ເພງ^ສັນລະເສີນ 138
138
ຄຳພາວັນນາອະທິຖານແຫ່ງການໂມທະນາຂອບພຣະຄຸນ
1ຂ້າແດ່ພຣະເຈົ້າຢາເວ ຂ້ານ້ອຍໂມທະນາຂອບພຣະຄຸນພຣະອົງດ້ວຍສຸດໃຈ
ຂ້ານ້ອຍຮ້ອງເພງຍ້ອງຍໍສັນລະເສີນພຣະອົງ
ຕໍ່ໜ້າບັນດາພະທັງຫຼາຍ.
2ຂ້ານ້ອຍຂາບລົງຫັນໜ້າໃສ່ພຣະວິຫານອັນບໍຣິສຸດຂອງພຣະອົງ
ແລະຍ້ອງຍໍສັນລະເສີນພຣະນາມຂອງພຣະອົງ
ເພາະຄວາມຮັກອັນໝັ້ນຄົງແລະຄວາມສັດຊື່ຂອງພຣະອົງ
ເພາະພຣະນາມແລະຖ້ອຍຄຳຂອງພຣະອົງເປັນທີ່ເທີດທູນຢ່າງສູງສົ່ງ.
3ເມື່ອຮ້ອງຫາພຣະອົງກໍຕອບໂດຍໃຫ້ຂ້ານ້ອຍ
ມີເຫື່ອແຮງດ້ວຍກຳລັງແລະຣິດອຳນາດຂອງພຣະອົງ.
4ຂ້າແດ່ພຣະເຈົ້າຢາເວ ກະສັດທັງຫລາຍໃນໂລກຈະຍົກຍໍພຣະອົງ
ເພາະພວກເຂົາໄດ້ຍິນເຖິງຖ້ອຍຄຳທັງຫຼາຍແຕ່ປາກຂອງພຣະອົງ.
5ພວກເຂົາຈະຮ້ອງເພງເຖິງກິດຈະການທີ່ພຣະເຈົ້າຢາເວໄດ້ຊົງກະທຳ
ແລະເຖິງສະຫງ່າຣາສີອັນຍິ່ງໃຫຍ່ຂອງພຣະເຈົ້າຢາເວ.
6ເຖິງວ່າຢູ່ທີ່ສູງສຸດ ພຣະເຈົ້າຢາເວກໍເຝົ້າເບິ່ງຜູ້ທີ່ຖ່ອມໃຈ
ເຖິງວ່າຢູ່ໄກແສນໄກ ພຣະອົງກໍເຫັນຄົນຈອງຫອງໄດ້.
7ເມື່ອຄວາມເດືອດຮ້ອນອ້ອມຮອບຂ້ານ້ອຍ
ພຣະອົງກໍຮັກສາຂ້ານ້ອຍໃຫ້ປອດໄພໄດ້.
ພຣະອົງຂັດຂວາງສັດຕູຜູ້ໂຫດຮ້າຍໃຈອຳມະຫິດ
ແລະຊ່ວຍໃຫ້ຂ້ານ້ອຍພົ້ນໄພດ້ວຍຣິດອຳນາດຂອງພຣະອົງ.
8ຂ້າແດ່ພຣະເຈົ້າຢາເວ ພຣະອົງຈະກະທຳທຸກສິ່ງຕາມທີ່ໄດ້ສັນຍາ
ຄວາມຮັກໝັ້ນຄົງຂອງພຣະອົງດຳລົງຢູ່ສືບໄປເປັນນິດ.
ຂໍຈົ່ງດຳເນີນພຣະຣາຊກິດຂອງພຣະອົງໃຫ້ສຳເລັດຄົບຖ້ວນສາ
ຊຶ່ງພຣະອົງໄດ້ເລີ່ມດ້ວຍສີມືຂອງພຣະອົງນັ້ນ.
Currently Selected:
ເພງ^ສັນລະເສີນ 138: ພຄພ
Highlight
Share
Copy
Want to have your highlights saved across all your devices? Sign up or sign in
@ 2012 United Bible Societies. All Rights Reserved.