2ทกวิ้ไน 22
22
อาซายา กจุ้แฆว้ ค่าง ยูดา อ ชู้ แค๊
(2กจฆ.8:25-29; 2กจฆ.9:27-29)
1ดี๊ โพล้ง เว่ง เยรูซเลง ต๊างทาง อาฮ้ะยา, เมะเว๊ เว๊ อ พูแคว๊ ซแด้ นอ, เก กจุ้แฆว้ เท่งก้ะ อ ล่าง, เมะเว๊ ซึ้พูมู๊ง พี่ อ เฌ๊ ท้อง ทล่างโอซยอง พ้า ดี๊ โพล้ง อาระ นอ, แม้ซี๊ง กเย่ กจุ้แฆว้ อ พูแคว๊ อ วี่ ล แพ นอ เลาพะ, อ กย้อง บี่นอ, เยโฮราง กจุ้แฆว้ ค่าง ยูดา อ พูแคว๊, เมะเว๊ อาฮ้ะยา นอ เกทาง เว๊ กจุ้แฆว้ 2พี่ อาฮ้ะยา เกทาง ซ๊าง กจุ้แฆว้ นอ, อ โญะ โอ ลี่ง ชี๊ง คี๊ง เนง#ลี่ง ชี๊ง คี๊ง เนง, ลู่ง ไละ อ ล่างลี้ง พ้า แบ ล ปะๆ, นอ ไจ้ะเว๊, คี๊ง ชี๊ง คี๊ง เนง ดี๊ โพะคอง เท่อ ลู่ง เว่ง เยรูซเลง พ้า ล เนง, อ มู่ นอ อ เม้ง น่าง อาทาลิ้ยา, เก โองรี อ ลี้ง 3อ เว๊ ลี้ โพะ อาฮะ อชื้ออชะ ลแพ นอ อ เกล้ ปะ, เมะเว๊ อ มู่ เก โพล้งเนฌ้าโล้ฌ้าเท่อ, ลู่ง ทแม้ ทอ้าทซ๊าง นอ ล้อ 4อ เว๊ แม้ ทอ้าทซ๊าง, บี่ซุ้ดี๊ อาฮะ อชื้ออชะ แม้ เว๊ นอ, เมะเว๊ ท่อง อ แพ่ ซี๊ง ฌ้อง อ ล่างไค๊ นอ, อ ซื๊งเว๊ เก โพล้งเนฌ้าโล้ฌ้า เอะ อาฮ้ะยา อ เท่อ, ดี๊ ลี้ฌ้า เว๊ ลู่ง ทเซงทื่งเฌ๊ฌ้อง อ พ้า นอ ล้อ 5อ เว๊ แม้โพะ โพล้ง ลแพ นอ อ ทเนฌ้าโล้ฌ้า อ ไค๊, อ เว๊ ลี้ ดี๊ อาฮะ กจุ้แฆว้ ค่าง อีซลาเอง อ พูแคว๊ เมะเว๊ โยราง#โยราง, ฮีบรู คว่าง นอ เมะ เว๊, เยโฮราง บี่ซุ้ ม ดึ้ซึ้ โละซ้ะ ดี๊ ฮาซาเอง, กจุ้แฆว้ ค่าง ซีเรีย ลู่ง ราโมะกีเลอา พ้า, ดี๊ โพล้ง ซีเรีย นอ แม้ แช๊ แบ โยราง 6อ เว๊ เฌ๊ไท้ๆ, ลู่ง ยีซเรเอง, บี่ซุ้ ม แย้ ไท้ อ พ้าล่าง, พี่ อ แบ แช๊ ลู่ง เว่ง รามา, พี่ อ ดึ้ซึ้ โละซ้ะ ดี๊ ฮาซาเอง กจุ้แฆว้ ค่าง ซีเรีย, ดี๊ เยโฮราง กจุ้แฆว้ ค่าง ยูดา อ พูแคว๊ เมะเว๊ อาฮ้ะยา นอ, ลี้ ล้างฌูง อาฮะ อ พูแคว๊ เมะเว๊ โยราง ลู่ง เว่ง ยีซเรเอง, เมะเว๊ อ เท่อ ช๊องไก้
7แบเด้าะ กแช่แยว้ อางกีล้าง เว้ เว๊ เย้า, อาฮ้ะยา อ ทเซงทื่งเฌ๊ฌ้อง, ม เฌ๊นี่ ดี๊ เท่อ พี่ อ เว๊ ลี้ ไจ โยราง อ โอ, เมะเว๊ พี่ อ เว๊ ลี้ ท้อง นอ, อ เว๊ ไจทาง ลี้ ดี๊ โยราง#โยราง, ฮีบรู คว่าง นอ ไจ้ะเว๊, เยโฮราง บี่ซุ้ ม ดึ้ซึ้ โละอซ้ะ ดี๊ นีงชี อ พู เมะเว๊ เยฮู, พี่ กแช่ยาเว ต๊างทาง เว๊ เกม๊า อ แม้เฌ๊ฌ้อง อาฮะ อชื้ออชะ 8ดี๊ ท่อง เยฮู ต้ะเซ๊งล้าง อาฮะ อชื้ออชะ อเตาอแต๊ นอ, อ เว๊ ต้องนอง ยูดา อ กดูกแซย่, ดี๊ กเย่ อาฮ้ะยา อ โจ้ อ พูแคว๊, พี่ อ เฌ๊ แม้ เอะ อาฮ้ะยา อ เท่อ, ดี๊ อ เว๊ แม้ซี๊งไฆวะ โพล้ง ลแพ นอ 9อ เว๊ อางฆื๊ง แคว่ อาฮ้ะยา, ดี๊ อาฮ้ะยา แบ ทพองนี่-อ้ะ พี่ อ โอ คุ้ซูง ลู่ง เว่ง ซมาเรีย พ้า, ฌ้อง แบ ทเฌ๊โซ๊ง-อ้ะ ลู่ง เยฮู อ โอ ดี๊ แบ ทแม้ซี๊ง-อ้ะ, อ ซื๊งเว๊ซีง เคิงล้างบ้า เว๊ อ จู, เมะเว๊ อ ซื๊งไจ้ะเว๊, “อาฮ้ะยา เก เยโฮชาฟา, พี่ อ อางฆื๊งนี่ กแช่แยว้ เลาเซิงเลาซ้ะ ล แฌ้ นอ อ ม้า”, ดี๊ อาฮ้ะยา อชื้ออชะ นอ, โพะคอง มื่ง บ้าง ล ซี น่าง แฌ้ แบ
น่าง อาทาลียา ลู่นี่ ล่าง ชี๊น้าง โพะคอง เท่อ
(2กจฆ.11:1-21)
10ท่อง อาฮ้ะยา อ มู่ เมะเว๊ น่าง อาทาลียา, แด เว๊ อ พูแคว๊ ซี๊ง เย้า นอ, อ เว๊ เฌ้เทิงทาง แม้เฌ๊ฌ้อง โพล้ง ยูดา อ กจุ้แฆว้ อชื้ออชะ เลาพะ 11แบเด้าะ น่าง เยโฮชาเบอา พี่ เก กจุ้แฆว้ อ พูมืง นอ, ไจฌ้า คุ้ซูงไฆวะ อาฮ้ะยา อ พูแคว๊ เมะเว๊ โยอ้ะ, ไจไฆวะ ลู่ง กเย่ กจุ้แฆว้ อ พูแคว๊ พี่ ม แบ ทแม้ซี๊ง-อ้ะ ลแพ นอ อ แกล้, ดี๊ อ เว๊ อางกี กจุ้แฆว้ อ พูแคว๊, ดี๊ โพล้ง พี่ โอ แคว่-อ้ะ นอ ลู่ง ล่าง มี๊ง พ้า”, บี่นอ ล้อ, น่าง เยโฮชาเบอา พี่ เก กจุ้แฆว้ เยโฮราง อ พูมืง, ดี๊ เก โพล้งลื่งเท่ออคู เยโฮยาดา อ แม๊, (เมะเว๊ อ เว๊ เก อาฮ้ะยา อ พื่งมืง), อางกีซูงไฆวะ กจุ้แฆว้ อ พูแคว๊, ล เกม๊า น่าง อาทาลียา แด เว๊ แบ, อ กย้อง บี่นอ, น่าง อาทาลียา แม้ซี๊ง กจุ้แฆว้ อ พูแคว๊ ล ซี แบ 12ดี๊ กจุ้แฆว้ อ พูแคว๊, โอ ดี๊ อ ซื๊งเว๊ ลู่ง กแช่แยว้อล่างโอ พ้า, ดี๊ โอคุ้ซูง ฆู๊ง เนง, เมะ น่าง อาทาลียา นอ, นี่ โพะคองก้ะ ที๊งล่างค่างพ้า นอ ล้อ
Currently Selected:
2ทกวิ้ไน 22: NPKTH
Highlight
Copy
Compare
Share
Want to have your highlights saved across all your devices? Sign up or sign in
Pwo Karen Bible (Thailand) © Thailand Bible Society, 2016.
