Mathais 12
12
Nug Txug Nub Xanpataus
(Malakaus 2:23-28; Lukas 6:1-5)
1Tsi ntev tomqaab ntawd, Yexus tau taug kev hlaa huv ib dlaim teb npleg moog, kws yog nub Xanpataus. Nwg cov thwjtim tshaib plaab, puab txawm dle noob npleg lug tev noj. #2Kev 23:25 2Thaus cov Falixais pum le ntawd, puab has rua Yexus tas, “Koj saib seb, nub Xanpataus Koj cov thwjtim ua le ntawd mas yog puab ua txhum peb txuj Kevcai lawm!”
3Yexus teb tas, “Mej tsi tau nyeem txug zaaj kws Daviv ua thaus nwg hab nwg cov tuabneeg tshaib plaab lov? #1Xamu 21:1-6 4Daviv moog rua huv Vaajtswv lub Tuamtsev, nwg cale muab tej ncuav kws tub muab fij rua Vaajtswv lawm lug rua nwg hab nwg cov tuabneeg noj. Yog tag tes puab yeej tsi muaj cai noj tej ncuav ntawd, tsuas yog cov povthawj hlub txhaj noj tau xwb. #Levi 24:9 5Lossis mej tsi tau nyeem nyob huv Mauxes txuj Kevcai kws has tas, txhua nub Xanpataus cov povthawj hlub kws nyob huv lub Tuamtsev yeej ua txhum nub Xanpataus txuj kevcai, tabsis puab yeej tseem tsi muaj txhum qeeg? #Teev 28:9-10 6Kuv qha rua mej has tas, nyob ntawm nuav tseem muaj ib yaam kws tseemceeb dlua lub Tuamtsev hab. 7Vaajtswv Txujlug has tas, ‘Qhov kws Kuv xaav yuav yog kuas mej muaj lub sab sishlub, tsi yog tej tsaj kws muab tua theej txhoj.’ Yog mej totaub txug zaaj nuav, mej yeej yuav tsi rautxim rua cov kws tsi tau ua txhum; #Math 9:13; Hauxe 6:6 8ruaqhov Tuabneeg Leejtub yog tug Tswv ntawm nub Xanpataus.”
Tug Txivneej Qhuavteg
(Malakaus 3:1-6; Lukas 6:6-11)
9Yexus tawm qhov ntawd hab moog rua huv ib lub tsev saablaaj, 10muaj ib tug txivneej qhuavteg nyob ntawd. Cov tuabneeg kws tuaj nyob ntawd muaj qeeleej xaav nrhav txim rua Yexus, puab txawm nug Nwg has tas, “Khu mob nub Xanpataus puas txhum Kevcai?”
11Yexus teb puab has tas, “Yog mej leejtwg muaj ib tug yaaj hab cale moog poob qhovtshij rua nub Xanpataus, mej puas yuav moog muab hab nqug kuas tawm tau lug? #Lukas 14:5 12Tuabneeg tseem muajnqes heev dlua le yaaj! Yogle ntawd, kev ua zoo kws yog paab tuabneeg rua nub Xanpataus yeej tsi txhum cai dlaabtsi.” 13Tes Yexus has rua tug txivneej qhuavteg ntawd tas, “Cale xyaab koj txhais teg.”
Nwg txawm xyaab hlo teg, uacav txawm zoole qub lawm. 14Cov Falixais txawm tawm moog saablaaj seb yuav ua lecaag puab txhaj tua tau Yexus.
Tug Tubkhai Kws Vaajtswv Xaiv
15Thaus Yexus paub le ntawd, Nwg txawm tawm qhov chaw ntawd moog; hab muaj tuabneeg coob-coob lawv Nwg qaab moog. Nwg khu txhua tug kws muaj mob zoo huv tuabsi, 16hab Nwg txwv tsi pub puab moog qha txug Nwg rua lwmtug. 17Nwg ua le nuav kuas muaj tav lawvle qhov kws Vaajtswv tau has rua Yaxayas kws yog tug xwbfwb cev Vaajtswv lug tau qha tseg lawm has tas:
18“Tug nuav yog Kuv tug tubkhai kws Kuv xaiv tseg lawm,
Nwg yog tug Kuv hlub, yog tug Kuv txaussab rua.
Kuv yuav pub Kuv tug Ntsujplig lug rua sau Nwg,
hab Nwg yuav qha Kuv txuj kev ncaajnceeg rua txhua tsaav tuabneeg paub. #Yaxaya 42:1-4 (LXX)
19Nwg yuav tsi nrug leejtwg siscaav sistshe hab qw nrov-nrov,
lossis yuav tsi haslug nrov-nrov ntawm tej kev.
20Nwg yuav tsi muab tug lojkov kws ntsoog lawm luv,
lossis yuav tsi tshuab tug teebxeeb kws tub yuav tuag.
Nwg yuav ua sabntev moog txug thaus txuj kev ncaajnceeg kovyeej lawm,
21Hab txhua tsaav tuabneeg yuav vaamkhom Nwg.”
Yexus Hab Npexenpus
(Malakaus 3:20-30; Lukas 11:14-23)
22Tomqaab ntawd muaj tuabneeg coj ib tug txivneej dligmuag hab has tsi tau lug tuaj cuag Yexus, vim nwg raug ib tug dlaab. Yexus khu tug txivneej ntawd zoo, nwg txawm has tau lug hab pumkev lawm. 23Cov tuabneeg kws pum Yexus ua le ntawd, puab xaav tsi thoob le, puab sisnug has tas, “Nwg puas yog Daviv tug Tub?”
24Thaus cov Falixais nov suavdlawg has le ntawd, puab teb tas, “Nwg ntab tau dlaab tawm tub yog Npexenpus kws yog dlaab tug thawj pub fwjchim rua Nwg.” #Math 9:34; 10:25
25Yexus tub paub tej kws puab xaav lawm, Nwg txhaj has rua puab tas, “Lub tebchaws twg kws faib ua paab ua pawg hab muaj kev sis tawmtsaam, tes tsi ntev xwb lub tebchaws ntawd yuav pluj moog. Lub nroog twg lossis tsev tuabneeg twg kws faib ua paab ua pawg hab muaj kev sis tawmtsaam, tes puab yeej yuav tawg taag moog. 26Yogle ntawd, yog Xataas tseem sawv tawmtsaam Xataas hab, tes qha tau has tas nwg raug muab faib lawm, nwg lub tebchaws yuav tawg sai-sai! 27Mej has tas qhov kws Kuv ntab tau dlaab tub yog vim Npexenpus pub fwjchim rua Kuv. Yogle ntawd, leejtwg ho pub fwjchim rua mej cov tuabneeg ntab tau cov dlaab ntawd tawm? Puab ntaag lau, yog cov kws yuav txavtxim rua mej! 28Tsi yog le mej has! Tsi yog Npexenpus tabsis yog Vaajtswv tug Ntsujplig pub fwjchim rua Kuv ntab tau dlaab tawm. Qhov ntawd qha tau rua mej paub tas Vaajtswv lub Tebchaws tub lug txug mej lawm.
29“Tsi muaj leejtwg kws yuav nkaag tau moog rua huv ib tug txivneej kws muajzug lub tsev hab fuab nwg tej khoom tawm moog, yuavtsum yog nwg xub muab tug kws muajzug ntawd khi tsaiv, mas txhaj yuav fuab tau tej khoom huv nwg tsev.
30“Tug kws tsi tuaj Kuv tog, tes yog nwg tawmtsaam Kuv. Tug kws tsi paab Kuv muab sau lug uake, tes yog nwg ua kuas tawg uasaab uasua. #Malak 9:40 31Vimle nuav, Kuv txhaj has rua mej has tas, txhua yaam kev txhum kws tuabneeg ua hab txhua lulug phem kws tuabneeg has,#12:31: Txhua lulug phem kws tuabneeg has; lossis txhua lulug phem kws tuabneeg has tawmtsaam Vaajtswv. Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd. 32Yog leejtwg thuam Tuabneeg Leejtub, Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd, tsi has nwgnuav lossis yaav tomntej. #Lukas 12:10
Tsob Ntoo Hab Cov Txiv
(Lukas 6:43-45)
33“Tsob ntoo zoo yeej txi tau cov txiv zoo; tsob ntoo phem yeej txi tau cov txiv phem. Koj yuav paub tas tsob ntoo ntawd zoo lossis phem yog lug ntawm nwg cov txiv. #Math 7:20; Lukas 6:44 34Cov nam naab phem, mej yuav ua lecaag has tau lug zoo, ruaqhov mej yeej yog tuabneeg sabphem! Lub sab xaav puvnpo lecaag tes lub ncauj yeej has tawm lug le ntawd. #Math 3:7; 23:33; Lukas 3:7; Math 15:18; Lukas 6:45 35Tug tuabneeg zoo yeej rhu tau yaam zoo kws nwg tub muab ntim ca rua huv nwg lawm coj lug has; hab tug tuabneeg phem yeej rhu tau yaam phem kws nwg tub muab ntim ca rua huv nwg lawm coj lug has.
36“Kuv qha rua mej has tas thaus txug Nub Txavtxim, mej yuav tau leeg txhua lulug tsi zoo kws mej tau has lug lawm. 37Qhov kws mej yuav raug txim hab tsi raug ntawd, yog nyob ntawm tej lug kws mej has.”
Tuabneeg Xaav Pum Txujci Tseemceeb
(Malakaus 8:11-12; Lukas 11:29-32)
38Cov xwbfwb kws qha Kevcai hab cov Falixais qeeleej tuaj has rua Yexus has tas, “Xwbfwb, peb xaav pum Koj ua ib yaam txujci tseemceeb rua peb saib.” #Math 16:1; Malak 8:11; Lukas 11:16
39Yexus teb tas, “Uacaag cov tuabneeg tam nuav yuav phem hab tsi ncaajnceeg rua Vaajtswv ualuaj le! Mej xaav kuas Kuv ua ib yaam txujci tseemceeb rua mej saib nua lov? Kuv yuav tsi ua! Tuabqhov txujci tseemceeb kws mej yuav pum tes yog Yaunas, kws yog tug xwbfwb cev Vaajtswv lug nkaus xwb. #Math 16:4; Malak 8:12 40Yaunas nyob huv tug ntseg kws luj heev lub plaab tau peb nub peb mos lecaag tes Tuabneeg Leejtub yuav nyob huv nruab aa peb nub peb mos ib yaam le ntawd. #Yauna 1:17 41Thaus txug Nub Txavtxim, cov tuabneeg kws nyob huv lub nroog Nineves yuav sawv lug komtxim rua mej, ruaqhov thaus puab nov Yaunas qha, puab tub tso puab tej kev txhum tseg lawm. Kuv qha rua mej has tas muaj ib tug nyob ntawm nuav tseem muaj fwjchim luj dlua Yaunas hab! #Yauna 3:5 42Thaus txug Nub Txavtxim, tug puj vaajntxwv kws kaav tebchaws Senpas yuav sawv lug komtxim rua mej, ruaqhov nwg taug kev puag tim qaabntuj kawg tuaj noog Vaajntxwv Xalumoos qha txug nwg tej kev txawjntse. Kuv qha rua mej has tas muaj ib tug nyob ntawm nuav tseem muaj fwjchim luj dlua Xalumoos hab! #1Vaaj 10:1-10; 2Xwm 9:1-12
Ntsujplig Phem Rovqaab Lug Nyob Huv Lub Qub Tse
(Lukas 11:24-26)
43“Thaus ib tug ntsujplig phem tawm huv ib tug tuabneeg lub cev moog lawm, nwg txawm moog rua tom roob mojsaab qhua hab nrhav chaw su. Yog nwg nrhav tsi tau, 44nwg yuav has tas, ‘Kuv yuav rovqaab moog rua tom kuv lub qub tse kws kuv tawm tuaj lawm.’ Thaus nwg rov lug txug, uacav lub tsev ntawd khoob lug, cheb dlu-dlav, hab txhua yaam yeej tu tavlog ca lawm. 45Tes nwg txawm moog coj xyaa tug ntsujplig kws tseem phem dlua nwg lug nrug nwg nyob huv lub tsev ntawd. Thaus kawg tug tuabneeg ntawd hajyam txomnyem heev dlua thaus chivthawj. Cov tuabneeg sabphem tam nuav yuav raug kev txomnyem ib yaam le ntawd ntaag.”
Yexus Nam Hab Nwg Cov Kwv
(Malakaus 3:31-35; Lukas 8:19-21)
46Thaus Yexus tseem taabtom qha cov tuabneeg kws nyob ntawd, Nwg nam hab Nwg cov kwv txawm tuaj txug. Puab sawv saabnrau hab puab xaav nrug Yexus thaam. 47Muaj ib tug has rua Yexus has tas, “Koj nam hab Koj cov kwv taabtom sawv saabnrau, puab xaav nrug Koj thaam.”#12:47: Tej phoo ntawv qub kws xuas teg sau tsi muaj nqai 47.
48Yexus teb tas, “Leejtwg yog Kuv nam? Leejtwg yog Kuv cov kwv?” 49Yexus taw teg rua Nwg cov thwjtim hab has tas, “Cov nuav lau, yog Kuv nam hab Kuv cov kwv. 50Tug kws ua lawvle Kuv Txiv kws nyob sau ntuj ceebtsheej lub sab nyam, tug ntawd yog Kuv kwv, Kuv muam, hab yog Kuv nam.”
Currently Selected:
Mathais 12: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 12
12
Nug Txug Nub Xanpataus
(Malakaus 2:23-28; Lukas 6:1-5)
1Tsi ntev tomqaab ntawd, Yexus tau taug kev hlaa huv ib dlaim teb npleg moog, kws yog nub Xanpataus. Nwg cov thwjtim tshaib plaab, puab txawm dle noob npleg lug tev noj. #2Kev 23:25 2Thaus cov Falixais pum le ntawd, puab has rua Yexus tas, “Koj saib seb, nub Xanpataus Koj cov thwjtim ua le ntawd mas yog puab ua txhum peb txuj Kevcai lawm!”
3Yexus teb tas, “Mej tsi tau nyeem txug zaaj kws Daviv ua thaus nwg hab nwg cov tuabneeg tshaib plaab lov? #1Xamu 21:1-6 4Daviv moog rua huv Vaajtswv lub Tuamtsev, nwg cale muab tej ncuav kws tub muab fij rua Vaajtswv lawm lug rua nwg hab nwg cov tuabneeg noj. Yog tag tes puab yeej tsi muaj cai noj tej ncuav ntawd, tsuas yog cov povthawj hlub txhaj noj tau xwb. #Levi 24:9 5Lossis mej tsi tau nyeem nyob huv Mauxes txuj Kevcai kws has tas, txhua nub Xanpataus cov povthawj hlub kws nyob huv lub Tuamtsev yeej ua txhum nub Xanpataus txuj kevcai, tabsis puab yeej tseem tsi muaj txhum qeeg? #Teev 28:9-10 6Kuv qha rua mej has tas, nyob ntawm nuav tseem muaj ib yaam kws tseemceeb dlua lub Tuamtsev hab. 7Vaajtswv Txujlug has tas, ‘Qhov kws Kuv xaav yuav yog kuas mej muaj lub sab sishlub, tsi yog tej tsaj kws muab tua theej txhoj.’ Yog mej totaub txug zaaj nuav, mej yeej yuav tsi rautxim rua cov kws tsi tau ua txhum; #Math 9:13; Hauxe 6:6 8ruaqhov Tuabneeg Leejtub yog tug Tswv ntawm nub Xanpataus.”
Tug Txivneej Qhuavteg
(Malakaus 3:1-6; Lukas 6:6-11)
9Yexus tawm qhov ntawd hab moog rua huv ib lub tsev saablaaj, 10muaj ib tug txivneej qhuavteg nyob ntawd. Cov tuabneeg kws tuaj nyob ntawd muaj qeeleej xaav nrhav txim rua Yexus, puab txawm nug Nwg has tas, “Khu mob nub Xanpataus puas txhum Kevcai?”
11Yexus teb puab has tas, “Yog mej leejtwg muaj ib tug yaaj hab cale moog poob qhovtshij rua nub Xanpataus, mej puas yuav moog muab hab nqug kuas tawm tau lug? #Lukas 14:5 12Tuabneeg tseem muajnqes heev dlua le yaaj! Yogle ntawd, kev ua zoo kws yog paab tuabneeg rua nub Xanpataus yeej tsi txhum cai dlaabtsi.” 13Tes Yexus has rua tug txivneej qhuavteg ntawd tas, “Cale xyaab koj txhais teg.”
Nwg txawm xyaab hlo teg, uacav txawm zoole qub lawm. 14Cov Falixais txawm tawm moog saablaaj seb yuav ua lecaag puab txhaj tua tau Yexus.
Tug Tubkhai Kws Vaajtswv Xaiv
15Thaus Yexus paub le ntawd, Nwg txawm tawm qhov chaw ntawd moog; hab muaj tuabneeg coob-coob lawv Nwg qaab moog. Nwg khu txhua tug kws muaj mob zoo huv tuabsi, 16hab Nwg txwv tsi pub puab moog qha txug Nwg rua lwmtug. 17Nwg ua le nuav kuas muaj tav lawvle qhov kws Vaajtswv tau has rua Yaxayas kws yog tug xwbfwb cev Vaajtswv lug tau qha tseg lawm has tas:
18“Tug nuav yog Kuv tug tubkhai kws Kuv xaiv tseg lawm,
Nwg yog tug Kuv hlub, yog tug Kuv txaussab rua.
Kuv yuav pub Kuv tug Ntsujplig lug rua sau Nwg,
hab Nwg yuav qha Kuv txuj kev ncaajnceeg rua txhua tsaav tuabneeg paub. #Yaxaya 42:1-4 (LXX)
19Nwg yuav tsi nrug leejtwg siscaav sistshe hab qw nrov-nrov,
lossis yuav tsi haslug nrov-nrov ntawm tej kev.
20Nwg yuav tsi muab tug lojkov kws ntsoog lawm luv,
lossis yuav tsi tshuab tug teebxeeb kws tub yuav tuag.
Nwg yuav ua sabntev moog txug thaus txuj kev ncaajnceeg kovyeej lawm,
21Hab txhua tsaav tuabneeg yuav vaamkhom Nwg.”
Yexus Hab Npexenpus
(Malakaus 3:20-30; Lukas 11:14-23)
22Tomqaab ntawd muaj tuabneeg coj ib tug txivneej dligmuag hab has tsi tau lug tuaj cuag Yexus, vim nwg raug ib tug dlaab. Yexus khu tug txivneej ntawd zoo, nwg txawm has tau lug hab pumkev lawm. 23Cov tuabneeg kws pum Yexus ua le ntawd, puab xaav tsi thoob le, puab sisnug has tas, “Nwg puas yog Daviv tug Tub?”
24Thaus cov Falixais nov suavdlawg has le ntawd, puab teb tas, “Nwg ntab tau dlaab tawm tub yog Npexenpus kws yog dlaab tug thawj pub fwjchim rua Nwg.” #Math 9:34; 10:25
25Yexus tub paub tej kws puab xaav lawm, Nwg txhaj has rua puab tas, “Lub tebchaws twg kws faib ua paab ua pawg hab muaj kev sis tawmtsaam, tes tsi ntev xwb lub tebchaws ntawd yuav pluj moog. Lub nroog twg lossis tsev tuabneeg twg kws faib ua paab ua pawg hab muaj kev sis tawmtsaam, tes puab yeej yuav tawg taag moog. 26Yogle ntawd, yog Xataas tseem sawv tawmtsaam Xataas hab, tes qha tau has tas nwg raug muab faib lawm, nwg lub tebchaws yuav tawg sai-sai! 27Mej has tas qhov kws Kuv ntab tau dlaab tub yog vim Npexenpus pub fwjchim rua Kuv. Yogle ntawd, leejtwg ho pub fwjchim rua mej cov tuabneeg ntab tau cov dlaab ntawd tawm? Puab ntaag lau, yog cov kws yuav txavtxim rua mej! 28Tsi yog le mej has! Tsi yog Npexenpus tabsis yog Vaajtswv tug Ntsujplig pub fwjchim rua Kuv ntab tau dlaab tawm. Qhov ntawd qha tau rua mej paub tas Vaajtswv lub Tebchaws tub lug txug mej lawm.
29“Tsi muaj leejtwg kws yuav nkaag tau moog rua huv ib tug txivneej kws muajzug lub tsev hab fuab nwg tej khoom tawm moog, yuavtsum yog nwg xub muab tug kws muajzug ntawd khi tsaiv, mas txhaj yuav fuab tau tej khoom huv nwg tsev.
30“Tug kws tsi tuaj Kuv tog, tes yog nwg tawmtsaam Kuv. Tug kws tsi paab Kuv muab sau lug uake, tes yog nwg ua kuas tawg uasaab uasua. #Malak 9:40 31Vimle nuav, Kuv txhaj has rua mej has tas, txhua yaam kev txhum kws tuabneeg ua hab txhua lulug phem kws tuabneeg has,#12:31: Txhua lulug phem kws tuabneeg has; lossis txhua lulug phem kws tuabneeg has tawmtsaam Vaajtswv. Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd. 32Yog leejtwg thuam Tuabneeg Leejtub, Vaajtswv yeej zaamtxim tau, tabsis yog leejtwg thuam Vaaj Ntsujplig tug Dlawbhuv, Vaajtswv yuav tsi zaamtxim rua tug ntawd, tsi has nwgnuav lossis yaav tomntej. #Lukas 12:10
Tsob Ntoo Hab Cov Txiv
(Lukas 6:43-45)
33“Tsob ntoo zoo yeej txi tau cov txiv zoo; tsob ntoo phem yeej txi tau cov txiv phem. Koj yuav paub tas tsob ntoo ntawd zoo lossis phem yog lug ntawm nwg cov txiv. #Math 7:20; Lukas 6:44 34Cov nam naab phem, mej yuav ua lecaag has tau lug zoo, ruaqhov mej yeej yog tuabneeg sabphem! Lub sab xaav puvnpo lecaag tes lub ncauj yeej has tawm lug le ntawd. #Math 3:7; 23:33; Lukas 3:7; Math 15:18; Lukas 6:45 35Tug tuabneeg zoo yeej rhu tau yaam zoo kws nwg tub muab ntim ca rua huv nwg lawm coj lug has; hab tug tuabneeg phem yeej rhu tau yaam phem kws nwg tub muab ntim ca rua huv nwg lawm coj lug has.
36“Kuv qha rua mej has tas thaus txug Nub Txavtxim, mej yuav tau leeg txhua lulug tsi zoo kws mej tau has lug lawm. 37Qhov kws mej yuav raug txim hab tsi raug ntawd, yog nyob ntawm tej lug kws mej has.”
Tuabneeg Xaav Pum Txujci Tseemceeb
(Malakaus 8:11-12; Lukas 11:29-32)
38Cov xwbfwb kws qha Kevcai hab cov Falixais qeeleej tuaj has rua Yexus has tas, “Xwbfwb, peb xaav pum Koj ua ib yaam txujci tseemceeb rua peb saib.” #Math 16:1; Malak 8:11; Lukas 11:16
39Yexus teb tas, “Uacaag cov tuabneeg tam nuav yuav phem hab tsi ncaajnceeg rua Vaajtswv ualuaj le! Mej xaav kuas Kuv ua ib yaam txujci tseemceeb rua mej saib nua lov? Kuv yuav tsi ua! Tuabqhov txujci tseemceeb kws mej yuav pum tes yog Yaunas, kws yog tug xwbfwb cev Vaajtswv lug nkaus xwb. #Math 16:4; Malak 8:12 40Yaunas nyob huv tug ntseg kws luj heev lub plaab tau peb nub peb mos lecaag tes Tuabneeg Leejtub yuav nyob huv nruab aa peb nub peb mos ib yaam le ntawd. #Yauna 1:17 41Thaus txug Nub Txavtxim, cov tuabneeg kws nyob huv lub nroog Nineves yuav sawv lug komtxim rua mej, ruaqhov thaus puab nov Yaunas qha, puab tub tso puab tej kev txhum tseg lawm. Kuv qha rua mej has tas muaj ib tug nyob ntawm nuav tseem muaj fwjchim luj dlua Yaunas hab! #Yauna 3:5 42Thaus txug Nub Txavtxim, tug puj vaajntxwv kws kaav tebchaws Senpas yuav sawv lug komtxim rua mej, ruaqhov nwg taug kev puag tim qaabntuj kawg tuaj noog Vaajntxwv Xalumoos qha txug nwg tej kev txawjntse. Kuv qha rua mej has tas muaj ib tug nyob ntawm nuav tseem muaj fwjchim luj dlua Xalumoos hab! #1Vaaj 10:1-10; 2Xwm 9:1-12
Ntsujplig Phem Rovqaab Lug Nyob Huv Lub Qub Tse
(Lukas 11:24-26)
43“Thaus ib tug ntsujplig phem tawm huv ib tug tuabneeg lub cev moog lawm, nwg txawm moog rua tom roob mojsaab qhua hab nrhav chaw su. Yog nwg nrhav tsi tau, 44nwg yuav has tas, ‘Kuv yuav rovqaab moog rua tom kuv lub qub tse kws kuv tawm tuaj lawm.’ Thaus nwg rov lug txug, uacav lub tsev ntawd khoob lug, cheb dlu-dlav, hab txhua yaam yeej tu tavlog ca lawm. 45Tes nwg txawm moog coj xyaa tug ntsujplig kws tseem phem dlua nwg lug nrug nwg nyob huv lub tsev ntawd. Thaus kawg tug tuabneeg ntawd hajyam txomnyem heev dlua thaus chivthawj. Cov tuabneeg sabphem tam nuav yuav raug kev txomnyem ib yaam le ntawd ntaag.”
Yexus Nam Hab Nwg Cov Kwv
(Malakaus 3:31-35; Lukas 8:19-21)
46Thaus Yexus tseem taabtom qha cov tuabneeg kws nyob ntawd, Nwg nam hab Nwg cov kwv txawm tuaj txug. Puab sawv saabnrau hab puab xaav nrug Yexus thaam. 47Muaj ib tug has rua Yexus has tas, “Koj nam hab Koj cov kwv taabtom sawv saabnrau, puab xaav nrug Koj thaam.”#12:47: Tej phoo ntawv qub kws xuas teg sau tsi muaj nqai 47.
48Yexus teb tas, “Leejtwg yog Kuv nam? Leejtwg yog Kuv cov kwv?” 49Yexus taw teg rua Nwg cov thwjtim hab has tas, “Cov nuav lau, yog Kuv nam hab Kuv cov kwv. 50Tug kws ua lawvle Kuv Txiv kws nyob sau ntuj ceebtsheej lub sab nyam, tug ntawd yog Kuv kwv, Kuv muam, hab yog Kuv nam.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.