1ทกวิ้ไน 23
23
โพล้ง เลวี ล ดอง อ ชื้อ ดี๊ อ ทแม้
1พี่ ดาเว อ ซ้ะแซย่ ดี๊ ซ้ะแซย่ น้ะ เย้า อ แค๊ นอ, อ เว๊ ต๊างทาง อ พูแคว๊ ซาโลโม เก โพล้ง อีซลาเอง อ กจุ้แฆว้#1กจฆ.1:1-40
2ดาเว กุ้ แพโซง โพล้ง อีซลาเอง อคูอแน่ นอ เลาพะ, เลา ดี๊ กเย่ โพล้งลื่งเท่ออคู ดี๊ โพล้ง เลวี 3โพล้ง เลวี นอ อ โญะ โอ ท๊อง เต้ ซ๊า ชี๊ง เนง ทาง ล โค๊ นอ แบ ทดว้ะนี่-อ้ะ, ดี๊ ดว้ะนี่ โพล้ง อ แคว๊ เลาพะ นอ โอ ซ๊า ไซ โฆะ ม๊า แฌ้ 4ดาเว ไจ้ะเว๊, “ลู่ง โพล้ง ลแพ อี้ง อ แกล้ คี๊ง ไซ ลี่ง ม๊า แฌ้ นอ, แบ แคว่ ทไพ้ะทแม้ ลู่ง กแช่ยาเวอล่างโอ พ้า, ดี๊ ฆู๊ง ม๊า แฌ้ นอ, เก โพล้งแคว่ทะเท่อ ดี๊ เก โพล้งต้ะเซ๊งเท่อ 5ลี่ง ม๊า แฌ้ นอ เก โพล้งคุ้แคว่เกล้ป้ะตู๊ง, ดี๊ ลี่ง ม๊า แฌ้ เด้าะ นอ, อางปฆ้าทาง กแช่ยาเว เจ่ ทอูง ทเด้ง, พี่ จ แม้ เว้-อ้ะ ม๊า เจ่ ลู่ง ทอางปฆ้าทาง เท่อ” 6ดี๊ ดาเว อางน้างพ้ะ เว๊ เก ล มู๊งๆ, ฆวี๊ เลวี อ พู นอ เมะเว๊ เกอโช, โคฮา, ดี๊ เมรารี 7เฌ๊นี่ ลู่ง เกอโช นอ เมะเว๊ ลาดาง, ชีเมอี 8ลาดาง อ พู นอ เมะเว๊ เยฮีเอง พี่ เก ทอคูอแน่, เซทาง, ดี๊ โยเอง เลาพะ นอ ซ๊า แฌ้ 9ชีเมอี อ พู นอ เมะเว๊ เชโลโมะ, ฮาซีเอง, ดี๊ ฮาราง, เลาพะ นอ ซ๊า แฌ้, โพล้ง ลแพ อี้ง นอ เก โพล้ง ลาดาง อ ชื้อ ล ดอง นอ อคูอแน่ 10ดี๊ ชีเมอี อ พู นอ เมะเว๊ ยาฮะ, คิ้นา, เยอุ้, ดี๊ เบรีอา, ลี่ง แฌ้ อี้ง นอ เก ชีเมอี อ พู 11ดี๊ ยาฮะ นอ เก ทอคูอแน่, ดี๊ ซิ้ซา นอ เก ทอคูอแน่ เท่ง ดี๊-อ้ะ คี๊ง แฌ้ ล แฌ้, แบเด้าะ เยอุ้ ดี๊ เบรีอา นอ อ พูแคว๊ โอ ล แอ แฌ้ แบ, อ กย้อง บี่นอ, ลู่ง ทดว้ะ พ้า ดว้ะ ซยอง เว๊ เก โพล้ง ล ดอง ฆ่าง ล้อ
12โคฮา อ พู นอ เมะเว๊ อางราง, อิ้ซฮา, เฮโบรง, ดี๊ อุ้ซีเอง, เลาพะ นอ ลี่ง แฌ้ 13อางราง อ พู นอ เมะเว๊ อาโรง, ดี๊ โมเซ, อาโรง นอ แบ ทอางกีเจ-อ้ะ, ม๊า เก โพล้ง แม้ ทไฌ่ อางกี ฌี้ เท่อ พี่ อฌี้อแอว้ ทึ, เลา ดี๊ อ กแช่ ดี๊ อ พู นอ ล้างชู้, บี่ซุ้ เช้า ทน๊าม๊า ลู่ง กแช่ยาเว อ เมะแซ พ้า, ดี๊ แม้ เอะ เว๊ อ เท่อ, ดี๊ ชูฌี้ เท่อ ลู่ง กแช่แยว้ อ เม้ง ล้างชู้ นอ ล้อ#ทจฆ.28:1 14เมะ โมเซ โพล้ง กแช่แยว้ เว๊ นอ, อ พู นอ แบ ทดว้ะ ฆึ อ เม้ง ลู่ง โพล้ง เลวี อ ชื้อ อ แกล้ 15โมเซ อ พู นอ เมะเว๊ เกอโช, ดี๊ เอลีเอเซอ 16เกอโช อ พู นอ เมะ เชบูเอง, พี่ เก ทอคูอแน่ 17เอลีเอเซอ อ พู นอ เมะเว๊ เรฮะยา, พี่ เก ทอคูอแน่, เอลีเอเซอ นอ อ พู ล โอ ล้าแบ, แบเด้าะ เรฮะยา นอ อ พู โอ แอฌ้อง 18อิ้ซฮา อ พู นอ เมะเว๊ เชโลมิ้ พี่ เก ทอคูอแน่ 19เฮโบรง อ พู นอ เมะเว๊ เยรียา พี่ เก ทอคูอแน่, อามารียา นอ เก ทอคูอแน่ เท่ง ดี๊-อ้ะ คี๊ง แฌ้ ล แฌ้, ยาฮาซีเอง นอ ซ๊า แฌ้ ล แฌ้, ดี๊ เยคาเมอาง นอ ลี่ง แฌ้ ล แฌ้ 20อุ้ซีเอง อ พู นอ เมะเว๊ มีคา, พี่ เก ทอคูอแน่, ดี๊ อิ้ชีอา นอ เก ทอคูอแน่ เท่ง ดี๊-อ้ะ คี๊ง แฌ้ ล แฌ้
21เมรารี อ พู นอ เมะเว๊ มางลี, ดี๊ มูชี, มางลี อ พู นอ เมะเว๊ เอเลอาซา ดี๊ คี 22เอเลอาซา นอ ซี๊ง อ พูแคว๊ ล โอ แบ, โอที่ อ พูมืง ตบลึ้ แฌ้, คี พี่ เก อ เว๊ อ น๊างเบ้าน๊างเท่ง นอ อ พูแคว๊ โอ ตบลึ้ แฌ้, ทางแซย่ ดี๊ อ ซื๊งเว๊ ซีง นอ ล้อ
23มูชี นอ อ พู นอ เมะเว๊ มางลี, เอเดอ, ดี๊ เยเรโมะ, เลาพะ นอ ซ๊า แฌ้
24โพล้ง ลแพ อี้ง นอ เก เลวี ต๊าง อ แพ่ อ ชื้อ ล ดองๆ, นอ, เก อ แพ่ อ ชื้อ ล ดองๆ, นอ อคูอแน่, บี่ซุ้ดี๊ อ นี่ กวิ้ล้างไน อ เม้ง ฆวี๊ อ แฌ้ แอ แฌ้ แซย้, ท๊อง เต้ อ โญะ โอ คี๊ง ชี๊ง ทาง ล โค๊ นอ, อ นอ ม แม้ เท่อ ลู่ง กแช่ยาเวอล่างโอ พ้า
25เมะเว๊ ดาเว ไจ้ะเว๊, “กแช่ยาเว โพล้ง อีซลาเอง อ กแช่แยว้, เกล๊าง ทโอไปว้ะโอแซ เอะ อ พู อ ลี้ง, ดี๊ อ เว๊ โอ ลู่ง เยรูซเลง พ้า ล้างชู้ 26แอเละ อ นอ, โพล้ง เลวี ล แบ ยุ้ เด้กแช่แยว้อล่างโอ, ดี๊ ล แบ ยุ้ ทซู๊งทเจ่ เลาพะ, ลู่ง ทแม้ กแช่แยว้ อ เท่อ อ ฌ่าง นอ ล้าแบ#ลทอ.10:8 27(เมะเว๊ ต๊าง ดาเว อ ทไคล้ ลู่ง ไค๊ ทึ นอ, โพล้ง เลวี อ โญะ คี๊ง ชี๊ง เนง ทาง ล โค๊ นอ, แบ ทดว้ะนี่-อ้ะ) 28อ ซื๊งเว๊ อ ทแม้ นอ, แบ โอ แม้ช้า อาโรง อ พู อ เท่อ, ลู่ง ทแม้ แยว้ อ เท่อ ลู่ง กแช่ยาเวอล่างโอ พ้า, โอ ดี๊ ทแม้ ยู่แคว่ ทคว้าง พ้า, ทล่าง ล เช้าๆ, ดี๊ ทแม้ ทไฌ่ อางกี ฌี้ เท่อ กุ้ อ เม้ง พี่ อฌี้อแอว้, ดี๊ ทแม้ เม้ง ฌี้ๆ, พี่ เก ทแม้ แบฆ้ะ ดี๊ กแช่แยว้อล่างโอ พ้า 29ดี๊ แม้ช้า เท่อ แบฆ้ะ ดี๊ กู ช๊างล้าง เทว๊-อ้ะ, กูมีง ลู่ง อ ฌี้ ลู่ง ทลื่งทาง เทว๊ ทซูงทแซ อ ฌ่าง, กู ล แบ ดี๊ อ ซีง แบ, ดี๊ เท่อ พี่ อางแก-อ้ะ ลู่ง ท้ะ คู, ทเทว๊ แกย้ ฆึ ดี๊ ทซู, ดี๊ ทเค๊งดุ้ ตองดุ้ ทูดุ้ กุ้ อ เม้ง 30ดี๊ กุ้ อ โฌ้ นอ, อ เว๊ แบ ชี๊เทิง ไจ้ะบลึ้ ดี๊ อางปฆ้าทาง กแช่ยาเว, ดี๊ มแฌล้าง โค๊ แบ แม้ บี่นอ ปะ 31ดี๊ กุ้ อ พ๊า พี่ โอ ดี๊ ทลื่งทาง เช้า ทพูแฆ่ น๊างดื้ง เทว๊ เอะ กแช่ยาเว ลู่ง มื่งดืงเท่อ, พี่ มื่งทาง ซ๊าง ลแฌ, ลู่ง มื่ง นี้ง ทแม้มึอางอวีง ลื่งอาง เท่อ, บี่ซุ้ดี๊ อ แอ อ แซย้ ท๊อง ทอางกีล้าง เว๊, ม๊า เทว๊-อ้ะ ลู่ง กแช่ยาเว อ เมะแซ พ้า ตเราน๊างบ้อง นอ 32บี่อี้ง ล้อ อ ซื๊งเว๊ ม ยู่แคว่ เด้ทโอซยองอล่าง, ดี๊ ทล่างฌี้ล่างแอว้, ดี๊ แม้ เอะ อาโรง อ พู พี่ เก อ น๊างพื่งวี่ นอ อ เท่อ, ลู่ง ทแม้ เท่อ แบฆ้ะ ดี๊ กแช่ยาเวอล่างโอ นอ อ ฌ่าง#กทซ.3:5-9
Currently Selected:
1ทกวิ้ไน 23: NPKTH
Highlight
Copy
Compare
Share
Want to have your highlights saved across all your devices? Sign up or sign in
Pwo Karen Bible (Thailand) © Thailand Bible Society, 2016.
