Matiu 15
15
Keŋini draebi be asheŋ
(Maak 7:1-13)
1Kachako Efarisiana ko nɛ mbraŋinipoana ko shi Jerusalɛm m ba bishi Yesu le: 2“Manɛ e ba nɛ fo bebɛsopo maa bɛ an nanaana be keŋini nɛ b yige n sa anyi na so? B maa fɔr bumo be enɔana kananɛ k daga na pɔɛŋ nsaa ji.” 3Nɛ Yesu bishi basa na: “Nɛ manɛ e ba nɛ men kpal menyi gbagba be edaŋkaresheŋ so a maa bɛ Ebɔrɛ be mbra so? 4Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’ 5Ama menyee ŋini fanɛ nɛ esa kɔ kusɔ ko nɛ e beeŋ tiŋ n ta n chɛ mo tuto ŋko mo nio to nseŋ kaŋɛ le: ‘Ebɔrɛ e wɔ,’ kumo ere e kɔ ekpa nɛ e tiŋ ŋ kini kebunyaŋ mo tuto nɛ mo nio. 6To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na. 7Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:
8‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.
9Bumo be kebunyaŋ ma la bunyaŋ fuloŋ nna,
ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”
Asɔ nɛ a bee jija esa be asheŋ
(Maak 7:14-23)
10Nɛ Yesu tre jimaŋ na m ba mo kutɔ m ba kaŋɛ bumo: “Men kaŋ kusoe n nu nfe nseŋ pin to. 11Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”
12Ade be kaman nɛ mbe bebɛsopo na ba mo kutɔ m ba bishi mo le: “Fo nyi fanɛ kusɔ nɛ fo kaŋɛ na maŋ par Efarisiana na a?” 13Nɛ Yesu kaŋɛ bumo: “Kedibi kama nɛ n Tuto nɛ e wɔ ebɔrɛso na maŋ fɛa, e beeŋ tia kumo. 14Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”
15Nɛ Pita kaŋɛ Yesu: “Kaŋɛ anyi keŋasa na be kifito.” 16Nɛ Yesu bishi bumo le: “Menyi alɛ gba kraa maa pin asheŋ to a? 17Men maŋ nyi fanɛ kusɔ kama nɛ k bee luri esa be kɔnɔ to beeŋ yɔ mbe epun gba to n ya lar mbe eyur to a? 18Ama asɔ nɛ a bee shi esa be kɔnɔ to a lar na bee shi mbe kagbene to nna. Loŋ malɛ be asɔ e naa jija mo. 19Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi. 20Le be alubi ere e naa jija esa. Ama nɛ fanɛ esa maŋ fɔr mbe enɔ fanɛ kananɛ b yɛ a daga fanɛ basa e baa wora na pɔɛŋ nseŋ ji, loŋ maa jija mo.”
Kache ko be yirda be asheŋ
(Maak 7:24-30)
21Nɛ Yesu lar ndoŋ n yɔ efuli nɛ k mata Tayɛ nɛ Saidɔn be ndegboŋana na to. 22Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.” 23Ama Yesu daa maŋ kaŋɛ mo shɛŋ. Ndoŋ nna nɛ mbe bebɛsopo ba kule mo ŋ kaŋɛ: “Sa maŋ shin nɛ kache ere e bɛ anyi so a wora awɔr loŋ, shin nɛ e baa yɔ.” 24Nɛ Yesu kaŋɛ: “Israɛlebi nɛ b du fanɛ mbolpɔ foeso na nawule so nɛ b shuŋi ma.” 25Kache na ka nu loŋ na nɛ e ba gbir Yesu be anishito nseŋ kaŋɛ: “Enyɛnpe, chɛ ma to.” 26Nɛ Yesu kaŋɛ: “A maŋ daga b ka ta mbia be ajibi n lɛ njɔnɔ.” 27Ndoŋ nna nɛ kache na kaŋɛ: “Kashenteŋ nna Enyɛnpe, ama njɔnɔ gba bee kaa dese ejikpa a tise bumo nyɛnpeana be ejiŋka a ji.” 28Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.
Yesu ka chɛ belɔpo damta be asheŋ
29Nɛ Yesu lar ndoŋ m bɔla Galili be kepagboŋ na ase n ya dii kebeebi ko so n chena. 30Ndoŋ nna nɛ jimaŋ damta ko keta eyurwusowuraana nɛ betanpo nɛ ebobi nɛ eneemu nɛ belɔpo damta ko m ba nase mbe anishito nɛ e chɛ bumo. 31Basa na ka wu eneemu ka fara a malga nɛ eyurwusowuraana be eyurana kikɛ ka nya alenfia nɛ ebobi fara a nite nɛ betanpo fara a wu nɛ k chinchiŋ bumo ga nɛ b di Israɛl be Ebɔrɛ epaŋ ga.
Yesu ka sa benyɛn ŋgboŋ ana ajibi be asheŋ
(Maak 8:1-10)
32Nɛ Yesu tre mbe bebɛsopo na m ba kaŋɛ bumo le: “Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji. M maa sha keshin nɛ b ta akoŋ n yɔ epe. Nɛ mannɛ aloŋ, baaŋ chɛl ekpa to.” 33Nɛ mbe bebɛsopo na bishi mo: “Kiyi ere to nfe be nnɛ nɛ anyeeŋ nya ajibi nɛ a fo basa ere kikɛ nɛ b ji?” 34Nɛ Yesu bishi bumo: “Ebodobodo afanɛ nɛ men kɔ?” Nɛ b kaŋɛ: “Ebodobodo ashunu nɛ ekɔrɔtɔbi ko.” 35Nɛ Yesu shin nɛ jimaŋ na chena kasawule. 36Kumo be kaman nɛ e ta ebodobodo ashunu na nɛ ekɔrɔtɔ na nseŋ chɔrɔ Ebɔrɛ nseŋ fara a buri amo to a sa bebɛsopo na nɛ bumo alɛ bee ta amo a sa basa na. 37Nɛ bumo kikɛ we m moɛ. Kumo be kaman nɛ bebɛsopo na tise ejiŋka na m bɔlɔ nlantaŋɛ ashunu. 38Nɛ esa maŋ ber beche nɛ mbia n wɔtɔ bumo nɛ b daŋ ji ajibi na to, benyɛn nawule daa sa fanɛ basa ŋgboŋ ana.
39Ade kikɛ be kaman nɛ Yesu shin nɛ basa na yɔ epe nɛ mo alɛ luri ekuloŋ to n yɔ Magadan be kasawule so.
Currently Selected:
Matiu 15: GJNb
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Matiu 15
15
Keŋini draebi be asheŋ
(Maak 7:1-13)
1Kachako Efarisiana ko nɛ mbraŋinipoana ko shi Jerusalɛm m ba bishi Yesu le: 2“Manɛ e ba nɛ fo bebɛsopo maa bɛ an nanaana be keŋini nɛ b yige n sa anyi na so? B maa fɔr bumo be enɔana kananɛ k daga na pɔɛŋ nsaa ji.” 3Nɛ Yesu bishi basa na: “Nɛ manɛ e ba nɛ men kpal menyi gbagba be edaŋkaresheŋ so a maa bɛ Ebɔrɛ be mbra so? 4Ŋkpal manɛ so, Ebɔrɛ kaŋɛ: ‘Bunyaŋ fo tuto nɛ fo nio nɛ ekama nɛ e malga ŋ gbiti mo nio nɛ mo tuto, b mɔ amodoŋwura.’ 5Ama menyee ŋini fanɛ nɛ esa kɔ kusɔ ko nɛ e beeŋ tiŋ n ta n chɛ mo tuto ŋko mo nio to nseŋ kaŋɛ le: ‘Ebɔrɛ e wɔ,’ kumo ere e kɔ ekpa nɛ e tiŋ ŋ kini kebunyaŋ mo tuto nɛ mo nio. 6To, kananɛ menyee keni Ebɔrɛ be kamalga na jiga nsaa bɛ menyi gbagba be edaŋkaresheŋ so nna na. 7Kebirkɔnshiwuraana ere! Anebi Aizaaya ka daŋ wu menyi be asheŋ ŋ kaŋɛ na baa la kashenteŋ nna. E yɛ Ebɔrɛ kaŋɛ:
8‘Basa ere be nnɔ nawule nɛ b kɔ a bunyaŋ ma, ama bumo be ŋgbene maŋ taga ma to kuraa.
9Bumo be kebunyaŋ ma la bunyaŋ fuloŋ nna,
ŋkpal manɛ so, nyiŋgbasa be mbra nɛ b ta ŋ ki Ebɔrɛ peya a ŋini.’ ”
Asɔ nɛ a bee jija esa be asheŋ
(Maak 7:14-23)
10Nɛ Yesu tre jimaŋ na m ba mo kutɔ m ba kaŋɛ bumo: “Men kaŋ kusoe n nu nfe nseŋ pin to. 11Mannɛ kusɔ nɛ k bee shi kowu a luri esa be kɔnɔ to e naa jija mo, ama kusɔ nɛ k bee shi mbe kɔnɔ to a lar e naa jija mo.”
12Ade be kaman nɛ mbe bebɛsopo na ba mo kutɔ m ba bishi mo le: “Fo nyi fanɛ kusɔ nɛ fo kaŋɛ na maŋ par Efarisiana na a?” 13Nɛ Yesu kaŋɛ bumo: “Kedibi kama nɛ n Tuto nɛ e wɔ ebɔrɛso na maŋ fɛa, e beeŋ tia kumo. 14Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”
15Nɛ Pita kaŋɛ Yesu: “Kaŋɛ anyi keŋasa na be kifito.” 16Nɛ Yesu bishi bumo le: “Menyi alɛ gba kraa maa pin asheŋ to a? 17Men maŋ nyi fanɛ kusɔ kama nɛ k bee luri esa be kɔnɔ to beeŋ yɔ mbe epun gba to n ya lar mbe eyur to a? 18Ama asɔ nɛ a bee shi esa be kɔnɔ to a lar na bee shi mbe kagbene to nna. Loŋ malɛ be asɔ e naa jija mo. 19Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi. 20Le be alubi ere e naa jija esa. Ama nɛ fanɛ esa maŋ fɔr mbe enɔ fanɛ kananɛ b yɛ a daga fanɛ basa e baa wora na pɔɛŋ nseŋ ji, loŋ maa jija mo.”
Kache ko be yirda be asheŋ
(Maak 7:24-30)
21Nɛ Yesu lar ndoŋ n yɔ efuli nɛ k mata Tayɛ nɛ Saidɔn be ndegboŋana na to. 22Ndoŋ nɛ Keenan be efuli so be kache ko nɛ e daa tase efuli na so na ba boŋ to n tre Yesu ŋ kaŋɛ mo le: “Enyɛnpe, Ewura Deevid mo Nanabi, wu ma kuwɔr. M pibiche e kɔ kiyoyu lubi mo to nɛ k bee tɔrɔ mo ga.” 23Ama Yesu daa maŋ kaŋɛ mo shɛŋ. Ndoŋ nna nɛ mbe bebɛsopo ba kule mo ŋ kaŋɛ: “Sa maŋ shin nɛ kache ere e bɛ anyi so a wora awɔr loŋ, shin nɛ e baa yɔ.” 24Nɛ Yesu kaŋɛ: “Israɛlebi nɛ b du fanɛ mbolpɔ foeso na nawule so nɛ b shuŋi ma.” 25Kache na ka nu loŋ na nɛ e ba gbir Yesu be anishito nseŋ kaŋɛ: “Enyɛnpe, chɛ ma to.” 26Nɛ Yesu kaŋɛ: “A maŋ daga b ka ta mbia be ajibi n lɛ njɔnɔ.” 27Ndoŋ nna nɛ kache na kaŋɛ: “Kashenteŋ nna Enyɛnpe, ama njɔnɔ gba bee kaa dese ejikpa a tise bumo nyɛnpeana be ejiŋka a ji.” 28Ŋkpal e ka kaŋɛ loŋ na so nɛ Yesu kaŋɛ mo: “Fo la eche nɛ fo kɔ yirda nna paa. Feeŋ nya kusɔ nɛ fee sha ere.” Epul na to nɛ kache na pibi na nya alenfia.
Yesu ka chɛ belɔpo damta be asheŋ
29Nɛ Yesu lar ndoŋ m bɔla Galili be kepagboŋ na ase n ya dii kebeebi ko so n chena. 30Ndoŋ nna nɛ jimaŋ damta ko keta eyurwusowuraana nɛ betanpo nɛ ebobi nɛ eneemu nɛ belɔpo damta ko m ba nase mbe anishito nɛ e chɛ bumo. 31Basa na ka wu eneemu ka fara a malga nɛ eyurwusowuraana be eyurana kikɛ ka nya alenfia nɛ ebobi fara a nite nɛ betanpo fara a wu nɛ k chinchiŋ bumo ga nɛ b di Israɛl be Ebɔrɛ epaŋ ga.
Yesu ka sa benyɛn ŋgboŋ ana ajibi be asheŋ
(Maak 8:1-10)
32Nɛ Yesu tre mbe bebɛsopo na m ba kaŋɛ bumo le: “Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji. M maa sha keshin nɛ b ta akoŋ n yɔ epe. Nɛ mannɛ aloŋ, baaŋ chɛl ekpa to.” 33Nɛ mbe bebɛsopo na bishi mo: “Kiyi ere to nfe be nnɛ nɛ anyeeŋ nya ajibi nɛ a fo basa ere kikɛ nɛ b ji?” 34Nɛ Yesu bishi bumo: “Ebodobodo afanɛ nɛ men kɔ?” Nɛ b kaŋɛ: “Ebodobodo ashunu nɛ ekɔrɔtɔbi ko.” 35Nɛ Yesu shin nɛ jimaŋ na chena kasawule. 36Kumo be kaman nɛ e ta ebodobodo ashunu na nɛ ekɔrɔtɔ na nseŋ chɔrɔ Ebɔrɛ nseŋ fara a buri amo to a sa bebɛsopo na nɛ bumo alɛ bee ta amo a sa basa na. 37Nɛ bumo kikɛ we m moɛ. Kumo be kaman nɛ bebɛsopo na tise ejiŋka na m bɔlɔ nlantaŋɛ ashunu. 38Nɛ esa maŋ ber beche nɛ mbia n wɔtɔ bumo nɛ b daŋ ji ajibi na to, benyɛn nawule daa sa fanɛ basa ŋgboŋ ana.
39Ade kikɛ be kaman nɛ Yesu shin nɛ basa na yɔ epe nɛ mo alɛ luri ekuloŋ to n yɔ Magadan be kasawule so.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation