Danɛl 6
6
B ka ta Danɛl n lɛ ebuluŋ be kemaŋ to be asheŋ
1Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so. 2Kumo be kaman, nɛ e lara Danɛl nɛ basa anyɔ ko fanɛ b baa keni egomena na so nɛ b baa wora ewura na be aparsheŋ efuli na so. 3Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo. 4Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so. 5Ndoŋ nna nɛ b kaŋɛ abar le: “Anyi maaŋ tiŋ n nya shɛŋ n yili so ŋ ku asheŋ n deŋi Danɛl, ama an bɔla mbe kabɔrɛshuŋ so nna.” 6Amoso bumo kikɛ daŋ ya wu ewura na nna ŋ kaŋɛ mo le: “Ewura Dairus, Ebɔrɛ e teŋi fo kuwurji so! 7Anyi nɛ an la egomena nɛ besoetojipoana nɛ benimu nɛ b ka na kikɛ shuli so n wora kɔnɔkoŋwule nna fanɛ, Yiramu, fo wora mbra kpakpaso fanɛ nchɛ adesa, esa kikɛ e sa maŋ kule shɛŋ ashi kegbir kikɛ, ŋko dimɛdi kikɛ kutɔ, ama fo nawule. Kumo be kaman nɛ fo shin nɛ loŋ be mbra na a shuŋ kenishipereso. Esa kama nɛ e beeŋ kini kebɛ le be mbra ere so daga fanɛ b ta mo n lɛ ebuluŋ be kemaŋ to. 8Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.” 9Ndoŋ nna nɛ Ewura Dairus shin nɛ b sibɛ mbra na. 10Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ. 11Basa nɛ b shin nɛ ewura wora mbra na ka wu Danɛl ka bee kule Ebɔrɛ na, 12nɛ bumo kikɛ yɔ ewura na kutɔ n ya debɔr Danɛl ŋ kaŋɛ le: “Yiramu, fo nyisi enɔ n wora mbra fanɛ nchɛ adesa, esa kama e sa maŋ kule shɛŋ ashi kegbir ŋko dimɛdi kikɛ kutɔ nɛ mannɛ fo ewura nawule kutɔ. Fo yɛ, ekama nɛ e kaŋ wora loŋ, b ta mo n lɛ ebuluŋ be kemaŋ to.”
Nɛ ewura na malɛ kaŋɛ le: “Kashenteŋ nna, k la mbra kpakpaso nna n sa Mɛdiebi nɛ Pɛshiyaebi. Kumo alɛ maaŋ naŋ chɛrga kikɛ.”
13Ndoŋ nna nɛ b kaŋɛ ewura na le: “Basa nɛ b pɛ kena to ashi Juda m ba nfe na be emo nɛ baa tre Danɛl na bre maa bunyaŋ fo kuwura ŋko a bɛ mbra nɛ fo nase na so. Karechɛ kikɛ ale asa nɛ e bee kule Ebɔrɛ.”
14Ewura na ka nu kumo be loŋ na nɛ mbe kagbene jija mo ga nɛ e wɔtɔ a fin kananɛ e beeŋ wora m mɔlga Danɛl. E daa fɛ kumo be nfɛra nna hale nɛ epeŋi ya tɔr. 15Ndoŋ nna nɛ Danɛl mo doŋana naŋ bɛta m ba kaŋɛ ewura na le: “Yiramu, fo gbagba baa nyi fanɛ esa kama maaŋ tiŋ n chɛrga Mɛdiebi nɛ Pɛshiyaebi be mbra. Hale ewura gba maŋ kɔ ekpa nɛ e chɛrga kumo.” 16Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.” 17B daŋ ta kejembu nna n ti kemaŋ na be kɔnɔso nɛ ewura na nɛ mbe benimuana na ta bumo be tɔɔnɛ be abersobi ŋ dulgi kejembu na saŋɛ na so esa kama maaŋ tiŋ n shin nɛ b bugi Danɛl. 18Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito. 19Kakpa ka bee kpaŋɛto na nɛ ewura na nya manaŋ n yɔ kemaŋ na ase. 20E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?” 21Nɛ Danɛl kaŋɛ le: “Yiramu, Ebɔrɛ e shin nɛ fo ji kuwura ere n chɛr. 22Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.” 23Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so. 24Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.
25Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi! 26N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ. 27Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.” 28Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.
Currently Selected:
Danɛl 6: GJNb
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation
Danɛl 6
6
B ka ta Danɛl n lɛ ebuluŋ be kemaŋ to be asheŋ
1Ewura Dairus daŋ lara egomena kalfa nɛ adunyɔ nna nseŋ shin nɛ bumo be ekama bee keni mbe efuli be kaba ko so. 2Kumo be kaman, nɛ e lara Danɛl nɛ basa anyɔ ko fanɛ b baa keni egomena na so nɛ b baa wora ewura na be aparsheŋ efuli na so. 3Nɛ Danɛl be kushuŋ bɔlɔ ewura na kenishi a chɔ mo braana na nɛ egomena na kikɛ. Ŋkpal loŋ so nɛ ewura na yili kumo fanɛ e beeŋ shin nɛ Danɛl e ki efuli na so kikɛ be ejuŋkparpo. 4Amoso Danɛl mo braana nɛ b ka na nɛ egomena na daa fin kananɛ baaŋ wora n nya kusɔ ko nna m malga, ŋ gbiti mo nna. Bumo alɛ daa maŋ nya shɛŋ, ŋkpal manɛ so Danɛl daa la kashenteŋjipo nna nsaa wora asheŋ nɛ amo be ekpa so. 5Ndoŋ nna nɛ b kaŋɛ abar le: “Anyi maaŋ tiŋ n nya shɛŋ n yili so ŋ ku asheŋ n deŋi Danɛl, ama an bɔla mbe kabɔrɛshuŋ so nna.” 6Amoso bumo kikɛ daŋ ya wu ewura na nna ŋ kaŋɛ mo le: “Ewura Dairus, Ebɔrɛ e teŋi fo kuwurji so! 7Anyi nɛ an la egomena nɛ besoetojipoana nɛ benimu nɛ b ka na kikɛ shuli so n wora kɔnɔkoŋwule nna fanɛ, Yiramu, fo wora mbra kpakpaso fanɛ nchɛ adesa, esa kikɛ e sa maŋ kule shɛŋ ashi kegbir kikɛ, ŋko dimɛdi kikɛ kutɔ, ama fo nawule. Kumo be kaman nɛ fo shin nɛ loŋ be mbra na a shuŋ kenishipereso. Esa kama nɛ e beeŋ kini kebɛ le be mbra ere so daga fanɛ b ta mo n lɛ ebuluŋ be kemaŋ to. 8Amoso Yiramu shin nɛ b sibɛ le be mbra ere n wɔtɔ kawɔl to nɛ fo nyisi enɔ kumo so, saŋɛ na so k beeŋ ki Mɛdiebi nɛ Pɛshiyaebi be mbra, a maaŋ naŋ chɛrga kikɛ.” 9Ndoŋ nna nɛ Ewura Dairus shin nɛ b sibɛ mbra na. 10Danɛl ka nu mbra na be asheŋ nɛ e yɔ epe. Mbe laŋ to be kuchoŋi be esoso be ebu be etokuro malɛ daŋ shoŋi Jerusalɛm be kaba so nna. Ndoŋ nna nɛ e gbir etokuro na ase a kule Ebɔrɛ fanɛ kananɛ e chɛr a wora na. E bee kaa gbir ndoŋ nna a kule Ebɔrɛ ale asa karechɛ kikɛ. 11Basa nɛ b shin nɛ ewura wora mbra na ka wu Danɛl ka bee kule Ebɔrɛ na, 12nɛ bumo kikɛ yɔ ewura na kutɔ n ya debɔr Danɛl ŋ kaŋɛ le: “Yiramu, fo nyisi enɔ n wora mbra fanɛ nchɛ adesa, esa kama e sa maŋ kule shɛŋ ashi kegbir ŋko dimɛdi kikɛ kutɔ nɛ mannɛ fo ewura nawule kutɔ. Fo yɛ, ekama nɛ e kaŋ wora loŋ, b ta mo n lɛ ebuluŋ be kemaŋ to.”
Nɛ ewura na malɛ kaŋɛ le: “Kashenteŋ nna, k la mbra kpakpaso nna n sa Mɛdiebi nɛ Pɛshiyaebi. Kumo alɛ maaŋ naŋ chɛrga kikɛ.”
13Ndoŋ nna nɛ b kaŋɛ ewura na le: “Basa nɛ b pɛ kena to ashi Juda m ba nfe na be emo nɛ baa tre Danɛl na bre maa bunyaŋ fo kuwura ŋko a bɛ mbra nɛ fo nase na so. Karechɛ kikɛ ale asa nɛ e bee kule Ebɔrɛ.”
14Ewura na ka nu kumo be loŋ na nɛ mbe kagbene jija mo ga nɛ e wɔtɔ a fin kananɛ e beeŋ wora m mɔlga Danɛl. E daa fɛ kumo be nfɛra nna hale nɛ epeŋi ya tɔr. 15Ndoŋ nna nɛ Danɛl mo doŋana naŋ bɛta m ba kaŋɛ ewura na le: “Yiramu, fo gbagba baa nyi fanɛ esa kama maaŋ tiŋ n chɛrga Mɛdiebi nɛ Pɛshiyaebi be mbra. Hale ewura gba maŋ kɔ ekpa nɛ e chɛrga kumo.” 16Amoso ewura na daŋ ponte ŋ kaŋɛ fanɛ b ya pɛ Danɛl nna n ya lɛ ebuluŋ be kemaŋ to, nɛ b wora loŋ. Ama le nɛ ewura na daŋ kaŋɛ Danɛl: “Fo Ebɔrɛ nɛ fee shuŋ kashenteŋto na beeŋ mɔlga fo.” 17B daŋ ta kejembu nna n ti kemaŋ na be kɔnɔso nɛ ewura na nɛ mbe benimuana na ta bumo be tɔɔnɛ be abersobi ŋ dulgi kejembu na saŋɛ na so esa kama maaŋ tiŋ n shin nɛ b bugi Danɛl. 18Kumo be kaman nɛ ewura na bɛta n yɔ ewurkpa n ya chena ŋklade. E daa maŋ ji shɛŋ ŋko n shin nɛ b wora epel ko n deŋi mo anishito. 19Kakpa ka bee kpaŋɛto na nɛ ewura na nya manaŋ n yɔ kemaŋ na ase. 20E ka fo ndoŋ, nɛ e ponte n tre: “Danɛl! Ebɔrɛ nɛ e wɔ ŋkpa to na b kayɛrbi, fo Ebɔrɛ nɛ fee shuŋ kashenteŋto na tiŋ m mɔlga fo ashi ebuluŋ na to a?” 21Nɛ Danɛl kaŋɛ le: “Yiramu, Ebɔrɛ e shin nɛ fo ji kuwura ere n chɛr. 22Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.” 23Nɛ ewura na be kagbene fuli mo alegaiso nɛ e ponte ŋ kaŋɛ fanɛ b ya gberge Danɛl n lara ebuluŋ be kemaŋ na to. Ndoŋ nna nɛ b ya gberge mo n lara nseŋ wu fanɛ mbe kaplɛkama maŋ doro, ŋkpal e ka yirda Ebɔrɛ na so. 24Kumo be kaman nɛ ewura na ponte ŋ kaŋɛ fanɛ b ya pɛ basa nɛ b debɔr Danɛl na kikɛ, nseŋ ta bumo nɛ bumo b beche nɛ mbia kikɛ n lɛ ebuluŋ be kemaŋ na to. Ama pɔɛŋ nɛ b fo kemaŋ na be kaseto na, nɛ ebuluŋ na tiŋ ŋ kpɛa bumo kikɛ to n we.
25Ndoŋ nna nɛ ewura Dairus sibɛ kawɔl n sa efuliana nɛ eyiriana nɛ ŋgbar be yiri yiri nɛ a wɔ durnya to kikɛ ŋ kaŋɛ le: “Ebɔrɛ e nɛfa menyi! 26N yili mbra ashi ma efuli so kikɛ nna fanɛ ekama e baa ŋana Danɛl be Ebɔrɛ na nsaa sa mo bunyaŋ. Mo e la Ebɔrɛ nɛ e wɔ ŋkpa to na. Mo alɛ bee ji kuwura nna hale mbaanaayɔ. Mbe kuwurji maa ba nɛ kemur kikɛ. Mo alɛ be eleŋ maa loge kikɛ. 27Mo e naa mɔlga basa nsaa sɔ bumo a yige na. Mo e naa wora emamachisheŋ ashi ebɔrɛso nɛ kasawule so kikɛ. Mo e mɔlga Danɛl nɛ ebuluŋ maŋ tiŋ m mɔ mo ŋko n doro mo na.” 28Jemanɛ nɛ Dairus daa ji kuwura nɛ Sairus malɛ la Pɛshiya be efuli so be ewura na, kusɔ kama nɛ Danɛl daa wora, daa nite nɛnɛ nna.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2015 GILLBT Ghana Institute of Linguistics, Literacy and Bible Translation