Malachi 1
1
1 Rinn Malachi gearan an aghaidh an t‑sluaigh airson an aingidheachd. 6 Chuir e an cèill dhaibh an neo‐chùram mu thimcheall seirbhis an Tighearna.
1Fàistneachd facal an Tighearna a‑chum Israeil, le Malachi.
2Ghràdhaich mise sibh#Deut 7:7, 8; Ier 31:3, tha an Tighearna ag ràdh: gidheadh tha sibhse ag ràdh, Ciod anns an do ghràdhaich thu sinn? Nach b’e Esau bràthair Iàcoib, tha an Tighearna ag ràdh? Gidheadh ghràdhaich mise Iàcob#Ròm 9:13.
3Agus dh’fhuathaich mi Esau; agus chuir mi a shlèibhtean fàs#Ier 49:17, 18; Esec 35:3, etc., agus tha a oighreachd aig nathraichean#1:3 fiadh‐bheathaichean. an fhàsaich.
4Mar tha Edom ag ràdh, Rinneadh bochd sinn, ach tillidh sinn agus togaidh sinn na h‑ionadan sgaoilte; mar seo tha Tighearna nan sluagh ag ràdh, Togaidh iadsan, ach tilgidh mise sìos; agus goirear riu, Crìoch na h‑aingidheachd, agus an sluagh ris a bheil corraich aig an Tighearna gu sìorraidh.
5Agus chì ur sùilean‐se, agus their sibh, Bidh an Tighearna air àrdachadh thar crìochan Israeil.
6Bheir mac onair da athair, agus seirbhiseach da mhaighistir; mas athair mise, matà, càit a bheil m’onair#Lùc 6:36? Agus mas maighistir mi, càit a bheil m’eagal? tha Tighearna nan sluagh ag ràdh ribhse, O shagartan a tha a’ dèanamh tàire air m’ainm‐sa; agus tha sibh ag ràdh, Ciod anns an do rinn sinne tàir air d’ainm?
7Tha sibh a’ toirt seachad arain thruaillte air m’altair#Lebh 21:6, 8; agus tha sibh ag ràdh, Ciod anns an do rinn sinne do thruailleadh? Le sibh a bhith ag ràdh, Tha bòrd an Tighearna suarach.
8A‑nis ma thairgeas sibh an nì a tha dall mar ìobairt#Lebh 22:19‐25; Deut 15:21, nach olc sin? Agus ma thairgeas sibh an nì a tha bacach agus tinn, nach olc sin? Tairg e a‑nis dod uachdaran; am bi e toilichte leat, no an gabh e riut? deir Tighearna nan sluagh.
9Agus a‑nis, guidheam oirbh, iarraibh aghaidh an Tighearna, gum bi e tròcaireach dhuinn. Is ann o ur làimh‐se a thàinig seo; an gabh mise ri aon agaibh gu taitneach? deir Tighearna nan sluagh.
10Gu cinnteach druidear na dorsan nur n‑aghaidh; agus chan fhadaidh sibh teine air m’altair‐sa gu dìomhain. Chan eil tlachd air bith agam annaibh, tha Tighearna nan sluagh ag ràdh, cha mhò a ghabhas mi tabhartas air bith o ur làimh.
11Oir, o èirigh na grèine gu ruig a dol sìos#Salm 113:3; Isa 59:19, bidh m’ainm‐sa mòr am measg nan cinneach#Salm 98:1‐3; Sech 8:20‐23; agus anns gach àite tairgear tùis dom ainm‐sa#Seph 2:11; Eòin 4:21‐23; 1 Tim 2:8, agus tabhartas fìorghlan#Isa 66:19, 20: oir bidh m’ainm mòr am measg nan cinneach, deir Tighearna nan sluagh.
12Ach thruaill sibhse e, le sibh a bhith ag ràdh, Tha bòrd an Tighearna truaillte; agus an tabhartas air, eadhon a bhiadh, tha e suarach.
13Thubhairt sibh fòs, Cia mòr an sgìos e#Isa 43:22; Mic 6:3? Agus shèid sibh uaibh e, tha Tighearna nan sluagh ag ràdh, agus thug sibh am ionnsaigh an nì a bha reubte, agus bacach, agus tinn; mar seo thug sibh tabhartas: an gabh mise sin o ur làimh? deir Tighearna nan sluagh.
14Ach mallaichte gu robh am mealltair, aig a bheil fireann na threud, agus a bhòidicheas agus a dh’ìobras nì truaillidh don Tighearna: oir is Rìgh mòr mise, tha Tighearna nan sluagh ag ràdh, agus tha m’ainm uamhasach am measg nan cinneach.
Currently Selected:
Malachi 1: ABIG
Highlight
Copy
Compare
Share
Want to have your highlights saved across all your devices? Sign up or sign in
© Comann Bhìoball na h‑Alba 1880, 1992, 2017
© Scottish Bible Society 1880, 1992, 2017
