Xekhaliyas 6
6
Zaaj Ywgtoog Pum Plaub Lub Tsheb Neeg
1Kuv rov pum dlua ib zaaj ywgtoog. Zag nuav kuv pum plaub lub tsheb neeg uarog taabtom tawm huv kis nruabnraab ntawm ob lub roob toojdlaag tuaj. 2Thawj lub tsheb yog paab neeg lab hai, lub thib ob yog paab neeg dlub hai,#Tshwm 6:4; Tshwm 6:5 3lub thib peb yog cov neeg dlawb hai, hab lub thib plaub yog cov neeg dlaaj-dloog hai. #Tshwm 6:2 4Tes kuv nug tug timtswv ceebtsheej has tas, “Tug tswv, lub ntsablug ntawm cov tsheb neeg uarog nuav yog dlaabtsi?”
5Nwg teb kuv tas, “Cov nuav yog plaub nthwv cua; puab nyavnyuas tawm ntawm tug TSWV kws kaav lub nplajteb nuav lub xubndlag lug.” #Tshwm 7:1
6Lub tsheb neeg uarog kws cov neeg dlub hai yog moog rua saab qaumteb kws yog moog rua peg Npanpiloos, cov neeg dlawb yog moog rua saab nubpoob, hab cov neeg dlaaj-dloog yog moog rua nraag lub tebchaws kws nyob saab qaabteb. 7Thaus cov neeg dlaaj-dloog tawm tuaj, mas puab tog tsi taug yuav rawm moog tshuaj saib lub nplajteb. Tug timtswv ceebtsheej txhaj has tas, “Mej cale moog tshuaj saib lub nplajteb!” Tes puab txawm moog lawm. 8Tug timtswv ceebtsheej hu nrov-nrov rua kuv tas, “Cov neeg kws moog rua saab qaumteb kws yog moog rua peg Npanpiloos, tau ua rua tug TSWV txuj kev chim txag lawm.”
Xaaj Kuas Muab Lub Mom Yeebkoob Rua Yausuas Ntoo
9Tug TSWV muab cov lug nuav cob rua kuv. 10Nwg has tas, “Koj nqaa tej khoomplig kws cov raug nteg moog hab nyavnyuas rov tim tebchaws Npanpiloos lug tej nyaj tej kub kws yog Heledais, Taunpiyas, hab Yedayas muab, hab cale moog rua huv Yauxiyas kws yog Xefaniyas tug tub lub tsev. 11Cale muab tej nyaj tej kub kws puab muab ntawd nchuav ua ib lub mom yeebkoob, hab muab rua Yehauxadas tug tub Yausuas, kws yog tug Tuam Povthawj Hlub ntoo. 12Koj qha rua nwg tas tug TSWV kws muaj Fwjchim Luj Kawg Nkaus has tas, ‘Tug txivneej kws hu ua Tug Ceg, yuav vaammeej nyob ntawm qhov chaw kws nwg nyob hab yuav rov txhimkhu tug TSWV lub Tuamtsev.#Yelemi 23:5; 33:15; Xekhali 3:8 13Nwg yog tug kws yuav ua tug TSWV lub Tuamtsev hab txais lub meejmom ua tug vaajntxwv, hab nwg yuav kaav nwg tsaav tuabneeg. Yuav muaj ib tug povthawj hlub nyob ntawm nwg lub zwmtxwv, ob lub meejmom ntawd yuav ua num sis humxeeb hab nyob kaajsab lug.’ 14Muab lub mom yeebkoob ntawd khaws ca rua huv tug TSWV lub Tuamtsev ua lub cim ncu txug Heledais,#6:14: Ib phoo ntawv qub-qub thaus u sau has tas Heledais; phoo lug Henplais has tas Helees. Taunpiyas, Yedayas, hab Yauxiyas.”#6:14: Ib phoo ntawv qub-qub thaus u sau has tas Yauxiyas; phoo lug Henplais has tas Hees.
15Cov tuabneeg kws nyob dleb yuav tuaj paab txhimkhu tug TSWV lub Tuamtsev. Thaus txhimkhu tau lub Tuamtsev lawm, mej yuav paub tas tug TSWV kws muaj Fwjchim Luj Kawg Nkaus khaiv kuv tuaj cuag mej. Tej nuav yeej yuav tshwmsim yog tas mej noog tug TSWV kws yog mej tug Vaajtswv tej lug.
Currently Selected:
Xekhaliyas 6: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 6
6
Zaaj Ywgtoog Pum Plaub Lub Tsheb Neeg
1Kuv rov pum dlua ib zaaj ywgtoog. Zag nuav kuv pum plaub lub tsheb neeg uarog taabtom tawm huv kis nruabnraab ntawm ob lub roob toojdlaag tuaj. 2Thawj lub tsheb yog paab neeg lab hai, lub thib ob yog paab neeg dlub hai,#Tshwm 6:4; Tshwm 6:5 3lub thib peb yog cov neeg dlawb hai, hab lub thib plaub yog cov neeg dlaaj-dloog hai. #Tshwm 6:2 4Tes kuv nug tug timtswv ceebtsheej has tas, “Tug tswv, lub ntsablug ntawm cov tsheb neeg uarog nuav yog dlaabtsi?”
5Nwg teb kuv tas, “Cov nuav yog plaub nthwv cua; puab nyavnyuas tawm ntawm tug TSWV kws kaav lub nplajteb nuav lub xubndlag lug.” #Tshwm 7:1
6Lub tsheb neeg uarog kws cov neeg dlub hai yog moog rua saab qaumteb kws yog moog rua peg Npanpiloos, cov neeg dlawb yog moog rua saab nubpoob, hab cov neeg dlaaj-dloog yog moog rua nraag lub tebchaws kws nyob saab qaabteb. 7Thaus cov neeg dlaaj-dloog tawm tuaj, mas puab tog tsi taug yuav rawm moog tshuaj saib lub nplajteb. Tug timtswv ceebtsheej txhaj has tas, “Mej cale moog tshuaj saib lub nplajteb!” Tes puab txawm moog lawm. 8Tug timtswv ceebtsheej hu nrov-nrov rua kuv tas, “Cov neeg kws moog rua saab qaumteb kws yog moog rua peg Npanpiloos, tau ua rua tug TSWV txuj kev chim txag lawm.”
Xaaj Kuas Muab Lub Mom Yeebkoob Rua Yausuas Ntoo
9Tug TSWV muab cov lug nuav cob rua kuv. 10Nwg has tas, “Koj nqaa tej khoomplig kws cov raug nteg moog hab nyavnyuas rov tim tebchaws Npanpiloos lug tej nyaj tej kub kws yog Heledais, Taunpiyas, hab Yedayas muab, hab cale moog rua huv Yauxiyas kws yog Xefaniyas tug tub lub tsev. 11Cale muab tej nyaj tej kub kws puab muab ntawd nchuav ua ib lub mom yeebkoob, hab muab rua Yehauxadas tug tub Yausuas, kws yog tug Tuam Povthawj Hlub ntoo. 12Koj qha rua nwg tas tug TSWV kws muaj Fwjchim Luj Kawg Nkaus has tas, ‘Tug txivneej kws hu ua Tug Ceg, yuav vaammeej nyob ntawm qhov chaw kws nwg nyob hab yuav rov txhimkhu tug TSWV lub Tuamtsev.#Yelemi 23:5; 33:15; Xekhali 3:8 13Nwg yog tug kws yuav ua tug TSWV lub Tuamtsev hab txais lub meejmom ua tug vaajntxwv, hab nwg yuav kaav nwg tsaav tuabneeg. Yuav muaj ib tug povthawj hlub nyob ntawm nwg lub zwmtxwv, ob lub meejmom ntawd yuav ua num sis humxeeb hab nyob kaajsab lug.’ 14Muab lub mom yeebkoob ntawd khaws ca rua huv tug TSWV lub Tuamtsev ua lub cim ncu txug Heledais,#6:14: Ib phoo ntawv qub-qub thaus u sau has tas Heledais; phoo lug Henplais has tas Helees. Taunpiyas, Yedayas, hab Yauxiyas.”#6:14: Ib phoo ntawv qub-qub thaus u sau has tas Yauxiyas; phoo lug Henplais has tas Hees.
15Cov tuabneeg kws nyob dleb yuav tuaj paab txhimkhu tug TSWV lub Tuamtsev. Thaus txhimkhu tau lub Tuamtsev lawm, mej yuav paub tas tug TSWV kws muaj Fwjchim Luj Kawg Nkaus khaiv kuv tuaj cuag mej. Tej nuav yeej yuav tshwmsim yog tas mej noog tug TSWV kws yog mej tug Vaajtswv tej lug.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.