Malakis 1
1
1Nuav yog cov lug kws tug TSWV has rua Malakis kuas nwg coj moog qha rua cov Yixalayees.
Tug TSWV Txuj Kev Hlub Rua Cov Yixalayees
2Tug TSWV has rua Nwg tsaav tuabneeg tas, “Kuv yeej ibtxwm hlub mej.”
Tabsis puab nug has tas, “Koj hlub peb lecaag?”
Tug TSWV teb tas, “Exaus hab Yakhauj yog ob kwvtij, tabsis Kuv hlub Yakhauj hab nwg caajceg, 3Kuv ntxub Exaus hab nwg caajceg. Kuv muab Exaus lub ncov roob rhuav kuas puamtsuaj hab muab nwg lub tebchaws tsotseg rua tej maa nyob.” #Loos 9:13
4Exaus caajceg kws yog cov Edoos yuav has tas, “Peb tej moos raug puamtsuaj taag lawm tabsis peb yuav rov txhimkhu dlua tshab.” Tabsis tug TSWV yuav teb tas, “Ca puab yijmeem txhimkhu dlua tshab ntaag. Kuv yuav rov muab rhuav povtseg dlua. Tej tuabneeg yuav hu puab has tas, ‘Lub tebchaws phem’ hab ‘Tsaav tuabneeg kws tug TSWV chim rua puab moog ibtxhis.’ ”
5Cov tuabneeg Yixalayees lub qhovmuag yuav pum tej xwmtxheej ntawd, hab puab yuav has tas, “Txawm yog dlhau ntawm cov Yixalayees tug nrim tebchaws lawm los tug TSWV tseem muaj Fwjchim Luj Kawg Nkaus.” #Yaxaya 34:5-17; 63:1-6; Yelemi 49:7-22; Exek 25:12-14; 35:1-15; Amaus 1:11-12; Aunpa 1-14
Tug TSWV Rautxim Rua Cov Povthawj Hlub
6Tug TSWV kws muaj Fwjchim Luj Kawg Nkaus has rua cov povthawj hlub tas, “Tug tub yeej fwm leejtxiv, hab tug qhev yeej fwm nwg tug tswv. Kuv yog mej Txiv, vim lecaag mej tsi fwm Kuv? Kuv yog mej tug TSWV, vim lecaag mej tsi fwm Kuv? Mej saib tsi taug Kuv hab mej tseem nug has tas, ‘Peb saib tsi taug Koj lecaag?’ 7Qhov mej saib tsi taug kuv yog le nuav—mej muab tej zaub-mov kws tsi huv coj moog fij rua sau Kuv lub thaaj. Tabsis mej tseem nug has tas, ‘Peb tsi fwm Koj lecaag?’ Kuv yuav qha qhov kws mej ua saib tsi taug Kuv lub thaaj rua mej. 8Thaus mej coj tej tsaj dligmuag lossis muaj mob lossis cegtawv tuaj tua fij rua Kuv, mej xaav tas ua le ntawd tsi txhum nua lov? Mej sim coj cov tsaj zoo le ntawd moog pub rua tug tswvxeev seb! Nwg puas yuav zoosab lossis txaussab rua mej?” #2Kev 15:21
9Zagnua, mej cov kws yog povthawj hlub, mej sim thov kuas Vaajtswv taabncuab peb seb. Yog mej nqaa tej khoom fij zoo le ntawd moog rua Vaajtswv, mej xaav tas Nwg yuav txaussab rua mej nua lov? 10Tug TSWV kws muaj Fwjchim Luj Kawg Nkaus has tas, “Kuv xaav kuas mej ib tug moog muab lub Tuamtsev tej qhovrooj kaw, tsi pub mej laam moog rauv tawg tsi muaj qaabhau rua sau Kuv lub thaaj. Kuv tsi txaussab rua mej; Kuv yuav tsi leeg tej khoom kws mej coj tuaj fij rua Kuv ntawd. 11Tej tuabneeg nyob thoob nplajteb puavleej fwm Kuv lub npe. Puab hlawv tshuaj tswqaab txhua qhov fij rua Kuv hab muab tej khoom kws txaus Kuv sab fij rua Kuv xwb. Puab suavdlawg puavleej fwm Kuv! 12Tabsis thaus mej has tas Kuv lub thaaj tsi huv hab thaus mej nqaa tej zaub-mov kws mej saib tsi taug coj tuaj fij rua sau Kuv lub thaaj, tub yog mej tsi fwm Kuv ntaag. 13Mej has tas, ‘Peb dlhuav tej nuav kawg nkaus le!’ hab mej cale tsaa ntswg rua Kuv. Vimle ntawd mej txhaj coj tej tsaj kws mej moog nyag lug lossis tej tsaj luv ceg lossis tej tsaj muaj mob tuaj fij rua Kuv. Mej xaav tas Kuv yuav leeg yuav tej ntawd nua lov? 14Kuv yuav foom phem rua tug tuabneeg dlaag kws tau coglug tas nwg yuav muab nwg paab tsaj tug kws zoo tshaajplawg fij rua Kuv, tabsis nwg muab tug kws phem tshaajplawg tuaj fij rua Kuv xwb. Kuv yog tug Vaajntxwv kws muaj Fwjchim Luj Kawg Nkaus hab txhua tsaav tuabneeg puavleej fwm Kuv lub npe.”
Currently Selected:
Malakis 1: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Malakis 1
1
1Nuav yog cov lug kws tug TSWV has rua Malakis kuas nwg coj moog qha rua cov Yixalayees.
Tug TSWV Txuj Kev Hlub Rua Cov Yixalayees
2Tug TSWV has rua Nwg tsaav tuabneeg tas, “Kuv yeej ibtxwm hlub mej.”
Tabsis puab nug has tas, “Koj hlub peb lecaag?”
Tug TSWV teb tas, “Exaus hab Yakhauj yog ob kwvtij, tabsis Kuv hlub Yakhauj hab nwg caajceg, 3Kuv ntxub Exaus hab nwg caajceg. Kuv muab Exaus lub ncov roob rhuav kuas puamtsuaj hab muab nwg lub tebchaws tsotseg rua tej maa nyob.” #Loos 9:13
4Exaus caajceg kws yog cov Edoos yuav has tas, “Peb tej moos raug puamtsuaj taag lawm tabsis peb yuav rov txhimkhu dlua tshab.” Tabsis tug TSWV yuav teb tas, “Ca puab yijmeem txhimkhu dlua tshab ntaag. Kuv yuav rov muab rhuav povtseg dlua. Tej tuabneeg yuav hu puab has tas, ‘Lub tebchaws phem’ hab ‘Tsaav tuabneeg kws tug TSWV chim rua puab moog ibtxhis.’ ”
5Cov tuabneeg Yixalayees lub qhovmuag yuav pum tej xwmtxheej ntawd, hab puab yuav has tas, “Txawm yog dlhau ntawm cov Yixalayees tug nrim tebchaws lawm los tug TSWV tseem muaj Fwjchim Luj Kawg Nkaus.” #Yaxaya 34:5-17; 63:1-6; Yelemi 49:7-22; Exek 25:12-14; 35:1-15; Amaus 1:11-12; Aunpa 1-14
Tug TSWV Rautxim Rua Cov Povthawj Hlub
6Tug TSWV kws muaj Fwjchim Luj Kawg Nkaus has rua cov povthawj hlub tas, “Tug tub yeej fwm leejtxiv, hab tug qhev yeej fwm nwg tug tswv. Kuv yog mej Txiv, vim lecaag mej tsi fwm Kuv? Kuv yog mej tug TSWV, vim lecaag mej tsi fwm Kuv? Mej saib tsi taug Kuv hab mej tseem nug has tas, ‘Peb saib tsi taug Koj lecaag?’ 7Qhov mej saib tsi taug kuv yog le nuav—mej muab tej zaub-mov kws tsi huv coj moog fij rua sau Kuv lub thaaj. Tabsis mej tseem nug has tas, ‘Peb tsi fwm Koj lecaag?’ Kuv yuav qha qhov kws mej ua saib tsi taug Kuv lub thaaj rua mej. 8Thaus mej coj tej tsaj dligmuag lossis muaj mob lossis cegtawv tuaj tua fij rua Kuv, mej xaav tas ua le ntawd tsi txhum nua lov? Mej sim coj cov tsaj zoo le ntawd moog pub rua tug tswvxeev seb! Nwg puas yuav zoosab lossis txaussab rua mej?” #2Kev 15:21
9Zagnua, mej cov kws yog povthawj hlub, mej sim thov kuas Vaajtswv taabncuab peb seb. Yog mej nqaa tej khoom fij zoo le ntawd moog rua Vaajtswv, mej xaav tas Nwg yuav txaussab rua mej nua lov? 10Tug TSWV kws muaj Fwjchim Luj Kawg Nkaus has tas, “Kuv xaav kuas mej ib tug moog muab lub Tuamtsev tej qhovrooj kaw, tsi pub mej laam moog rauv tawg tsi muaj qaabhau rua sau Kuv lub thaaj. Kuv tsi txaussab rua mej; Kuv yuav tsi leeg tej khoom kws mej coj tuaj fij rua Kuv ntawd. 11Tej tuabneeg nyob thoob nplajteb puavleej fwm Kuv lub npe. Puab hlawv tshuaj tswqaab txhua qhov fij rua Kuv hab muab tej khoom kws txaus Kuv sab fij rua Kuv xwb. Puab suavdlawg puavleej fwm Kuv! 12Tabsis thaus mej has tas Kuv lub thaaj tsi huv hab thaus mej nqaa tej zaub-mov kws mej saib tsi taug coj tuaj fij rua sau Kuv lub thaaj, tub yog mej tsi fwm Kuv ntaag. 13Mej has tas, ‘Peb dlhuav tej nuav kawg nkaus le!’ hab mej cale tsaa ntswg rua Kuv. Vimle ntawd mej txhaj coj tej tsaj kws mej moog nyag lug lossis tej tsaj luv ceg lossis tej tsaj muaj mob tuaj fij rua Kuv. Mej xaav tas Kuv yuav leeg yuav tej ntawd nua lov? 14Kuv yuav foom phem rua tug tuabneeg dlaag kws tau coglug tas nwg yuav muab nwg paab tsaj tug kws zoo tshaajplawg fij rua Kuv, tabsis nwg muab tug kws phem tshaajplawg tuaj fij rua Kuv xwb. Kuv yog tug Vaajntxwv kws muaj Fwjchim Luj Kawg Nkaus hab txhua tsaav tuabneeg puavleej fwm Kuv lub npe.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.