Milimo 11
11
1Atumwa pamwi na ataile yano ali mu Yudeya yuvwa ukuti na Akulukuwa kwene yati yapokelela izwi lyakwe Leza. 2Lino Petulo wiza ku Yelusalemu, yao alondanga ukuti Akulukuwa yasilamulwe yapazyanya nawe yati, 3“Wemo waile ufikila ku mang'anda ya Akulukuwa yano atasilamulwa nu kulya pamwi nao!” 4Lelo Petulo ayalondolwela vyonsi kufuma sile vino cali pa kutandika.
5“Lino napepanga mu musumba wa Yopa, naweni cilolwa. Naweni cintu cimwi cikoline wa cisalu cikulu cikwika pansi ku masempele yakweco yani, ala cikufuma mwiyulu, nga cifika panondi. 6Nceceta mukasi kaciko, nga ndola inyama zya muzi ni zya mpanga, ni visela nga ni vyunyi vya mpanga. 7Lyene nuvwa izwi likuti, ‘Petulo, katuka koma ulye!’ 8Lelo nemo inti, ‘Awe, Mwene! Cumi kusi cintu cimwi citasanguluka nanti cikowele catala cingila mu mulomo wane.’ 9Nupya izwi livwanga kufuma mwiyulu liti, ‘Vino Leza wasangulula utataka ukuti vikowele.’ 10Cii cacitike amaila yatatu, na pakusyalikizya cintu cii consi cikweziwa kwiyulu. 11Pa kasita kwene kaka, antu yatatu atumilwe kunondi kufuma ku Kesaliya yafika pa ng'anda pano nikalanga. 12Mupasi Wamuzilo anena kuti tupite nao kwaula kuzingota. Na inane mutanda, ataile aku Yopa, yansukilile ku Kesaliya, swensi twingile mu ng'anda yakwe Konelio. 13Nawe atunena vino waweni mungeli aimi mu ng'anda mwakwe, amunena ati, ‘Tuma umuntu umwi ku Yopa kuya aama umuntu izina lyakwe Simoni Petulo. 14Ali nu kuvwanga amazwi kunuli yano wewe na amu ng'anda yako muli nu kutuulilwamo.’ 15Lyene lino natandike kuvwanga, Mupasi Wamuzilo wikila pano yali wakwe vino wikile na pali sweswe kwene kufuma pa kutandika. 16#Mil 1:5 Lyene nani niwisye vino Mwene wavwanzile ati, ‘Yoane wawatizyanga na manzi, lelo mwemo mulawatiziwa na Mupasi Wamuzilo.’ 17Cintu cii cili paswe, cino Leza wapile Akulukuwa uwila uli umwi na uno wapile kunotuli lino twataile mu Mwene Yesu Klistu. Caleka, nali nene weni wakuti nkanye Leza!”
18Lyene lino yuvwa vintu vii, yata kupazyanya nawe, lelo yati, “Lyene Leza watapela Akulukuwa isyuko lya kuzenzuka kuti yaye nu umi!”
Iuvi lyamu Antioki
19 #
Mil 8:1
Yao ataile yasalangine pamulandu wakuzunyiwa ukwatandike lino yakomile Sitivini. Yamwi yafisile ku Fonisya, ku Kupulo mpaka nu ku Antioki, ala yakukosola ilandwe ku Ayuda yatupu. 20Lelo yamwi muli yao ataile, aonsi afumile ku Kupulo nu ku Kuleni, yaile ku Antioki yakukosola ilandwe nu ku Akulukuwa kwene, yayanena Ilandwe Lisuma lya Mwene Yesu. 21Amaka ya Mwene yali nao, na antu aingi cuze yataila yaseleukila ku Mwene.
22Impwelo pali cii yafisile nu kwi iuvi lyaku Yelusalemu, caleka yatumile Banaba ku Antioki. 23Lino wafisile nu kulola vino Leza wapolelile antu, aya nu luzango nga ayanena yonsi kuti mu myenzo yao yatwalilile mu utailo ni cumi ku Mwene. 24Banaba wali umuntu musuma, uwazuziwe na Mupasi Wamuzilo, nga nu utailo. Antu aingi yataile mu Mwene.
25Alino Banaba aya ku Taliso kukulonda Saulo. 26Lino wamuzana, amuleta ku Antioki. Lyene mwaka uwa onsi upuma oili kwene yakongana pamwi ni iuvi nu kusambilizya ali mwenemo. Ku Antioki akuno alondezi yatandike ukwamwa aina Klistu.
27Mu manda yalya yakasema yamwi yafumile ku Yelusalemu iiza ku Antioki.
28 #
Mil 21:10
Wenga uwa munoyali uwizina lyakwe Agabasi, aimilila, nga mu maka ya Mupasi Wamuzilo asema pa cipowe icali nu kwiza umu nsi yonsi. (Cii, icizile lino Kalaudio wali a kateeka). 29Lyene alondezi yonsi yuvwana ukusangula vya kutuma ku kwazwa aina Klistu yauze aku Yudeya, nga cila muntu asangula kulingana na pano akwatile. 30Vii, avino yacisile nga yapela Saulo na Banaba musangulo uwo kuti yatwale.
Helodi wakoma Yakobo wanyepa na Petulo
Currently Selected:
Milimo 11: MamL13
Highlight
Share
Copy
Want to have your highlights saved across all your devices? Sign up or sign in
Mambwe-Lungu Bible © The Bible Society of Zambia, 2013
