រោម 9
9
កោរាញឞ្រាសកើយ្សផូងប៝នលានអីឆ្រាអែល
1 ឞ្រាសក្រីស លែៈគឹតដ៝ង់គ៝ប់ងើយងាន់ គ៝ប់មោអោសងើយមរោស។ នូយ្សនហ៝ម់គ៝ប់នអ៝ប់មាឞ្រាសហ្វេងអ្វែសអីក្ល៝សអ្វែសតឹមទីមានាវគ៝ប់ញចីសឞើសទ៝ង់អ្យាដ៝ង់។ 2គ៝ប់គែសនាវងក្ល៝ន់រាវៃហោងាន់ នអ៝ប់មាគែសនាវរាង៝តមោអ្យាង់តានូយ្សនហ៝ម់រីហោដ៝ង់ យ៝រលាសផូងអីឆ្រាអែល អីផូងគ៝ប់គែសអ៝ក់មោអុចញឆីងមាឞ្រាសក្រីស ។ 3លាសគ៝ប់ទើយកើលខាន់ពាង់អ៝ន់គែសនាវរាក្លាយ្ស ឞ៝លលាសគ៝ប់តឹមងខាសឞើសឞ្រាសក្រីស ឆើមឆ៝ៈទើននាវកោរាញឞ្រាសតេៈទោយ្សកាដោយ គៃមាអ៝ន់ខាន់ពាង់ក្លាយ្សឞើសនាវតេៈទោយ្សអីនៃ គ៝ប់ហោមអុចកើតនៃរ៝។ យើនមាមោអោសទើយ។#នង ៣២:៣២ 4ខាន់ពាង់ផូងអីឆ្រាអែល អីកោរាញឞ្រាសលែៈកើយ្សអុចឆ៝ៈជេងផូងក៝នពាង់នើម។ ឞើសនតើមនើសកោរាញឞ្រាសលែៈញហើនាវច្រេកលើបពាង់នើមអ៝ន់មាខាន់ពាង់ ពាង់លែៈជាននាវតឹមរាង្លាប់ដាសខាន់ពាង់ ពាង់លែៈអ៝ន់នាវវៃពាង់នើមមាខាន់ពាង់ ពាង់លែៈអ៝ន់មាខាន់ពាង់យើកមឞាសពាង់ ពាង់លែៈអ៝ន់មាខាន់ពាង់នាវត៝នអេងៗ។#នវ ៧:៦-៨; នង ១៩:៥-៦; ២៤:៧-៨ 5ខាន់ពាង់រាន៝យទែសអាឞ្រាហាម់ អីឆាក់ នទ្រែលមាយាកោប ជេសរីលាសកើបតឹងមារាន៝យទែសឞូនុយ្ស ឞ្រាសក្រីស ជេងរាន៝យទែសពែនុយ្សខាន់ពាង់អីនៃដ៝ង់។ ឞ្រាសក្រីស ពាង់ឞ្រាសតឹមឞានមាកោរាញឞ្រាស នអ៝ប់មាគែសនាវទើយមាទឹងលែៈនទើ អ៝ន់រានេពាង់នហ៝រ៝។ អើអ៝ន់គែសកើតនៃងាន់រ៝!#៩:៥៖ «អើអ៝ន់គែសកើតនៃងាន់រ៝» មោលាស «អាមែន »។#មថ ១:១-១៦
6អាបៃអ្យាតឹមឞានមានទើកោរាញឞ្រាសលែៈត៝នមោអោសហ៝ចងាន់ យ៝រលាសគែសអ៝ក់តាផូងអីឆ្រាអែល មោអោសគែសនាវរាក្លាយ្ស។ មោទីអោសនាវត៝នអីនៃមោអោសហ៝ច យ៝រលាសទឹងលែៈឞូនុយ្សតារាន៝យទែសផូងអីឆ្រាអែល មោទីអោសជេងផូងប៝នលានកោរាញឞ្រាសនើមងាន់ទាទេ។#រម ២:២៨-២៩ 7ជេសរីផូងអីរាន៝យទែសអាឞ្រាហាម់ មោទីដ៝ង់ជេងផូងក៝នឆៅពាង់ងាន់ទាទេ កើតមាកោរាញឞ្រាសលែៈមឞើសមាអាឞ្រាហាម់ នើស៖ «រាន៝យទែសមៃអីឆ៝ៈទើនឞើសនាវគ៝ប់ត៝ន កើបឞើសក៝នអីឆាក់ ទើម»#នន ២១:១២ ឞ៝លលាសអាឞ្រាហាម់ ហោមគែសក៝នអាបាៈអេងដ៝ង់។#កាល ៣:៦-៩, ១៦, ២៦-២៩; ៤:២៣ 8តាៈឞើសនាវអីនៃឞ៝ន់ឆៃ មោទីអោសទឹងលែៈក៝នអីទែសតាៈឞើសអាឞ្រាហាម់ ជេងផូងក៝នកោរាញឞ្រាសដ៝ង់។ មពោលក៝នអីកោរាញឞ្រាសត៝នមាអាឞ្រាហាម់ ទើមអីកើបជេងរាន៝យទែសអាឞ្រាហាម់ ងាន់។ 9យ៝រលាសកោរាញឞ្រាសត៝នមាពាង់កើតនអា៖ «ក្លាប់លាសនារអ្យានាម់តៃគ៝ប់ព្លឹតៃ នហ៝មាឆារា អីអូរមៃគែសទូហ្វេក៝នឞូក្លោ#៩:៩៖ តានោកកោរាញឞ្រាសងើយកើតនៃ អាឞ្រាហាម់ លែៈគែសទូហ្វេក៝នឞូក្លោរាញាអីសមាអែល ។ តាៈឞើសនាវងើយអីនៃអាឞ្រាហាម់ លែៈគឹតនទើកោរាញឞ្រាសត៝នមាពាង់នើសមោអោសទីតាអីសមាអែល យើនមាតាក៝នឆារា អីនៃរាញាពាង់អីឆាក់ ។»#នន ១៨:១០, ១៤។
10មោអោសទើនមាអីនៃទើម គែសនាវកើតនៃដ៝ង់មាឞូអូររេបេកា ។ ពាង់គុអ៝សក៝នឞារ តាៈឞើសទូហ្វេឆាយទើម ឆាយអីនៃរាញាអីឆាក់ អីចែផូងអីឆ្រាអែល ។ 11-12ឞ៝លលាសក៝នអីឞារអឹតាត្រោមនទុលនៃអេហ៝ៈទែសកាដោយ អេហ៝ៈជាននទើអ្វែស ជាននទើអ្យើស កោរាញឞ្រាសលែៈលាសមារេបេកា កើតនអា៖ «ក៝នអីអ៝សនៃមរាជានកោរាញមាអីនោ#៩:១១-១២៖ តាផូងអីឆ្រាអែល អីក៝នឞោកទាកកើបខ្លៃរាលាវ។»#នន ២៥:២៣។ លាសនទ្រីកោរាញឞ្រាសកើយ្សឞូនុយ្សតឹងនាវពាង់នើមអុច មោទីអោសតាៈឞើសនទើឞូនុយ្សជាន យើនមាតាៈឞើសកោរាញឞ្រាសនើមអ៝ន់។ 13លែៈគែសញចីសដ៝ង់មាឞារអឹក៝នអីនៃ៖
«កោរាញឞ្រាសលាស៖ «គ៝ប់មោអោសរ៝ង់មាអេឆាវ
យើនមាគ៝ប់រ៝ង់មាយាកោប អីអ៝សពាង់»»#មាល ១:២-៣។
14លាសនទ្រីមើមនាវឞ៝ន់លាស? លាសកោរាញឞ្រាសមោឆ៝ង់មោរ៝ង់តឹមឞានឞើស? មោទីនទ្រីអោស! 15កោរាញឞ្រាសលែៈលាសជេសមាមោឆេ ៖
«ឞូម៝សអីគ៝ប់ជានអ្វែសទុតតាគ៝ប់នើមទើម
ឞូម៝សអីគ៝ប់យោៈនអាចទុតតាគ៝ប់នើមទើមដ៝ង់»#នង ៣៣:១៩។
16លាសនទ្រីនាវអីនៃមោគែសទាសឞូនុយ្សអុច ទាសឞូនុយ្សញឆ្រោយ្សតឹងជ៝យ ជេងទាសកោរាញឞ្រាសនើមអុចយោៈទើម។#អេផ ២:៨-៩ 17តានាវកោរាញឞ្រាសងើយលែៈគែសញចីសដ៝ង់នាវកោរាញឞ្រាសលាសមាផារ៝ន អីកាដាច់ផូងអេឆីប ៖ «គ៝ប់អ៝ន់មៃជានកាដាច់ គៃមាញហើនាវទើយគ៝ប់តាមៃ គៃមាឞូមឞើសងក៝ចរាញាគ៝ប់អ៝ន់លឺលាមនែសនតូ»#នង ៩:១៦។ 18លាសនទ្រីឞូម៝សអីកោរាញឞ្រាសអុចយោៈទុតតាពាង់នើម លាសពាង់អុចជានអ៝ន់ឞូទាង់ក៝ទុតតាពាង់នើមដ៝ង់។#នង ៩:១២
នាវជីនូយ្ស ដាសមានាវយោៈ
19ក្លាប់លាសខាន់អៃមៃអុចអោបគ៝ប់កើតនអា៖ «លាសនទ្រីមើមទឹងកោរាញឞ្រាសហោមនទុយ្ស? ឞូម៝សហោមទើយតឹមរាទ៝ង់ដាសនាវកោរាញឞ្រាសនើមអុច?» 20អើឞូនុយ្ស! ទាសន៝ម់ក្វ៝ង់ខាន់អៃមៃទឹងទើយតឹមរាលាច់ដាសកោរាញឞ្រាសកើតនៃ? ខាន់អៃមៃឞូនុយ្សទើម។ លាសនទ្រីអើមគែសលាស នែសអូកលាសមានើមម៝នកើតនអា៖ «ហៃ មើមទឹងមៃម៝នគ៝ប់នអានអើនហ្យាស?»#អេឆា ៤៥:៩; ២៩:១៦#យេរ ១៨:៦ 21យ៝រលាសនើមម៝នទាសអុចពាង់នើមម៝ន នែសអូកអីពាង់លែៈឆ៝ៈនៃ អាបាៈពាង់ឆ៝ៈម៝ននទើខ្លៃ អាបាៈពាង់ឆ៝ៈម៝ននទើមោខ្លៃ។ 22កើតនទ្រីដ៝ង់ ឞ៝លលាសកោរាញឞ្រាសទីមាញហើនាវជីនូយ្ស នទ្រែលមាញហើនាវទើយពាង់នើម ពាង់ហោមញឆ្រោយ្សអ៝ត់នូយ្សហោងាន់មាឞូនុយ្សអីជានអ៝ន់ពាង់ជីនូយ្ស ឞូនុយ្សអីពាង់ជានមានាវរ៝សហេង។ 23កោរាញឞ្រាសជានកើតនៃពាង់អុចញហើនាវច្រេកលើបទុតក្វ៝ង់ពាង់នើមមាឞូនុយ្សអីពាង់យោៈនអាច ឞូនុយ្សអីពាង់លែៈកើយ្សល៝រមាឆ៝ៈទើននាវច្រេកលើប។ 24ទឹងលែៈឞ៝ន់ពាង់លែៈកើយ្សលែៈក្វាល់មាឆ៝ៈទើននាវច្រេកលើបអីនៃ មោអោសទើនមាផូងអីឆ្រាអែល ទើម គែសនអ៝ប់មាផូងអីមោទីផូងអីឆ្រាអែល ដ៝ង់។
25មាផូងអីមោទីផូងអីឆ្រាអែល លែៈគែសញចីសជេសតាឆ៝ម់បុតហោឆេ ៖
«កោរាញឞ្រាសលាស៖ «ផូងអីឞើសនតើមនើសមោទីផូងប៝នលានគ៝ប់ គ៝ប់មរាក្វាល់ខាន់ពាង់ជេងផូងប៝នលានគ៝ប់នើម។
ផូងអីឞើសនតើមនើសគ៝ប់មោរ៝ង់ គ៝ប់មរាក្វាល់ខាន់ពាង់ជេងផូងអីគ៝ប់នើមរ៝ង់។»»#ហោឆ ២:២៣
26ជេសរីលែៈគែសញចីសដ៝ង់៖
«កោរាញឞ្រាសលាស៖ «តានតុកអីគ៝ប់លាសមាខាន់ពាង់៖ «ខាន់អៃមៃមោអោសទីផូងប៝នលានគ៝ប់»
តានតុកនៃឞូមរាក្វាល់ខាន់ពាង់៖ «ផូងក៝នកោរាញឞ្រាសនើមអីឞ្រាសអីរេសងាន់។»»»#ហោឆ ១:១០
27ល៝ង់មាឞូនុយ្សនតើយ្សនាវងើយកោរាញឞ្រាសអេឆាយ លែៈលាសជេសមាផូងប៝នលានអីឆ្រាអែល កើតនអា៖ «ឞ៝លលាសផូងប៝នលានអីឆ្រាអែល អ៝ក់តឹមឞានមាច៝យ្សរ៝ៈទាកវាច់ទាកវារ់កាដោយ ឞូនុយ្សអីគែសរាក្លាយ្សគែសដេៈៗទើម។ 28ទឹងលែៈនាវកោរាញឞ្រាសលែៈផាតទោយ្ស ពាង់មរាជានអ៝ន់គើញងាន់រ៝តានែសនតូអ្យា»#អេឆា ១០:២២-២៣។ 29ជេសរីអេឆាយ លែៈញចីសដ៝ង់៖
«កោរាញឞ្រាសអីកោរាញមាទឹងលែៈតោងពារ់ លាសពាង់មោអោសយោៈនអាចរ៝ងរាន៝យទែសឞ៝ន់អាបាៈ
លាសនទ្រីឞ៝ន់លែៈរ៝សហេងលែៈផ្យៅតឹមឞានមាប៝នឆោដុម
មោលាសប៝នកោមោរា រ៝#៩:២៩៖ កោរាញឞ្រាសតេៈទោយ្សលើសហេងឞារអឹប៝នអីនៃមាអុញតាៈឞើសកាលើត្រោក។»#អេឆា ១:៩។#នន ១៩:២៤-២៥
ផូងអីឆ្រាអែល មោអុចញឆីងមាឞ្រាសយេឆូ
30លាសនទ្រីមើមនាវឞ៝ន់លាសហាៈ? ផូងអីមោទីផូងអីឆ្រាអែល អីឞើសនតើមនើសមោអោសញឆ្រោយ្សគុឆ៝ង់តានាប់កោរាញឞ្រាស យើនមាអាបៃអ្យាកោរាញឞ្រាសលែៈកើបខាន់ពាង់ជេងឆ៝ង់ច្រាវតាៈឞើសនាវខាន់ពាង់ញឆីង។#រម ១០:១១-១៣, ២០-២១; ១១:៧ 31ល៝ង់មាផូងអីឆ្រាអែល អីញឆ្រោយ្សគុឆ៝ង់ជានតឹងនាវវៃមោឆេ តីសមាកោរាញឞ្រាសមោអោសកើបឆ៝ង់។ 32ម៝សយ៝រ? ជេងយ៝រមាខាន់ពាង់ញឆីងមានាវខាន់ពាង់ជាន មោអុចអោសញឆីងមាឞ្រាសក្រីស ។ នទ្រីឞ្រាសក្រីស តឹមឞានមាទូមល៝ម់លុអីអ៝ន់ខាន់ពាង់ចេសព្រាសឆ្រ៝ក យ៝រមាខាន់ពាង់មោញឆីងមាពាង់។#លក ៧:២៣; ២០:១៧-១៨; ១កោ ១:២៣; កាល ២:១៦; ១ពេ ២:៨ 33កើតមាលែៈគែសញចីសជេសលាសកើតនអា៖
«កោរាញឞ្រាសលាស៖ «អ្វាញ់ហ៝ម់ គ៝ប់តេៈទូមល៝ម់លុតាប៝នយេរូឆាលឹម អីជានអ៝ន់ឞូចេសឆ្រ៝ក ទូមល៝ម់លុក្វ៝ង់អីជានអ៝ន់ខាន់ពាង់ចេសព្រាស
យើនមាឞូម៝សអីញឆីងមាលុអីនៃ ពាង់មោអោសគែសនាវដីតព្រេង។»»#អេឆា ៨:១៤; ២៨:១៦#លក ២០:១៨
© (Active) Wycliffe Bible Translators, Inc. All rights reserved.