Chivkeeb 49
49
Yakhauj Ntuag Nwg Cov Tub Thaus Kawg
1Yakhauj hu taagnrho nwg cov tub lug hab has rua puab tas, “Mej cale sissau lug nyob uake rua ntawm nuav, kuv yuav pav tej kws yuav tshwm lug rua mej lub neej yaav tomntej nuav rua mej noog:
2“Yakhauj cov tub 'e, mej sau zog lug ua ib pawg hab noog kuv has.
Cale noog mej txiv Yixalayees tej lug.
3“Lunpees, koj yog kuv tug tub hlub, koj yog kuv lub zug
Hab yog kuv thawjtug mivnyuas thaus kuv tav txiv lawm,
Yog tug kws xub tau ntsej tau muag hab tau fwjchim tshaaj kuv cov tub huv tuabsi.
4Koj nyob tsi tswm yaam nkaus le tug dlej ndlwg laublug nphau nphwv,
Tabsis koj yuav tsi yog tug kws tseemceeb dlua cov,
Ruaqhov koj tau nce txaaj moog nrug kuv tug namyau pw,
Hab koj ua tsi huv rua koj txiv lub txaaj chaw lawm.
5“Xime-oos hab Levis yog ob tug kwvtij.
Obtug siv ntaaj siv rag moog tsim kev nrujtsiv.
6Kuv yuav tsi koom nrug obtug sisthaam,
Lossis tsi koom nrug obtug tej kev saablaaj,
Ruaqhov obtug tua tuabneeg thaus obtug npautawg,
Hab obtug pheej muab tej nyuj txu leeg rawg uasi.
7Obtug tej kev npautawg yuav raug foom phem, vim uanruj uatsiv,
Hab obtug txuj kev nrujtsiv ntawd ua rua muaj kev limham.
Kuv yuav ua kuas obtug tsiv uasaab uasua moog nyob thoobplawg lub tebchaws Yixalayees.
Kuv yuav muab obtug faib moog nyob sisxyaw ntsuav nrug cov Yixalayees.
8“Yudas 'e, koj cov kwvtij yuav qhuas koj.
Koj tuav rawv koj cov yeebncuab cejdlaab.
Koj cov kwvtij yuav qhau cev hlo pe koj ntawm koj xubndlag.
9Yudas zoole tug mivnyuas tsuv ntxhuav,
Nwg tum tsaj noj hab rovqaab moog rua ntawm nwg lub qhovtsua,
Qhau cev hlo pw xyaab leeg.
Tsi muaj leeg twg muaj cuabkaav moog tsaa nwg. #Teev 24:9; Tshwm 5:5
10Yudas yuav tuav rawv vaajntxwv tug cwj,
Hab nwg caajceg yuav yog cov tswj teb kaav chaw moog txug nub kws Silaus#49:10: Silaus yog has txug… lug.
Ntau tsaav tuabneeg yuav nqaa khoom tuaj rua nwg#49:10: Nqai nuav sau has tas Ntau tsaav tuabneeg … rua nwg; paub tsi meej tas lulug Henplais yog txhais lecaag tag txug qhov nuav.
Hab txhuscaug noog nwg lug.
11Nwg muab nwg tug mivnyuas neegluav khi kag rua ntawm tsob txivmaab,
Kws yog tsob kws zoo tshaajplawg le.
Nwg muab tej kua txivmaab kws lab cuag ntshaav lug ntxhua nwg tej khaubdluag.
12Nwg ob lub qhovmuag yuav tsaus tshaaj kua cawv txivmaab,
Hab nwg tej nav yuav dlawb tshaaj kua mig.#49:12: Nwg ob lub qhovmuag … kua mig; lossis Nwg ob lub qhovmuag nce ntshaav labploog vim haus cawv txivmaab, hab nwg tej nav dlawbpaug vim haus kua mig.
13“Xenpuloos yuav nyob ntawm ntug havtxwv.
Nwg saab ntug dlej yuav ua qhov chaw nreg nkoj.
Nwg nrim dlej nrim aav yuav dlaav moog ti nkaus lub nroog Xidoos.
14“Ixakhas yog tug neegluav muajzug heev,
Kws qhau cev nyob nruabnraab ob lub nraa.
15Tabsis nwg pum lub chaw su zoonkauj kawg nkaus
Hab lub tebchaws xis nyob heev.
Yogle ntawd, nwg txhaj cug nrauqaum thauj nraa
Hab txaussab hlo ua num nyaav ib yaam le tug qhev.
16“Daas yuav tau ua tug kaav nwg cov pejxeem.
Puab yuav zoo ib yaam le lwm xeem Yixalayees hab.
17Daas yuav ua ib tug naab kws nyob ntawm ntug kev,
Yog tug naab muaj taug kws nyob ntawm ntug kev,
Kws tum neeg lub laujtaws,
Kuas tug tuabneeg kws caij neeg ntawd poob ntxeevlaj rov tomqaab.
18“Tug TSWV, kuv najnub tog Koj txuj kev cawmdlim.
19“Nkaj yuav raug tawmtsaam lug ntawm tej tubsaab,
Tabsis nwg yuav tig caum puab thaus puab tsiv.
20“Asaws tej teb yuav zoo qoobloo heev,
Nwg yuav npaaj tej zaub-mov kws zoo heev rua vaajntxwv.
21“Nathalis yog tug maum muaslwj kws raag see ywjsab,
Nwg yug tau tej tug mivnyuas muaslwj kws ntxim hlub heev.#49:21: Nathalis … ntxim hlub heev; lossis Nathalis yog tsob ntoo ceg nthuav dlauv nab zoonkauj kawg le.
22“Yauxej zoole ib tsob maab kws nyob rua ntawm ntug dlej,
Txitxiv ncw, tej ceg nthuav dlhau tej ntsaa laajkaab rua saabnrau.#49:22: Yauxej … saabnrau; lossis Yauxej zoole ib tug neegluav qus kws nyob ntawm ntug dlej, Ib tug mivnyuas neegluav kws nyob tom ib lub laaj roob.
23Nwg cov yeebncuab tawmtsaam nwg nyaav heev
Puab nqaa tej neevnti hab xubvug caum nwg.
24Tabsis nwg tuav rawv raab neevnti khovkho,
Hab nwg ob txhais npaab muajzug heev#49:24: Tabsis … muajzug heev; lossis Tabsis puab tej neevnti tub luv hab ntshi taag, puab tej nqaj ncejnpaab tub ndluag taag.
Lug ntawm Yakhauj tug Vaajtswv lub fwjchim kws Luj Kawg Nkaus,
Lug ntawm tug Tswv Yug Yaaj, tug kws Tsomkwm cov Yixalayees.
25Tub yog koj txiv tug Vaajtswv ua tug paab koj ntaag,
Vaajtswv tug kws muaj Fwjchim Luj Kawg Nkaus, Nwg foom koobmoov rua koj,
Tso koobmoov kws yog naag lug sau ntuj lug,
Hab muaj dlej puv huv nruab tivtxwv tuaj,
Pub koobmoov kuas koj muaj tsajtxhu coob hab muaj tub muaj ki coob.
26Koj txiv tej koobmoov muajnqes tshaaj tej hauv roob
Kws ibtxwm nyob thaus u lug lawm.
Zoo dlua tej kev zoonkauj sau tej hauv roob kws ibtxwm nyob thaus u lug.
Thov kuas tej koobmoov nuav nyob rua sau Yauxej taubhau,
Nyob rua sau lub hauvplaj ntawm tug kws raug xaiv tawm ntawm nwg cov tijlaug.
27“Npeeyamees zoole ib tug maa kws nrujtsiv heev.
Nwg tum tau tsaj lug noj ua tshais ua mo.”
28Nuav yog kaum-ob xeem ntawm tsaav tuabneeg Yixalayees; hab nuav yog tej lug kws puab txiv has rua puab thaus nwg foom koobmoov rua puab, nwg foom koobmoov kuas tsimnyog rua nwg txhua tug tub.
Yakhauj Tuag Hab Coj Nwg Moog Log
29Tomqaab ntawd Yakhauj has rua nwg cov tub has tas, “Ze qhov kws kuv yuav tso mej tseg hab moog nrug kuv cov tuabneeg kws tuag uantej lawm nyob. Mej yuavtsum kwv kuv moog log nrug kuv cov yawmkoob huv lub qhovtsua kws nyob huv Efaloos kws yog tug tuabneeg Hitis thaaj teb 30kws nyob huv Makhepelas kws yog nyob rua ntawm Maales saab nubtuaj huv tebchaws Kana-aas. Anplahaas tub yuav lub qhovtsua hab thaaj teb nuav ntawm Efaloos lug ua chaw log tuag lawm. #Chiv 23:3-20 31Qhov chaw nuav yog qhov kws puab log Anplahaas hab nwg tug quaspuj kws yog Xalas; Qhov chaw nuav yog qhov chaw kws puab log Ixaj hab nwg tug quaspuj kws yog Lenpekas, hab yog qhov chaw kws kuv log Le-as. #Chiv 25:9-10; Chiv 35:29 32Thaaj teb hab lub qhovtsua nuav yog yuav ntawm cov tuabneeg Hitis lug. Mej coj kuv moog log rua ntawd.”
33Thaus Yakhauj pav qha txhua yaam rua nwg cov tub taag lawm, nwg txawm rov qhau cev pw hab tusav nrho lawm. #Tegnum 7:15
Currently Selected:
Chivkeeb 49: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Chivkeeb 49
49
Yakhauj Ntuag Nwg Cov Tub Thaus Kawg
1Yakhauj hu taagnrho nwg cov tub lug hab has rua puab tas, “Mej cale sissau lug nyob uake rua ntawm nuav, kuv yuav pav tej kws yuav tshwm lug rua mej lub neej yaav tomntej nuav rua mej noog:
2“Yakhauj cov tub 'e, mej sau zog lug ua ib pawg hab noog kuv has.
Cale noog mej txiv Yixalayees tej lug.
3“Lunpees, koj yog kuv tug tub hlub, koj yog kuv lub zug
Hab yog kuv thawjtug mivnyuas thaus kuv tav txiv lawm,
Yog tug kws xub tau ntsej tau muag hab tau fwjchim tshaaj kuv cov tub huv tuabsi.
4Koj nyob tsi tswm yaam nkaus le tug dlej ndlwg laublug nphau nphwv,
Tabsis koj yuav tsi yog tug kws tseemceeb dlua cov,
Ruaqhov koj tau nce txaaj moog nrug kuv tug namyau pw,
Hab koj ua tsi huv rua koj txiv lub txaaj chaw lawm.
5“Xime-oos hab Levis yog ob tug kwvtij.
Obtug siv ntaaj siv rag moog tsim kev nrujtsiv.
6Kuv yuav tsi koom nrug obtug sisthaam,
Lossis tsi koom nrug obtug tej kev saablaaj,
Ruaqhov obtug tua tuabneeg thaus obtug npautawg,
Hab obtug pheej muab tej nyuj txu leeg rawg uasi.
7Obtug tej kev npautawg yuav raug foom phem, vim uanruj uatsiv,
Hab obtug txuj kev nrujtsiv ntawd ua rua muaj kev limham.
Kuv yuav ua kuas obtug tsiv uasaab uasua moog nyob thoobplawg lub tebchaws Yixalayees.
Kuv yuav muab obtug faib moog nyob sisxyaw ntsuav nrug cov Yixalayees.
8“Yudas 'e, koj cov kwvtij yuav qhuas koj.
Koj tuav rawv koj cov yeebncuab cejdlaab.
Koj cov kwvtij yuav qhau cev hlo pe koj ntawm koj xubndlag.
9Yudas zoole tug mivnyuas tsuv ntxhuav,
Nwg tum tsaj noj hab rovqaab moog rua ntawm nwg lub qhovtsua,
Qhau cev hlo pw xyaab leeg.
Tsi muaj leeg twg muaj cuabkaav moog tsaa nwg. #Teev 24:9; Tshwm 5:5
10Yudas yuav tuav rawv vaajntxwv tug cwj,
Hab nwg caajceg yuav yog cov tswj teb kaav chaw moog txug nub kws Silaus#49:10: Silaus yog has txug… lug.
Ntau tsaav tuabneeg yuav nqaa khoom tuaj rua nwg#49:10: Nqai nuav sau has tas Ntau tsaav tuabneeg … rua nwg; paub tsi meej tas lulug Henplais yog txhais lecaag tag txug qhov nuav.
Hab txhuscaug noog nwg lug.
11Nwg muab nwg tug mivnyuas neegluav khi kag rua ntawm tsob txivmaab,
Kws yog tsob kws zoo tshaajplawg le.
Nwg muab tej kua txivmaab kws lab cuag ntshaav lug ntxhua nwg tej khaubdluag.
12Nwg ob lub qhovmuag yuav tsaus tshaaj kua cawv txivmaab,
Hab nwg tej nav yuav dlawb tshaaj kua mig.#49:12: Nwg ob lub qhovmuag … kua mig; lossis Nwg ob lub qhovmuag nce ntshaav labploog vim haus cawv txivmaab, hab nwg tej nav dlawbpaug vim haus kua mig.
13“Xenpuloos yuav nyob ntawm ntug havtxwv.
Nwg saab ntug dlej yuav ua qhov chaw nreg nkoj.
Nwg nrim dlej nrim aav yuav dlaav moog ti nkaus lub nroog Xidoos.
14“Ixakhas yog tug neegluav muajzug heev,
Kws qhau cev nyob nruabnraab ob lub nraa.
15Tabsis nwg pum lub chaw su zoonkauj kawg nkaus
Hab lub tebchaws xis nyob heev.
Yogle ntawd, nwg txhaj cug nrauqaum thauj nraa
Hab txaussab hlo ua num nyaav ib yaam le tug qhev.
16“Daas yuav tau ua tug kaav nwg cov pejxeem.
Puab yuav zoo ib yaam le lwm xeem Yixalayees hab.
17Daas yuav ua ib tug naab kws nyob ntawm ntug kev,
Yog tug naab muaj taug kws nyob ntawm ntug kev,
Kws tum neeg lub laujtaws,
Kuas tug tuabneeg kws caij neeg ntawd poob ntxeevlaj rov tomqaab.
18“Tug TSWV, kuv najnub tog Koj txuj kev cawmdlim.
19“Nkaj yuav raug tawmtsaam lug ntawm tej tubsaab,
Tabsis nwg yuav tig caum puab thaus puab tsiv.
20“Asaws tej teb yuav zoo qoobloo heev,
Nwg yuav npaaj tej zaub-mov kws zoo heev rua vaajntxwv.
21“Nathalis yog tug maum muaslwj kws raag see ywjsab,
Nwg yug tau tej tug mivnyuas muaslwj kws ntxim hlub heev.#49:21: Nathalis … ntxim hlub heev; lossis Nathalis yog tsob ntoo ceg nthuav dlauv nab zoonkauj kawg le.
22“Yauxej zoole ib tsob maab kws nyob rua ntawm ntug dlej,
Txitxiv ncw, tej ceg nthuav dlhau tej ntsaa laajkaab rua saabnrau.#49:22: Yauxej … saabnrau; lossis Yauxej zoole ib tug neegluav qus kws nyob ntawm ntug dlej, Ib tug mivnyuas neegluav kws nyob tom ib lub laaj roob.
23Nwg cov yeebncuab tawmtsaam nwg nyaav heev
Puab nqaa tej neevnti hab xubvug caum nwg.
24Tabsis nwg tuav rawv raab neevnti khovkho,
Hab nwg ob txhais npaab muajzug heev#49:24: Tabsis … muajzug heev; lossis Tabsis puab tej neevnti tub luv hab ntshi taag, puab tej nqaj ncejnpaab tub ndluag taag.
Lug ntawm Yakhauj tug Vaajtswv lub fwjchim kws Luj Kawg Nkaus,
Lug ntawm tug Tswv Yug Yaaj, tug kws Tsomkwm cov Yixalayees.
25Tub yog koj txiv tug Vaajtswv ua tug paab koj ntaag,
Vaajtswv tug kws muaj Fwjchim Luj Kawg Nkaus, Nwg foom koobmoov rua koj,
Tso koobmoov kws yog naag lug sau ntuj lug,
Hab muaj dlej puv huv nruab tivtxwv tuaj,
Pub koobmoov kuas koj muaj tsajtxhu coob hab muaj tub muaj ki coob.
26Koj txiv tej koobmoov muajnqes tshaaj tej hauv roob
Kws ibtxwm nyob thaus u lug lawm.
Zoo dlua tej kev zoonkauj sau tej hauv roob kws ibtxwm nyob thaus u lug.
Thov kuas tej koobmoov nuav nyob rua sau Yauxej taubhau,
Nyob rua sau lub hauvplaj ntawm tug kws raug xaiv tawm ntawm nwg cov tijlaug.
27“Npeeyamees zoole ib tug maa kws nrujtsiv heev.
Nwg tum tau tsaj lug noj ua tshais ua mo.”
28Nuav yog kaum-ob xeem ntawm tsaav tuabneeg Yixalayees; hab nuav yog tej lug kws puab txiv has rua puab thaus nwg foom koobmoov rua puab, nwg foom koobmoov kuas tsimnyog rua nwg txhua tug tub.
Yakhauj Tuag Hab Coj Nwg Moog Log
29Tomqaab ntawd Yakhauj has rua nwg cov tub has tas, “Ze qhov kws kuv yuav tso mej tseg hab moog nrug kuv cov tuabneeg kws tuag uantej lawm nyob. Mej yuavtsum kwv kuv moog log nrug kuv cov yawmkoob huv lub qhovtsua kws nyob huv Efaloos kws yog tug tuabneeg Hitis thaaj teb 30kws nyob huv Makhepelas kws yog nyob rua ntawm Maales saab nubtuaj huv tebchaws Kana-aas. Anplahaas tub yuav lub qhovtsua hab thaaj teb nuav ntawm Efaloos lug ua chaw log tuag lawm. #Chiv 23:3-20 31Qhov chaw nuav yog qhov kws puab log Anplahaas hab nwg tug quaspuj kws yog Xalas; Qhov chaw nuav yog qhov chaw kws puab log Ixaj hab nwg tug quaspuj kws yog Lenpekas, hab yog qhov chaw kws kuv log Le-as. #Chiv 25:9-10; Chiv 35:29 32Thaaj teb hab lub qhovtsua nuav yog yuav ntawm cov tuabneeg Hitis lug. Mej coj kuv moog log rua ntawd.”
33Thaus Yakhauj pav qha txhua yaam rua nwg cov tub taag lawm, nwg txawm rov qhau cev pw hab tusav nrho lawm. #Tegnum 7:15
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.