Xekhaliyas 5
5
Zaaj Ywgtoog Pum Ib Thooj Ntawv Dlov Yaa
1Kuv rov tsaa qhovmuag saib, hab zag nuav kuv pum ib thooj ntawv dlov yaa sau nruabntug. 2Tug timtswv ceebtsheej nug kuv tas, “Koj pum dlaabtsi?” Kuv teb tas, “Kuv pum ib thooj ntawv dlov yaa sau nruabntug; ntev 9 mev hab dlaav 4.5 mev.”
3Tes nwg rov has rua kuv tas, “Thooj ntawv dlov ntawd yog sau tej lug foom phem kws yuav tawm moog thoobplawg lub tebchaws. Nyob rua ntawm thooj ntawv dlov ntawd, muaj ib saab sau has tas txhua tug tubsaab yuav raug muab tshem tawm huv lub tebchaws moog; hab nyob rua ib saab sau has tas txhua tug kws coglug dlaag yuav raug tshem tawm moog ib yaam nkaus. 4Tug TSWV kws muaj Fwjchim Luj Kawg Nkaus has tas Nwg yuav tso tej lug foom phem nuav tawm moog, hab yuav moog nkaag rua huv txhua tug tubsaab hab txhua tug kws coglug dlaag tej tsev. Tej lug ntawd yuav nyob huv puab tej tsev hab ua kuas puab puamtsuaj taag, tsi has tej ntoo lossis tej pobzeb huv tuabsi.”
Zaaj Ywgtoog Pum Tug Quaspuj Nyob Huv Lub Tawb
5Tug timtswv ceebtsheej kws nrug kuv thaam txawm rov lug tshwm rua kuv pum hab has rua kuv tas, “Koj saib maj! Muaj dlua ib yaam taabtom tshwm tuaj lawm hab!”
6Kuv nug tas, “Qhov ntawd yog dlaabtsi?”
Nwg teb tas, “Yog ib lub tawb kws pev txug lub tebchaws nuav tej kev txhum.”#5:6: Tej cov ntawv qub-qub thaus u sau has tas kev txhum; phoo lug Henplais has tas qhovmuag.
7Lub hau khwb lub tawb ntawd yog muab txhuas ua. Thaus kuv tsaa qhovmuag saib, lub hau txawm qheb hlo, hab muaj ib tug quaspuj nyob quastsawg huv lub tawb ntawd!
8Tug timtswv ceebtsheej has tas, “Tug quaspuj nuav yog pev txug kev phem kev qas.” Tes nwg txawm muab tug quaspuj ntawd nas rov rua huv lub tawb hab muab lub hau khwb rua lawm. 9Kuv tsaa qhovmuag saib hab pum ob tug quaspuj kws muaj ob phob tis ntxuaj muajzug ib yaam le tug us dlej, yaa ncaajqhaa lug rua ntawm kuv. Obtug txawm lug nqaa hlo lub tawb hab yaa moog rua sau nruabntug lawm.
10Kuv nug tug timtswv ceebtsheej tas, “Obtug nqaa lub tawb moog qhovtwg?”
11Nwg teb tas, “Obtug nqaa moog rua tim tebchaws Npanpiloos, kws yog qhov chaw puab yuav ua ib lub tuamtsev rua lub tawb ntawd. Thaus twg ua tau lub tuamtsev lawm, puab yuav muab lub tawb ntawd tso rua huv, rua tej tuabneeg tuaj pehawm.”
Currently Selected:
Xekhaliyas 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Xekhaliyas 5
5
Zaaj Ywgtoog Pum Ib Thooj Ntawv Dlov Yaa
1Kuv rov tsaa qhovmuag saib, hab zag nuav kuv pum ib thooj ntawv dlov yaa sau nruabntug. 2Tug timtswv ceebtsheej nug kuv tas, “Koj pum dlaabtsi?” Kuv teb tas, “Kuv pum ib thooj ntawv dlov yaa sau nruabntug; ntev 9 mev hab dlaav 4.5 mev.”
3Tes nwg rov has rua kuv tas, “Thooj ntawv dlov ntawd yog sau tej lug foom phem kws yuav tawm moog thoobplawg lub tebchaws. Nyob rua ntawm thooj ntawv dlov ntawd, muaj ib saab sau has tas txhua tug tubsaab yuav raug muab tshem tawm huv lub tebchaws moog; hab nyob rua ib saab sau has tas txhua tug kws coglug dlaag yuav raug tshem tawm moog ib yaam nkaus. 4Tug TSWV kws muaj Fwjchim Luj Kawg Nkaus has tas Nwg yuav tso tej lug foom phem nuav tawm moog, hab yuav moog nkaag rua huv txhua tug tubsaab hab txhua tug kws coglug dlaag tej tsev. Tej lug ntawd yuav nyob huv puab tej tsev hab ua kuas puab puamtsuaj taag, tsi has tej ntoo lossis tej pobzeb huv tuabsi.”
Zaaj Ywgtoog Pum Tug Quaspuj Nyob Huv Lub Tawb
5Tug timtswv ceebtsheej kws nrug kuv thaam txawm rov lug tshwm rua kuv pum hab has rua kuv tas, “Koj saib maj! Muaj dlua ib yaam taabtom tshwm tuaj lawm hab!”
6Kuv nug tas, “Qhov ntawd yog dlaabtsi?”
Nwg teb tas, “Yog ib lub tawb kws pev txug lub tebchaws nuav tej kev txhum.”#5:6: Tej cov ntawv qub-qub thaus u sau has tas kev txhum; phoo lug Henplais has tas qhovmuag.
7Lub hau khwb lub tawb ntawd yog muab txhuas ua. Thaus kuv tsaa qhovmuag saib, lub hau txawm qheb hlo, hab muaj ib tug quaspuj nyob quastsawg huv lub tawb ntawd!
8Tug timtswv ceebtsheej has tas, “Tug quaspuj nuav yog pev txug kev phem kev qas.” Tes nwg txawm muab tug quaspuj ntawd nas rov rua huv lub tawb hab muab lub hau khwb rua lawm. 9Kuv tsaa qhovmuag saib hab pum ob tug quaspuj kws muaj ob phob tis ntxuaj muajzug ib yaam le tug us dlej, yaa ncaajqhaa lug rua ntawm kuv. Obtug txawm lug nqaa hlo lub tawb hab yaa moog rua sau nruabntug lawm.
10Kuv nug tug timtswv ceebtsheej tas, “Obtug nqaa lub tawb moog qhovtwg?”
11Nwg teb tas, “Obtug nqaa moog rua tim tebchaws Npanpiloos, kws yog qhov chaw puab yuav ua ib lub tuamtsev rua lub tawb ntawd. Thaus twg ua tau lub tuamtsev lawm, puab yuav muab lub tawb ntawd tso rua huv, rua tej tuabneeg tuaj pehawm.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.