Malakis 2
2
1Tug TSWV kws muaj Fwjchim Luj Kawg Nkaus has rua cov povthawj hlub tas, “Tej lug nuav yog kuv has rua mej: 2Mej yuavtsum fwm Kuv lug ntawm tej dlejnum kws mej ua. Yog mej tsi noog Kuv has, Kuv yuav foom phem rua mej. Kuv yuav foom phem rua tej koobmoov kws mej tau txais. Qhov tseeb, Kuv tub foom phem rua tej ntawd lawm, vim mej yeej tsi ua lawvle Kuv tej lug. 3Kuv yuav rautxim rua mej cov mivnyuas hab yuav muab tej tsaj kws mej coj tuaj tua fij rua Kuv ntawd cov quav pleev mej ntsejmuag, hab Kuv yuav coj mej moog pov rua ntawm qhov chaw kws pov cov tsaj ntawd tej quav. 4Thaus ntawd mej yuav paub tas Kuv tub ceebtoom rua mej lawm, sub Kuv tej lug cogtseg rua cov povthawj hlub kws yog cov Levis caajceg txhaj yuav nyob moog ibtxhis. #Teev 3:11-13
5“Nyob rua huv Kuv tej lug cogtseg, Kuv tau coglug tas Kuv yuav pub kuas puab muaj sa ntev hab nyob kaajsab lug; tes Kuv txawm pub tej nuav rua puab sub puab txhaj fwm Kuv. Thaus ntawd puab puavleej fwm hab ntshai Kuv kawg le. #Teev 25:12 6Puab qha qhov tseeb xwb, yeej tsi laam qha tej tsi tseeb le. Puab ua neej nrug Kuv sis raugzoo; tsi yog puab coj ncaaj xwb, tabsis puab tseem paab tau coob leej tso txuj kev ua phem tseg hab. 7Cov povthawj hlub tegnum yog qha kuas suavdlawg paub Vaajtswv tseeb. Tsimnyog tej tuabneeg moog cuag puab kws yog moog kawm txug Kuv tug dlejsab, ruaqhov puab yog cov kws cev tug TSWV kws muaj Fwjchim Luj Kawg Nkaus tej lug.
8“Tabsis nwgnuav mej cov kws yog cov povthawj hlub tau tso txuj kev tseeb tseg lawm. Tej lug kws mej qha tub ua rua coob leej moog ua txhum lawm. Mej tau rhuav tej lug kws Kuv cogtseg rua mej lawm. 9Yogle ntawd, Kuv yuav ua kuas cov Yixalayees saib tsi taug mej, ruaqhov mej tsi ua lawvle Kuv tug dlejsab, hab thaus mej qha Kuv tsaav tuabneeg, mej tseem saib ntsej saib muag qha hab.”
Cov Tuabneeg Tsi Ncaajnceeg Rua Vaajtswv
10Puas yog peb suavdlawg koom tuableeg txiv xwb? Puas yog tuabtug Vaajtswv tsim peb suavdlawg xwb? Vim lecaag peb rhuav tej lug cogtseg kws peb ib leeg muaj rua ib leeg? Hab vim lecaag peb txhaj thuam tej lug kws Vaajtswv tau cogtseg rua peb cov yawmkoob lawm? 11Cov Yudais tau coj tsi ncaajnceeg lawvle puab tej lug cogtseg rua Vaajtswv lawm. Puab tau ua tej kev phem kev qas nyob huv lub nroog Yeluxalees hab thoobplawg huv lub tebchaws. Puab tau ua rua lub Tuamtsev kws tug TSWV hlub kawg nkaus tsi huv lawm. Cov txivneej tau moog yuav tej ntxhais kws pe lwmtsaav tuabneeg tej nyuas vaajtswv lug ua quaspuj. 12Thov tug TSWV muab cov tuabneeg kws ua le ntawd tshem tawm huv cov Yixalayees moog kuas taag, hab tsi xob pub puab nrug peb tsaav tuabneeg koom coj tej khoom tuaj fij rua tug TSWV kws muaj Fwjchim Luj Kawg Nkaus ntxiv le lawm.#2:12: Ib phoo ntawv qub-qub thaus u sau has tas Thov… ntxiv le lawm; paub tsi meej tas lug Henplais yog txhais lecaag tag txug qhov nuav.
13Muaj dlua ib yaam kws mej ua. Mej tuaj quaj ua kuamuag nyaab tug TSWV lub thaaj taag, ruaqhov Nwg tsi yuav tej khoom kws mej coj tuaj fij rua Nwg. 14Mej tseem nug has tas vim lecaag Nwg txhaj tsi yuav tej khoom fij ntawd? Nwg tsi yuav ruaqhov Nwg paub tas koj tsi ua lawvle tej lug cogtseg rua tug quaspuj kws koj yuav thaus koj tseem hluas. Nwg yog koj tug txwjnkawm, txawm yog koj tau coglug rua Vaajtswv tas koj yuav ncaajnceeg rua nwg los koj tseem rhuav tej lug kws koj tau cogtseg rua nwg hab. 15Vaajtswv tsi yog tug kws muab koj lug koom ua ib lub cev hab ib lub sab nrug nwg lov?#2:15: Nqai nuav sau has tas Vaajtswv tsi yog… nwg lov; paub tsi meej tas lug Henplais yog txhais lecaag tag txug qhov nuav. Vim lecaag Vaajtswv txhaj ua le nuav? Tub yog Nwg xaav kuas meb muaj tub muaj ki kws yog Vaajtswv tsaav tuabneeg tag. Yogle ntawd, mej yuavtsum ncaajnceeg rua tug quaspuj kws mej yuav thaus mej tseem hluas. 16Tug TSWV kws yog cov Yixalayees tug Vaajtswv has tas, “Kuv ntxub txuj kev sisnrauj! Kuv ntxub thaus kws muaj ib tug twg ua phem le ntawd rua nwg tug quaspuj. Yogle ntawd mej yuavtsum ncuntsoov tsi xob rhuav mej tej lug cogtseg kws has tas mej yuav ncaajnceeg rua mej tug quaspuj.”
Nub Vaajtswv Txavtxim Lug Ze lawm
17Mej tej lug ua rua tug TSWV dlhuavsab kawg le. Tabsis mej tseem nug has tas, “Peb ua rua Nwg dlhuavsab lecaag?” Mej ua rua Nwg dlhuavsab lug ntawm qhov kws mej has tas, “Tug TSWV kws muaj Fwjchim Luj Kawg Nkaus xaav tas txhua tug kws ua phem puavleej yog tuabneeg zoo, hab Nwg yeej txaussab rua puab.” Lossis mej nug has tas, “Vaajtswv tug kws ncaajnceeg nyob qhovtwg?”
Currently Selected:
Malakis 2: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Malakis 2
2
1Tug TSWV kws muaj Fwjchim Luj Kawg Nkaus has rua cov povthawj hlub tas, “Tej lug nuav yog kuv has rua mej: 2Mej yuavtsum fwm Kuv lug ntawm tej dlejnum kws mej ua. Yog mej tsi noog Kuv has, Kuv yuav foom phem rua mej. Kuv yuav foom phem rua tej koobmoov kws mej tau txais. Qhov tseeb, Kuv tub foom phem rua tej ntawd lawm, vim mej yeej tsi ua lawvle Kuv tej lug. 3Kuv yuav rautxim rua mej cov mivnyuas hab yuav muab tej tsaj kws mej coj tuaj tua fij rua Kuv ntawd cov quav pleev mej ntsejmuag, hab Kuv yuav coj mej moog pov rua ntawm qhov chaw kws pov cov tsaj ntawd tej quav. 4Thaus ntawd mej yuav paub tas Kuv tub ceebtoom rua mej lawm, sub Kuv tej lug cogtseg rua cov povthawj hlub kws yog cov Levis caajceg txhaj yuav nyob moog ibtxhis. #Teev 3:11-13
5“Nyob rua huv Kuv tej lug cogtseg, Kuv tau coglug tas Kuv yuav pub kuas puab muaj sa ntev hab nyob kaajsab lug; tes Kuv txawm pub tej nuav rua puab sub puab txhaj fwm Kuv. Thaus ntawd puab puavleej fwm hab ntshai Kuv kawg le. #Teev 25:12 6Puab qha qhov tseeb xwb, yeej tsi laam qha tej tsi tseeb le. Puab ua neej nrug Kuv sis raugzoo; tsi yog puab coj ncaaj xwb, tabsis puab tseem paab tau coob leej tso txuj kev ua phem tseg hab. 7Cov povthawj hlub tegnum yog qha kuas suavdlawg paub Vaajtswv tseeb. Tsimnyog tej tuabneeg moog cuag puab kws yog moog kawm txug Kuv tug dlejsab, ruaqhov puab yog cov kws cev tug TSWV kws muaj Fwjchim Luj Kawg Nkaus tej lug.
8“Tabsis nwgnuav mej cov kws yog cov povthawj hlub tau tso txuj kev tseeb tseg lawm. Tej lug kws mej qha tub ua rua coob leej moog ua txhum lawm. Mej tau rhuav tej lug kws Kuv cogtseg rua mej lawm. 9Yogle ntawd, Kuv yuav ua kuas cov Yixalayees saib tsi taug mej, ruaqhov mej tsi ua lawvle Kuv tug dlejsab, hab thaus mej qha Kuv tsaav tuabneeg, mej tseem saib ntsej saib muag qha hab.”
Cov Tuabneeg Tsi Ncaajnceeg Rua Vaajtswv
10Puas yog peb suavdlawg koom tuableeg txiv xwb? Puas yog tuabtug Vaajtswv tsim peb suavdlawg xwb? Vim lecaag peb rhuav tej lug cogtseg kws peb ib leeg muaj rua ib leeg? Hab vim lecaag peb txhaj thuam tej lug kws Vaajtswv tau cogtseg rua peb cov yawmkoob lawm? 11Cov Yudais tau coj tsi ncaajnceeg lawvle puab tej lug cogtseg rua Vaajtswv lawm. Puab tau ua tej kev phem kev qas nyob huv lub nroog Yeluxalees hab thoobplawg huv lub tebchaws. Puab tau ua rua lub Tuamtsev kws tug TSWV hlub kawg nkaus tsi huv lawm. Cov txivneej tau moog yuav tej ntxhais kws pe lwmtsaav tuabneeg tej nyuas vaajtswv lug ua quaspuj. 12Thov tug TSWV muab cov tuabneeg kws ua le ntawd tshem tawm huv cov Yixalayees moog kuas taag, hab tsi xob pub puab nrug peb tsaav tuabneeg koom coj tej khoom tuaj fij rua tug TSWV kws muaj Fwjchim Luj Kawg Nkaus ntxiv le lawm.#2:12: Ib phoo ntawv qub-qub thaus u sau has tas Thov… ntxiv le lawm; paub tsi meej tas lug Henplais yog txhais lecaag tag txug qhov nuav.
13Muaj dlua ib yaam kws mej ua. Mej tuaj quaj ua kuamuag nyaab tug TSWV lub thaaj taag, ruaqhov Nwg tsi yuav tej khoom kws mej coj tuaj fij rua Nwg. 14Mej tseem nug has tas vim lecaag Nwg txhaj tsi yuav tej khoom fij ntawd? Nwg tsi yuav ruaqhov Nwg paub tas koj tsi ua lawvle tej lug cogtseg rua tug quaspuj kws koj yuav thaus koj tseem hluas. Nwg yog koj tug txwjnkawm, txawm yog koj tau coglug rua Vaajtswv tas koj yuav ncaajnceeg rua nwg los koj tseem rhuav tej lug kws koj tau cogtseg rua nwg hab. 15Vaajtswv tsi yog tug kws muab koj lug koom ua ib lub cev hab ib lub sab nrug nwg lov?#2:15: Nqai nuav sau has tas Vaajtswv tsi yog… nwg lov; paub tsi meej tas lug Henplais yog txhais lecaag tag txug qhov nuav. Vim lecaag Vaajtswv txhaj ua le nuav? Tub yog Nwg xaav kuas meb muaj tub muaj ki kws yog Vaajtswv tsaav tuabneeg tag. Yogle ntawd, mej yuavtsum ncaajnceeg rua tug quaspuj kws mej yuav thaus mej tseem hluas. 16Tug TSWV kws yog cov Yixalayees tug Vaajtswv has tas, “Kuv ntxub txuj kev sisnrauj! Kuv ntxub thaus kws muaj ib tug twg ua phem le ntawd rua nwg tug quaspuj. Yogle ntawd mej yuavtsum ncuntsoov tsi xob rhuav mej tej lug cogtseg kws has tas mej yuav ncaajnceeg rua mej tug quaspuj.”
Nub Vaajtswv Txavtxim Lug Ze lawm
17Mej tej lug ua rua tug TSWV dlhuavsab kawg le. Tabsis mej tseem nug has tas, “Peb ua rua Nwg dlhuavsab lecaag?” Mej ua rua Nwg dlhuavsab lug ntawm qhov kws mej has tas, “Tug TSWV kws muaj Fwjchim Luj Kawg Nkaus xaav tas txhua tug kws ua phem puavleej yog tuabneeg zoo, hab Nwg yeej txaussab rua puab.” Lossis mej nug has tas, “Vaajtswv tug kws ncaajnceeg nyob qhovtwg?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.