Tsiv Dlim 5
5
Mauxes Hab Aloos Moog Cuag Falaus
1Tes Mauxes hab Aloos txhaj moog cuag Falaus hab has tas, “Tug TSWV kws yog cov Yixalayees tug Vaajtswv has tas, ‘Koj cale tso Kuv tsaav tuabneeg moog, sub puab txhaj moog ua tau ib rooj mov noj tom taj suabpuam ua Kuv tsaug.’ ”
2Tabsis Falaus nug has tas, “Tug TSWV yog leejtwg, es kuv txhaj yuav noog Nwg lug hab tso cov Yixalayees moog? Kuv tsi paub tug TSWV, kuv yuav tsi kaam tso cov Yixalayees moog.”
3Mauxes hab Aloos obtug teb tas, “Cov Henplais tug Vaajtswv tau lug qha Nwg tugkheej rua peb pum lawm. Thov koj tso peb moog peb nub ke rua tom taj suabpuam, kws yog moog tua tsaj fij rua tug TSWV, kws yog peb tug Vaajtswv. Yog peb tsi ua le ntawd, Nwg yuav tua peb lug ntawm tej kaab mob phem lossis lug ntawm tej nav ntaaj nav rag.”
4Falaus has rua Mauxes hab Aloos tas, “Yog lecaag meb pheej ua kuas cov tuabneeg nuav tso puab tegnum tseg? Cale coj cov qhev nuav rov moog ua num! 5Meb saib maj, mej cov tuabneeg kws nyob huv lub tebchaws nuav fuamvaam coob tshaaj cov tuabneeg Iziv lawm, nwgnuav meb txawm yuav kuas puab tso num tseg nua lov!”
6Tuabnub ntawd Falaus has rua cov Iziv kws ua thawj saib cov qhev hab has rua cov Yixalayees kws saib dlejnum le nuav: 7“Txij nubnua moog mej tsi xob muab quavnyaab rua cov tuabneeg nuav xyaw aav puab thwvcib le qub lawm. Ca puab maam moog nrhav puab xwb. 8Tabsis tseev kuas puab puab tau thwvcib ntau ib yaam le qub, tsi pub kuas tsawg dlhau qhov qub le. Vim puab tubnkeeg, puab txhaj tuaj thov kuas kuv tso puab, sub puab txhaj tau coj tsaj moog tua fij rua puab tug Vaajtswv! 9Mej muab num rua puab ua kuas nyaav dlua qhov qub, kuas puab khwv heev tsi tau su le, sub puab txhaj tsi khoom moog noog luas tej lug dlaag-ntxag.”
10Cov Iziv kws saib cov qhev hab cov Yixalayees kws saib dlejnum txhaj moog has rua cov Yixalayees has tas, “Falaus has le nuav has tas, nwg yuav tsi muab quavnyaab rua mej lawm. 11Mej yuavtsum moog nrhav mej quavnyaab; mej yuav moog nrhav qhovtwg los tau, tabsis yuavtsum puab kuas tau thwvcib ntau npaum le qub.” 12Yogle ntawd, cov Yixalayees txhaj moog nrhav quavnyaab thoobplawg huv tebchaws Iziv. 13Cov thawj kws saib cov qhev ntawd, yuam kuas txhua nub puab yuavtsum puab kuas tau thwvcib ntau ib yaam le thaus kws tseem muab quavnyaab rua puab. 14Cov Iziv kws ua thawj saib cov qhev, ntaus cov Yixalayees kws puab muab tsaa ua cov thawj saib num. Puab nug has tas, “Vim lecaag mej cov tuabneeg puab tsi tau thwvcib ntau npaum le yaav taag lug lawm?”
15Cov Yixalayees kws saib dlejnum txhaj moog cuag Falaus hab ywg has tas, “Vim lecaag koj ua le nuav rua peb? 16Koj tub tsi muab quavnyaab rua peb, tabsis koj tseem xaaj kuas puab yuam peb puab thwvcib taag zug le! Nwgnuav peb tseem maag ntaus hab. Qhov tseeb tag tes koj cov tuabneeg yog cov kws ua tsi yog lawm!”
17Falaus teb tas, “Mej tubnkeeg hab tsi xaav ua num xwb; vimle ntawd mej txhaj tuaj thov kuv kuas kuv pub mej coj tsaj moog tua fij rua tug TSWV. 18Mej cale rovqaab moog ua num taamsim nuav! Kuv yuav tsi muab quavnyaab rua mej lawm, tabsis mej yuavtsum puab kuas tau thwvcib ntau ib yaam le qub.” 19Cov Yixalayees kws saib dlejnum pum tas puab yeej yuav raug teebmeem xwb, ruaqhov Falaus has kuas txhua nub puab yuavtsum puab thwvcib kuas tau ntau ib yaam le qub.
20Thaus puab rovqaab lug, puab ntsib Mauxes hab Aloos obtug taabtom tog puab. 21Puab has rua obtug tas, “Tug TSWV yeej pum tej kws meb tau ua lug lawm, thov kuas Nwg rautxim rua meb, ruaqhov meb ua rua Falaus hab nwg cov numtswv ntxub peb heev. Meb ua le ntawd tes zoo ib yaam le yog meb muab ntaaj cob rua puab txhais teg tua peb povtseg ntaag.”
Mauxes Ywg Rua Tug TSWV
22Mauxes moog thov tug TSWV dlua ib zag ntxiv has tas, “Tug TSWV, vim lecaag Koj tsi hlub Koj tsaav tuabneeg? Vim lecaag Koj txhaj khaiv kuv tuaj? 23Txij nub kws kuv sawv Koj cev moog has rua Falaus, nwg tseem hajyam tsimtxom puab heev xwb, Koj tub tsi ua ib yaam dlaabtsi paab puab le!”
Currently Selected:
Tsiv Dlim 5: HNJ2022
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.
Tsiv Dlim 5
5
Mauxes Hab Aloos Moog Cuag Falaus
1Tes Mauxes hab Aloos txhaj moog cuag Falaus hab has tas, “Tug TSWV kws yog cov Yixalayees tug Vaajtswv has tas, ‘Koj cale tso Kuv tsaav tuabneeg moog, sub puab txhaj moog ua tau ib rooj mov noj tom taj suabpuam ua Kuv tsaug.’ ”
2Tabsis Falaus nug has tas, “Tug TSWV yog leejtwg, es kuv txhaj yuav noog Nwg lug hab tso cov Yixalayees moog? Kuv tsi paub tug TSWV, kuv yuav tsi kaam tso cov Yixalayees moog.”
3Mauxes hab Aloos obtug teb tas, “Cov Henplais tug Vaajtswv tau lug qha Nwg tugkheej rua peb pum lawm. Thov koj tso peb moog peb nub ke rua tom taj suabpuam, kws yog moog tua tsaj fij rua tug TSWV, kws yog peb tug Vaajtswv. Yog peb tsi ua le ntawd, Nwg yuav tua peb lug ntawm tej kaab mob phem lossis lug ntawm tej nav ntaaj nav rag.”
4Falaus has rua Mauxes hab Aloos tas, “Yog lecaag meb pheej ua kuas cov tuabneeg nuav tso puab tegnum tseg? Cale coj cov qhev nuav rov moog ua num! 5Meb saib maj, mej cov tuabneeg kws nyob huv lub tebchaws nuav fuamvaam coob tshaaj cov tuabneeg Iziv lawm, nwgnuav meb txawm yuav kuas puab tso num tseg nua lov!”
6Tuabnub ntawd Falaus has rua cov Iziv kws ua thawj saib cov qhev hab has rua cov Yixalayees kws saib dlejnum le nuav: 7“Txij nubnua moog mej tsi xob muab quavnyaab rua cov tuabneeg nuav xyaw aav puab thwvcib le qub lawm. Ca puab maam moog nrhav puab xwb. 8Tabsis tseev kuas puab puab tau thwvcib ntau ib yaam le qub, tsi pub kuas tsawg dlhau qhov qub le. Vim puab tubnkeeg, puab txhaj tuaj thov kuas kuv tso puab, sub puab txhaj tau coj tsaj moog tua fij rua puab tug Vaajtswv! 9Mej muab num rua puab ua kuas nyaav dlua qhov qub, kuas puab khwv heev tsi tau su le, sub puab txhaj tsi khoom moog noog luas tej lug dlaag-ntxag.”
10Cov Iziv kws saib cov qhev hab cov Yixalayees kws saib dlejnum txhaj moog has rua cov Yixalayees has tas, “Falaus has le nuav has tas, nwg yuav tsi muab quavnyaab rua mej lawm. 11Mej yuavtsum moog nrhav mej quavnyaab; mej yuav moog nrhav qhovtwg los tau, tabsis yuavtsum puab kuas tau thwvcib ntau npaum le qub.” 12Yogle ntawd, cov Yixalayees txhaj moog nrhav quavnyaab thoobplawg huv tebchaws Iziv. 13Cov thawj kws saib cov qhev ntawd, yuam kuas txhua nub puab yuavtsum puab kuas tau thwvcib ntau ib yaam le thaus kws tseem muab quavnyaab rua puab. 14Cov Iziv kws ua thawj saib cov qhev, ntaus cov Yixalayees kws puab muab tsaa ua cov thawj saib num. Puab nug has tas, “Vim lecaag mej cov tuabneeg puab tsi tau thwvcib ntau npaum le yaav taag lug lawm?”
15Cov Yixalayees kws saib dlejnum txhaj moog cuag Falaus hab ywg has tas, “Vim lecaag koj ua le nuav rua peb? 16Koj tub tsi muab quavnyaab rua peb, tabsis koj tseem xaaj kuas puab yuam peb puab thwvcib taag zug le! Nwgnuav peb tseem maag ntaus hab. Qhov tseeb tag tes koj cov tuabneeg yog cov kws ua tsi yog lawm!”
17Falaus teb tas, “Mej tubnkeeg hab tsi xaav ua num xwb; vimle ntawd mej txhaj tuaj thov kuv kuas kuv pub mej coj tsaj moog tua fij rua tug TSWV. 18Mej cale rovqaab moog ua num taamsim nuav! Kuv yuav tsi muab quavnyaab rua mej lawm, tabsis mej yuavtsum puab kuas tau thwvcib ntau ib yaam le qub.” 19Cov Yixalayees kws saib dlejnum pum tas puab yeej yuav raug teebmeem xwb, ruaqhov Falaus has kuas txhua nub puab yuavtsum puab thwvcib kuas tau ntau ib yaam le qub.
20Thaus puab rovqaab lug, puab ntsib Mauxes hab Aloos obtug taabtom tog puab. 21Puab has rua obtug tas, “Tug TSWV yeej pum tej kws meb tau ua lug lawm, thov kuas Nwg rautxim rua meb, ruaqhov meb ua rua Falaus hab nwg cov numtswv ntxub peb heev. Meb ua le ntawd tes zoo ib yaam le yog meb muab ntaaj cob rua puab txhais teg tua peb povtseg ntaag.”
Mauxes Ywg Rua Tug TSWV
22Mauxes moog thov tug TSWV dlua ib zag ntxiv has tas, “Tug TSWV, vim lecaag Koj tsi hlub Koj tsaav tuabneeg? Vim lecaag Koj txhaj khaiv kuv tuaj? 23Txij nub kws kuv sawv Koj cev moog has rua Falaus, nwg tseem hajyam tsimtxom puab heev xwb, Koj tub tsi ua ib yaam dlaabtsi paab puab le!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022 United Bible Societies. All rights reserved.