Mata 4
4
1 Bhuair an diabhal Crìosd. 17 Na dhèidh seo, thòisich Crìosd air searmonachadh. 24 Shlànaich e sluagh a bha euslan.
1An sin threòraicheadh Iosa leis an Spiorad#1 Rìgh 18:12; Esec 11:1, 24; Gnìo 8:39 don fhàsach, a‑chum gum biodh e air a bhuaireadh leis an diabhal#Marc 1:12; Lùc 4:1.
2Agus nuair a thraisg e dà‑fhichead là agus dà‑fhichead oidhche, an dèidh sin bha acras air.
3Agus air teachd don bhuaireadair da ionnsaigh thubhairt e, Mas tu Mac Dhè, thoir àithne do na clachan seo a bhith nan aran.
4Ach fhreagair esan agus thubhairt e, Tha e sgrìobhte, Chan ann le aran a‑mhàin a bheathaichear duine#Deut 8:3, ach leis gach uile fhacal a thig o bheul Dhè.
5An sin thug an diabhal e don bhaile naomh#Mat 27:53; Neh 11:1, agus chuir e air binnein an teampaill e,
6Agus thubhairt e ris, Mas tu Mac Dhè, tilg thu fhèin sìos: oir tha e sgrìobhte gun toir e àithne da ainglean mud thimcheall#Salm 91:11, 12, agus togaidh iad suas thu nan làmhan, a‑chum nach buail thu, uair air bith, do chas air cloich.
7Thubhairt Iosa ris a‑rìs, Tha e sgrìobhte, Cha bhuair thu an Tighearna do Dhia#Deut 6:16.
8Thug an diabhal e a‑rìs a‑chum beinne ro‑àird, agus nochd e dha uile rìoghachdan an domhain, agus an glòir;
9Agus thubhairt e ris, Iad seo uile bheir mise dhut, ma thuiteas tu sìos agus ma nì thu adhradh dhòmhsa.
10An sin thubhairt Iosa ris, Imich uam, a Shàtain: oir tha e sgrìobhte, Bheir thu adhradh don Tighearna do Dhia#Deut 6:13; 1 Sam 7:3, agus dhàsan na aonar nì thu seirbhis.
11An sin dh’fhàg an diabhal e; agus, feuch, thàinig ainglean agus fhritheil iad dha#Eabh 1:14.
12Ach nuair a chuala Iosa gun do chuireadh Eòin an làimh#Mat 14:3; Lùc 3:19, 20, dh’imich e do Ghalile;
13Agus air dha Nàsaret fhàgail, thàinig e agus ghabh e còmhnaidh ann an Capernàum, a tha ri taobh na fairge, ann an leth‐iomall Shabuloin agus Nephtalim:
14A‑chum gun coileante an nì a labhradh le Esaias am fàidh, ag ràdh#Isa 9:1, 2,
15Talamh Shabuloin, agus talamh Nephtalim, slighe na fairge, air an taobh thall de Iòrdan, Galile nan Cinneach:
16Am poball a bha nan suidhe ann an dorchadas, chunnaic iad solas mòr#Isa 42:6, 7; Lùc 2:32; agus tha solas air èirigh do na daoine a bha nan suidhe ann an tìr agus an sgàil a’ bhàis.
17O sin a‑mach thòisich Iosa air searmonachadh, agus air a ràdh, Gabhaibh aithreachas, oir tha rìoghachd nèimh am fagas#Mat 3:2; 10:7.
18Agus ag imeachd do Iosa ri taobh fairge Ghalile, chunnaic e dithis bhràithrean, Sìmon#Eòin 1:42 den goirear Peadar, agus Anndras a bhràthair, a’ tilgeadh lìn anns an fhairge (oir b’iasgairean iad).
19Agus thubhairt e riu, Leanaibh mise, agus nì mi iasgairean air daoine dhibh#Lùc 5:10; Gnìo 2:38‐41; 1 Cor 9:20‐22.
20Agus air ball dh’fhàg iad na lìn#Marc 10:28‐31, agus lean iad esan.
21Agus air triall dha as a sin, chunnaic e dithis bhràithrean eile#Marc 1:19, 20, Seumas mac Shebede, agus Eòin a bhràthair, ann an luing maille ra athair Sebede, a’ càradh an lìon: agus ghairm e iad.
22Agus air ball dh’fhàg iad an long agus an athair#Mat 10:37, agus lean iad e.
23Agus dh’imich Iosa timcheall Ghalile uile, a’ teagasg nan sionagogan#Mat 9:35; Lùc 4:15, 44, agus a’ searmonachadh soisgeul na rìoghachd#Mat 24:14; Marc 1:14, agus a’ slànachadh gach gnè thinnis, agus gach gnè eucail am measg an t‑sluaigh#Mat 8:16, 17; Salm 103:3.
24Agus chaidh a chliù air feadh Shiria uile, agus thug iad da ionnsaigh iadsan uile a bha easlan, agus a bha air an cuibhreachadh le galaran, agus iomadh gnè phiantan, agus iadsan aig an robh deamhain annta, agus air an robh an tuiteamach, agus luchd‐pairilis; agus shlànaich e iad.
25Agus lean cuideachd mhòr e o Ghalile#Lùc 6:17, 19, agus o Dhecapolis, agus o Ierusalem, agus o Iudèa, agus o na crìochan a tha an taobh thall de Iòrdan.
Currently Selected:
Mata 4: ABIG
Highlight
Share
Copy
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017