Filipis Lug Tawqha
Lug Tawqha
Tsaab ntawv Filipis nuav yog Paulus sau moog rua thawj-thawj pawg ntseeg kws Paulus tsaa tau nyob rua saab Yulauv, huv lub xeev Makedaunias kws yog tebchaws Loos kaav. Tsaab ntawv nuav yog Paulus kws yog ib tug timthawj ua tug sau thaus nwg tseem raug kaw rua huv tsev lojcuj, hab yog lub sijhawm kws nwg raug kev nyuajsab vim muaj lwmtug ntseeg kws ua Vaajtswv dlejnum tawmtsaam nwg, hab nwg ntxhuvsab rua tej kev qha cuav kws nyob rua huv pawg ntseeg Filipis. Txawm le ntawd los tsaab ntawv nuav ua rua suavdlawg muaj kev zoosab hab kev ruajsab vim yog qhov kev qha kws has txug Paulus txuj kev ntseeg kws ruaj-khov rua huv Yexus Khetos nkaus xwb.
Lub homphaj kws sau tsaab ntawv nuav yog Paulus uatsaug rua cov ntseeg huv lub nroog Filipis kws puab tau xaa khoomplig moog paab rua Paulus thaus nwg muaj kev cheemtsum. Paulus siv lub sijhawm nuav lug txhawb puab, sub puab txhaj ua taug sabluj hab muaj kev casab, txawm yog muaj ntau yaam teebmeem lug raug nwg hab raug puab los xij. Nwg nquahu kuas puab muaj tug cwjpwm kws txu fwjchim ib yaam le Yexus, zoo dlua le puab ua tuabneeg muabhlub hab khaavtheeb. Nwg rov qha kuas puab ncuntsoov tas qhov kws puab tau lug koom nrug Khetos ntawd yog ib qhov khoomplig kws yog Vaajtswv txuj moovhlub kws puab tau txais lug ntawm txuj kev ntseeg xwb, tsi yog lug ntawm qhov kws puab coj lawvle cov Yudais tej Kevcai. Paulus sau txug tej kev zoosab hab kev kaajsab kws Vaajtswv pub rua cov tuabneeg kws ua neej nyob rua huv Khetos.
Tsaab ntawv nuav lub ntsab yog has txug txuj kev zoosab, kev ruajsab, kev koomxeeb hab kev ua sabntev tiv nyob rua huv lub neej kws ntseeg Vaajtswv. Tsaab ntawv nuav kuj qha has tas Paulus muaj lub sab hlub pawg ntseeg huv lub nroog Filipis kawg le.
Txheejtxheem
Lug tawqha (1:1-11)
Paulus tej teebmeem (1:12-26)
Lub neej nyob rua huv Yexus Khetos (1:27—2:18)
Kev npaaj rua Timautes hab Epafauditus (2:19-30)
Ceebtoom kuas ceevfaaj cov yeebncuab hab teebmeem (3:1—4:9)
Paulus hab nwg cov phoojywg huv Filipis (4:10-20)
Xaus lug (4:21-23)
Currently Selected:
Filipis Lug Tawqha: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.