Chivkeeb 50
50
1Yauxej puag nkaus nwg txiv quaj hab nwj kag nwg txiv lub ntsejmuag. 2Tes Yauxej txhaj has kuas cov kws-khumob lug tu nwg txiv lub cev. Cov kws-khumob txhaj ua le Yauxej has. 3Puab tu nwg txiv lub cev tau plaubcaug nub, vim yeej yuavtsum tau siv sijhawm ntev le ntawd. Cov tuabneeg Iziv tuaj nrug paam hab quajntsuag rua Yakhauj tau xyaacaum nub.
4Thaus dlhau xyaacaum nub lawm, Yauxej has rua Falaus cov numtswv has tas, “Thov mej paab coj kuv cov lug nuav moog has rua Falaus has tas, 5‘Thaus kws kuv txiv yuav tuag, nwg kuas kuv coglug rua nwg has tas kuv yuav coj nwg moog log rua huv lub qhovntxaa kws nwg tub npaaj tseg nyob rua peg tebchaws Kana-aas lawm. Mas thov ca kuv coj kuv txiv moog log taag kuv maam rovqaab lug.’ ” #Chiv 47:29-31
6Falaus teb tas, “Koj cale coj koj txiv moog log lawvle koj tau coglug tseg rua nwg lawm.”
7Tes Yauxej txhaj coj nwg txiv moog log. Taagnrho Falaus cov numtswv, cov kevtxwj quaslaug kws tu plaubntug, hab cov thawjcoj huv tebchaws Iziv puavleej nrug Yauxej moog. 8Yauxej tsev tuabneeg, nwg cov kwvtij, hab nwg txiv tsev tuabneeg puavleej nrug nwg moog; tsuas tseg puab tej mivnyuas kws tseem yau, tej yaaj, tej tshis hab tej nyuj nyob huv cheebtsaam Nkausees xwb. 9Cov tuabneeg kws caij tsheb neeg hab cov tubrog caij neeg nrug Yauxej puab moog coob kawg le.
10Thaus puab moog txug ntawm lub tshaav ntaus nplej Athaj kws nyob saab nubtuaj ntawm tug Dlej Yauladees, puab quaj hab nyav nrov kawg le; Yauxej paam nwg txiv lawvle kevcai tau xyaa nub. 11Thaus cov tuabneeg Kana-aas pum cov tuabneeg nuav tuaj quaj ntawm lub tshaav ntaus nplej Athaj, puab has tas, “Cov tuabneeg Iziv lub nteeg tuag nuav yog lub nam nteeg kws luj kawg le!” Vimle ntawd txhaj tis npe rua thaaj chaw ntawd hu ua Anpees Mixalayees.#50:11: Anpees Mixalayees: Lub npe nuav has muaj ntsiv thooj le lulug Henplais kws has tas “cov tuabneeg Iziv lub suab quaj.”
12Yakhauj cov tub tau ua lawvle kws Yakhauj tau xaaj tseg rua puab lawm. 13Puab txhaj kwv puab txiv moog peg tebchaws Kana-aas hab muab log rua huv lub qhovtsua kws nyob huv Makhepelas thaaj teb kws nyob ntawm Maales saab nubtuaj kws Anplahaas yuav ntawm Efaloos kws yog tug tuabneeg Hitis lug ca ua chaw log tuag. #Tegnum 7:16 14Tomqaab kws Yauxej muab nwg txiv log taag lawm, nwg txhaj nrug nwg cov kwvtij hab txhua tug kws nrug nwg moog ntawd, rovqaab lug rua huv tebchaws Iziv lawm.
Yauxej Ntuag Nwg Cov Tijlaug
15Tomqaab kws puab txiv tuag lawm, Yauxej cov tijlaug has tas, “Yog Yauxej tseem ntxub peb hab npaajsab ua phem pauj tej kev phem kws peb tau ua rua nwg lawm hab nua peb yuav ua lecaag?” 16Yogle ntawd, puab txhaj tso tuabneeg moog has rua Yauxej has tas, “Uantej kws peb txiv tuag, 17nwg has kuas peb tuaj thov koj tas, ‘Thov koj zaam koj cov tijlaug tej kev txhum kws puab tau ua rua koj lawm.’ Mas nwgnuav thov koj zaamtxim rua peb cov kws yog koj txiv tug Vaajtswv cov tubkhai, rua tej kws peb tau ua txhum taag lug lawm.” Yauxej quaj heev thaus nwg nov txug tej lug nuav.
18Tes Yauxej cov tijlaug txawm uake tuaj cuag Yauxej hab qhau cev hlo ntawm nwg xubndlag pe nwg. Puab has tas, “Peb nyob ntawm nuav, peb yog koj cov tubqhe.”
19Tabsis Yauxej has rua puab tas, “Mej tsi xob ntshai; kuv tsi muaj cuabkaav yuav muab kuv tugkheej moog nyob Vaajtswv lub chaw. 20Mej tau tuavhuv ua phem rua kuv lawm tag, tabsis Vaajtswv tau muab qhov phem ntawd hloov ua qhov zoo, sub txhaj cawm tau coob leej txujsa le najnub nua. 21Mej tsi xob ntshai. Kuv yuav ua tug saib mej hab mej tej mivnyuas.” Yogle ntawd, Yauxej txhaj ua tuabzoo has kuas puab muaj kev ruajsab.
Yauxej Tuag
22Yauxej ua neej nrug nwg txiv tsev tuabneeg nyob huv tebchaws Iziv, Yauxej muaj noobnyoog 110 xyoo nwg maamle tuag. 23Nwg ua neej nyob txug thaus nwg pum Efalayees cov mivnyuas hab cov xeebntxwv huv tuabsi. Nwg tseem nyob moog txug thaus kws nwg pum Manaxes tug tub Makhaws cov mivnyuas hab. 24Nwg has rua nwg cov kwvtij has tas, “Tshuav tsi ntev kuv tub yuav tuag, tabsis Vaajtswv yuav ua tug tsomkwm mej hab coj mej tawm huv lub tebchaws nuav moog rua peg lub tebchaws kws Nwg tau coglug tseg rua Anplahaas, Ixaj, hab Yakhauj puab lawm.” 25Tes Yauxej has kuas cov Yixalayees coglug rua nwg has tas, “Thov mej coglug tseg rua kuv has tas thaus twg Vaajtswv coj mej moog peg tebchaws Kana-aas, mej yuav nqaa kuv cov pobtxhaa nrug mej moog hab.” #Tsiv 13:19; Yaus 24:32; Henpl 11:2
26Yauxej tuag thaus nwg muaj noobnyoog 110 xyoo. Puab muab nwg lub cev tu tuabzoo hab muab tso rua huv lub hleb ca rua huv tebchaws Iziv.
Currently Selected:
Chivkeeb 50: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 50
50
1Yauxej puag nkaus nwg txiv quaj hab nwj kag nwg txiv lub ntsejmuag. 2Tes Yauxej txhaj has kuas cov kws-khumob lug tu nwg txiv lub cev. Cov kws-khumob txhaj ua le Yauxej has. 3Puab tu nwg txiv lub cev tau plaubcaug nub, vim yeej yuavtsum tau siv sijhawm ntev le ntawd. Cov tuabneeg Iziv tuaj nrug paam hab quajntsuag rua Yakhauj tau xyaacaum nub.
4Thaus dlhau xyaacaum nub lawm, Yauxej has rua Falaus cov numtswv has tas, “Thov mej paab coj kuv cov lug nuav moog has rua Falaus has tas, 5‘Thaus kws kuv txiv yuav tuag, nwg kuas kuv coglug rua nwg has tas kuv yuav coj nwg moog log rua huv lub qhovntxaa kws nwg tub npaaj tseg nyob rua peg tebchaws Kana-aas lawm. Mas thov ca kuv coj kuv txiv moog log taag kuv maam rovqaab lug.’ ” #Chiv 47:29-31
6Falaus teb tas, “Koj cale coj koj txiv moog log lawvle koj tau coglug tseg rua nwg lawm.”
7Tes Yauxej txhaj coj nwg txiv moog log. Taagnrho Falaus cov numtswv, cov kevtxwj quaslaug kws tu plaubntug, hab cov thawjcoj huv tebchaws Iziv puavleej nrug Yauxej moog. 8Yauxej tsev tuabneeg, nwg cov kwvtij, hab nwg txiv tsev tuabneeg puavleej nrug nwg moog; tsuas tseg puab tej mivnyuas kws tseem yau, tej yaaj, tej tshis hab tej nyuj nyob huv cheebtsaam Nkausees xwb. 9Cov tuabneeg kws caij tsheb neeg hab cov tubrog caij neeg nrug Yauxej puab moog coob kawg le.
10Thaus puab moog txug ntawm lub tshaav ntaus nplej Athaj kws nyob saab nubtuaj ntawm tug Dlej Yauladees, puab quaj hab nyav nrov kawg le; Yauxej paam nwg txiv lawvle kevcai tau xyaa nub. 11Thaus cov tuabneeg Kana-aas pum cov tuabneeg nuav tuaj quaj ntawm lub tshaav ntaus nplej Athaj, puab has tas, “Cov tuabneeg Iziv lub nteeg tuag nuav yog lub nam nteeg kws luj kawg le!” Vimle ntawd txhaj tis npe rua thaaj chaw ntawd hu ua Anpees Mixalayees.#50:11: Anpees Mixalayees: Lub npe nuav has muaj ntsiv thooj le lulug Henplais kws has tas “cov tuabneeg Iziv lub suab quaj.”
12Yakhauj cov tub tau ua lawvle kws Yakhauj tau xaaj tseg rua puab lawm. 13Puab txhaj kwv puab txiv moog peg tebchaws Kana-aas hab muab log rua huv lub qhovtsua kws nyob huv Makhepelas thaaj teb kws nyob ntawm Maales saab nubtuaj kws Anplahaas yuav ntawm Efaloos kws yog tug tuabneeg Hitis lug ca ua chaw log tuag. #Tegnum 7:16 14Tomqaab kws Yauxej muab nwg txiv log taag lawm, nwg txhaj nrug nwg cov kwvtij hab txhua tug kws nrug nwg moog ntawd, rovqaab lug rua huv tebchaws Iziv lawm.
Yauxej Ntuag Nwg Cov Tijlaug
15Tomqaab kws puab txiv tuag lawm, Yauxej cov tijlaug has tas, “Yog Yauxej tseem ntxub peb hab npaajsab ua phem pauj tej kev phem kws peb tau ua rua nwg lawm hab nua peb yuav ua lecaag?” 16Yogle ntawd, puab txhaj tso tuabneeg moog has rua Yauxej has tas, “Uantej kws peb txiv tuag, 17nwg has kuas peb tuaj thov koj tas, ‘Thov koj zaam koj cov tijlaug tej kev txhum kws puab tau ua rua koj lawm.’ Mas nwgnuav thov koj zaamtxim rua peb cov kws yog koj txiv tug Vaajtswv cov tubkhai, rua tej kws peb tau ua txhum taag lug lawm.” Yauxej quaj heev thaus nwg nov txug tej lug nuav.
18Tes Yauxej cov tijlaug txawm uake tuaj cuag Yauxej hab qhau cev hlo ntawm nwg xubndlag pe nwg. Puab has tas, “Peb nyob ntawm nuav, peb yog koj cov tubqhe.”
19Tabsis Yauxej has rua puab tas, “Mej tsi xob ntshai; kuv tsi muaj cuabkaav yuav muab kuv tugkheej moog nyob Vaajtswv lub chaw. 20Mej tau tuavhuv ua phem rua kuv lawm tag, tabsis Vaajtswv tau muab qhov phem ntawd hloov ua qhov zoo, sub txhaj cawm tau coob leej txujsa le najnub nua. 21Mej tsi xob ntshai. Kuv yuav ua tug saib mej hab mej tej mivnyuas.” Yogle ntawd, Yauxej txhaj ua tuabzoo has kuas puab muaj kev ruajsab.
Yauxej Tuag
22Yauxej ua neej nrug nwg txiv tsev tuabneeg nyob huv tebchaws Iziv, Yauxej muaj noobnyoog 110 xyoo nwg maamle tuag. 23Nwg ua neej nyob txug thaus nwg pum Efalayees cov mivnyuas hab cov xeebntxwv huv tuabsi. Nwg tseem nyob moog txug thaus kws nwg pum Manaxes tug tub Makhaws cov mivnyuas hab. 24Nwg has rua nwg cov kwvtij has tas, “Tshuav tsi ntev kuv tub yuav tuag, tabsis Vaajtswv yuav ua tug tsomkwm mej hab coj mej tawm huv lub tebchaws nuav moog rua peg lub tebchaws kws Nwg tau coglug tseg rua Anplahaas, Ixaj, hab Yakhauj puab lawm.” 25Tes Yauxej has kuas cov Yixalayees coglug rua nwg has tas, “Thov mej coglug tseg rua kuv has tas thaus twg Vaajtswv coj mej moog peg tebchaws Kana-aas, mej yuav nqaa kuv cov pobtxhaa nrug mej moog hab.” #Tsiv 13:19; Yaus 24:32; Henpl 11:2
26Yauxej tuag thaus nwg muaj noobnyoog 110 xyoo. Puab muab nwg lub cev tu tuabzoo hab muab tso rua huv lub hleb ca rua huv tebchaws Iziv.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.