ńǹtá-Yèésù Kírísítò, tsí ɛ̀ŋɛ wà nɛ́ àmúɖɔ̃̀ fúnɛ gbo. Tsí ó wí fú wa ró ní: Àmì-wa wà kpa ŋɛ́, tsí è wà wò ní è má rí wa kíbí àwa gbo, àa wà wò gbà ní àa má rí ŋɛ́#ɛ́. 7Ìnàbí-wa ŋa, kíbí àa gbɔ́ afɔ̀ nyɛ̀ŋɛ̀ ti nára-ŋɛ́#ɛ́, ó ɖáàmí le wá máa. Àa réré gbegbé, tsí kíbí àa gbɔ́ ní è gba Yèésù gbɔ́ si ró#ɛ́, ó ɖáàmí le wá máa héŋú. 8Kíbí ó dzɛ́ ní ɛ̀ŋɛ Ɔlá-wa méèdzì, è tse ɔ̀kã̀ntso si, tsí è wà nɔ́ɔ̀nà‐ɛ̀ gbo si, tsí è kò sée#ɛ́, ɛ̀ɖɔ̃̀-wa nákó tù ńǹkɛ̀ɛ́.
9Àa kò nɛ́ ɔkpɛ́ yèé àa kó nyáa ɖá fú Ɔ̀ɖáyé fú ŋɛ́#ɛ́. È mú wa táyè ńwádzú‐ɛ̀ tó bɛ́ɛ̀. 10Nóòsã́ gbo, nóoru gbo, àa náa wà tsìkálɛ̀ fúu kũkũ ní kó fú wa nɔ́ɔ̀nà, tsí ká nyáa wáa rí odzú-ŋɛ́, tsí ká tsɛ̀kɔ́-iŋɛ́ yèé ŋa bɔ̀, tsí e nɛ́ àkaralé si ńǹtá-Yèésù dzálɛ̀#ɛ́ fú ŋɛ́.
11Ńbɛ̀ɛ́, Ɔ̀ɖáyé boba-wa òŋu ká‐ɛ̀ òŋu Yèésù Ɔlá-wa ká tsí ɔ̀nà fú wa, tsí àa kó nyáa wá ńɖi-ŋɛ́. 12Tsí Ɔlá-wa kó tse tsí àmúɖɔ̃̀-ŋɛ́ kó wà kpɔ̀ máa nɔ́dzɔ́ kɔ́dzɔ́, tsí e nɛ́ àmúɖɔ̃̀ fú ara-ŋɛ́ ŋa òŋu ɛnɛ-àtíbɔ̀ ŋa gbo, kíbí àwa gbo, àa nɛ́ àmúɖɔ̃̀ fú ŋɛ́ tó#ɛ́. 13Kó tse bɛ́ɛ̀, tsí e nyáa kɛ̃̀ɖɔ̃̀, tsí e ɖóro si rìgírìgí, àtóoríi e nyáa ɖóro ńwádzú-Ɔ̀ɖáyé boba-wa nɔ́dzɔ́ yèé Yèésù Ɔlá-wa nákó sɛ̃̀ wá òŋu tɛ̀ɛ̀ ŋa#á. È nákó nyáa ɖóro ńwádzú‐ɛ̀, tsí ɔ̀nyà-kã̀ kpókpó kàkó nyáa rí íbàɖí-kã̀ fɔ̀ nára-ŋɛ́, iŋɛ́ yèé tse#ɛ́, è dzɛ́ ti Ɔ̀ɖáyé akpá akpá, ɛsɛ̀ ɛsɛ̀.
Bí olí-Yèésù kó wà rɛ̃̀ gbà, tsí kó dzɔdzú-Ɔ̀ɖáyé#ɛ́
Currently Selected:
1 Tɛ̀sàlòníkì ŋa 3: ngl
Highlight
Copy
Compare
Share
Want to have your highlights saved across all your devices? Sign up or sign in
© (Active), Wycliffe Bible Translators, Inc. All rights reserved.
