2 Tesalonika 2
2
Kwiza kwa muntu Mui
1 #
1Tes 4:15
Pamulandu wa kwiza kwa Mwene witu Yesu Klistu nga nu kukongana kwitu swensi pamwi kuti tuye nawe, nkumupapata inane 2mutaleka ciye cangupale kuvulunganyiziwa nu kwanolwa na antu yano yakati Wanda wa kwiza kwa Mwene wiza mpiti. Na manye antu yakaelenganya ukuti swemo twavwanzile cii lilyo lino twasemanga nanti kukosola, nanti lino yawelenzile kalata witu umwi. 3Mutaleka umwi amusombe. Pano Umwene atangiza suka antu yace yasangukile Leza, nga nu Mui wilya aloleke, wino uyo wakwe cifulo ca afwe. 4#Eze 28:2; Dan 11:36 Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza. 5Uzye musyakwiusya ukuti namunenyile vii vyonsi lino nali pamwi namwe? 6Lelo mwati mumanya cintu cino cikulesyanya Mui wilya kuloleka suka kasita kakwe kakafike. 7Ndakai umfisolo wankota uno ukucitika utangata kuomba suka wiyo akuulesya ukucitika afumiwepo. 8#Eza 11:4 Alino lyene Mui wilya alasokololwa. Lelo lino Mwene Yesu aliza, wene alamukoma ku mupu uwamu mulomo wakwe, nu kukaoka kwakwe kulamulovya. 9#Mat 24:24 Mui wilya aliiza na maka yakwe Ciwa nga nu kucita misango yonsi ya vinjelengwe ni vizungusyo vyaufi. 10Wene alaomvya inkota pa kusomba yao yano yalalowa. Antu yao yalalowa pamulandu wakuti yatazumile nu kutemwa cumi pakuti yatuulwe. 11Acino Leza alaleka kuti maka akuluvyanya yaombe munoyali kuti yataile vyaufi. 12Ni cilafumamo cakuti yao onsi atataila cumi, lelo yene yazangila mu kwifya, yalavunukwa.
Mwemo mwasololwa kuti mukatuulwe
13Inane, swemo tulinzile kutaizya Leza insita zyonsi pamulandu winu. Leza wamusolwile kufuma ku utandiko kuti mutuulwe kupitila mu maka a Mupasi Wamuzilo nga na pakutaila kuno mwataila cumi pakuti aleke muye antu yakwe amuzilo. 14Leza waomvizye kukosola kwitu kwi Landwe Lisuma kuti kuye ulwamo kunomuli ulwa kukumako ku lulumbi lwa Mwene witu Yesu Klistu. 15Caleka, mwe ina itu, muzyansye nu kutwalilila kulondela vya cumi vino twamusambilizye, mu kukosola nu mu makalata itu kwene.
16Mwene witu Yesu Klistu, na Leza Tata wino watutemwa, nupya mu cikuku cakwe watupeela ukomelezyo nu upaalilo, 17alukutukomelezya nu kutupela maka akucita nu kulanda visuma lyonsi.
Mwatupepelako
Mambwe-Lungu Bible © The Bible Society of Zambia, 2013