อีซยา 20
20
อีซยา เจ่ ทเนโพลทาง ปล้ะล้าง ทแม้น้า อีไย้ะ ดี๊ คุ้
1ล เนง แย๊ พี่ ซึ้คูดู, พี่ แบ ท โซ๊งทาง เฌ๊นี่ ลู่ง ซากอง นอ, อะซีเรีย อ กจุ้แฆว้ เฌ๊ท้อง เว่ง อะชาโด, ดี๊ ดึ้ เท่อ ท๊อง นี่แบ ก้ะ เว่ง นอ ล้อ 2ล ว๊าง แย๊ นอ, กแช่ยาเว โล้ เท่อ เฌ๊ เว๊ ดี๊ อามอ อ พู อีซยา ไจ้ะเว๊, “เกม๊า น ไท้ ดี๊ ไบลล้างไฆวะ ตไก้ยะ กเซ้าะ ลู่ง น ย่างเด้ง ล้อง, ดี๊ เบ้าะล้างไฆวะ คางไพ้ะ ลู่ง น คางล้อง”, ฌ้อง อ เว๊ แม้ บี่นอ ล้อ, เมะเว๊ ไจ โบลงโกง ดี๊ คาง โปล้ปลิ้ 3ดี๊ กแช่ยาเว ไจ้ะเว๊ บี่อี้ง, “ก เพล่ อีซยา ไจ โบลงโกง ดี๊ คาง โปล้ปลิ้ เก อช๊าอโท่ ซ๊าเนง, เก ทแม้ ซีงแฌ๊ ดี๊ เก ทแม้ไน เอะ อีไย้ะ ดี๊ คุ้ 4ทบี่นอ, อะซีเรีย อ กจุ้แฆว้ ม พองนี่ โพล้ง อีไย้ะ, ดี๊ ม อางกีซยอง โพล้ง คุ้ ลี้ เก อ ฆ่อง, เลา ดี๊ มืงน้าง พืงแซแคว๊ ดี๊ โพล้ง ซ้ะแซย่ ลี้ โบลงโกง ดี๊ คาง โปล้ปลิ้, เลา ดี๊ ไบล้ะทาง ไค๊ เก ท ล้าง ฌางแช้ เอะ อีไย้ะ 5ฌ้อง อ ซื๊งเว๊ ลแพ นอ อ ซ้ะ ม ล้างท่อง, ดี๊ ฌางแช้ ลู่ง คุ้ อกย้อง, พี่ เก อ ทมื้งแล่, ดี๊ ลู่ง อีไย้ะ อกย้อง พี่ เก อ ซื๊งเว๊ อ ท อางปฆ้า 6ดี๊ โพล้ง ค่าง ปางเล พ้าไท้ะ อี้ง, ม ไคล้ ล นี้ง แย๊ นอ บี่อี้ง, ‘แคว่เซ้อ, อ อี้ง ล้อ โพล้ง พี่ ก มื้งแล่ -อ้ะ, ดี๊ โพล้ง พี่ ก ไจคุ้ซูง ลี้ อางท่าง ทแม้ พ้องพลิ้ เกม๊า พ้องไฆวะ ดี๊ อะซีเรีย อ กจุ้แฆว้, ดี๊ เฆ้อ, เมะเว๊ เฆ้อ อี้ง นอ, ม ไจคุ้ซูง เกม๊า พ้องไฆวะ ซี บี่จะเล้’, ”?
Currently Selected:
อีซยา 20: NPKTH
Highlight
Copy
Compare
Share
Want to have your highlights saved across all your devices? Sign up or sign in
Pwo Karen Bible (Thailand) © Thailand Bible Society, 2016.
