Xekhaliyas 7
7
Tug TSWV Rautxim Rua Cov Tuabneeg Kws Uatxuj Yoo Mov
1Xyoo thib plaub kws Dali-us ua vaajntxwv kaav tebchaws, thaus lub cuaj hlis ntuj (kws yog lub hlis Kislev) nub xab plaub, tug TSWV has ib cov lug rua kuv.
2Cov tuabneeg huv Npethees tau khaiv Salexaws, Lenkemelej, hab puab cov tuabneeg moog rua huv tug TSWV kws muaj Fwjchim Luj Kawg Nkaus lub Tuamtsev, moog thov kuas tug TSWV foom koobmoov rua puab 3hab moog nug cov povthawj hlub hab cov xwbfwb cev Vaajtswv lug tas, “Puas tsimnyog kws peb quajntsuag le nuav moog vim lub Tuamtsev raug puamtsuaj taag, hab ua kevcai yoo mov rua thaus lub tsib hlis ntuj lawvle peb ibtxwm ua lug tau ntau xyoo lawm?”
4Nuav yog cov lug kws tug TSWV has rua kuv. 5Nwg has tas, “Has rua cov pejxeem kws nyob huv lub tebchaws nuav hab cov povthawj hlub tas, qhov kws puab ua kevcai yoo mov hab quajntsuag rua thaus lub tsib hlis hab lub xyaa hli ntuj tau xyaacaum xyoo lug nuav tsi yog ua lug fwm Kuv. 6Hab thaus puab noj puab haus ntawd, yog puab ua kuas txaus puab lub sab xwb.”
7Nuav yog tej lug kws tug TSWV has rua cov xwbfwb cev Vaajtswv lug txheej thaus u kws lub nroog Yeluxalees tseem vaammeej hab muaj tuabneeg nyob puvnkaus huv, hab thaus ntawd cov tuabneeg tsi yog nyob huv tej moos kws nyob ibncig lub nroog ntawd xwb, tabsis nyob moog rua saab qaabteb hab ntawm tej taw roob kws nyob saab nubpoob huv tuabsi.
Tsi Nooglug Txhaj Raug Nteg Moog Rua Lwm Tebchaws
8Tug TSWV has cov lug nuav rua Xekhaliyas tas: 9“Tug TSWV kws muaj Fwjchim Luj Kawg Nkaus has tas, ‘Mej yuavtsum coj ncaaj, yuavtsum ua sabdlawb sabzoo, hab ib leeg taabncuab ib leeg. 10Tsi xob tsimtxom cov pujntsuag, cov mivnyuas ntsuag, cov tuabneeg txawv tebchaws kws nrug mej nyob, lossis cov tuabneeg txomnyem. Hab ib leeg tsi xob nyaag nrhw ua phem rua ib leeg.’
11“Tabsis Kuv tsaav tuabneeg tawv ncauj heev, tsi noog Kuv lug le. Puab ntsaws puab tej qhovntsej 12hab puab ua kuas puab lub sab tawv ib yaam le pobzeb. Vim puab tsi noog Kuv tej lug qhuabqha kws Kuv khaiv cov xwbfwb cev Vaajtswv lug thaus u moog qha puab, Kuv txhajle npautawg heev. 13Vim puab tsi noog Kuv has, Kuv txhaj tsi teb puab thaus puab thov Kuv. 14Kuv muab puab ntab tawm moog nyob rua lwm tebchaws zoo yaam nkaus le cuadlaaj cuadlub ntsawj. Lub tebchaws kws zoo nuav txhaj raug muab tsotseg nyob qhuav nkuag ca tsi muaj leejtwg nyob.”
Currently Selected:
Xekhaliyas 7: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
