Matthew-ku Nyangatja Ngaṉmanytju Nyakula Wangkanytjaku
Nyangatja Ngaṉmanytju Nyakula Wangkanytjaku
Nyangatja Godaku tjukurpa wati ini Matthew-lu walkatjunkunytja Jesunyatjara. Matthew-nya panya ngaṉmanypa wati mani mantjilpai nyinangi munu paluṟu aṉangu Jew tjuṯanguṟu mani mantjilpai wati mayatja puḻka Rome-anya nguraṟaku tjunkunytjikitjangku.
Palu ngula Jesulu palunya iwarangka itingka nyakula ngurkantanu palumpa nintintja nyinanytjaku, ka paluṟu waṟka panya palunya wantikatingu munu Jesula tjanala tjunguringkula para-pitjalinangi yiya maṉkurpa munu palula tjukurpa tjuṯa kuliṟa nintiringangi. Ka panya Jesunya ilunytjatjanu wankaringkula pakannyangka maḻangka Matthew-lu kuḻu palunya nyangu wanka para-ngaṟanyangka.
Ka nyiri nyangangka Matthew-lu tjakultjunanyi Jesunya Wankaṟunkupainya, panya Godalu palunya ngaṉmanytju kalkuṉu Aipuṟamaku walytjapitinguṟu utiringkunytjaku, ka panya palunyaya wati wangkatjara tjuṯangku nyiringka iriti walkatjunangi. Munu Matthew-lu kuḻu alatji tjakultjunanyi panya Christanya Mayatja puḻka nyinanyi aṉangu Godaku walytjapitiku munu paluṟu nganaṉanya wangkanyi panya Christalulanya nintinu tjukaṟuru palyanyku nyinanytjaku.
Tjukurpa nyanganpa ngarinyi:
1:1—2:23 Jesunya iṯi ngarinytja
3:1—4:11 Jesunya baptise-katinytja munu Satantu palunya kurantjikitjangku arkantja
4:12—18:35 Jesulu aṉangu tjuṯangka tjukurpa wangkara nintintja munu pikatjara tjuṯa palyaṟunguntja
19:1—20:34 Jesulu tjukurpa kutjupa tjuṯa wangkanytja munu miracle kutjupa tjuṯa palyantja
21:1—23:39 Jesunya Jerusalemalakutu tangkiyingka tatiṟa ankunytja, munu timpulangka tjarpara tjukurpa tjuṯa wangkanytja
24:1—25:46 Jesulu palumpa nintintja tjuṯangka tjakultjunkunytja ngula nyaaringkuku
26:1—27:66 Jesunya witintja munu puṉu kaṯakutjarangka wakaṟa utitjunkunytja
28:1-20 Jesunya wankaringkula pakantja
Currently Selected:
Matthew-ku Nyangatja Ngaṉmanytju Nyakula Wangkanytjaku: PITJ
Highlight
Share
Copy
Want to have your highlights saved across all your devices? Sign up or sign in
© Bible Society Australia