อีซยา 11
11
บ้างมื่ง ลู่ง ทมึทพ้า
(อซย.9:1-7)
1ม โอ ดี๊ อ ได้บาง ล ได้ ซยุ้ทาง นี่ ลู่ง เจซี อทุ้อแน๊
ดี๊ อ ได้ ล ได้ ม เมทาง นี่ ลู่ง อฌี่งอเฌ้ นอ, ม ซูงทางแซทาง#ทนท.5:5; 22:16
2ดี๊ วีงฌี้แล้แอว้ ลู่ง กแช่ยาเว ม ทาง โอ อ ล้อง
เมะเว๊ วีงฌี้แล้แอว้ ลู่ง ทโกงซีมองแบ, ดี๊ ท โน้งซีแนซี
วีงฌี้แล้แอว้ ลู่ง ท เนฌ้าโล้ฌ้า ดี๊ อชองอไคล๊
วีงฌี้แล้แอว้ ลู่ง ท ซีงแฌ๊แน่ฌ๊า, ดี๊ ท ดู้งแบยางแบ กแช่ยาเว
3ท แบ อ ซ้ะ เมะเว๊ ท ดู้งแบยางแบ กแช่ยาเว
อ เว๊ ล ต้ะเซ๊ง เท่อ พี่ อ เมะคลี๊ง แด เว๊ นอแบ
ดี๊ ล ต้ะเซ๊ง เท่อ พี่ อ แน่ แน่ฌ๊า แบ เว๊ นอ แบ
4แบเด้าะ อ เว๊ ม ต้ะเซ๊ง โพล้งซยางโพล้งน้ะ ดี๊ ท อเกิ้งอแบ
ดี๊ ต้ะเซ๊ง เอะ โพล้งพือโพล้งปี๊, ลู่ง ที๊งล่างค่างพ้า ดี๊ ท อเกิ้งอแบ
อ เว๊ ม ท่าง ฌางคูโคล๊งคู ดี๊ นางเพ๊บ้อง เฌ๊นี่ ลู่ง อ นุ้
ดี๊ อ เว๊ ม แม้ซี๊ง โพล้งอ้าโพล้งซ๊าง ดี๊ ลี้ง เฌ๊นี่ ลู่ง อ นุ้เฌะ#2ทซล.2:8
5ทแบแยว้ อ ซ้ะ ม เก อ ย่างเด้งพลี้ง#อฟซ.6:14
ดี๊ ทโต้ทล้อง ม เก ตไก้ยะ เรา อ ย่างเด้ง
6ทวีงเม้ง ม โอ ดี๊ แกะพู
ดี๊ ซู๊งโพย่ ม มี๊งน้าง โอ ดี๊ แมะพู
งู้พู ดี๊ คี๊ยื่ง แพ๊ ม อางฆื๊ง อาง เท่อ โอซยอง โละซ้ะ
ดี๊ พืงแซ ปี๊ๆ, ม ลี้ฌ้า เว๊
7งู้ มื้งแซย่ ดี๊ ทซู๊ง ม อางฆื๊ง อาง ซกุ้ เท่อ
อ พู ม มี๊งน้าง โอซยอง โละซ้ะ
ดี๊ คี๊ยื่ง ม อาง โล่ บี่ซุ้ดี๊ งู้แพ๊
8ดี๊ พูแซ บาง พี่ อ อางนู่ง, ม โละกวี้ โอ ลู่ง ฌู่งซ๊าง อ พ้า คูทุ้
ดี๊ พืงแซ พี่ อ แพล่นู่ง, ม อางกีล้าง อ จูง ลู่ง ฌู่ง พ้ะโท๊ท่อง อ ซวี๊ง คู
9ม ล โอ ดี๊ ทแม้เจ้าแม้แช๊-อ้า, ทแม้เฌ๊ฌ้อง-อ้า
เฆ้ง ก ทลู่ง พี่ อซยื๊งอซย้อง นอ แบ#อซย.65:25
เมะเว๊ ฌางคูโคล๊งคู ม โอฆวี้ ดี๊ ท ซีงแฌ๊ กแช่ยาเว อไฌ่อกย้อง
บี่ซุ้ดี๊ ที๊ง กลึ้ไบ้ะ ปางเล นอ ล้อ#ฮบก.2:14
โพล้ง อีซลาเอง ดี๊ โพล้ง ยูดา พี่ อ โอ ล้างลื๊อ ก้ะ นอ ม เฌ๊ไท้
10ล นี้ง แย๊ นอ, เจซี อฌี่งอเฌ้#รม.15:12 พี่ ต๊างทาง เก ทแม้ไน เอะ โพล้ง กุ้ชื้อกุ้ชะ, ดี๊ อ เว๊ ม เก โพล้ง กุ้ชื้อกุ้ชะ อ ท อางฆื๊ง นี่, ดี๊ อ เว๊ อ ล่าง โอไปว้ะ ม ดูทางโท๊ทาง
11ล นี้ง แย๊ นอ, ทอดูทึโท๊ทึ กแช่ ม เยาฆ้าง อ จูง, เก คี๊งพ๊า ล พ๊า, บี่ซุ้ ม แม้นี่ ไท้ อ พู อ ลี้ง พี่ โอ ล้างลื๊อ ก้ะ เฌ๊ไท้ นี่ ลู่ง อะซีเรีย, เฌ๊ไท้ นี่ ลู่ง อีไย้ะ, ลู่ง ปะโร, ลู่ง คุ้, ลู่ง เอลาง, ลู่ง ชิ้นา, ลู่ง ฮามา ดี๊ ลู่ง ค่าง ปางเล พ้าไท้ะ
12กแช่แยว้ ม โชะทาง ตไก้ยะ แม้ไน เท่อม เอะ โพล้ง กุ้ชื้อกุ้ชะ ลแพ นอ
ดี๊ ม กุ้ซยอง อีซลาเอง พี่ อ ล้างมื่งล้างพะ
ดี๊ อางกีซยอง ยูดา พี่ อ ที่มื่งที่พ้ะ
โอนี่ ลู่ง ฌางคูโคล๊งคู อ โนง ลี่งโนง นอ
13เอฟาอีง อ ท ไคว๊เซิงไคว๊ซ้ะ ม ล้างแม่ไฆวะ
ดี๊ โพล้ง พี่ อ แม้เทะแม้ท้าง ยูดา นอ, ม แบ ท แม้ไฆวะ ล้อ
เอฟาอีง ม ล ไคว๊ ยูดา แบ
ดี๊ ยูดา ม ล แม้เทะแม้ท้าง เอฟาอีง แบ
14แบเด้าะ อ ซื๊งเว๊ ม ช่องล้าง ลู่ง โพล้ง ฟีลีเตีย อ ทลู่ง แพ้ล้อง, ลู่ง มื่งนึ ล โค๊
ฌ้อง อ ซื๊งเว๊ ม ฆู๊ง โละซ้ะ ตมละ โพล้ง เฌงพูฆ๊างพู ลู่ง มื่งทาง ล โค๊
อ ซื๊งเว๊ ม เยาฆ้าง อ จูง ดึ้ เอโดง ดี๊ โมอา
ดี๊ โพล้ง อางโมง ม ชู่ง อ ซื๊งเว๊ ลแพ นอ ล้อ
15ดี๊ กแช่ยาเว ม แม้เฌ๊ฌ้องไฆวะ
โพล้ง อีไย้ะ อ ปางเล เลาพะ
ดี๊ ม แว่ อ จูง ลู่ง ที๊ง ยูเฟตี กล้อง นอ อ คูด้าง
ดี๊ อ ลี้ง คู่เล้าคู่ล๊าง
ดี๊ ม ดึ้ เว๊ เกม๊า อ เกทาง ก้ะ ที๊งกล้อง พู เนว๊บ้อง
ดี๊ โพล้ง ซุ้ คางไพ้ะ ม ไจ ค๊างฌะ ฆ้าง เว๊ ซี#ทนท.16:12
16เกล้ พ้ะดู ม โอนี่ ลู่ง อะซีเรีย
ลู่ง โพล้ง โอ ล้างลื๊อ ก้ะ ลู่ง กแช่แยว้ อ พู อ ลี้ง อซุ้อแกล้ นอ อ ฌ่าง
บี่ซุ้ดี๊ เกล้ ลู่ง อีซลาเอง อ ฌ่าง
พี่ อ ซื๊งเว๊ เฌ๊ไท้ ทาง นี่ ลู่ง ค่าง อีไย้ะ นอ ล้อ
Currently Selected:
อีซยา 11: NPKTH
Highlight
Copy
Compare
Share
Want to have your highlights saved across all your devices? Sign up or sign in
Pwo Karen Bible (Thailand) © Thailand Bible Society, 2016.
