Loma 16
16
Ulau kuli yacuza
1Nkweti visuma vya kulanda pali nkazizyo Febi, wino akatumikila Iuvi lyamu Kenkelea. 2Mumupokelele mwi zina lya Mwene, wakwe vino antu yakwe Leza yalinzile kupokelelwa. Mwazwini muli vyonsi vino angalonda kwazwiwa, pano wali a cuza wa antu aingi pamwi nani kwene.
3 #
Mil 18:2
Natuma ulau kuli Pulisila na Akwila, aomvi yanji mu kutumikila Yesu Klistu. 4Yene yatasakamile umi wao pamulandu wane. Nkutaizya kunoyali, asi nene nenga, lelo na mauvi yonsi ya Akulukuwa. 5Natuma ulau kwi uvi ilikapepela mu ng'anda yao. Natuma ulau kuli cuza wane Epanatusi, uwali ali muntu wakutandika kutaila muli Klistu mu muputule wa mpanga ya Asiya. 6Natuma ulau kuli Maliya wino akatumikila cuze apamulandu winu. 7Natuma ulau kuli Andolonika nga na Yuniasi, Ayuda yanji yano ali pamwi nani mu ng'anda yaminyololo. Yamanyikwa cuze mu atumwa, nupya yali ankolelo pali nene kuya aina Klistu.
8Natuma ulau wane kuli Ampiliatosi cuza wane mukundwe mu Mwene. 9Natuma ulau na kuli Ubanusi kwene muomvi pamwi naswe mu mulimo wakwe Klistu, nga na kuli Sitakisi mukundwe wane. 10Natuma ulau kuli Apele wino wasininkiziwa kuya uwa cumi kuli Klistu. Natuma ulau ku amu ng'anda yakwe Alistobulusi, 11Ulau kuli Helodioni, Muyuda unji nga nu ku ina Klistu, aina yane amu ng'anda yakwe Nakisosi
12Natuma ulau wane na kuli Tulafaeni na Tulafosa, akatumikila Mwene, nga na kuli cuza wane mukundwe Pesisi, uwaomba mulimo ukulu cuze uwa Mwene. 13#Mk 15:21 Natuma ulau kuli Lufusi, muomvi wa kuzunguka mu kutumikila Mwene, nga na kuli nyina wino akansunga lyonsi wa mwana wakwe. 14Natuma ulau kuli Asiklito, Fulegoni, Hemesi, Patlobasi Hemasi nga na ina itu yonsi a Klistu yano yali nao. 15Natuma ulau kuli Filologasi na Julia, na kuli Neleusi na kaci wakwe, na kuli Olimpasi pamwi na antu yakwe Leza yonsi yano ali nao.
16Mulamukane mu kutonsolana kwa wina. Mauvi yonsi yakwe Klistu yakumulamuka.
Utunguluzi wakusyalikizya
17Nkumupapata mwe inane, mucenjele kuli yao akapatukanya iuvi nu kuvulunganya utailo wa antu pa kuntacita vintu vino mwensi mwasambiliziwe. Fuminiko kunoyali, muyasoloke. 18Pano yao akacita vii yasyatumikila Klistu Mwene witu, lelo yakatumikila vilondwa vyao. Kupitila mu mazwi yao akusyenteka nga ni mvwango zyao zya kutasya mwi syente, yene yakasomba antu akaele yano atakuma ku vintu vii. 19Antu yonsi yuvwa vino mwaya acumi kwi Landwe Lisuma nga pamulandu kwene uu, nemo ndi nu luzango pali mwemwe. Nkulonda muye a mano pali cino icili cisuma, lelo muye akaele mutakumako ku viipe. 20Na Leza ali ntulo ya mutende, alavungola Ciwa apisika ya ngazo zinu. Cikuku ca Mwene witu Yesu Klistu ciye namwe.
21 #
Mil 16:1
Timoti muomvi unji, watuma ulau wakwe kunomuli. Vivyo kwene na Lusio, Yasoni na Sosipata, Ayuda yanji, nao yatuma ulau wao.
22Nani ne Telitasi, kalemba wakwe kalata wii, natuma ulau wa muli Klistu.
23 #
Mil 19:29; 1Kol 1:14; 2Tim 4:20 Mwine ng'anda Gayusi, muno Iuvi likakongana, nawe kwene watuma ulau. Elasita, kasunga wa cipao camu musumba, nga nu mwina witu Kwatosi, nayo kwene yatuma ulau. 24Cikuku ca Mwene witu Yesu Klistu ciye namwe
Leza alumbanyiwe
25Ka twalumbanya Leza! Wene ali na maka yakumukomya mu utailo winu kulingana ni Landwe Lisuma lino nkakosola pamulandu wakwe Yesu Klistu nga nu kulingana nu kusokoloka kwa nkama ya cumi icali icifiswe kufuma ku mikulo yampiti na mpiti. 26Lelo ndakai cumi cico casokololwa apaswe muli vino yakasema yalemvile. Lyene Leza, uwa manda pe nawe wapela ilamulo kuti nkama imanyikwe ku nko zyonsi pakuti antu yonsi yataile nu kuyela.
27Ku Mwene Leza wenga sile, wino wenga uwaya uwa mano, kuye lulumbi muli Yesu Klistu, pe na pe. Ameni.
Currently Selected:
Loma 16: MamL13
Highlight
Share
Compare
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
