ເພງ^ສັນລະເສີນ 140
140
ຄຳພາວັນນາອະທິຖານຂໍການຄຸ້ມຄອງ
1ຂ້າແດ່ພຣະເຈົ້າຢາເວ ຂໍຊົງໂຜດຊ່ວຍໃຫ້ຂ້ານ້ອຍພົ້ນຈາກຄົນເຮັດຊົ່ວແດ່
ໂຜດຮັກສາຂ້ານ້ອຍໃຫ້ປອດໄພຈາກຄົນໂຫດຮ້າຍແດ່ທ້ອນ.
2ພວກເຂົາຄິດວາງແຜນຮ້າຍໃສ່ຂ້ານ້ອຍຢູ່ເລື້ອຍໄປ
ແລະຍຸແຍ່ໃຫ້ຄົນຜິດຖຽງກັນຢູ່ຕະຫລອດ.
3ລີ້ນຂອງພວກເຂົາຂ້າຄົນໄດ້ເໝືອນດັ່ງລີ້ນງູ
ຄຳເວົ້າຂອງພວກເຂົາກໍເປັນດັ່ງພິດງູເຫົ່າ.
4ຂ້າແດ່ພຣະເຈົ້າຢາເວ ຂໍຊົງໂຜດຄຸ້ມຄອງຂ້ານ້ອຍ
ໃຫ້ພົ້ນຈາກອຳນາດຂອງຄົນຊົ່ວ,
5ຄົນຈອງຫອງໄດ້ຫ້າງແຮ້ວໃຫ້ຂ້ານ້ອຍຖືກຈັບ
ແລະວາງບ້ວງດັກຈັບຕາມທາງທີ່ໄປນັ້ນ.
6ຂ້ານ້ອຍກ່າວຕໍ່ພຣະເຈົ້າຢາເວວ່າ, “ພຣະອົງເປັນພຣະເຈົ້າຂອງຂ້ານ້ອຍ.
ຂ້າແດ່ພຣະເຈົ້າຢາເວ ຂໍຊົງໂຜດຟັງຄຳຮ້ອງຂໍໃຫ້ຊ່ວຍເຫລືອຂອງຂ້ານ້ອຍດ້ວຍ.”
7ຂ້າແດ່ພຣະເຈົ້າຢາເວອົງພຣະຜູ້ເປັນເຈົ້າຂອງຂ້ານ້ອຍ
ຜູ້ປ້ອງກັນທີ່ເຂັ້ມແຂງຂອງຂ້ານ້ອຍເອີຍ
ພຣະອົງໄດ້ປົກປ້ອງຄຸ້ມຄອງຂ້ານ້ອຍໃນສະໜາມຮົບ.
8ຂ້າແດ່ພຣະເຈົ້າຢາເວ ຂໍຢ່າໃຫ້ຄົນຊົ່ວໄດ້ຕາມທີ່ພວກເຂົາຕ້ອງການ
ຢ່າໃຫ້ແຜນການຮ້າຍຂອງພວກເຂົາພົບຄວາມສຳເລັດຜົນ.
9ຢ່າໃຫ້ພວກສັດຕູມີໄຊຊະນະເໜືອຂ້ານ້ອຍໄດ້ເລີຍ
ໂຜດໃຫ້ຄຳນາບຂູ່ຂອງພວກເຂົາຕໍ່ສູ້ພວກເຂົາຄືນເຖີດ.
10ຂໍໃຫ້ຖ່ານໄຟແດງລຸກໄໝ້ຕົກຖືກພວກເຂົາ
ທັງໃຫ້ພວກເຂົາຕົກລົງໃນຂຸມແລະຢ່າໃຫ້ຂຶ້ນມາໄດ້.
11ຂໍໃຫ້ຜູ້ທີ່ໃສ່ຮ້າຍປ້າຍສີຄົນອື່ນຢ່າໄດ້ເຮັດສຳເລັດຜົນ
ຂໍໃຫ້ສິ່ງຊົ່ວຮ້າຍຕິດຕາມແລະທຳລາຍພວກເຂົາຖິ້ມ.
12ຂ້ານ້ອຍຮູ້ວ່າພຣະເຈົ້າຢາເວປ້ອງກັນຄົນທຸກຈົນ
ແລະສິດທິຂອງຄົນຂັດສົນດ້ວຍ.
13ຝ່າຍຄົນຊອບທຳນັ້ນຈະຍ້ອງຍໍສັນລະເສີນພຣະອົງຢ່າງຈິງໃຈ
ພວກເຂົາຈະໄດ້ອາໄສຢູ່ຊ້ອງໜ້າພຣະອົງ.
Currently Selected:
ເພງ^ສັນລະເສີນ 140: ພຄພ
Highlight
Share
Copy
Want to have your highlights saved across all your devices? Sign up or sign in
@ 2012 United Bible Societies. All Rights Reserved.