Mathais Lug Tawqha
Lug Tawqha
Phoo Mathais nuav yog qha txug Txuj Moo Zoo kws has tas Yexus yog tug Cawmseej kws Vaajtswv tau coglug tseg lawm; yog tug kws Vaajtswv ua kuas tav rua Nwg tsaav tuabneeg lawvle Vaajtswv tau coglug tseg rua huv Phoo Vaajlugkub Qub. Txuj Moo Zoo nuav tsi yog muab rua tsaav tuabneeg Yudais kws Yexus tau lug yug rua huv hab nrug nyob xwb, tabsis yog muab rua txhua tsaav tuabneeg huv qaabntuj nuav.
Tej lug sau huv phoo ntawv Mathais yeej ua tuabzoo muab tso kuas lawvle sijhawm. Nwg pib thaus yug Yexus, qha txug qhov kws Nwg ua kevcai rausdlej hab raug simsab, dlhau moog rua Nwg tegnum kws yog qhuabqha, cobqha, hab khu mob huv Kalilais. Dlhau ntawd, Txuj Moo Zoo nuav tau has txug Yexus kev ua dlejnum pib ntawm Kalilais moog rua Yeluxalees, has txug tej xwmtxheej kws lug raug Yexus ntawm lub limtam kawg, lug xaus rua qhov kws Yexus raug ntsa rua sau ntoo khaublig hab sawv huv qhovtuag rov lug.
Txuj Moo Zoo nuav qha has tas Yexus yog ib tug Xwbfwb zoo kws Nwg muaj peevxwm txhais Vaajtswv txuj kevcai, hab qha txug Vaajtswv lub Tebchaws. Nwg cov lug qha muab sau zog lug ua tsib zaaj tseemceeb le nuav: (1) zaaj lug Qhuabqha sau Roob kws has txug tug yaamntxwv, tegnum, tej saamxeeb zoo, hab lub chaw xaus ntawm cov pejxeem huv Vaajtswv lub Ntuj Ceebtsheej (tshooj 5-7); (2) tej lug qha rua kaum-ob tug thwjtim kev moog ua dlejnum (tshooj 10); (3) tej lug pevtxwv has txug Vaajtswv lub Ntuj Ceebtsheej (tshooj 13); (4) tej lug qha has txug lub ntsablug ntawm kev ua thwjtim (tshooj 18); hab (5) tej lug qha txug thaus lub nplajteb kawg hab Vaajtswv lub Tebchaws kws yuav lug (tshooj 24-25).
Txheejtxheem
Yexus Khetos cov yawmkoob hab yug Yexus (1:1—2:23)
Yauhaas tug kws muab tuabneeg ua kevcai rausdlej tegnum (3:1-12)
Yexus ua kevcai rausdlej hab raug kev simsab (3:13—4:11)
Yexus taabmeeg ua dlejnum huv Kalilais (4:12—18:35)
Pib ntawm Kalilais moog rua Yeluxalees (19:1—20:34)
Limtam kawg nyob huv hab nyob ze lub nroog Yeluxalees (21:1—27:66)
Yexus kev sawv huv qhovtuag rov lug hab tshwm rua suavdlawg pum (28:1-20)
Currently Selected:
Mathais Lug Tawqha: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Mathais Lug Tawqha
Lug Tawqha
Phoo Mathais nuav yog qha txug Txuj Moo Zoo kws has tas Yexus yog tug Cawmseej kws Vaajtswv tau coglug tseg lawm; yog tug kws Vaajtswv ua kuas tav rua Nwg tsaav tuabneeg lawvle Vaajtswv tau coglug tseg rua huv Phoo Vaajlugkub Qub. Txuj Moo Zoo nuav tsi yog muab rua tsaav tuabneeg Yudais kws Yexus tau lug yug rua huv hab nrug nyob xwb, tabsis yog muab rua txhua tsaav tuabneeg huv qaabntuj nuav.
Tej lug sau huv phoo ntawv Mathais yeej ua tuabzoo muab tso kuas lawvle sijhawm. Nwg pib thaus yug Yexus, qha txug qhov kws Nwg ua kevcai rausdlej hab raug simsab, dlhau moog rua Nwg tegnum kws yog qhuabqha, cobqha, hab khu mob huv Kalilais. Dlhau ntawd, Txuj Moo Zoo nuav tau has txug Yexus kev ua dlejnum pib ntawm Kalilais moog rua Yeluxalees, has txug tej xwmtxheej kws lug raug Yexus ntawm lub limtam kawg, lug xaus rua qhov kws Yexus raug ntsa rua sau ntoo khaublig hab sawv huv qhovtuag rov lug.
Txuj Moo Zoo nuav qha has tas Yexus yog ib tug Xwbfwb zoo kws Nwg muaj peevxwm txhais Vaajtswv txuj kevcai, hab qha txug Vaajtswv lub Tebchaws. Nwg cov lug qha muab sau zog lug ua tsib zaaj tseemceeb le nuav: (1) zaaj lug Qhuabqha sau Roob kws has txug tug yaamntxwv, tegnum, tej saamxeeb zoo, hab lub chaw xaus ntawm cov pejxeem huv Vaajtswv lub Ntuj Ceebtsheej (tshooj 5-7); (2) tej lug qha rua kaum-ob tug thwjtim kev moog ua dlejnum (tshooj 10); (3) tej lug pevtxwv has txug Vaajtswv lub Ntuj Ceebtsheej (tshooj 13); (4) tej lug qha has txug lub ntsablug ntawm kev ua thwjtim (tshooj 18); hab (5) tej lug qha txug thaus lub nplajteb kawg hab Vaajtswv lub Tebchaws kws yuav lug (tshooj 24-25).
Txheejtxheem
Yexus Khetos cov yawmkoob hab yug Yexus (1:1—2:23)
Yauhaas tug kws muab tuabneeg ua kevcai rausdlej tegnum (3:1-12)
Yexus ua kevcai rausdlej hab raug kev simsab (3:13—4:11)
Yexus taabmeeg ua dlejnum huv Kalilais (4:12—18:35)
Pib ntawm Kalilais moog rua Yeluxalees (19:1—20:34)
Limtam kawg nyob huv hab nyob ze lub nroog Yeluxalees (21:1—27:66)
Yexus kev sawv huv qhovtuag rov lug hab tshwm rua suavdlawg pum (28:1-20)
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.