Luke-aku Nyangatja Ngaṉmanytju Nyakula Wangkanytjaku
Nyangatja Ngaṉmanytju Nyakula Wangkanytjaku
Nyangatja Godaku tjukurpa wati ini Luke-alu walkatjunkunytja Jesunyatjara. Panya paluṟu wati nintipuka munu Jew wiya. Munu paluṟu nyiri nyangatja walkatjunu palumpa maḻpaku wati panya ini Tjiyapilatjaku. Munu paluṟu tjakultjunangi panya Jesunya wati palya mulapa kura wiya alatjiṯu, munu panya ilungu aṉangu ngura winkitja wankaṟunkunytjikitja Jew tjuṯa kutju wiya, panya Godanya aṉangu uwankaraku puḻkaṟa mukuringkupai. Munu Luke-alu tjukurpa kutjupa kutjupa tjuṯa walkatjunu Jesulu wangkanytja munu palyantja. Munu paluṟu nintiningi Godala tjukaṟurungku tjapintjaku munu tjukurpa Godaku kurunpatjara kuḻu wangkangi.
Uwa, Luke-anya panya Paulala tjunguringkula ngura tjuṯangka para-pitjalinangi. Munu ngula paluṟu nyiri kutjupa kuḻu walkatjunu panya yaaltji-yaaltji ngaṟangi Jesunya ilkaṟikutu ankunyangka maḻangka. Ka nyiri pala paluṟu panya ini Jesulu Iyantja Tjuṯangku Palyantja.
Tjukurpa nyanganpa ngarinyi:
1:1—2:52 John Baptistanya iṯi ngarinytja munu Jesunya iṯi ngarinytja
3:1-20 Johntu aṉangu tjuṯangka tjukurpa wangkara tjananya baptise-katinytja
3:21—4:13 Johntu Jesunya baptise-katinytja, ka Satantu Jesunya arkantja
4:14—9:50 Jesulu aṉangu tjuṯangka wangkara nintintja munu pikatjara tjuṯa palyaṟunguntja
9:51—19:27 Jesulu tjukurpa tjuṯa tjakultjunkunytja
19:28—21:4 Jesunya Jerusalemalakutu tangkiyingka tatiṟa ankunytja, munu timpulangka tjarpara tjukurpa tjuṯa wangkanytja
21:5-38 Jesulu palumpa nintintja tjuṯangka tjakultjunkunytja ngula nyaaringkuku
22:1—22:46 Jesulu tjana mai maḻatja tjunguringkula ngalkuntja
22:47—23:56 Jesunya witintja munu puṉu kaṯakutjarangka wakaṟa utitjunkunytja
24:1-53 Jesunya ilunytjatjanu wankaringkula pakantja
Currently Selected:
Luke-aku Nyangatja Ngaṉmanytju Nyakula Wangkanytjaku: PITJ
Highlight
Share
Copy
Want to have your highlights saved across all your devices? Sign up or sign in
© Bible Society Australia