Levis Kevcai 20
20
Rautxim Rua Tug Tsi Nooglug
1Tug TSWV has rua Mauxes 2kuas cale has rua cov Yixalayees tas, “Mej cov Yixalayees txhua tug lossis cov tuabneeg txawv tebchaws kws nrug mej nyob uake, yog leejtwg muab nwg cov mivnyuas coj moog txi rua Maulej, tes kuas taagnrho tej tuabneeg zejzog muab pobzeb ntaus tug ntawd kuas tuag moog. 3Yog leejtwg muab nwg ib tug mivnyuas txi rua Maulej hab ua rua Kuv lub Tsevntaub kws dlawbhuv tsi huv lawm, hab ua rua Kuv lub npe dlawbhuv raug thuam, Kuv yuav tawmtsaam nwg hab muab nwg rhu tawm ntawm Kuv tsaav tuabneeg moog. 4Tabsis yog cov pejxeem cale tsi quavntsej tug kws muab nwg tug mivnyuas txi rua Maulej hab tsi muab tug ntawd tua kuas tuag, 5Kuv yuav tawmtsaam tug ntawd hab nwg tsev tuabneeg, hab tawmtsaam taagnrho cov tuabneeg kws koomsab nrug nwg ua tsi ncaajnceeg rua Kuv es moog pehawm Maulej. Kuv yuav muab puab rhu tawm ntawm Kuv tsaav tuabneeg moog.
6“Yog mej leejtwg moog saib neeb saib yaig tuav tswvyim nrug tej ntsuj tuag, Kuv yuav tawmtsaam tug ntawd hab yuav muab nwg rhu tawm ntawm Kuv tsaav tuabneeg moog. 7Mej yuavtsum ua tuabneeg dlawbhuv, ruaqhov Kuv yog tug TSWV kws yog mej tug Vaajtswv. 8Yuavtsum ua lawvle Kuv tej kevcai, ruaqhov Kuv yog tug TSWV hab yog tug ua kuas mej dlawbhuv.
9“Yog leejtwg foom phem nwg nam nwg txiv, yuavtsum muab tug ntawd tua kuas tuag; nwg cov ntshaav txhaj poob rua sau nwg lub taubhau. #Tsiv 21:17; Math 15:4; Malak 7:10
10“Yog ib tug txivneej twg moog dleev nwg tug kwvtij zejzog tug quaspuj, tes yuavtsum muab ob tug kws sisdleev ntawd tua kuas tuag. #Tsiv 20:14; Levi 18:20; 2Kev 5:18 11Yog ib tug txivneej twg dleev nwg txiv tug quaspuj, yog nwg ua saib tsi taug nwg txiv, yuavtsum muab ob tug kws sisdleev ntawd tua kuas tuag. Obtug yuavtsum ris obtug lub txim tuag ntawd le ntshaav yuav poob rua sau obtug taubhau. #Levi 18:8; 2Kev 22:30; 27:20
12“Yog ib tug txivneej twg dleev nwg tug nyaab, yuavtsum muab obtug tua kuas tuag. Vim obtug tau ua txhum cai luj heev, obtug le ntshaav yuav poob rua sau obtug taubhau. #Levi 18:15 13Yog ib tug txivneej twg rov dleev ib tug txivneej, tes yog obtug ua yaam kws qas vuabtsuab kawg nkaus, yuavtsum muab obtug tua kuas tuag; obtug le ntshaav yuav poob rua sau obtug taubhau. #Levi 18:22
14“Yog ib tug txivneej twg yuav ib tug quaspuj hab tseem yuav tug quaspuj ntawd leejnam lug ua nwg tug quaspuj hab, qhov kws puab ua le ntawd yog ib yaam kws phem qas heev, yuavtsum muab puab peb leeg hlawv kuas tuag, txhaj yuav tsi muaj txuj kev phem kev qas nuav nyob huv mej lub tebchaws. #Levi 18:17; 2Kev 27:23 15Yog ib tug txivneej twg dleev ib tug tsaj, yuavtsum muab nwg hab tug tsaj ntawd tua kuas tuag. #Tsiv 22:19; Levi 18:23; 2Kev 27:21 16Yog ib tug quaspuj twg npaajsab moog rua ntawm tug tsaj hab xaav dleev nrug tug tsaj ntawd, yuavtsum muab nwg hab tug tsaj ntawd tua kuas tuag; obtug le ntshaav yuav poob rua sau obtug taubhau.
17“Yog ib tug txivneej twg yuav nwg tug muam lug ua quaspuj, txawm tug muam ntawd yog koom nam koom txiv hab tsi koom los xij, qhov ntawd yog ib yaam kws phem qas heev. Obtug yuavtsum raug muab ntab tawm timntsej timmuag ntawm suavdlawg moog. Qhov kws nwg dleev nwg tug muam ntawd yog nwg ua saib tsi taug nwg tug muam, yogle ntawd nwg txhaj yuavtsum raug txim. #Levi 18:9; 2Kev 27:22 18Yog ib tug txivneej twg nrug ib tug quaspuj pw thaus tug quaspuj ntawd taabtom coj khaubdluag, yuavtsum muab obtug ntab tawm ntawm suavdlawg moog, ruaqhov obtug tau ua txhum tej kevcai kws has txug kev ua tsi huv lawm. #Levi 18:19
19“Yog ib tug txivneej twg dleev nwg nam ib tug vivncaug lossis nwg txiv ib tug muam, obtug yuavtsum raug txim vim yog txheebze. 20Yog ib tug txivneej twg moog dleev nwg tug yawmlaug lossis nwg tug txivntxawm tug quaspuj, yog nwg ua saib tsi taug nwg tug yawmlaug lossis nwg tug txivntxawm, obtug yuavtsum raug txim; hab obtug yuav tsi muaj mivnyuas moog txug nub tuag. #Levi 18:12-14 21Yog ib tug txivneej twg txeeb nwg tug kwvtij tug quaspuj yuav, yaam ntawd yog ib yaam kws tsi dlawbhuv; vim nwg ua saib tsi taug nwg tug kwvtij ntawd, obtug yuav tsi muaj mivnyuas moog txug nub tuag.” #Levi 18:16
22Tug TSWV has tas, “Mej yuavtsum ceev taagnrho Kuv tej kevcai hab Kuv tej lug xaaj, mej txhaj yuav tsi raug dlaim aav Kana-aas ntawd muab mej ntab tawm huv lub tebchaws kws Kuv yuav muab rua mej moog nyob ntawd moog. 23Tsi xob moog coj cov tuabneeg kws nyob huv lub tebchaws ntawd tej kevcai; Kuv yuav muab cov tuabneeg ntawd ntab tawm moog, sub mej txhaj tau moog nyob huv lub tebchaws ntawd. Vim puab pheej ua tej kev phem kev qas ntawd Kuv txhaj ntxub puab heev. 24Tabsis Kuv tau coglug muab lub tebchaws kws muaj kua mig hab zib ntaab rua mej ua mej tug moog le. Kuv yog tug TSWV, kws yog mej tug Vaajtswv. Kuv tau muab mej cais tawm ntawm lwmtsaav tuabneeg moog lawm.
25“Yogle ntawd, mej yuavtsum ua tuabzoo saib tej tsaj hab tej noog seb yaam twg huv hab yaam twg tsi huv. Tsi xob noj tej tsaj lossis tej noog lossis tej kws ndlaug huv aav kws Kuv tau suav has tas tsi huv lawm. Kuv tub qha tej tsaj tsi huv rua mej lawm, yog mej noj tej tsaj ntawd yuav ua rua mej tsi huv. 26Mej yuavtsum ua tuabneeg dlawbhuv rua Kuv, ruaqhov Kuv yog tug TSWV hab yog tug kws dlawbhuv. Kuv tau xaiv mej tawm ntawm lwmtsaav tuabneeg lug ua Kuv tug nkaus xwb.
27“Tug txivneej lossis tug quaspuj twg kws saib neeb saib yaig tuav tswvyim nrug tej ntsuj tuag, yuavtsum muab pobzeb ntaus nwg kuas tuag. Tug kws ua tej nuav nwg le ntshaav yuav poob rua sau nwg taubhau.”
Currently Selected:
Levis Kevcai 20: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 20
20
Rautxim Rua Tug Tsi Nooglug
1Tug TSWV has rua Mauxes 2kuas cale has rua cov Yixalayees tas, “Mej cov Yixalayees txhua tug lossis cov tuabneeg txawv tebchaws kws nrug mej nyob uake, yog leejtwg muab nwg cov mivnyuas coj moog txi rua Maulej, tes kuas taagnrho tej tuabneeg zejzog muab pobzeb ntaus tug ntawd kuas tuag moog. 3Yog leejtwg muab nwg ib tug mivnyuas txi rua Maulej hab ua rua Kuv lub Tsevntaub kws dlawbhuv tsi huv lawm, hab ua rua Kuv lub npe dlawbhuv raug thuam, Kuv yuav tawmtsaam nwg hab muab nwg rhu tawm ntawm Kuv tsaav tuabneeg moog. 4Tabsis yog cov pejxeem cale tsi quavntsej tug kws muab nwg tug mivnyuas txi rua Maulej hab tsi muab tug ntawd tua kuas tuag, 5Kuv yuav tawmtsaam tug ntawd hab nwg tsev tuabneeg, hab tawmtsaam taagnrho cov tuabneeg kws koomsab nrug nwg ua tsi ncaajnceeg rua Kuv es moog pehawm Maulej. Kuv yuav muab puab rhu tawm ntawm Kuv tsaav tuabneeg moog.
6“Yog mej leejtwg moog saib neeb saib yaig tuav tswvyim nrug tej ntsuj tuag, Kuv yuav tawmtsaam tug ntawd hab yuav muab nwg rhu tawm ntawm Kuv tsaav tuabneeg moog. 7Mej yuavtsum ua tuabneeg dlawbhuv, ruaqhov Kuv yog tug TSWV kws yog mej tug Vaajtswv. 8Yuavtsum ua lawvle Kuv tej kevcai, ruaqhov Kuv yog tug TSWV hab yog tug ua kuas mej dlawbhuv.
9“Yog leejtwg foom phem nwg nam nwg txiv, yuavtsum muab tug ntawd tua kuas tuag; nwg cov ntshaav txhaj poob rua sau nwg lub taubhau. #Tsiv 21:17; Math 15:4; Malak 7:10
10“Yog ib tug txivneej twg moog dleev nwg tug kwvtij zejzog tug quaspuj, tes yuavtsum muab ob tug kws sisdleev ntawd tua kuas tuag. #Tsiv 20:14; Levi 18:20; 2Kev 5:18 11Yog ib tug txivneej twg dleev nwg txiv tug quaspuj, yog nwg ua saib tsi taug nwg txiv, yuavtsum muab ob tug kws sisdleev ntawd tua kuas tuag. Obtug yuavtsum ris obtug lub txim tuag ntawd le ntshaav yuav poob rua sau obtug taubhau. #Levi 18:8; 2Kev 22:30; 27:20
12“Yog ib tug txivneej twg dleev nwg tug nyaab, yuavtsum muab obtug tua kuas tuag. Vim obtug tau ua txhum cai luj heev, obtug le ntshaav yuav poob rua sau obtug taubhau. #Levi 18:15 13Yog ib tug txivneej twg rov dleev ib tug txivneej, tes yog obtug ua yaam kws qas vuabtsuab kawg nkaus, yuavtsum muab obtug tua kuas tuag; obtug le ntshaav yuav poob rua sau obtug taubhau. #Levi 18:22
14“Yog ib tug txivneej twg yuav ib tug quaspuj hab tseem yuav tug quaspuj ntawd leejnam lug ua nwg tug quaspuj hab, qhov kws puab ua le ntawd yog ib yaam kws phem qas heev, yuavtsum muab puab peb leeg hlawv kuas tuag, txhaj yuav tsi muaj txuj kev phem kev qas nuav nyob huv mej lub tebchaws. #Levi 18:17; 2Kev 27:23 15Yog ib tug txivneej twg dleev ib tug tsaj, yuavtsum muab nwg hab tug tsaj ntawd tua kuas tuag. #Tsiv 22:19; Levi 18:23; 2Kev 27:21 16Yog ib tug quaspuj twg npaajsab moog rua ntawm tug tsaj hab xaav dleev nrug tug tsaj ntawd, yuavtsum muab nwg hab tug tsaj ntawd tua kuas tuag; obtug le ntshaav yuav poob rua sau obtug taubhau.
17“Yog ib tug txivneej twg yuav nwg tug muam lug ua quaspuj, txawm tug muam ntawd yog koom nam koom txiv hab tsi koom los xij, qhov ntawd yog ib yaam kws phem qas heev. Obtug yuavtsum raug muab ntab tawm timntsej timmuag ntawm suavdlawg moog. Qhov kws nwg dleev nwg tug muam ntawd yog nwg ua saib tsi taug nwg tug muam, yogle ntawd nwg txhaj yuavtsum raug txim. #Levi 18:9; 2Kev 27:22 18Yog ib tug txivneej twg nrug ib tug quaspuj pw thaus tug quaspuj ntawd taabtom coj khaubdluag, yuavtsum muab obtug ntab tawm ntawm suavdlawg moog, ruaqhov obtug tau ua txhum tej kevcai kws has txug kev ua tsi huv lawm. #Levi 18:19
19“Yog ib tug txivneej twg dleev nwg nam ib tug vivncaug lossis nwg txiv ib tug muam, obtug yuavtsum raug txim vim yog txheebze. 20Yog ib tug txivneej twg moog dleev nwg tug yawmlaug lossis nwg tug txivntxawm tug quaspuj, yog nwg ua saib tsi taug nwg tug yawmlaug lossis nwg tug txivntxawm, obtug yuavtsum raug txim; hab obtug yuav tsi muaj mivnyuas moog txug nub tuag. #Levi 18:12-14 21Yog ib tug txivneej twg txeeb nwg tug kwvtij tug quaspuj yuav, yaam ntawd yog ib yaam kws tsi dlawbhuv; vim nwg ua saib tsi taug nwg tug kwvtij ntawd, obtug yuav tsi muaj mivnyuas moog txug nub tuag.” #Levi 18:16
22Tug TSWV has tas, “Mej yuavtsum ceev taagnrho Kuv tej kevcai hab Kuv tej lug xaaj, mej txhaj yuav tsi raug dlaim aav Kana-aas ntawd muab mej ntab tawm huv lub tebchaws kws Kuv yuav muab rua mej moog nyob ntawd moog. 23Tsi xob moog coj cov tuabneeg kws nyob huv lub tebchaws ntawd tej kevcai; Kuv yuav muab cov tuabneeg ntawd ntab tawm moog, sub mej txhaj tau moog nyob huv lub tebchaws ntawd. Vim puab pheej ua tej kev phem kev qas ntawd Kuv txhaj ntxub puab heev. 24Tabsis Kuv tau coglug muab lub tebchaws kws muaj kua mig hab zib ntaab rua mej ua mej tug moog le. Kuv yog tug TSWV, kws yog mej tug Vaajtswv. Kuv tau muab mej cais tawm ntawm lwmtsaav tuabneeg moog lawm.
25“Yogle ntawd, mej yuavtsum ua tuabzoo saib tej tsaj hab tej noog seb yaam twg huv hab yaam twg tsi huv. Tsi xob noj tej tsaj lossis tej noog lossis tej kws ndlaug huv aav kws Kuv tau suav has tas tsi huv lawm. Kuv tub qha tej tsaj tsi huv rua mej lawm, yog mej noj tej tsaj ntawd yuav ua rua mej tsi huv. 26Mej yuavtsum ua tuabneeg dlawbhuv rua Kuv, ruaqhov Kuv yog tug TSWV hab yog tug kws dlawbhuv. Kuv tau xaiv mej tawm ntawm lwmtsaav tuabneeg lug ua Kuv tug nkaus xwb.
27“Tug txivneej lossis tug quaspuj twg kws saib neeb saib yaig tuav tswvyim nrug tej ntsuj tuag, yuavtsum muab pobzeb ntaus nwg kuas tuag. Tug kws ua tej nuav nwg le ntshaav yuav poob rua sau nwg taubhau.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.