នាវនតើម 10
10
រាន៝យទែសនោអេ
1អ្យានាវងក៝ចរាន៝យទែសឆិម ហាម់ នទ្រែលមាយាផែត អីក៝ននោអេ នៃនើស។ ជេសទាកលេងទាកទើងអីនៃ ខាន់ពាង់ពែនុយ្សអីនៃឞាៈអ៝សឞាៈក៝នកើតនអា៖
2អីក៝នឞូក្លោយាផែត ខាន់ពាង់គែសរាញាកោមើរ #១០:២៖ លែៈនាវតាងក៝ចយៅអ្យាលាសមោមឞើសនហេលលាសឞូអូរ លែៈឞូនុយ្សនៃជេងឞូក្លោទាទេ។ មាកុក មាដាយ យាវាន តូបាល មេឆេក នទ្រែលមាតីរាស ។ ទឹងលែៈអីក៝នឆៅឞើសកើយឞើសកើយ ខាន់ពាង់ឆ៝ៈទឹងលែៈរាញាអីនៃមាជេងរាញាមពោលខាន់ពាង់។ 3ជេសរីអីក៝នឞូក្លោកោមើរ ខាន់ពាង់គែសរាញាអាសកេនាស រីផាត នទ្រែលមាតូការមា ។ 4អីក៝នឞូក្លោយាវាន ជឹត ខាន់ពាង់គែសរាញាអេលីឆា តាឆើស កីតីម នទ្រែលមាដោដានីម ។ 5ខាន់ពាង់អីនៃអីអូចែមពោលឞូនុយ្សអេងៗគុរ៝ៈទាកវាច់ទាកវារ់។ ខាន់ពាង់ញចាសមពោលអេងៗ តឹងរានាក់វ៝ល់ តឹងនាវងើយ តឹងទាកខាន់ពាង់នើម។
6អីក៝នឞូក្លោហាម់ ជឹត ខាន់ពាង់គែសរាញាកុស អេឆីប #១០:៦៖ «អេឆីប » មោលាស៖ «មីឆ្រែម »។ ពូត នទ្រែលមាកានាន ។ ទឹងលែៈអីក៝នឆៅឞើសកើយឞើសកើយ ខាន់ពាង់ឆ៝ៈទឹងលែៈរាញាអីនៃមាជេងរាញាមពោលខាន់ពាង់។ 7អីក៝នឞូក្លោកុស ខាន់ពាង់គែសរាញាចេបា ហាវីលា ឆាបតា រាមា នទ្រែលមាឆាបតិកា ។ អីក៝នឞូក្លោរាមា ពាង់គែសរាញាឆេបា នទ្រែលមាដេដាន ។ 8ជេសរីកុស ឞាៈទូហ្វេក៝នជឹតគែសរាញានិមរោត ពាង់អីនៃអីឞូនុយ្សល៝រឞូឞាល់ជេងកោរាញម៝ត់អ្វាញ់ទាង់ងាន់តានែសនតូអ្យា។ 9ពាង់ជេងឞូនុយ្សឞ្រែនទុតអ្វែសដ៝ង់តានាប់មាត់ឞ្រាសយេហោវា នទ្រីទឹងឞូវៃលាស៖ «មៃឞ្រែនទុតអ្វែសតឹមឞានមានិមរោត តានាប់មាត់ឞ្រាសយេហោវា »។ 10នតើមនើសពាង់គុម៝ត់អ្វាញ់តាប៝នបាបីល ប៝នអេរេក ប៝នអាកាត នទ្រែលមាប៝នកាល់នេ តាឞ្រីឆីនើរ ។ 11ជេសឞើសនៃពាង់លោសហាន់ជឹតឞ្រីអាឆើរ ត៝ត់តាឞ្រីអាឆើរ រីពាង់ជានប៝ននីនីវេ ប៝នរេហូបុត ប៝នកាលាស 12នទ្រែលមាប៝នរេឆែន ប៝នអីនៃក្វ៝ង់ងាន់វាសវាងប៝ននីនីវេ មាប៝នកាលាស ។ 13អីក៝នឆៅអេឆីប #១០:១៣៖ «អេឆីប » មោលាស៖ «មីឆ្រាម »។អីរីជឹតជេងមពោលលូដីម មពោលអានាមីម មពោលលេហាបីម មពោលនាប់ថូហីម 14មពោលពាត្រូឆីម មពោលកាសលូហីម នទ្រែលមាមពោលកាប់ថ៝រីម មពោលកាសលូហីម អីនៃជេងផូងអូចែមពោលផាលីសតីន ។
15ជេសរីអីកានាន អីរីឞាៈឆីដោន ក៝នទាកឞោក ជេសរីឞាៈហេត 16នទ្រែលមាមពោលយេបូឆីត មពោលអាមោរី មពោលគីរកាឆីត 17មពោលហីវី មពោលអារ់កីត មពោលឆីនីត 18មពោលអារ់វាតីត មពោលឆេមារីត នទ្រែលមាមពោលហាមាថីត ។ ជេសរីមពោលកានាន ហាន់គុនតុកអេងៗឞាល់។ 19ឞ្រីទាកខាន់ពាង់ នតើមឞើសប៝នឆីដោន ត៝ត់មាប៝នកេរារ អីទាច់ប៝នកាឆា នហ៝មាត៝ត់ប៝នឆោដុម ប៝នកោមោរា ប៝នអាតមា នទ្រែលមាប៝នឆេប៝យីម ជេសរីនហ៝មាត៝ត់អាប៝នលាឆារី។ 20នទ្រីរាន៝យទែសហាម់ ពាង់គុតឹងរានាក់វ៝ល់ តឹងនាវងើយ តឹងឞ្រី តឹងទាកខាន់ពាង់នើម។
21ជេសរីឆិម អីនោយាផែត រីពាង់ឞាៈអ៝សឞាៈក៝នដ៝ង់។ ពាង់អីនៃអីអូចែមពោលអេបែរ ។ 22ក៝នពាង់គែសរាញាអេលាម អាសឆើរ អារពាក់ឆាត លូត ជេសរីអារាម ។ 23អារាម ឞាៈអុស ឞាៈហូល ឞាៈកេថើរ នទ្រែលមាឞាៈមាស ។ 24អារពាក់ឆាត ឞាៈឆេលាស ឆេលាស ឞាៈអេបែរ ។ 25អេបែរ ឞាៈក៝នឞូក្លោឞារហៃ អីនោរាញាផេលេក រាញាអីនៃរាឞ្លាងលាស«ចាសច្រាយឞាល់» យ៝រលាសនោកនៃឞូនុយ្សតានែសនតូអ្យាគុចាសច្រាយឞាល់។ អីអ៝សពាង់រាញាយុកថាន ។ 26យុកថាន ឞាៈអាល់មោដាត ឞាៈឆេលេប ឞាៈហាឆារមាវេត ឞាៈយេរាស 27ឞាៈហាដោរាម ឞាៈអូឆាល ឞាៈដិកលា 28ឞាៈអោបាល ឞាៈអាបីមាអែល ឞាៈឆេបា 29ឞាៈអោផីរ ឞាៈហាវីលា នទ្រែលមាឞាៈយោបាប ។ ទឹងលែៈខាន់ពាង់អីនៃក៝នយុកថាន ទាទេ។ 30ឞ្រីទាកខាន់ពាង់គុរេសនតើមឞើសឞ្រីមេឆា នហ៝មាត៝ត់នតុកយោកឞ្រីឆេផារ អីមពែសមាលោសនារនៃ។ 31អីនៃរាន៝យទែសឆិម ពាង់គុតឹងរានាក់វ៝ល់ តឹងនាវងើយ តឹងឞ្រី តឹងទាកខាន់ពាង់នើម។
32លែៈអីនៃនើសរាន៝យទែសអីក៝ននោអេ ពែនុយ្ស តឹងរាន៝យទែសតឹងឞ្រីខាន់ពាង់នើម។ ជេសទាកលេងទាកទើងនៃនើស ខាន់ពាង់ចាសច្រាយកើតនៃ ទឹងគែសមាជេងលែៈឞ្រីទាកអេងៗតានែសនតូអ្យា។
Currently Selected:
នាវនតើម 10: cmoK
Highlight
Share
Copy
Want to have your highlights saved across all your devices? Sign up or sign in
© (Active) Wycliffe Bible Translators, Inc. All rights reserved.