Levis Kevcai 19
19
Kevcai Dlawbhuv Hab Ncaajnceeg
1Tug TSWV has rua Mauxes 2kuas has rua cov tuabneeg Yixalayees tas, “Mej yuavtsum ua tuabneeg dlawbhuv, ruaqhov Kuv, kws yog tug TSWV, kws yog mej Tug Vaajtswv, yog tug Dlawbhuv. #Levi 11:44-45; 1Pet 1:16 3Mej txhua tug yuavtsum fwm mej nam mej txiv, hab yuavtsum ceev nub Xanpataus, lawvle Kuv tau xaaj rua mej lawm. Kuv yog tug TSWV, kws yog mej tug Vaajtswv. #Tsiv 20:12; 2Kev 5:16; Tsiv 20:8; 2Kev 5:12
4“Tsi xob tso Kuv tseg hab moog pe tej mlom; tsi xob muab tooj muab hlau nchuav ua mlom rua mej pe. Kuv yog tug TSWV, kws yog mej tug Vaajtswv. #Levi 26:1; Tsiv 20:23; 34:17
5“Thaus mej tua ib tug tsaj fij ua kev sis raugzoo rua tug TSWV, mej yuavtsum fwm tej kevcai kws Kuv muab rua mej lawm, Kuv txhaj txais yuav mej tej khoom fij ntawd. 6Mej yuavtsum muab cov nqaj noj kuas taag rua nub kws mej tua tug tsaj ntawd lossis nub tomqaab. Nub thib peb, tej nqaj kws seem yuavtsum muab hlawv povtseg kua taag, 7ruaqhov lawvle txujcai tes tej nqaj ntawd tsi huv lawm; yog leejtwg noj mas Kuv yuav tsi txais yuav tug ntawd tej khoom fij. 8Txhua tug kws noj cov khoom fij ntawd yuav raug txim, ruaqhov nwg ua tsi huv rua tej khoom dlawbhuv kws fij rua Kuv lawm; hab yuavtsum muab nwg rhu tawm ntawm Kuv tsaav tuabneeg moog.
9“Thaus mej hlais mej tej nplej huv mej tej teb, mej tsi xob hlais cov nplej kws nyob tom ntug teb, hab tsi xob rovqaab moog hlais tej naab nplej kws seem. 10Tsi xob rovqaab moog sau tej txivmaab kws mej sau tsi taag huv mej tej vaaj txivmaab lossis moog khaws tej txivmaab kws poob rua huv aav; tseg tej ntawd rua cov tuabneeg txomnyem hab cov tuabneeg txawv tebchaws. Kuv yog tug TSWV, kws yog mej tug Vaajtswv. #Levi 27:15; 2Kev 24:19-22
11“Tsi xob ua tubsaab, tsi xob ntxo, hab tsi xob dlaag. #Tsiv 20:15; 2Kev 5:19; Tsiv 20:16; 2Kev 5:20 12Tsi xob tuav Kuv lub npe coglug tsi tseeb, qhov mej ua le ntawd yog mej saib tsi taug Kuv lub npe. Kuv yog tug TSWV, kws yog mej tug Vaajtswv. #Tsiv 20:7; 2Kev 5:11; Math 5:33
13“Tsi xob caijtsuj mej tej kwvtij zejzog lossis nyag nwg tug. Tsi xob sej mej tej tubzug le nqezug ncua moog txug pigkig. #2Kev 24:14-15 14Tsi xob foom phem rua tug tuabneeg laagntseg lossis muab tej yaam dlaabtsi moog tso thaiv tug tuabneeg dligmuag hauvntej kuas nwg dlawm qaug. Mej yuavtsum noog Kuv lug; Kuv yog tug TSWV, kws yog mej tug Vaajtswv. #2Kev 27:18
15“Tsi xob tu plaub tsi ncaaj; tsi xob saib tsi taug cov pluag lossis tsaa cov npluanuj cai, tabsis yuavtsum txavtxim ncaajnceeg rua mej tej kwvtij zejzog. #Tsiv 23:6-8; 2Kev 16:19 16Tsi xob moog taugxaiv txug ib leeg twg, hab thaus muaj leejtwg raug luas ab-lam kws yog lub txim tuag, mej yuavtsum paab has yog tas mej cov lug povthawj ntawd yuav paab tau nwg. Kuv yog tug TSWV.
17“Tsi xob ntxub ib leeg twg rua nruabsab, tabsis yuavtsum moog nrug nwg sishas kuas hum, sub mej txhaj yuav tsi ua txhum vim qhov mej ntxub nwg.#19:17: sub … nwg; lossis sub mej txhaj yuav tsi ua qhov kev txhum nuav tawmtsaam nwg. #Math 18:15 18Tsi xob pauj chim rua ib leeg twg lossis pheej ntxub nwg taag moog le, tabsis yuavtsum hlub mej cov kwvtij zejzog ib yaam le mej hlub mej tugkheej. Kuv yog tug TSWV. #Math 5:43; 19:19; 22:39; Malak 12:31; Lukas 10:27; Loos 13:9; Kalat 5:14; Yakau 2:8
19“Mej yuavtsum ua lawvle Kuv tej lug xaaj. Tsi xob muab ib yaam tsaj lug tso taw rua ib yaam tsaj kuas txuamtsoov. Tsi xob muab ob yaam noobqoob moog tseb rua huv ib dlaim teb. Tsi xob naav tej rigtsho kws muab ob yaam ntaub lug xaws uake. #2Kev 22:9-11
20“Yog ib tug ntxhais qhev twg leeg moog ua ib tug txivneej twg tug namyau lawm, tabsis tug txivneej ntawd tseem tsi tau them nqe hab coj nwg moog, yog muaj lwmtug txivneej tuaj dleev nwg, mas obtug yuavtsum raug txim, tabsis yuav tsi raug#19:20: obtug… tabsis; lossis luas tseem yuav taug obtug rooj plaub tabsis obtug yuav tsi raug. muab tua, ruaqhov nwg tseem yog ib tug ntxhais qhev. 21Tug txivneej ntawd yuavtsum coj ib tug laug yaaj moog rua ntawm lub qhovrooj kws moog rua huv lub Tsevntaub Sisntsib, kws yog muab fij rua tug TSWV ua khoom dlaws nwg txuj kev txhum, 22hab tug povthawj hlub yuav tau muab tug laug yaaj fij ua kev ntxuav tug txivneej ntawd txuj kev txhum, Vaajtswv txhaj yuav zaam nwg lub txim.
23“Thaus mej moog txug rua huv lub tebchaws Kana-aas hab cog txhua yaam txivntoo, mej yuavtsum suav ntsoov has tas thawj peb lub xyoo ntawd cov txivntoo tseem tsi tau huv. Lub sijhawm ntawd mej tsi xob noj cov txivntoo ntawd hlo le. 24Xyoo thib plaub txhua yaam txivmaab txivntoo yuavtsum muab fij hab ua Kuv,#19:24: muab fij hab ua Kuv lossis qhuas Kuv. kws yog tug TSWV tsaug. 25Tabsis xyoo thib tsib mej noj tau cov txivntoo ntawd. Yog mej ua txhua yaam nuav, mej tej txivntoo yuav txitxiv ncw. Kuv yog tug TSWV, kws yog mej tug Vaajtswv.
26“Tsi xob noj tej nqaj kws txhaam ntshaav. Tsi xob xyum ua ib yaam yeegsiv twg lossis ua neeb ua yaig. #Chiv 9:4; Levi 7:26-27; 17:10-14; 2Kev 12:16, 23; 15:23; 2Kev 18:20 27Tsi xob txav mej cov plaubhau ntawm ob saab taubhau lossis yim mej cov fwjtxwv #Levi 21:5; 2Kev 14:1 28lossis txaug dluab rua mej tej tawv nqaj lossis hlais mej tej nqaj es moog quaj rua tej tuabneeg tuag. Kuv yog tug TSWV.
29“Tsi xob ua rua mej tej ntxhais poob ntsejmuag lug ntawm qhov kws tso puab moog ua namndlav huv lub tuamtsev;#19:29: namndlav huv lub tuamtsev: Cov quaspuj nuav muaj nyob huv cov tuabneeg Kana-aas tej tuamtsev, qhov chaw kws puab pehawm cov nyuas vaajtswv kws pub tub pub ki. Puab ntseeg tas kev dleev cov namndlav nuav ua rua puab tej teb zoo qoob hab tej tsajtxhu los fuamvaam. yog mej ua le ntawd, mej yuav tig moog pe lwmtug nyuas vaajtswv hab mej lub tebchaws yuav puvnkaus kev phem kev qas. #2Kev 23:17 30Ncuntsoov ceev nub Xanpataus kws yog nub su, hab fwm lub chaw kws mej moog pehawm Kuv. Kuv yog tug TSWV. #Levi 26:2; 19:31; 2Kev 18:11; 1Xamu 28:3; 2Vaaj 23:4; Yaxaya 8:19
31“Tsi xob moog cuag cov tuabneeg kws saib neeb saib yaig tuav tswvyim nrug tej ntsuj tuag hlo le. Yog mej ua le ntawd, mej yuav ua tuabneeg tsi huv. Kuv yog tug TSWV, kws yog mej tug Vaajtswv.
32“Yuavtsum sawv fwm cov kws muaj noobnyoog, hab saib taug cov tuabneeg laug. Yuavtsum paub ntshai mej tug Vaajtswv. Kuv yog tug TSWV.
33“Tsi xob ua phem rua cov tuabneeg txawv tebchaws kws nrug mej nyob huv mej dlaim aav. #Tsiv 22:21; 2Kev 24:17-18 34Ua zoo rua puab ib yaam le mej ua zoo rua mej cov Yixalayees, hab hlub puab ib yaam le mej hlub mej tugkheej. Ncuntsoov tas mej tub txeev yog tuabneeg txawv tebchaws nyob rua huv Iziv ib zag lug lawm. Kuv yog tug TSWV, kws yog mej tug Vaajtswv.
35“Tsi xob ua tuabneeg tsi ncaaj rua luas, lug ntawm kev ntsuag, kev luj, lossis kev suav. #2Kev 25:13-16; Paaj 20:10; Exek 45:10 36Yuavtsum ntsuag kuas ncaaj, luj kuas hum, hab suav kuas raug. Kuv yog tug TSWV, kws yog mej tug Vaajtswv, Kuv tau coj mej tawm huv tebchaws Iziv lug. 37Mej yuavtsum coj ua lawvle Kuv tej kevcai hab tej lug xaaj txhua nqai. Kuv yog tug TSWV.”
Currently Selected:
Levis Kevcai 19: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Levis Kevcai 19
19
Kevcai Dlawbhuv Hab Ncaajnceeg
1Tug TSWV has rua Mauxes 2kuas has rua cov tuabneeg Yixalayees tas, “Mej yuavtsum ua tuabneeg dlawbhuv, ruaqhov Kuv, kws yog tug TSWV, kws yog mej Tug Vaajtswv, yog tug Dlawbhuv. #Levi 11:44-45; 1Pet 1:16 3Mej txhua tug yuavtsum fwm mej nam mej txiv, hab yuavtsum ceev nub Xanpataus, lawvle Kuv tau xaaj rua mej lawm. Kuv yog tug TSWV, kws yog mej tug Vaajtswv. #Tsiv 20:12; 2Kev 5:16; Tsiv 20:8; 2Kev 5:12
4“Tsi xob tso Kuv tseg hab moog pe tej mlom; tsi xob muab tooj muab hlau nchuav ua mlom rua mej pe. Kuv yog tug TSWV, kws yog mej tug Vaajtswv. #Levi 26:1; Tsiv 20:23; 34:17
5“Thaus mej tua ib tug tsaj fij ua kev sis raugzoo rua tug TSWV, mej yuavtsum fwm tej kevcai kws Kuv muab rua mej lawm, Kuv txhaj txais yuav mej tej khoom fij ntawd. 6Mej yuavtsum muab cov nqaj noj kuas taag rua nub kws mej tua tug tsaj ntawd lossis nub tomqaab. Nub thib peb, tej nqaj kws seem yuavtsum muab hlawv povtseg kua taag, 7ruaqhov lawvle txujcai tes tej nqaj ntawd tsi huv lawm; yog leejtwg noj mas Kuv yuav tsi txais yuav tug ntawd tej khoom fij. 8Txhua tug kws noj cov khoom fij ntawd yuav raug txim, ruaqhov nwg ua tsi huv rua tej khoom dlawbhuv kws fij rua Kuv lawm; hab yuavtsum muab nwg rhu tawm ntawm Kuv tsaav tuabneeg moog.
9“Thaus mej hlais mej tej nplej huv mej tej teb, mej tsi xob hlais cov nplej kws nyob tom ntug teb, hab tsi xob rovqaab moog hlais tej naab nplej kws seem. 10Tsi xob rovqaab moog sau tej txivmaab kws mej sau tsi taag huv mej tej vaaj txivmaab lossis moog khaws tej txivmaab kws poob rua huv aav; tseg tej ntawd rua cov tuabneeg txomnyem hab cov tuabneeg txawv tebchaws. Kuv yog tug TSWV, kws yog mej tug Vaajtswv. #Levi 27:15; 2Kev 24:19-22
11“Tsi xob ua tubsaab, tsi xob ntxo, hab tsi xob dlaag. #Tsiv 20:15; 2Kev 5:19; Tsiv 20:16; 2Kev 5:20 12Tsi xob tuav Kuv lub npe coglug tsi tseeb, qhov mej ua le ntawd yog mej saib tsi taug Kuv lub npe. Kuv yog tug TSWV, kws yog mej tug Vaajtswv. #Tsiv 20:7; 2Kev 5:11; Math 5:33
13“Tsi xob caijtsuj mej tej kwvtij zejzog lossis nyag nwg tug. Tsi xob sej mej tej tubzug le nqezug ncua moog txug pigkig. #2Kev 24:14-15 14Tsi xob foom phem rua tug tuabneeg laagntseg lossis muab tej yaam dlaabtsi moog tso thaiv tug tuabneeg dligmuag hauvntej kuas nwg dlawm qaug. Mej yuavtsum noog Kuv lug; Kuv yog tug TSWV, kws yog mej tug Vaajtswv. #2Kev 27:18
15“Tsi xob tu plaub tsi ncaaj; tsi xob saib tsi taug cov pluag lossis tsaa cov npluanuj cai, tabsis yuavtsum txavtxim ncaajnceeg rua mej tej kwvtij zejzog. #Tsiv 23:6-8; 2Kev 16:19 16Tsi xob moog taugxaiv txug ib leeg twg, hab thaus muaj leejtwg raug luas ab-lam kws yog lub txim tuag, mej yuavtsum paab has yog tas mej cov lug povthawj ntawd yuav paab tau nwg. Kuv yog tug TSWV.
17“Tsi xob ntxub ib leeg twg rua nruabsab, tabsis yuavtsum moog nrug nwg sishas kuas hum, sub mej txhaj yuav tsi ua txhum vim qhov mej ntxub nwg.#19:17: sub … nwg; lossis sub mej txhaj yuav tsi ua qhov kev txhum nuav tawmtsaam nwg. #Math 18:15 18Tsi xob pauj chim rua ib leeg twg lossis pheej ntxub nwg taag moog le, tabsis yuavtsum hlub mej cov kwvtij zejzog ib yaam le mej hlub mej tugkheej. Kuv yog tug TSWV. #Math 5:43; 19:19; 22:39; Malak 12:31; Lukas 10:27; Loos 13:9; Kalat 5:14; Yakau 2:8
19“Mej yuavtsum ua lawvle Kuv tej lug xaaj. Tsi xob muab ib yaam tsaj lug tso taw rua ib yaam tsaj kuas txuamtsoov. Tsi xob muab ob yaam noobqoob moog tseb rua huv ib dlaim teb. Tsi xob naav tej rigtsho kws muab ob yaam ntaub lug xaws uake. #2Kev 22:9-11
20“Yog ib tug ntxhais qhev twg leeg moog ua ib tug txivneej twg tug namyau lawm, tabsis tug txivneej ntawd tseem tsi tau them nqe hab coj nwg moog, yog muaj lwmtug txivneej tuaj dleev nwg, mas obtug yuavtsum raug txim, tabsis yuav tsi raug#19:20: obtug… tabsis; lossis luas tseem yuav taug obtug rooj plaub tabsis obtug yuav tsi raug. muab tua, ruaqhov nwg tseem yog ib tug ntxhais qhev. 21Tug txivneej ntawd yuavtsum coj ib tug laug yaaj moog rua ntawm lub qhovrooj kws moog rua huv lub Tsevntaub Sisntsib, kws yog muab fij rua tug TSWV ua khoom dlaws nwg txuj kev txhum, 22hab tug povthawj hlub yuav tau muab tug laug yaaj fij ua kev ntxuav tug txivneej ntawd txuj kev txhum, Vaajtswv txhaj yuav zaam nwg lub txim.
23“Thaus mej moog txug rua huv lub tebchaws Kana-aas hab cog txhua yaam txivntoo, mej yuavtsum suav ntsoov has tas thawj peb lub xyoo ntawd cov txivntoo tseem tsi tau huv. Lub sijhawm ntawd mej tsi xob noj cov txivntoo ntawd hlo le. 24Xyoo thib plaub txhua yaam txivmaab txivntoo yuavtsum muab fij hab ua Kuv,#19:24: muab fij hab ua Kuv lossis qhuas Kuv. kws yog tug TSWV tsaug. 25Tabsis xyoo thib tsib mej noj tau cov txivntoo ntawd. Yog mej ua txhua yaam nuav, mej tej txivntoo yuav txitxiv ncw. Kuv yog tug TSWV, kws yog mej tug Vaajtswv.
26“Tsi xob noj tej nqaj kws txhaam ntshaav. Tsi xob xyum ua ib yaam yeegsiv twg lossis ua neeb ua yaig. #Chiv 9:4; Levi 7:26-27; 17:10-14; 2Kev 12:16, 23; 15:23; 2Kev 18:20 27Tsi xob txav mej cov plaubhau ntawm ob saab taubhau lossis yim mej cov fwjtxwv #Levi 21:5; 2Kev 14:1 28lossis txaug dluab rua mej tej tawv nqaj lossis hlais mej tej nqaj es moog quaj rua tej tuabneeg tuag. Kuv yog tug TSWV.
29“Tsi xob ua rua mej tej ntxhais poob ntsejmuag lug ntawm qhov kws tso puab moog ua namndlav huv lub tuamtsev;#19:29: namndlav huv lub tuamtsev: Cov quaspuj nuav muaj nyob huv cov tuabneeg Kana-aas tej tuamtsev, qhov chaw kws puab pehawm cov nyuas vaajtswv kws pub tub pub ki. Puab ntseeg tas kev dleev cov namndlav nuav ua rua puab tej teb zoo qoob hab tej tsajtxhu los fuamvaam. yog mej ua le ntawd, mej yuav tig moog pe lwmtug nyuas vaajtswv hab mej lub tebchaws yuav puvnkaus kev phem kev qas. #2Kev 23:17 30Ncuntsoov ceev nub Xanpataus kws yog nub su, hab fwm lub chaw kws mej moog pehawm Kuv. Kuv yog tug TSWV. #Levi 26:2; 19:31; 2Kev 18:11; 1Xamu 28:3; 2Vaaj 23:4; Yaxaya 8:19
31“Tsi xob moog cuag cov tuabneeg kws saib neeb saib yaig tuav tswvyim nrug tej ntsuj tuag hlo le. Yog mej ua le ntawd, mej yuav ua tuabneeg tsi huv. Kuv yog tug TSWV, kws yog mej tug Vaajtswv.
32“Yuavtsum sawv fwm cov kws muaj noobnyoog, hab saib taug cov tuabneeg laug. Yuavtsum paub ntshai mej tug Vaajtswv. Kuv yog tug TSWV.
33“Tsi xob ua phem rua cov tuabneeg txawv tebchaws kws nrug mej nyob huv mej dlaim aav. #Tsiv 22:21; 2Kev 24:17-18 34Ua zoo rua puab ib yaam le mej ua zoo rua mej cov Yixalayees, hab hlub puab ib yaam le mej hlub mej tugkheej. Ncuntsoov tas mej tub txeev yog tuabneeg txawv tebchaws nyob rua huv Iziv ib zag lug lawm. Kuv yog tug TSWV, kws yog mej tug Vaajtswv.
35“Tsi xob ua tuabneeg tsi ncaaj rua luas, lug ntawm kev ntsuag, kev luj, lossis kev suav. #2Kev 25:13-16; Paaj 20:10; Exek 45:10 36Yuavtsum ntsuag kuas ncaaj, luj kuas hum, hab suav kuas raug. Kuv yog tug TSWV, kws yog mej tug Vaajtswv, Kuv tau coj mej tawm huv tebchaws Iziv lug. 37Mej yuavtsum coj ua lawvle Kuv tej kevcai hab tej lug xaaj txhua nqai. Kuv yog tug TSWV.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.