Tsiv Dlim 6
6
1Tug TSWV txhaj has rua Mauxes has tas, “Zagnua koj yuav pum tej kws Kuv yuav ua rua Falaus. Lug ntawm Kuv txhais teg kws muaj fwjchim, nwg yeej yuav tso Kuv tsaav tuabneeg moog xwb. Tseeb tag, lug ntawm Kuv txhais teg kws muaj fwjchim, nwg yeej yuav ntab puab tawm huv nwg lub tebchaws moog.”
Vaajtswv Hu Mauxes
2Vaajtswv nrug Mauxes thaam hab has tas, “Kuv yog tug TSWV. 3Kuv yog Vaajtswv tug kws muaj Fwjchim Luj Kawg Nkaus, kws tau tshwm lug rua Anplahaas, Ixaj, hab Yakhauj puab pum lawm, tabsis Kuv tsi tau qha Kuv tugkheej rua puab paub lug ntawm Kuv lub npe dlawbhuv, kws yog tug TSWV.#6:3: tug TSWV: Saib 3:14. #Chiv 17:1; 28:3; 35:11; Tsiv 3:13-15 4Kuv tau coglug rua puab lawm has tas Kuv yuav muab lub tebchaws Kana-aas pub rua puab, yog lub tebchaws kws thaus u puab lug nyob zoole tuabneeg txawv tebchaws. 5Nwgnuav Kuv nov lub suab quajntsuag ntawm cov Yixalayees kws raug cov Iziv muab yuam ua qhev lawm, hab Kuv tau ncu txug tej lug kws Kuv tau cogtseg lawm.
6“Yogle ntawd, koj moog has rua cov Yixalayees has tas Kuv has rua puab has tas, ‘Kuv yog tug TSWV, Kuv yuav cawm mej hab tso kuas mej dlim ntawm txuj kev kws ua cov tuabneeg Iziv qhev. Kuv yuav tsaa Kuv txhais npaab kws muaj zugluj zugnchaav, coj kev rautxim nyaav heev lug rua puab, hab Kuv yuav cawm kuas mej dlim. 7Kuv yuav coj mej lug ua Kuv tsaav tuabneeg, es Kuv yuav yog mej tug Vaajtswv. Thaus Kuv tso mej dlim kev ua cevqhev huv tebchaws Iziv lug, mej yuav paub tas Kuv yog tug TSWV kws yog mej tug Vaajtswv. 8Kuv yuav coj mej moog nyob huv lub tebchaws kws kuv tau coglug ruaj-khov rua Anplahaas, Ixaj, hab Yakhauj lawm; Kuv yuav muab pub rua mej nyob ua mej tug. Kuv yog tug TSWV.’ ”
9Mauxes coj cov lug nuav moog has rua cov Yixalayees, tabsis puab tsi ntseeg nwg le, ruaqhov puab puagsab puagntsws rua txuj kev ua luas tauj luas qhev hwv lawm.
10Tes tug TSWV has rua Mauxes has tas, 11“Koj moog has rua Falaus kws yog cov Iziv tug vaajntxwv kuas nwg cale tso cov Yixalayees tawm huv nwg lub tebchaws moog.”
12Tabsis Mauxes teb tas, “Cov Yixalayees tub tsi noog kuv tej lug, es Falaus yuav uacaag noog nua? Kuv yog ib tug tuabneeg kws haslug tsi nplag.”
13Tug TSWV has rua Mauxes hab Aloos obtug has tas: “Meb cale qha rua cov Yixalayees hab Falaus kws yog cov Iziv tug vaajntxwv has tas, Kuv yog tug xaaj kuas meb coj cov Yixalayees tawm huv tebchaws Iziv nuav moog.”
Mauxes Hab Aloos Obtug Caajceg Tej Npe
14Yakhauj tug tub hlub Lunpees, muaj plaub tug tub: Hanauj, Palus, Hexeloos, hab Khamis; puab puavleej yog cov yawmkoob kws ris puab caajceg npe. 15Xime-oos muaj rau tug tub: Yemuyees, Yamees, Auhas, Yakhees, Zauhas, hab Sa-us; puab yog tug quaspuj Kana-aas cov tub; puab puavleej yog cov yawmkoob kws ris puab caajceg npe. 16Levis muaj peb tug tub: Nkawsoos, Kauhas, hab Melalis; puab puavleej yog cov yawmkoob kws ris puab caajceg npe. Levis ua neej nyob tau 137 xyoo. #Teev 3:17-20; 26:57-58; 1Xwm 6:16-19 17Nkawsoos muaj ob tug tub: Linpenis, hab Sime-is; obtug muaj xeebntxwv coob heev. 18Kauhas muaj plaub tug tub: Aaslaas, Ixahas, Henploos, hab Uxiyees. Kauhas ua neej nyob tau 133 xyoos. 19Melalis muaj ob leeg tub: Mahelis hab Musis. Cov nuav puavleej yog suav xeem Levis nrug puab tej caajceg huv tuabsi.
20Aaslaas yuav nwg txiv tug muam Yaukhenpes lug ua quaspuj, Yaukhenpes txhaj yug tau Aloos hab Mauxes obtug. Aaslaas ua neej nyob tau 137 xyoo. 21Ixahas muaj peb tug tub: Kaulas, Nefej, hab Xikhelis. 22Uxiyees muaj peb tug tub: Misayees, Exafas, hab Sithalis.
23Aloos yuav Elisenpas kws yog Aminadas tug ntxhais hab yog Nasoos tug muam ua quaspuj; nwg yug tau Nadas, Anpihus, Ele-axas, hab Ithamas rua Aloos. 24Kaulas muaj peb tug tub: Axaws, Ekhanas, hab Anpe-asas; puab puavleej yog Kaulas caajceg kws faib ua tej cuab lawm cov yawmkoob. 25Aloos tug tub Ele-axas, yuav Putiyees ib tug ntxhais ua quaspuj; hab nwg yug tau Finehas rua Ele-axas. Cov nuav yog cov thawjcoj ntawm nwg caajceg hab yog tej cuab kwvtij ntawm xeem Levis.
26Aloos hab Mauxes yog ob tug kws Vaajtswv has tas, “Coj cov Yixalayees tawm huv tebchaws Iziv moog.” 27Obtug yog ob tug kws moog has rua Falaus kws yog cov Iziv tug vaajntxwv kuas tso cov Yixalayees tawm huv tebchaws Iziv moog.
Tug TSWV Tej Lug Xaaj Rua Mauxes Hab Aloos
28Thaus tug TSWV lug has rua Mauxes huv tebchaws Iziv, 29Nwg has le nuav: “Kuv yog tug TSWV. Cale qha txhua yaam kws Kuv qha koj lawm rua cov Iziv tug vaajntxwv.”
30Tabsis Mauxes teb tas, “Koj yeej paub kuv yog ib tug tuabneeg kws haslug tsi nplag; yuav ua lecaag Falaus txhaj noog kuv has?”
Currently Selected:
Tsiv Dlim 6: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 6
6
1Tug TSWV txhaj has rua Mauxes has tas, “Zagnua koj yuav pum tej kws Kuv yuav ua rua Falaus. Lug ntawm Kuv txhais teg kws muaj fwjchim, nwg yeej yuav tso Kuv tsaav tuabneeg moog xwb. Tseeb tag, lug ntawm Kuv txhais teg kws muaj fwjchim, nwg yeej yuav ntab puab tawm huv nwg lub tebchaws moog.”
Vaajtswv Hu Mauxes
2Vaajtswv nrug Mauxes thaam hab has tas, “Kuv yog tug TSWV. 3Kuv yog Vaajtswv tug kws muaj Fwjchim Luj Kawg Nkaus, kws tau tshwm lug rua Anplahaas, Ixaj, hab Yakhauj puab pum lawm, tabsis Kuv tsi tau qha Kuv tugkheej rua puab paub lug ntawm Kuv lub npe dlawbhuv, kws yog tug TSWV.#6:3: tug TSWV: Saib 3:14. #Chiv 17:1; 28:3; 35:11; Tsiv 3:13-15 4Kuv tau coglug rua puab lawm has tas Kuv yuav muab lub tebchaws Kana-aas pub rua puab, yog lub tebchaws kws thaus u puab lug nyob zoole tuabneeg txawv tebchaws. 5Nwgnuav Kuv nov lub suab quajntsuag ntawm cov Yixalayees kws raug cov Iziv muab yuam ua qhev lawm, hab Kuv tau ncu txug tej lug kws Kuv tau cogtseg lawm.
6“Yogle ntawd, koj moog has rua cov Yixalayees has tas Kuv has rua puab has tas, ‘Kuv yog tug TSWV, Kuv yuav cawm mej hab tso kuas mej dlim ntawm txuj kev kws ua cov tuabneeg Iziv qhev. Kuv yuav tsaa Kuv txhais npaab kws muaj zugluj zugnchaav, coj kev rautxim nyaav heev lug rua puab, hab Kuv yuav cawm kuas mej dlim. 7Kuv yuav coj mej lug ua Kuv tsaav tuabneeg, es Kuv yuav yog mej tug Vaajtswv. Thaus Kuv tso mej dlim kev ua cevqhev huv tebchaws Iziv lug, mej yuav paub tas Kuv yog tug TSWV kws yog mej tug Vaajtswv. 8Kuv yuav coj mej moog nyob huv lub tebchaws kws kuv tau coglug ruaj-khov rua Anplahaas, Ixaj, hab Yakhauj lawm; Kuv yuav muab pub rua mej nyob ua mej tug. Kuv yog tug TSWV.’ ”
9Mauxes coj cov lug nuav moog has rua cov Yixalayees, tabsis puab tsi ntseeg nwg le, ruaqhov puab puagsab puagntsws rua txuj kev ua luas tauj luas qhev hwv lawm.
10Tes tug TSWV has rua Mauxes has tas, 11“Koj moog has rua Falaus kws yog cov Iziv tug vaajntxwv kuas nwg cale tso cov Yixalayees tawm huv nwg lub tebchaws moog.”
12Tabsis Mauxes teb tas, “Cov Yixalayees tub tsi noog kuv tej lug, es Falaus yuav uacaag noog nua? Kuv yog ib tug tuabneeg kws haslug tsi nplag.”
13Tug TSWV has rua Mauxes hab Aloos obtug has tas: “Meb cale qha rua cov Yixalayees hab Falaus kws yog cov Iziv tug vaajntxwv has tas, Kuv yog tug xaaj kuas meb coj cov Yixalayees tawm huv tebchaws Iziv nuav moog.”
Mauxes Hab Aloos Obtug Caajceg Tej Npe
14Yakhauj tug tub hlub Lunpees, muaj plaub tug tub: Hanauj, Palus, Hexeloos, hab Khamis; puab puavleej yog cov yawmkoob kws ris puab caajceg npe. 15Xime-oos muaj rau tug tub: Yemuyees, Yamees, Auhas, Yakhees, Zauhas, hab Sa-us; puab yog tug quaspuj Kana-aas cov tub; puab puavleej yog cov yawmkoob kws ris puab caajceg npe. 16Levis muaj peb tug tub: Nkawsoos, Kauhas, hab Melalis; puab puavleej yog cov yawmkoob kws ris puab caajceg npe. Levis ua neej nyob tau 137 xyoo. #Teev 3:17-20; 26:57-58; 1Xwm 6:16-19 17Nkawsoos muaj ob tug tub: Linpenis, hab Sime-is; obtug muaj xeebntxwv coob heev. 18Kauhas muaj plaub tug tub: Aaslaas, Ixahas, Henploos, hab Uxiyees. Kauhas ua neej nyob tau 133 xyoos. 19Melalis muaj ob leeg tub: Mahelis hab Musis. Cov nuav puavleej yog suav xeem Levis nrug puab tej caajceg huv tuabsi.
20Aaslaas yuav nwg txiv tug muam Yaukhenpes lug ua quaspuj, Yaukhenpes txhaj yug tau Aloos hab Mauxes obtug. Aaslaas ua neej nyob tau 137 xyoo. 21Ixahas muaj peb tug tub: Kaulas, Nefej, hab Xikhelis. 22Uxiyees muaj peb tug tub: Misayees, Exafas, hab Sithalis.
23Aloos yuav Elisenpas kws yog Aminadas tug ntxhais hab yog Nasoos tug muam ua quaspuj; nwg yug tau Nadas, Anpihus, Ele-axas, hab Ithamas rua Aloos. 24Kaulas muaj peb tug tub: Axaws, Ekhanas, hab Anpe-asas; puab puavleej yog Kaulas caajceg kws faib ua tej cuab lawm cov yawmkoob. 25Aloos tug tub Ele-axas, yuav Putiyees ib tug ntxhais ua quaspuj; hab nwg yug tau Finehas rua Ele-axas. Cov nuav yog cov thawjcoj ntawm nwg caajceg hab yog tej cuab kwvtij ntawm xeem Levis.
26Aloos hab Mauxes yog ob tug kws Vaajtswv has tas, “Coj cov Yixalayees tawm huv tebchaws Iziv moog.” 27Obtug yog ob tug kws moog has rua Falaus kws yog cov Iziv tug vaajntxwv kuas tso cov Yixalayees tawm huv tebchaws Iziv moog.
Tug TSWV Tej Lug Xaaj Rua Mauxes Hab Aloos
28Thaus tug TSWV lug has rua Mauxes huv tebchaws Iziv, 29Nwg has le nuav: “Kuv yog tug TSWV. Cale qha txhua yaam kws Kuv qha koj lawm rua cov Iziv tug vaajntxwv.”
30Tabsis Mauxes teb tas, “Koj yeej paub kuv yog ib tug tuabneeg kws haslug tsi nplag; yuav ua lecaag Falaus txhaj noog kuv has?”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.