1ทกวิ้ไน 13
13
ไฮะ ทเอิ้งล้าง โอนี่ ลู่ง คีรียาเยอารี พ้า
1ดาเว ก้างแก้ โละอซ้ะ ดี๊ ซึ้คู พี่ อ ยู่แคว่ ซึ้พู อ แฌ้ ล ม๊า, ดี๊ อ แฌ้ ล แย้, ดี๊ ทอคูอแน่ กุ้ แฌ้ 2ดาเว ไคล้ ดี๊ โพล้ง อีซลาเอง น๊างมู๊ง เลาพะ นอ ไจ้ะเว๊, “น ซื๊งซีง เมะ แด ฆึ-อ้ะ เก ทอฌี้, ดี๊ เมะ เก กแช่ยาเว ก กแช่แยว้ อ ซ้ะ นอ, เกม๊า เฆ้อ ก โซ๊ง โพล้ง ลี้ กุ้จองกุ้ไจ้, ลี้ ลู่ง ก น๊างพื่งวี่ พี่ อ ล้างลื๊อก้ะ, ลู่ง ที๊งล่างค่างพ้า อีซลาเอง นอ เลาพะ, ดี๊ กเย่ โพล้ง พี่ อ โอ ดี๊-อ้ะ, เมะเว๊ กเย่ โพล้งลื่งเท่ออคู ดี๊ โพล้ง เลวี, พี่ อ โอ ลู่ง อ กแช่ อ เว่ง พ้า, เลา ดี๊ เว่งอฆูอฆ้อง, บี่ซุ้ เกม๊า อ ซื๊งเว๊ซีง โอซยอง โละอซ้ะ เฌ๊ฌูง เฆ้อ 3ดี๊ เกม๊า ก ซื๊งเว๊ ลี้ แม้นี่ไท้ ไฮะ กแช่แยว้ อ ทเอิ้งล้าง, พี่ แบ ท ญ๊องไฆวะ-อ้ะ, ลู่ง ซาอู เก กจุ้แฆว้ อ แค๊ อู้งนอ” 4โพล้ง น๊างมู๊ง เลาพะ ซีง นอ, เอิ้งล้าง อ ซ้ะ ม แม้โพะ เว๊ อ ไค๊, เมะเว๊ เท่อ อี้ง นอ, เก พี่ โพล้งเฌงพูฆ๊างพู เลาพะ นอ แคว่ เว๊ แบ อ ซ้ะ
5อ กย้อง บี่นอ, ดาเว แพโซง โละอซ้ะ ดี๊ โพล้ง อีซลาเอง เลาพะ, ล โค๊ ลู่ง ชีโฮ, ที๊งพูกล้อง อีไย้ะ, ลี้ ท้อง ลู่ง เกล้ นึฆ้าง เว่ง ฮามา, บี่ซุ้ ม แม้นี่ไท้ กแช่แยว้ อ ไฮะ ลู่ง คีรียาเยอารี พ้า#1ซมอ.7:1-2 6ดาเว ดี๊ โพล้ง อีซลาเอง เลาพะ นอ, ลี้ทาง ลู่ง บาอาลา, เมะเว๊ คีรียาเยอารี พี่ เก โพล้ง ยูดา อ เท่อ นอ, บี่ซุ้ ม แม้นี่ไท้ กแช่แยว้ อ ไฮะ, เมะเว๊ กแช่ยาเว พี่ อ ชี๊น้าง ลู่ง เครุ้ อ ฌ้าง อ แกล้ พ้า#ทจฆ.25:22 เก ไฮะ พี่ กุ้-อ้ะ ต๊าง กแช่แยว้ อ เม้ง นอ, พี่ นอ 7อ ซื๊งเว๊ซีง ต้างทาง กแช่แยว้ อไฮะ, ลู่ง เลาะ ซ๊าง ล ช๊อง อ คู, โอนี่ ลู่ง อาบีนาด้ะ อ เด้า พ้า, อุ้ซา ดี๊ อาฮีโย เก โพล้ง เทา เลาะ นอ 8ดาเว ดี๊ โพล้ง อีซลาเอง เลาพะ นอ, โอ ดี๊ ทเซิงฆวี๊งซ้ะโย้, ลู่ง กแช่แยว้ อ เมะแซ พ้า, เลา อ ซื๊งเว๊ อไฌ่อแบ้, โอ ดี๊ ทซ้ะอวีง แท๊, ทแน่พี่โอดี๊อโน้ง, ทแน่ พ้ะดู, รางมานา#รางมานา, อ นอ เก ทโพะ เซ๊ ล เม้ง, อ มยู๊ แบด้อง แชว, เชิ่ง เว๊ ดี๊ ทไพ้ะ บี่ซุ้ โด้ง นอ โอ ปะ, ล เชิ่ง เว๊ แบ โอ ปะ แชว, ดี๊ ควี้ 9ท่อง อ ซื๊งเว๊ เฌ๊ ท้อง คิ้โดง, อ ทล่าง เพา บืง พ้า นอ, อุ้ซา เยาทาง อ จูง พองทะ ไฮะ นอ, เป๊งนี่ งู้ อ คาง แบท้า 10ดี๊ กแช่ยาเว อ ทซ้ะทาง ซยุ้ทาง แบ อุ้ซา, ดี๊ กแช่แยว้ แม้ซี๊ง-อ้ะ เฆาะ, เป๊งนี่ พี่ อ เว๊ เยาทาง อ จูง ต้องแบ ไฮะ นอ, ดี๊ อ เว๊ ซี๊ง พี่ นอ ลู่ง กแช่แยว้ อ เมะแซ พ้า 11ดี๊ ดาเว นอ, ล แบ อ ซ้ะ ดี๊ เท่อ พี่ กแช่ยาเว อ ทซ้ะทาง ซยุ้ทาง แบ อุ้ซา นอ แบ, โพล้ง กุ้ ทล่าง ล จอง นอ อ เม้ง, เปเรอุ้ซา#เปเรอุ้ซา, อ โค๊ เมะเว๊, ทแม้เฌ๊ฌ้อง ซยุ้ทาง แบ อุ้ซา ท้อง กุ้ มื่งนี้ง อี้ง ล้อ 12ดี๊ ล นี้ง แย๊ นอ ดาเว ยางแบซ้ะเม กแช่แยว้, ดาเว ไจ้ะเว๊, “จ ม แม้นี่ กแช่แยว้ อ ไฮะ ลี้ ท้อง จ โอ ซี บี่จะเล้?” 13ดาเว ล ไท้ โชะ ไฮะ นอ ท้อง ลู่ง อ โอ ลู่ง เว่ง ดาเว#แคว่ ทอางโล๊ไท้ ลู่ง, 1ทกน.11:5 พ้า นอ แบ, แบเด้าะ ไท้ โชะ ไกกอง ไฮะ นอ, ลู่ง โอเบะเอโดง โพล้ง กะทา นอ อ เด้า 14ดี๊ กแช่แยว้ อ ไฮะ โอ เว๊ ลู่ง โอเบะเอโดง อ เด้า พ้า นอ แล้ ซ๊า เบง, ดี๊ กแช่ยาเว ชูฌี้ แบ โอเบะเอโดง#1ทกน.26:4-5อเด้าคูล่างพ้า ดี๊ เท่อ กุ้เม้ง พี่ อ เท่อ โอ นอ ล้อ
Currently Selected:
1ทกวิ้ไน 13: NPKTH
Highlight
Copy
Compare
Share
Want to have your highlights saved across all your devices? Sign up or sign in
Pwo Karen Bible (Thailand) © Thailand Bible Society, 2016.
