Mathais 1
1
Yexus Khetos Cov Yawmkoob
(Lukas 3:23-38)
1Nuav yog Yexus Khetos cov yawmkoob tej npe. Yexus yog Daviv caajceg kws yog Anplahaas le caajceg.
2-6aTxij Anplahaas lug txug rua Vaajntxwv Daviv, cov yawmkoob muaj le nuav: Anplahaas yog Ixaj txiv, Ixaj yog Yakhauj txiv, Yakhauj yog Yudas hab nwg cov kwvtij txiv, Yudas yog Peles hab Xelas txiv (obtug nam yog Tamaj), Pelej yog Hexeloos txiv, Hexeloos yog Laas txiv, Laas yog Aminadas txiv, Aminadas yog Nasoos txiv. Nasoos yog Xamoos txiv, Xamoos yog Npau-am txiv (Npau-am nam yog Lahaj), Npau-am yog Aunpes txiv (Aunpes nam yog Luv), Aunpes yog Yexis txiv, Yexis yog Vaajntxwv Daviv txiv.
6b-11Txij Daviv lug txug rua cov Yixalayees raug nteg moog rua tebchaws Npanpiloos, cov yawmkoob muaj le nuav: Daviv yog Xalumoos txiv (Xalumoos nam yog Uliyas tug quaspuj), Xalumoos yog Lehaunpau-aas txiv, Lehaunpau-aas yog Anpiyas txiv, Anpiyas yog Axas txiv, Axas yog Yehausafas txiv, Yehausafas yog Yehaulaas txiv, Yehaulaas yog Uxiyas txiv, Uxiyas yog Yauthaas txiv, Yauthaas yog Ahaj txiv, Ahaj yog Hexekiyas txiv, Hexekiyas yog Manaxes txiv, Manaxes yog Amoos txiv, Amoos yog Yauxiyas txiv, Yauxiyas yog Yehauyakhees hab nwg cov kwvtij txiv. #2Vaaj 24:14-15; 2Xwm 36:10; Yelemi 27:20
12Txij cov Yixalayees raug nteg moog rua tebchaws Npanpiloos lug txug rua thaus yug Yexus, cov yawmkoob muaj le nuav: Yehauyakhees yog Se-atiyees txiv, Se-atiyees yog Xelunpanpees txiv, 13Xelunpanpees yog Anpius txiv, Anpius yog Eliakees txiv, Eliakees yog Axaus txiv, 14Axaus yog Xadaus txiv, Xadaus yog Akhis txiv, Akhis yog Elius txiv, 15Elius yog Ele-axas txiv, Ele-axas yog Mathaas txiv, Mathaas yog Yakhauj txiv, 16Yakhauj yog Yauxej txiv. Malis kws yog Yexus nam yog Yauxej tug quaspuj. Yexus yog tug kws suavdlawg hu ua tug Mexiyas.
17Yogle ntawd, txij Anplahaas lug txug rua Daviv yog muaj kaum-plaub tam, txij Daviv lug txug cov Yixalayees raug nteg moog rua tebchaws Npanpiloos yog muaj kaum-plaub tam, hab txij cov Yixalayees raug nteg moog rua tebchaws Npanpiloos lug txug thaus yug tug Mexiyas yog muaj kaum-plaub tam.
Yug Yexus Khetos
(Lukas 2:1-7)
18Zaaj kws Yexus Khetos lug yug yog muaj le nuav. Yauxej tub xub qhab Malis kws yog Yexus nam lawm. Tabsis uantej thaus obtug tseem tsi tau sisyuav, Malis tau xeeb Mivnyuas lug ntawm Vaaj Ntsujplig tug Dlawbhuv lawm. #Lukas 1:27 19Yauxej yog ib tug tuabneeg ncaajnceeg, nwg tsi xaav ca Malis poob ntsejmuag, nwg txawm xaav tas nwg yuav thim qhov kev qhab ntawd hab tso Malis tuabywv tseg. 20Thaus nwg tseem taabtom xaav txug zaaj ntawd, tug TSWV ib tug timtswv tau lug tshwm huv npausuav rua nwg hab has tas, “Yauxej, kws yog Daviv le caajceg, koj tsi xob ntshai moog coj Malis lug ua koj tug quaspuj. Ruaqhov Malis xeeb tug Mivnyuas ntawd yog lug ntawm Vaaj Ntsujplig tug Dlawbhuv. 21Malis yuav yug ib tug Mivtub, hab koj yuav tis Nwg lub npe hu ua Yexus, ruaqhov Nwg yuav cawm Nwg tsaav tuabneeg kuas puab dlim puab lub txim.” #Lukas 1:31
22Txhua yaam nuav tshwmsim tub yog muaj lawvle tej lug kws tug Tswv tau qha tseg rua tug xwbfwb cev Vaajtswv lug lawm has tas, 23“Ib tug ntxhais nkaujxwb yuav xeeb Mivnyuas hab yuav yug ib tug Mivtub, hab suavdlawg yuav hu Nwg lub npe has tas Emanuees” (kws txhais has tas, “Vaajtswv nrug peb nyob”). #Yaxaya 7:14 (LXX)
24Thaus Yauxej tsim dlheev lug, nwg txhaj moog coj Malis lug ua nwg quaspuj lawvle tug Tswv tug timtswv tau lug has rua nwg. 25Tabsis nwg yeej tsi nrug Malis pw ua namtxiv moog txug thaus kws Malis yug tug Mivtub ntawd. Yauxej tis Nwg lub npe hu ua Yexus. #Lukas 2:21
Currently Selected:
Mathais 1: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais 1
1
Yexus Khetos Cov Yawmkoob
(Lukas 3:23-38)
1Nuav yog Yexus Khetos cov yawmkoob tej npe. Yexus yog Daviv caajceg kws yog Anplahaas le caajceg.
2-6aTxij Anplahaas lug txug rua Vaajntxwv Daviv, cov yawmkoob muaj le nuav: Anplahaas yog Ixaj txiv, Ixaj yog Yakhauj txiv, Yakhauj yog Yudas hab nwg cov kwvtij txiv, Yudas yog Peles hab Xelas txiv (obtug nam yog Tamaj), Pelej yog Hexeloos txiv, Hexeloos yog Laas txiv, Laas yog Aminadas txiv, Aminadas yog Nasoos txiv. Nasoos yog Xamoos txiv, Xamoos yog Npau-am txiv (Npau-am nam yog Lahaj), Npau-am yog Aunpes txiv (Aunpes nam yog Luv), Aunpes yog Yexis txiv, Yexis yog Vaajntxwv Daviv txiv.
6b-11Txij Daviv lug txug rua cov Yixalayees raug nteg moog rua tebchaws Npanpiloos, cov yawmkoob muaj le nuav: Daviv yog Xalumoos txiv (Xalumoos nam yog Uliyas tug quaspuj), Xalumoos yog Lehaunpau-aas txiv, Lehaunpau-aas yog Anpiyas txiv, Anpiyas yog Axas txiv, Axas yog Yehausafas txiv, Yehausafas yog Yehaulaas txiv, Yehaulaas yog Uxiyas txiv, Uxiyas yog Yauthaas txiv, Yauthaas yog Ahaj txiv, Ahaj yog Hexekiyas txiv, Hexekiyas yog Manaxes txiv, Manaxes yog Amoos txiv, Amoos yog Yauxiyas txiv, Yauxiyas yog Yehauyakhees hab nwg cov kwvtij txiv. #2Vaaj 24:14-15; 2Xwm 36:10; Yelemi 27:20
12Txij cov Yixalayees raug nteg moog rua tebchaws Npanpiloos lug txug rua thaus yug Yexus, cov yawmkoob muaj le nuav: Yehauyakhees yog Se-atiyees txiv, Se-atiyees yog Xelunpanpees txiv, 13Xelunpanpees yog Anpius txiv, Anpius yog Eliakees txiv, Eliakees yog Axaus txiv, 14Axaus yog Xadaus txiv, Xadaus yog Akhis txiv, Akhis yog Elius txiv, 15Elius yog Ele-axas txiv, Ele-axas yog Mathaas txiv, Mathaas yog Yakhauj txiv, 16Yakhauj yog Yauxej txiv. Malis kws yog Yexus nam yog Yauxej tug quaspuj. Yexus yog tug kws suavdlawg hu ua tug Mexiyas.
17Yogle ntawd, txij Anplahaas lug txug rua Daviv yog muaj kaum-plaub tam, txij Daviv lug txug cov Yixalayees raug nteg moog rua tebchaws Npanpiloos yog muaj kaum-plaub tam, hab txij cov Yixalayees raug nteg moog rua tebchaws Npanpiloos lug txug thaus yug tug Mexiyas yog muaj kaum-plaub tam.
Yug Yexus Khetos
(Lukas 2:1-7)
18Zaaj kws Yexus Khetos lug yug yog muaj le nuav. Yauxej tub xub qhab Malis kws yog Yexus nam lawm. Tabsis uantej thaus obtug tseem tsi tau sisyuav, Malis tau xeeb Mivnyuas lug ntawm Vaaj Ntsujplig tug Dlawbhuv lawm. #Lukas 1:27 19Yauxej yog ib tug tuabneeg ncaajnceeg, nwg tsi xaav ca Malis poob ntsejmuag, nwg txawm xaav tas nwg yuav thim qhov kev qhab ntawd hab tso Malis tuabywv tseg. 20Thaus nwg tseem taabtom xaav txug zaaj ntawd, tug TSWV ib tug timtswv tau lug tshwm huv npausuav rua nwg hab has tas, “Yauxej, kws yog Daviv le caajceg, koj tsi xob ntshai moog coj Malis lug ua koj tug quaspuj. Ruaqhov Malis xeeb tug Mivnyuas ntawd yog lug ntawm Vaaj Ntsujplig tug Dlawbhuv. 21Malis yuav yug ib tug Mivtub, hab koj yuav tis Nwg lub npe hu ua Yexus, ruaqhov Nwg yuav cawm Nwg tsaav tuabneeg kuas puab dlim puab lub txim.” #Lukas 1:31
22Txhua yaam nuav tshwmsim tub yog muaj lawvle tej lug kws tug Tswv tau qha tseg rua tug xwbfwb cev Vaajtswv lug lawm has tas, 23“Ib tug ntxhais nkaujxwb yuav xeeb Mivnyuas hab yuav yug ib tug Mivtub, hab suavdlawg yuav hu Nwg lub npe has tas Emanuees” (kws txhais has tas, “Vaajtswv nrug peb nyob”). #Yaxaya 7:14 (LXX)
24Thaus Yauxej tsim dlheev lug, nwg txhaj moog coj Malis lug ua nwg quaspuj lawvle tug Tswv tug timtswv tau lug has rua nwg. 25Tabsis nwg yeej tsi nrug Malis pw ua namtxiv moog txug thaus kws Malis yug tug Mivtub ntawd. Yauxej tis Nwg lub npe hu ua Yexus. #Lukas 2:21
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.